| | | |
| |||||||
 |
 |  |  |  |
| القصص والروايات المنقولة قصص عربية , قصص أطفال , قصص غراميه , قصه قصيره , قصه طويله , روايات , قصص الانبياء , قصص واقعية , قصص من نسج الخيال , قصص موروثة , حكايات عربيه , قصص طريفه , قصص السيرة , قصص الأغبياء , والكثير |
 |
| | LinkBack | أدوات الموضوع | انواع عرض الموضوع |
24-06-2007, 11:30 PM
| #1 (permalink) |
| [قلب جديد] تاريخ التسجيل: Jun 2007 السن: 21 الجنس: ذكر عدد النقاط: 50
المشاركات: 1
 |  دعوة طلاب جنت عليهم (خط أكبر) 3دعوة طلاب:.. كالعادة ... زمن الكبرياء انسان فاضي جدا ويحب يسجل ملاحظاته في دفتره اللي اكل الدهر عليه وشرب ... وزي كل مرة يكذب عليكم فيها ويقولكم انه اختلس بعض الكتابات من دفتره .. وزي ماسويت في رواية زمن الكبرياء .. عارف انكم منتو فاهمين شئ.. بس ترى اللي فاهم فاهم واللي مو فاهم اقوله اليوم عندي قصة حدثت احداثها في سكن جامعة الملك سعود بالرياض .... المهم في يوم من ايام الطفش فكر اخونا THE SMART " بعد كدا راح اطلق عليه سمارت للاختصار" .. المهم الراجل فكر بعد مالاقى الحقيقة المرة امامه .. اللي هي عبارة عن اقصاءه " طرده" من كلية الطب بالجامعة لانه على قولتهم ماجاب معدل 3.75 واللي يأهله البقاء في الكلية .. وهذا الكلام طبعا بعد فوات سنة كاملة في كورس الانجليزي والعلوم ... فحول على كلية العلوم الطبية و فكر وقال "مالك الا هيفاء " قصدي مالك الا وزارة التعليم العالي والملك عبد الله "الله يطول في عمره" فتحلنا باب الابتعاث ويمكن قد ما "يتفل " الحظ في وجههي يمكن ويمكن هه والله العالم انه يبتسم لي في يوم من الايام ... المهم ومالكم في طوالها ... جاء قرار الابتعاث .. وبالجد ضحكت الدنيا في وجهه ...وتحقق احلى حلم عنده في الحياة وقرر الرجال انه يروح لامريكا ومن هنا راح ابدأ قصتي .... يوم السفر :.. طبعا السيد سمارت معروف ومشهور في السكن كونه لاعب مخضرم وفوضوي كبير في السكن .. المهم جاء عدد من طلاب السكن الغلابة وعددهم لا يتجاوز العشرطعش طالب واللي اتزاحموا في سيارتين وزي المفجوعين على المطار ... وكالعادة .. فوضة في المطار .. ولفتوا انتباه المسافرين .. مع اني عارف انهم راحوا عشان يتفرجوا في المطار مو يودعوا سمارت "ايش قصدي؟؟"" "عموما اللي يدري يدري واللي مايدري .. ينام بدري " المهم سافر اخونا ذا سمارت وجلس سنه كاملة في امريكا وبعدها لازم يرجع السعودية عشان يسوي اختبار لغة ..في هذه اللحظة ولأول مرة يشتغل مخ سمارت ويفكر صح .. وقال ماراح اقول لاحد اني نازل على السعودية لانو رحلتي للرياض واخاف السكن كله بالمشرفين والمدراء وحتى عبدالله الاندنوسي اللي في سوق الطلاب يجوا عندي في المطار .. لكن احسن شئ اني اتصل على احمد أكيد فاضي " كلية زراعة ماعندهم شئ" واخليه يستقبلني لوحده ولوحده فقط ... في السكن :.. "بلو ايز" صاحبنا جالس يتمشى مع احمد بين المباني أحمد : يابلو منت ملاحظ انو طلاب السكن كلهم فقرانين ؟؟ ترى المكافأة مانزلت من شهرين .. بلو :.. ايش طرى عليك تشغل مخك ؟؟ تراك ماجبت شي جديد .. اصلا توي قبل لا اشوفك مريت الصراف اشوف المكافأة مافيه الا 5 ريال من المكافأة القديمة .. والود ودي اقدر اطلعها من الصراف .. بيني وبينك مامعايه الا 20 ريال بس ... أحمد : اقول بلا فلسفة .. انا مامعاية الا 10 ريال .. بس ماعليك ماتضيق الا تفرج .. بس تدري خليك معاية .. من زمان مااسوي فوضة في السكن ... بلو :.. يااحمد مو ناقصنا الله يخليك .. بلاش مشاكل ... أحمد :..