أحداث ما بعد الزفاف !

أحداث ما بعد الزفاف ! ; جنة العام ما أدري ليه البارح كانت الرياض غير رغم الاضواء القوية الي فيها و تبان لك على بعد 100 كم إلا إني شفتها مظلمة ! المغرب كنت جاهز للحفل ولبست نظارة الشمسية خفت احد يشوف عيوب الرجال المهم رحت و استحيت ادخل اول واحد انتظرت شوي حسيت ان الناس بدت تدخل و دخلت معهم مدري ليه كنت احس ان نجيب مو نجيب احس اني مو انا و لأن اغلبهم اقاربي كان كل واحد يمر من عندي و يسلم و يقول وش فيك لابس نظارة شمسية بهالليول و اقول عيني توجعني و اكشخ كذا و بعدها اضحك و احاول اصرفه ! سمعنا اصوات السيارات تنبئ عن وصول العريس بصراحة وسيم يشبه عبدالمجيد عبدالله رحت اركض ابي اشوفه كنت اول واحد يسلم عليه حضنته حيل وربي بعدها دخلوا الناس و جلست معهم و بعدها تعشينا و تعشى معنا عريس الغفلة ! و جت على بالي فكرة مجنونة قلت لنفسي لو تحصل لي اشوفها لو اخر مرة بس شلون ! شلون يا نجيب ! قلت لنفسي اسوق فيهم انا بعد الزفة اوصل الزوج و زوجته لبيتهم رحت احاول اتقصى اخبار الي وراء الكواليس و انا على هذي الحالة دقت علي امي و كانت حاضرة الزواج قالت لي نجيب فيك شيء ؟ قلت لا ماما ما فيني شيء ( اطول ما فيني شنباتي بس رغم كذا ما اعرف اقول الا ماما و بابا ) رحت حاولت اتحكحك مع اخو العروسة و هو يقرب لي و صديق حميم بالنسبة لي قلت ما ودك تعرس مثل اختك قال لا ياخي تونا شباب وش نبي بالزواج و مشاكله و هالحوار كان محاولة مني لفتح باب السواليف معه قلت له من بيوديهم لبيتهم العريس و العروسة قال انا قلت طيب اسمع يا الغالي وش رأيك تخليني انا اوديهم ؟ جلس يضحك يحسبني امزح طلعت من جيبي 10000 ريال قلت له خذها و خلني اوديهم طالعني بنص عين قال انت من جدك ؟ قلت ايه من جدي اخذها و قال بحاول اصرفهم بأي شيء والله يجيب العواقب سليمة انتظرني قلت له اوكي انا هنا ماني رايح مكان رحت لمكان ما احد يشوفني فيه و قسم بالله صليت ركعتين و دعيت قلت رب اشرح لي صدري و يسر لي أمري يا رب ان كنت تحبني خلني اوصلهم و كنت اقصد بيسر لي أمري عساه يتسهل امر توصيلهم الله استجاب دعائي اخو العروسة قال انا بروح و اقول اني بخليك تسوق لاني مشغول قلت اوكيه و عطيته بوسة راس و قال انت ياخي انسان غريب ! ابتسمت بوجهه و اخذت مفتاح السيارة و رحت ركبت قال توهم ماهم طالعين الحين قلت مالك شغل الحين الجزء الاصعب بالحكاية جت العروسة و ركبت السيارة و كنت اناظرها بالمرايا و تلاقت عيوننا قلت بنفسي اهم شيء انها عرفتني امس كل شيء فيني غريب حتى سواقتي غريبة ما اسرعت ابد ، كنت احاول اطول الطريق كان يهمس لها عشان ما اسمع حاولت القط شيء من كلامهم ما قدرت بس الموووووووووووووووووت كان يوم حسيت انه حط يده بيدها مدري انا ابكي و لا اضحك ولا اصدم و انتحر و اخليهم يموتون معي يوم وصلتهم قلت الف مبروك يا عريس منك العيال و منها المال <<< أخطأت من شدة الفرح ! و كلمتها قلت الف مبروك يا عروسة و قالت الله يبارك فيك يا نجيب لا شعورياً لاحقتهم لعند باب بيتهم قال تفضل ادخل معنا احسن ؟ ضحكت و قلت ما عندي مانع عطيته مفتاح السيارة وقلت تامر شيء ؟ قال خذ السيارة شلون بترجع ؟ قلت باخذ تاكسي الاحداث الي صارت بعد التاكسي احجبها لأسبابي الخاصة بعد كم يوم بنزل صور للزواج هنا نصها طالع فيها من الفضوة الاحق الكاميرا اسعدني اهتمامكم فيني الله لايحرمني منكم نجيب

منتديات قلبي > .•:*¨`*:•. ][ المنتديات العامة][.•:*¨`*:•. > جنة العام أحداث ما بعد الزفاف !

الاسم حفظ ؟ كلمة المرور

الصفحة 1 من 9 1 2 3 > الأخير »