~السلام عليكم هذي أول قصه لي وأتمنى تنال أعجابكم وتشجعوني أكملها أبغى نقدكم وأرأكم بليز....

* أملي في الحياه*

بطلة القصه أسمها(ساره)عمرها19بنت ولاكل البنات جميله وأحلا شي فيهاأخلاقها.في الصف الثالث ثانوي القسم الأدبي.

البدايه:
ساره واقفه تطالع نفسها في المرايه تكحل عيونها لأنها رايحه المدرسه(طبعآساره ماتتخلى عن الكحل في المدرسه لازم تكشخ).
ساره تكلم نفسها:ياربي شكلي بتأخرأف السايق ماجى للحين.
بعد 5دقائق جاها السواق راحت المدرسه.

أول ماوصلت المدرسه حطت
شنطتها فسخت عباتها ألاتسمع صوت وراها.
......:ليش أتأخرتي ياهبله.
ساره:هلاأموله متى جيتي وبعدين أني مو هبله السواق هو ألاتأخر على أني مادخلني.
أمل:أوكى أوكى يالله أنروح لحورو قبل لا اتصفر الطابور.

(أمل صديقه ساره الروح بلروح مايتخلو عن بعض أثنتينهم نفس الصفات بالأظافه لحوراء صديقتهم أمل جذابه تهتم بمضهرها و جمالها بس فيهابعض الغرور)

(حوراء جميله وحلوه بس أحلى مافيها عيونها رهيبه).

راحوا لحوراء ألي كانت في دوره المياه تكحل عيونها.
أمل تكلم حوراء:ويه ماصارت للحين ماخلصتي.
حوراء:ويش أسوي تبغي معجباتي أطيرو.
ساره:حلفي زهقتينا يالله بسرعه خلصي.
بعدها قعدو يسولفو شوي لين صفرت و كل وحده راحت فصلها.

_____نهايه الدوام_____

ساره لبست عباتها بتطلع ألا تناديهاحوراء معاها أمل:سارو لحظه تعالي.
ساره:هاه ويش تبغي ترى السايق ينتظرني.
حوراء:نسيتي أن اليوم الأربعاء بنطلع نتنزه ماقلتي وين تبغي أنروح.
ساره:خلاص أنروح الكورنيش لأن ماعندي فلوس اتكفي حق أروح مجمعات..باي

تركتهم راحت لسواق..اول ماوصلت البيت ارتاحت وصلت راحت تتغذى.

بعدالغدى ساره راحت الصاله لأمها باست راسها:ماما عادي أروح مع صديقاتي الكورنيش.(طبعآساره تتدلع على أمها علشان توافق).
أم ساره:وين ماتبغي تروحي روحي بس أسألي عمش سلمان أول.

ملحوظه >>أبوساره طلق أم ساره من 16سنه مع أنهم تزوجواعن حب بس لأن أمها أتزوجته غصب عن أخوانها..بعد ماطلقها أتزوجت واحد ثاني وجابت منه ولد سموه وليد عمره 12سنه أبوساره بعد ماطلق أمها سافر بعدين عرفوا أنه مات.
زوج أمها يشتغل في أرامكوا فامايكون في البيت دائمآ فلما تبغى تطلع لازم تاخذ أذن عمها سلمان لأنه عمها الوحيد مع أنه أكبر منها ب4سنين).

ساره راحت تتصل على سلمان.....
سلمان:يامرحبا.
ساره:هلا بعمي وحبيبي وخلف هلي وطوايفي كلهم.
سلمان:أوووه كل هلغزل حقي أكيد أنا مابانام اليله ضميري بيأنبني خليت بنت تغازلني وتغضب ربها.
ساره تتكلم بدلع:عمي لا تتمسخر أقول ممكن طلب صغير تكفى لاتردني عاد.
سلمان متملل:أنزين ويش تبغي مانا فاظي لش بعد شوي باروح الكورنيش و
ساره تقاطعه بنبرة صوتها العاليه:أحلف قول ولله أباروح وياك لأن صديقاتي رايحين يالله تعال لي ساعه أربع باااي.موتتأخر.
ولاعطته فرصه يتكلم و على طول راحت تبدل.