يوقف فوق كراسي الجمهور في ملعب السكن " اذا فيه كراسي اصلا .. كرسي واحد ومكسور كمان " وبكل مااعطاه ربي من صوت يقول " ياشباااااااااااب اللي كل يوم يتعشى اندومي "دعاية لاندومي" لا يشتري اليوم .. كلكم اليوم على المطعم الايراني ترى المكافأة نزلت.. -علامات استفهام كبيرة جدا فوق رؤوس الطلاب .. ياجماعة تعرفوا في الكابتن ماجد كيف لما يصير شي في الملعب وتبقى الكورة تتدحرج لوحدها في الملعب ومااحد يمسكها .. ياجماعة وخالقكم صارت هذاك اليوم .. هذا غير الجماهير اللي قالو هااااااا وعلقت فميهم " فميهم يعني فمهم " .. وكأنه اتسجل هدف .. انواع الصريخ والتصفير والتهنئة في الملعب .. واللي يقول لخوية اطلب من المطعم الفلاني .. واللي يقول ابغى اسدد الجوال .. واللي يقول الله يبشرك بالخير يااحمد .. بلو :.. ليش يااحمد ؟؟ كدا تكذب على العالم ؟؟ بس تدري .. احسن خليهم يروحوا الصرافات ويتفاجأوا انو مافيه مكافآت ويتسجل المقلب باسمنا .. مو معقوله نتخرج بدون بصمات وقصص مقالب في السكن .. أحمد .. كيف بس ؟؟ ماسويت مقلب جامد ؟؟ بلو :.. اقول انت ووجهك الطفشان هذا .. يالا قدامي على غرفتك ..عشان لا تنتهي حياتك بقضية قتل في السكن الجامعي .. ترى الكل راح يحقد عليك ..واذا مااحد قتلك اكيد راح يدعي عليك .. ومن بكرا استقبل دعوات الناس لك بالدمار ياابله ... فجأة جوال أحمد يرن :.. سمارت :.. الووووو كيفك يااحمد ؟؟ احمد:.. والله تماموووووو ... سمارت المهم :.. انا دحين في شيكاغو وبعد ساعة رحلتي على فرنسا .. وبعدها على الرياض يعني بكرا على الساعة 6 ونص المغرب خليني اشوفك في المطار .... بس لا تقول لاحد ابغاك تجي لوحدك بس .. احمد:.. لا يشيخ ؟؟ تعرف انت مطار الرياض بعيد .. وراح اجيب واحد بس خوي طريق ... سمارت :.. اوكي مافي مشكلة ...يالا مع السلامة ... أحمد :.. مالها الا " زمن الكبرياء" أكيد الاقي الحل عنده ,,, وفي غرفة زمن... احمد:.. والله يازمن بكرا لازم اجيب سمارت من المطار وما معاية فلوس .. وجايين من اجازة رمضان وبعد كم يوم اجازة الحج .. يعني حتى لو اتصلت على الوالد مو حلوة .. توي اخذ فلوس من عنده قبل لا اطلع على الرياض .. زمن:.. ياحسافة مامعاية الا 20 ريال .. وطلبت من اهلي ولسى المدد ماوصل ...وبعدين سمارت مالقي يجي الا في هذا اليوم المشؤوم مافيه فلوس ؟؟ بس خلاص امرنا لله .. انا سمعت انه بكرا راح تنزل المكافأة .. أحمد :.. باستهزاء .. انا سمعت انو نزلت المكافأة .. عموما .. موعدنا بكرا وخير ... في اليوم التالي :.. أحمد :.. يالا يازمن خلينا نروح المطار ... زمن :.. ماتحس انو بدري؟؟ تبغانا نجلس ساعتين في المطار وياخذ مننا 4 ريال للمواقف؟؟ أحمد :.. يضحك .. اقول ترى بانزين مافيه في السيارة .. يعني مخلصة مخلصة الفلوس اليوم ... زمن :.. الله يستر .. يالا على المحطة ... أحمد :.. يالا دحين وبانزين وعبينا .. مالنا الا المطار.. مانبغى ندور بالسيارة علشان مايخلص البانزين ..هو كله حبتين ... ............ في الطريق أحمد :.. افففففف ايش فيها السيارة ؟؟ شوف درجة الحرارة كيف مرتفعه؟؟ وي وي وي زمن:.. ياساتر يارب .. ايش ماجا ترتفع الحرارة الا اليوم ؟؟ أحمد : أذكر في الشنطة موجود موية .. خلاص مشكلة وانحلت ... زمن وهو يصب الموية :.. الله يستر من ورى دعوات الناس .... أحمد :.. لا خلاص هذي اخرها انشاء الله .... وفي الطريق .... زمن ... هييييييييييييييييي على وين على وين ؟؟ احمد .. ايش بلاك؟؟ زمن :.. يواد بلا بهلله ؟؟ هنا الرحلات الداخلية ... ايش انت ناسي اننا نبغى نجيب واحد جاي من برى ؟؟ أحمد :.. الله يستر ... زمن ضاحكا :.. الله يستر ... وفي المطار ... أحمد :.. خلينا نسأل الموظف نشوف متى الرحلة توصل ... زمن :..ليش تسأله اذا المطار كله شاشات مواعيد وصول؟؟ أحمد :.. سكت ... زمن :.. ايوا ... كلية زراعة الله يكرمك ...اما احنا احم احم هندسة وميكانيكية كمان ... أحمد :.. اوهووووووووووووووو جينا دحين ؟؟ لو مو الزراعة يمديك آكل حشرات ... زمن :.. اقول خلصنا بس ... شوف هنا مكتوب رحلة فرنسا توصل بعد 50 دقيقة ... طيب ايش نسوي دحين ؟ أحمد:.. بسيطة ... خلينا نروح نلفلف ... زمن :.. اللفلفة في المطار كمان ؟؟ أحمد :.. شوف يازمن ...صراف أمريكي ... يمكن نزلت المكافأة خلينا نشيك ... زمن:.. لك نص المكافأة اذا نزلت ... أحمد :.. والله انا حضي سئ انت شوفها .. زمن :.. كالعادة لا شئ ... أحمد :.. شوف يازمن ... والله انا جيعااااااان ايش رايك نخش نتغدى في مطعم كودو؟؟ زمن :.. اوهووووووو مشكلة انت يااحمد اذا فكرت .. اصلا دحين مو قت عشاء .. هذا اولا وثانيا .. انت تبغى تخلص الفلوس اللي معاك؟؟ طيب لما يوصل سمارت .. ايش راح نتعشى ؟؟ نقوله شبعانين والا مامعانا ؟؟ أحمد :.. طيب خلينا نروح صالة المغادرة الدولية .. يمكن تنفتح نفسنا شوي .. زمن :.. والله جبتها ... خلينا نسوي اننا رايحين امريكا .. ونعيش الدور... أحمد:.. تصدق مااتوقعت الصالة الخارجية هي نفسها الداخلية بس متغير لونها ..؟؟ زمن :.. اففففففففففففففففف ... انت يااحمد ماوراك الا المصايب ... أحمد: ايش فيك ؟؟ زمن:.. التفت وراااك ... أحمد :.. سرينا للصالة الداخلية ارحم على الاقل نلقى عيال جلدتنا ... " اكيد اللي جالس يقرا يبغى يعرف ايش الهرجة .. صح ؟؟ الهرجة ياحلوين انو الرحلات الدولية اخر رحلتين هذاك اليوم ووكلها حقت هنود وبنغاله .. واللي كان ورى احمد .. من هدولاك الهنود الهندوسيين اللي مايتشافوا الا في المسلسلات الهندية "... في الصالة الداخلية :.. زمن :.. امشي يااحمد طلعنا بلا هم .. كالعادة زحمة ونص العالم مااتأكدت حجوزاتهم ... يالا مشينا بلا هم ... وفي طريق الخروج ...زمن :... شوف يااحمد .. بلا هبالة ... اللي قريناها اول هذيك الرحلات المغادرة .. رحلة فرنسا جات ولها 10 دقايق ... أحمد :.. شايف البلاهة حقتك وين وصلتنا ؟؟ زمن :.. اقول امشي بسرعة ولا يكثر ... ونستنى ونستنى ونستنى ... ومافيه الا ناس كالعادة .. مجنتلين واصلين من برى السعودية .. زمن:.. اذا سمحت ياخوي .. ابغى استفسر عن رحلة جاية من فرنسا وصلت قبل ربع ساعة وماشفنا احد جا .. الرجل :.. لا ياحلو .. هذي البوابة خاصة بطيارات الخطوط السعودية فقط .. روح الجهة الثانية للرحلات الاجنبية .. أحمد :.. في الطريق ... والله صح يواد .. شوف هنا جون ووليام وجوليا والعيال ... كلهم اجانب هنا ...هنا الوحد يحس انه في صالة خارجية ... زمن :.. استعد لتسديد الانوف واحتمال انواع الروائح ...لانو كالعادة اغلب المسافرين هنود ... ادري انو الهنود سببولكم ازعاج بس مشكلتهم والله ... فجأة.... أحمد :.... واااااااااااااااااااااااااااااااااااااااو جا سمااااااااارت ...