أماسلمان ماعرف ويش أسوي بس بعدين قرر أوديها لأنها كسرت بخاطره(ويه على قلبي حنون).

على الساعه أربع وربع رن جوالها....
ساره:هلا.
سلمان:يلا اطلعي من زمان أنا برى.
ساره:زين باي.
سلمان:باي.

ساره:ويلي شكله امعصب..كانت ماخذه معاها كيس أكل و حلويات حق القعده في الكورنيش تصير أحلى..أخذت منه شوكلاته سنكرس طلعت من الغرفه.
نزلت من الدرج بسرعه وطلعت.
راحت لسياره ركبت سكرت الباب:كيفك عمو؟؟..مدت له السنكرس..خذ ياأحلى عم.
سلمان:ادري اتحاولي اتراضيني لأنش اتأخرتي بس أخر مره تتأخري فاهمه.
ساره:ان شاء الله.
سلمان شغل الأغاني و حرك السياره.

_________________

#في الكورنيش#

ساره:أفف ماني شايفه صديقاتي.
سلمان:يالله بسرعه الشباب ينتظروني وأنا ماأباهم أيشوفونش معاي.
ساره:ليش ماأشرفك يعني.
سلمان عصب:لا لأن مومغطيه وجهش ياحظي.
ساره:موبس أني ألا مو مغطيه وجهي وأني..........قبل لا تكمل كلامها شافت حوراء وأمل جاين لها.
ساره:جوا يالله روح.
سلمان تركها وراح للشباب.

(طبعآ أمل وحوراء مثل ساره مايتغطوا).

قعدو يسولفوا.......
ساره:عمي كان بيهزئني لأني اتأخرت.
أمل:أحسن عشان ماتتأخري.
ساره:ماأقدر عليه لما ايعصب ايصير مو هو.
حوراء:زي قيس أخوي كل ايعصب.
أمل:الله يعينكم.
حوراء:صحيح مادريتو بويش صار لندى بنت فلان الفلاني.
أمل وساره:ويش صار لها.
حوراء:لعب عليها واحد ونشر صورها في كل مكان.
أمل وساره في نفس الوقت:يادافع البلاء وحدها لابروحه لمسنا الصوف الشر عنا مصروف>>(مثل ينقال لدفع البلا والشر).
أمل:لوعتي جبدي باروح أشتري لي أيس كريم أعدل مزاجي .
ساره:أشتري لي بعد.
راحت أمل..ساره وحوراء كملوا سوالفهم.

راحت عند الي يبيع الأيس كريم تشتري.
كان سلمان واقف جنبها بيشتري بس تباعد شوي عنها(محترم)بعد ماخلصت ماعرفت تمشي لأن عباتها كانت تحت رجل سلمان.
أمل(أووه ويش هلبلشه ويش أسوي ألحين.)أخذت نفس:لوسمحت ممكن(أشرت على عباتها).
سلمان أستحى ماعرف ويش يقول شال رجله عن عباتها:اسف أختي ماأنتبهت.
أمل: ساكته
عود مكانه بس من دون مايدري رد داس على عباتها وهي ماأنتبهت لما مشت اتعرقلت طاحت على الأرض.
سلمان:اوه أسف ماكان قصدي.
أمل فقدت أعصابها أخذت بقايا الأيس كريم رمته عليه:صج أنك وقح ماتستحي على وجهك.
راحت على طول لساره وحوراء وهي تصيح.
أما سلمان كان بعده منصدم من الموقف والشباب جوا ايله بس هو عصب..
سلمان معصب:ويش هالبنات ايطولو اعبيهم ويلومونا..مسح ألايس كريم من قميصه أخذ جواله دق على ساره عشان بيرجع البيت..........
ساره:أموله حبيبتي ويش صار لش ويش فيها عاباتش متوصخه.
أمل اتصيح:أهئ أهئ أبغى أروح البيت..رجعت اتصيح.
حوراء:انزين قولي ويش صاير ؟؟
أمل: اتصيح
ساره سمعت جوالها يرن.......
ساره:ألوه.
سلمان يتكلم بصوت عالي لأنه حده معصب:سارو أنا عند السياره أن ماجيتي بسرعه باخليش وبمشي.
سد سلمان الخط قبل لايسمع ردها.
ساره مستغربه من سلمان لأن مايعصب عليها من دون سبب:أمل حوراء عمي بيوصلني تروحوا معاي.
حوراء اتباعد أمل ألي كانت حاضنتنها:هيه بنروح معاش لأن أمل ماتقدر تمشي و عباتهاجذي.
ساره:عجل يلا بسرعه ماأبغاه يعصب.
أخذو أغراضهم راحوا.