ويسلم على سمارت وانواع الازعاج ... سمارت:..من جا معاك ؟؟ أحمد :.. افففف زمن جا بس وينه ؟؟ ماادري وين راح .. توه كان هنا ... وفجأة :.. كالعادة زمن منحني ورى عمود خراساني وجالس يكلم (أمه) ,,, انتبه زمن ... ويجيك يجري ومن ورى سمارت واااااااااااااااااااو الف حمد لله على سلااااامتك وانواع السلام والضحك والضرب ..كلها مع بعض ...يواد صرت دبة .. ههههههههههههههههههههه زمن يدف العربية .. واخيرا وصلو للمواقف ... وانواع البروووووووووز ... سوالك سمارت انه جاي من الخارج وعاش الدور .. وركب راسه الا يرجع العربية مكانها ... أحمد :.. اقول سمارت روقنا وسيب العربية جنب السيارة وبلاش فلسفة ... ركبوا السيارة .. وعند المحاسبة .. الهندي .. 4 ريال صديق ... أحمد :.. وين 4 تونا ماجات لنا ساعة ... خذ ويعطيه 10 الهندي :.. صديق مافي ريال... أحمد : زمن معاك ريال ؟؟ سمارت :.. سوالك بروووووووووووووز انا معايه دولار خليني اعطياه وبكدا اوفر لنا بربع ريال ... زمن وأحمد .. ابتسما ابتسامه خبيثة وكل واحد قال في نفسه ... كثر خيرك كأنك داري ... وفي دوار الجامعة ...زمن :.. سمارت انا قلت لك جيب لي حلاوة عود من امريكا جبتها والا لا؟؟ سمارت :.. والله ماجبت بس ماعليك جبت معايه لبان ... خذلك حبة ... أحمد :.. والله لبانتهم طعمه اممممممممممممم "" اشتغلت الهرافة "" زمن رمى علبة الحمضيات من السيارة ... سمارت :... لااااااااااااااااااااااااااااااا أحمد :.. حيييييييييييييييييييييط وقف السيارة .. خير ؟؟ سمارت .. زمن رمى العلبة ... أحمد:.. لا يشيييييييخ بسك من البروز يواد .. تراك في السعودية .. بلا "فشر"... ** بعد ماوصلنا السكن ... أحمد :.. انا من رأيي خلي اغراضك في السيارة لانك بكرا الصباح مسافر .. المهم ...صارت فوضة استقبال واتجمع نحو عدد لا يعرف من الطلاب في غرفة بلو ... المهم ... حان الان موعد العشاء ... والحاله <<< مييييييييييح ...وسمارت صار يضرب مقصات من يومين مانام ... نط أحمد:.. اللي يبغى يتعشى يرفع يده ياشباب ...قطتكم الله لا يهينكم ... الله يخلي مطعم ""صدف"" مع انه الاكل حقه مش ولا بد بس "لزوم الحاجة"... بعد منتصف الليل ... مابقي الا بلو وزمن واحمد وسمارت في غرفة ابو حميد ... وانواع التعب والهلاك بعد يوم طويل ماكان راح ينتهي .... سمارت:.. قميصي اتوسخ .. وبكرا رحلتي ومايصير اروح المطار كدا .. وملابسي كلها وسخة ... لازم اودي هذا القميص للمغسلة واخذه الصباح ... أحمد :.. هات القميص دحين اوديه ... زمن :.. ياسمارت دحين احنا نسيبك تنام وترتاح شوف شكلك كيف صار ... بلو:.. ايوا صح زمن صادق ياسمارت ... سمارت:.. والله نوم مااعتقد انه راح يجيني لما اسافر لأهلي ...وبكرا الصباح عندي شغله في وزارة التعليم العالي ابغى اسويها قبل لا اسافر من الرياض و المشكله اني دحين جيعاااااااااااااااان طرااااااااااااااااخ نزلت الكلمة على راس احمد ... أحمد:.. زمن انت عندك اندومي صح ؟؟ زمن:.. والله ياريت ... بس اخر واحدة اليوم اتغديت فيها ... سمارت :.. طيب خلينا نطلع برا ... بلو: اسمع ياسمارت احنا لازم نقول لك الحقيقة ... ويبدأ في سرد قصة الفقر التي اجتاحت السكن الجامعي منذ اسابيع.... سمارت:.. ايم سوري اباوت ذات ... بت واي يو دونت تيل مي اباوت ثيس ثينغ... يقاطعه زمن :.. يارجال مو بيناتنا ... بس خليه ياذن الفجر ... نصلي وانشاء الله تكون المكافأة نازلة ... سمعنا اشاعة قوية انها راح تنزل مع بداية هذا الاسبوع ... بعد الفجر :..عند الصراف ... بلو:.. مافي شي ... سمارت :.. عندي فكرة.. زمن انت عندك حساب في الراجحي صح؟؟ زمن:.. ايوا ... سمارت :.. خلاص انحلت ... كلها مسير نص ساعة ونوصل للصراف ونودع الدولارات اللي معاية .. وتسحبها بالريالات ... بلو:.. مشينا ... الارضية مبلله ... الجو بااااارد ... الطلاب في طريقهم للمدارس ... سمارت:.. وااااااااااو ليش كدا الشارع هذا مافيه رصيف ؟؟؟ ليش السيارات ما توقف عشان نقطع الشارع ...؟؟ أحمد:.. رجعنا للفلسفة؟؟ ** المهم وصلنا للصراف ... المفاجأة ... الصراف لا يقبل الا الريال السعودي هذا اولا ... ثانيا .. اصلا الايداع غير متوفر حاليا ...... الجميع اصيب بحالة احباط.... بلو :... كله منك يااحمد ... ليش كذبت على الناس في الملعب ؟؟ زمن :.. عندي فكرة ..انا معاية 7 ريال خلينا نرجع للجامعة ونروح مطعم الجامعة "ابو ريال" ... أحمد:.. والله صح جبتها ... حتى انا معاية ريالين .. بلو:.. عندنا مشكلة ... سمارت مامعاه بطاقة جامعية ... يعني ماراح يفطر بريال .... سمارت :..اوهوووووووو ... ايش النحاسة هذي؟؟ زمن:.. ماعليك ياسمارت ... انت خذ بطاقتي ... وانا اكلم الهندي اللي شغال بالمطعم واقول له مامعايه بطاقة وهو يعرفني وراح اقول له رقم واحد من الشباب واعطيه ريال ... بلو:.. شكلك ناسي يا زمن انو عندك محاضرة دحين تبدأ ... زمن :.. مايمديني احضر وانتو بهذي الحالة ... بس تدروا خليني اتصل على عبد الله قبل لا يقفل جوالي لاني مشغله 24 ساعه واقوله حضرني ... المهم ... فطرنا واللي علينا بالخير .... زمن :.. دحين خلونا نرجع السكن ونفكر في حل ... سمارت :.. بس دحين الساعة 8 والساعة 11 رحلتي .. واخاف تطير الطيارة وانا مامعاية الا دولارات ... أحمد:... اوووووووووووووه توي تذكرت بكرا عندي اختبار ... ماادري كيف نسيته ؟؟ سمارت :.. توك اللي متذكر ؟؟ هيا متى يمديك تروح تداوم ومتى تنام ومتى تذاكر ؟؟ بلو:..كله من اللي سويته في خلق الله يااحمد ... امشوا السكن وخلونا نفكر .,.... سمارت:... اشبوا الحظ مو راضي يبتسم لنا اليوم؟؟ وبعد الانتهاء من التشاور قرر التالي ... زمن:..اولا .. انت يابلو خلاص دوبك تلبس وتروح دوامك مو ناقصك غياب .... ثانيا:.. انا دحين اروح على الغرفة واخذ كتبي عشان ابغى احضر محاضرة الساعة 10 ... ثالثا:.. انت يااحمد راح تغامر وتسبقني انت وسمارت على السيارة ونشغلها ونروح على اقرب بنك ونصرف الدولارات ... سمارت :.. طيب اذا وقفت علينا السيارة...؟؟ زمن::... لكل حادث حديث ...هيا كل واحد يسوي اللي قلت له عليه ... وخرج سمارت وأحمد للمواقف ... أخوكم زمن اخذ كتبه وخرج خارج السكن للمواقف ... زمن : الشباب ماهم في المواقف خليني اتصل ... افففففففففففف طرااااااااااااخ ... الجوال انتهت مهلته ال24 ساعة وقفل... واخوكم يدور ويدور ويدور وماهو لاقيهم ... طيب والحل؟؟؟ صار يدور في المواقف وقال مالي الا أطلب ارجاع الخدمة كمان 24 ساعة لعل وعسى يرجعولي الخدمة .. طلبت الخدمة .. ياسلام ... جاري تنفيذ الطلب ...ارجع السكن يمكن الاقيهم ...وعند البوابة كالعادة اشتغل الذكاء عند حارس الامن .. ووقف زمن ... اعطيني البطاقة .. وصار يبحلق عيونه في البطاقة تارة وفي وجه زمن تارة اخرى "كيف بس تارة؟؟ ماتحسوا اني اعرف اتكلم لغة عربية " المهم .. دخلت السكن .. والا الاقي احمد وسمارت جالسين يدوروني ... المهم .. دقيقتين هواش .. وفين رحتوا وفين جيتوا وركبنا السيارة ... زمن :.. يااحمد الله يرحم والديك لاتسخن السيارة ... خلاص على طول سيدا خلينا نلحق على البنك .. وفي البنك ... زمن:.. لو سمحت انا معاية دولارات وابغى اودعها في الحساب ... طرااااااااااااااخ .... للاسف ماعندنا في هذا الفرع ايداع دولارات ... لازم تروح مركز حوالات ... أحمد:.. الله يحول مخهم ... ايش النشبة دي ... يعني اليوم الحظ ماراح يبتسم لنا ... سمارت :.. والوزارة خلاص مايمديني الحق عليها .. افففففففف طيب دحين ايش نسوي؟؟ تيرن تيرن ... زمن :... من الفاضي هذا اللي جالس يرسل رسايل من الصباح ... هو وقتها دحين ...يفتح الرسالة ... واااااااااااااااااو انشاء الله دحين تنحل المصايب ... الخدمة رجعت لجوالي ... اركبوا السيارة وعندي الحل ... سمارت :.. هات وخلصنا شوف حالتي كيف صارت ... حتى ريحتي طلعت .. يمديني اخذت لي دش لكن شكلها اليوم مافيها سفر .. زمن :.. خذوا الحل هذا ... دام انه جوالي اشتغل ... عندي رقم هندي سواق ليموزين...الو سلام عليكم ... صديق ممكن يودي مطار ؟؟ طيب شوف انا مافي عندي ريال سعودي .. اعطيك 10 دولار اوكي؟؟..يالا بسرعة الساعة 10 عند بوابة الاسكان الرئيسية ... أحمد:.. اخص يالهندي ... ماصدق على الله ... 10 دولار توصل المطار ... خوش فلوس والله ... زمن:.. انشاء الله دحين انحلت المشكلة ... يالله يااحمد شغل سيارتك وعلى البوابة الخلفية حقت السكن عشان اذا رحنا راح يدقق السكيورتي وماراح يدخل سمارت لانه مامعاه بطاقة اسكان جامعي ... دخل احمد للمواقف الخلفية .... زمن :... يووووووووووووه سمارت وبكل حزن:.. ايش فيه كمااااااااااااان؟؟ زمن:.. الشنط في السيارة معانا ياحلو والليموزين راح يجي على البوابة الرئيسية واحنا ماراح نفدر ندخل الشنط من البوابة الخلفية للسكن لانها على الجامعة بس .. يعني مو معقولة جايين من الجامعة ومعانا شنط سفر ... سمارت :.. والحل...؟؟ زمن:.. عندي وانا ابو هندي ... نخش انا وسمارت من البوابة الخلفية ... واحمد يروح بالسيارة للبوابة الرئيسية ... واذا وقفت عليه السيارة .. مانخليك تسافر لانه الله مو رايد انك تسافر اليوم ... ويدخل زمن وسمارت من البوابة الخلفية ... فجأة ... أحمد اتأخر ... الساعة 9:50 دقيقة ... الاغراض معاه في السيارة ... الليموزين قرب يجي .. اللاب توب حق سمارت في غرفة احمد ... سمارت :..اتصل عليه عساها السيارة وقفت عليه ... زمن :.. طراااااااااااااااااخ ... الجوال انفصل ..... سمارت:.. يالله ....اففففففففففف ايش الهم هذا ؟؟؟ يعني الا مااسافر اليوم ....؟؟ زمن:.. حتى شركة الاتصالات جالسة تتدلع معانا اليوم ...؟؟ سمارت:.. الحل طيب؟؟ زمن:.. حتى حلولي خلصت بس ترى هذا اخر حل ...نروح على غرفة أحمد ومن عندها ننفصل انا وانت ... انت تروح من طريق .. وانا اروح من طريق ...ونتقابل في مواقف البوابة الرئيسية وبكدا نعرف اذا احمد في السكن او وقفت عليه السيارة ... عند البوابة :.. الرجال مو فيه ... سيارته ماهي فيه ... السكيورتي .. باقي شوية ويقول لزمن لا اشوفك تعدي من هنا من كثر مايدخل ويخرج ... فجأة :.. سمارت اتذكر وبلغة الحزن :... زمن ... زمن:..خييييييييييييييير لا تقول مشكلة جديدة ؟؟ سمارت :.. قميصي في المغسلة ... كيف آخذه وفلوس ماعندي؟؟ زمن وبضحكة قهر :.. هذي اخر مرة اقول لك حل ... انا دفعت ريالين للمطعم وباقي 5 ريال معاية ... امشي للمغسلة ... وفي المغسلة ... الهندي .. صديق مافي فلوس... مافي معاك ريالين ؟؟ سمارت:.. افففففف حتى المغسلة مطفرين ؟؟ ايش النكادة هذي ... زمن:.. اففففففف عندي الحل ... خلاص صديق خذ 5 ريال وهات القميص وهات ورقة بعدين اجي اخذ من عندكم ال3 ريال الباقية .... اخذنا القميص ... زمن:.. اسمع ياسمارت.. احمد ماادري فين راح دحين ... انت روح على الغرفة ... وانا اطلع للمواقف مرة ثانية ادور على سيارته وبالمرة اشوف الليموزين اذا وصل والا لا... طلع زمن للمواقف ... مو شايف السيارة ... فقد الامل ... صار يجري وبكل جنون .. الين وصل للمبنى اللي ساكن فيه احمد ... ويفاجأ زمن بانه احمد وسمارت في الغرفة... زمن :.. وبكل حرقة قلب .. وين رحت يااحمد ... انا خلاااااااااااااص تعبت ... والليموزين الين دحين ماجاء ولا اتصل ... ويرمي بنفسه على الارض ... أحمد :.. طيب هذا اللاب توب وخلينا نطلع برى عند البوابة يمكن نلاقي ليموزين ... زمن:.. وهو يخرج الجوال من جيبه ... وين تلاقي ليموزين عند البوابة الرئيسية من هذا الصباح ... فجأة طرااااااااااااااااااااااااخ ... يسقط زمن على الارض .... أحمد:... فيه مشكلة ؟؟ زمن:.. جوالي طفى مافيه شاحن أكيد الهندي حق الليموزين من اول يتصل وانا ماادري عنه ... سمارت:.. بطاريتي تركب على جوالك ... ويطلع جواله الامريكي .. ويعطيني البطارية ...فجأة يتصل الهندي ... زمن :... انحلت المشكلة .... بس ان شاء الله ماتطير الطيارة ...الو ... ها صديق فينك ... لااااااااااااااااااااااا سمارت :.. ايش فيه كمان ؟؟؟؟ زمن:.. الهندي يقول انه بعيد ومايمديه يجي ودحين يبغى يرسل لنا صاحبه ... أحمد:.. اففففففففف خلاص مالنا الا نطلع على البوابة الرئيسية ونستناه ... اذا جاء جاء ماجاء نرجع وننام ... خلاص الله مو رايد تسافر اليوم ... وعند البوابة ... جات الساعة 10:15 .... سمارت :.. راحت عليك المحاضرة يازمن ... زمن:.. اقول .. انت سافر دحين ... بلا محاضرة بلا كلام ... وقف الجميع عند سيارة احمد ... رغبة في وصول الهندي او أي ليموزين ثاني ... احمد :.. انا صدعت ... وصرت اشوف الديك **** ... خلاص مابقي فيني حيل ... سمارت:.. شوفوا والله ليموزين جا شوفو ... زمن:.. سلام عليكم يالطيب ""أحمد:..راعي الليموزين سعودي انشاء الله يتفهم الوضع""بس مشوار للمطار طال عمرك ... بس مامعانا فلوس سعودية ... معنا دولار امريكي.. السواق:.. وكم تعطوني من هالمريكاني؟؟ زمن:.. 10 دولار.. السواق:.. حنا عرب منعرف قلي بالسعودي كم؟؟ زمن:.. يعني 37.50 ريال .. السواق:.. اجل توكلنا على الله.. أحمد جالس ينزل الشنطة من السيارة ... فجأة :.. جاء الهندي صاحب الليموزين ... احمد من زود السهر ... صار يقول للسعودي خلاص خلاص جاء الهندي صاحبنا ... روح الله يسهلك .. السعودي :.. طراااااااااااااااخ ...على هواكم ... وسكر شنطة السيارة ويبغى يحرك ... في هذه الاثناء :.. زمن جالس يهاوش الهندي يقوله خلاص احنا اتفقنا مع السعودي ونبغى نروح معاه ,... الهندي على طول دعسلها وسرى ... فجأة سمارت يصرررررررخ:.. تعااااااااااال ... ايش اللي جالسين تسونه ... صرفتولنا الليموزينين ؟؟ خبلان انتوا؟؟ ويصارخ على السعودي ... حتى انتبه ووقف ... زمن:.. والله معليش يارجال ... هذا خوينا مضيع ... لا هنت ترانا صرفنا الهندي ونبيك انت توصلنا .. السواق السعودي ..كان يبغى يقول .. ماني موصل .. بس ربنا هداه ... المهم :... احمد من زود القهر ... قام يسكر شنطة السيارة بقوة .. الين انكسرت فيها قطعه ... زمن:.. اففففف نخلص من مشكلة تجينيا مشكله ثانية ؟؟ جلس احمد وزمن يحاولوا في اغلاق شنطة السيارة بس .. مافيه فايدة ... فجأة :.. زمن :.. ول ول ول ول تصدق .. ماودعنا الواد سمارت الله يقلع ابليسه ... يضحك احمد:.. اقول خليه يوصل بالسلامة هو دحين ... هذا اهم شئ ... زمن:.. اوكي طيب انا عندي محاضرة تبدأ الساعة 11 خليني الحق عليها ... مع اني تعبااااااااان بس مو مشكله ...بس انت يااحمد ... بكرا عندك اختبار .. ويادوبك تنام دحين وتصحى الليل تذاكر .. لانه ماعندك وقت ... أحمد :.. افففف والله مشاكل مابغت تنتهي ... زمن:.. تصدق راح سمارت واحنا ماودعناه .. ونسي بطارية جواله معايه ... وخربت شنطة سيارتك ..والله دحين اروح المحاضرة واجلس اكتب في اللي صار لنا اليوم من مقالب واسويلي قصة جديدة زي زمن الكبرياء ...وانت دحين روح نام ... وانا اشك انه بلو نام وماراح المحاضرات ... **زمن :.. خليني اروح اغسل وجهي واغير ملابسي شوف كيف صار شكلي من التعب ... سمارت:.. اول شئ سواه ... راح للمركز الصرافة في المطار وصرف الدولارات اللي معاه .. زمن في طريق الذهاب للجامعة ... زحممممممممة ... زمن : خير انشاء الله شكله في واحد دايخ والا مضاربة ...لا شكله فيه توزيع وجبات والا شي ... خليني أقرب اكثر واكثر ... ايش؟؟ طرااااااااااااااااااااااخ المكافأة نزلت والناس متجمعين حول الصراف ... زمن:.. هو وقته دحين؟؟ هيا عنادا لها ماراح اسحبها الا لما اجي من المحاضرة ... طررررررررررررررررررن ... زمن :.. الووووو سمارت:.. ايوا يازمن انا سمارت شكلك نايم ... زمن:.. افففففف مارحت للمحاضرة ... الساعة كم؟؟ سمارت الساعة 2 الظهر ... يالله خلاص مع السلامة ... كل اللي عرفه زمن انه كان نايم وماراح للجامعة ونزول المكافأة كان مجرد حلم حتى في النوم ماصرف المكافأة ...بس من فين اتصل سمارت وايش يبغى ؟؟الرقم من الرياض ... يعني معقولة ماسافر؟؟؟... طلع الموضوع ومافيه انو سمارت راح المطار ... وبعد جهد جهيد ... الموظف :.. عفوا رحلتك اتأخرت الى الساعة 5 العصر ... سمارت :..طيب انا فين اروح ؟؟ لو جلست في المطار راح انام وتروح عني الطيارة ... احسن حل ... خليني اروح اتغدى.. واروح سكن الجامعة ...الين العصر وارجع تاني.. واتصل على بلو وبلو نايم واتصل على زمن وزمن نايم ... اتصل على احمد ... واحمد كمان نايم ... بس ايش يسوي؟؟ غير انه يخلي احمد يصحى ... ويجي عنده في الغرفة ... وبكدا أحمد وهو يمسح في عيونه اللي طغى عليها النوم .. هذا كله بسبب دعوة ... جات الساعة 4 وراح سمارت للمطار وسافر لاهله ... وزمن كتب لكم القصة بعد اسبوعين من السفر ولحد الان مانزلت المكافأة ... كل واحد اتصل على اهله وقالهم ارسلولي فلوس ... وعساهم ماينزلوا المكافأة بالمرة... خلاص جات اجازة الحج..... انتهت القصة .... انشاء الله تكون عجبتكم ...وتراها صحيحة 100 % بس مجرد تغيير اسماء وحذف الاحداث اللتي تضر بعناصر القصة ... التعديل الأخير تم بواسطة .. *!Rosal!nda!* .. ; 25-06-2007 الساعة 01:33 AM. |
|      |
|
| مواقع النشر (المفضلة) |
 جديد منتدى القصص والروايات المنقولة |
| |
| أدوات الموضوع | |
| انواع عرض الموضوع | |
|
|
العرض العادي