.........

في السياره سلمان كان ينظف نفسه:أف هاذي أتأخرت خلاص بنتظرها برى.
[سلمان شاب وسيم فيه كل الصفات ألي تتمناها أي بنت يعتني بشكله..خلص الجامعه ينتظرقبوله في الشغل]

اتذكرالموقف ألي صار له مع أمل ضحك على نفسه.
سلمان:هههههههه..سمع صوت فالتفت ورى.
ساره:هيه أنت أستخفيت قاعد تضحك لحالك.
سلمان..ماأنتبه لوجه أمل:صديقاتش بروحوا معانا.
ساره:هيه ألا صحيح ويش فيك امبهدل جذي جاهل ماتعرف تاكل أس كريم ههههه.
أمل سمعت كلام ساره فرفع وجهها وانصدمت لما شافت وجهه..من صدمتها طاحوا الأغراض الي عندها.
سلمان وجه نظراته لها اتفاجئ لما شافها لف على جهة ساره:ساره هذي صديقتش.؟؟
ساره مستغربه:هيه ليش تسأل ؟؟
سلمان:أنا مستحيل أوصل هذي..أشرعلى أمل.
أمل تتمسخر:لالا الله أخليك أبغاك اتوصلني لأني باموت أذا ماوصلتني.
سلمان:أصلآ يحصل لش الشرف أنا أوصلش.
(كان لابس قميص فاأفتعل حركه بيده خلت كلرقميصه يرتفع فزادت شخصيه وسامه).

ساره و حوراء كانوا مستغربين من الي يصير.

أمل أشتغل غرورها:تبغاني أني أمل بنت علي أركب مع واحد وقح زيك.(أشرت عليه بصبعها من فوق لتحت بطريقة أستهزاء).

سلمان فقد أعصابه ماحس بعمره ألا ماسك يدها يبغى يضربها بس ظل جامد ماتحرك لأنه حس بشي يجذبه لعيونها ظل ايطالع عيونها. أما أمل ماقدرت تباعد عينها عن عينه كانوا عيونه جنااااااااااان يهبلوا قلبها يدق دق مو طبيعي.

ساره:هايي عمي ويش هالقله الحياه إلي عندك الناس كلها أتطالعكم.

سلمان ترك يدها ركب السياره:دخلوا بسرعه الحين بيأذن.

أمل ظلت ساكته منزله عواينها لتحت مو عارفه ويش هالشعور الي جاها من شافت عيونه.
ساره بصوت واطي:أمل ويش صاير بينكم ؟؟
أمل:هو الي طيحني.
ساره:كيف ؟!
أمل:بعدين أقولش بس مابركب معاكم.
حوراء:ويش اتقولوا؟؟علموني شسالفه.
أمل:أقولش في الطريق يلا أمشي.
ساره:أمل أرجوش أركبي..امسحيها في وجهي.
أمل:ساره لاتظغطي علي.
ساره:ولله اركبي.
أمل:ليش حلفتي ؟؟
ساره:عشان تركبي.
أمل بتفكير:ولله لو ماحلفتي كان ماركبت.
ساره ابتسمت لها وركبوا السياره.

طول ماهم في الطريق وأمل ساكته اتطالع الطريق من الدريشه أما سلمان كان يسأل ساره عن بيت حوراء وأمل.

وصل حوراء أول لأن بيتهم أقرب بعدين وصل أمل.

أول مااتباعد عن بيت أمل.....
ساره:ويش ألا صار بينكم؟! سلمان ببرود:مو هي صديقتش أسأليها.
ساره:أكيد أباسألها بس أبغى أعرف السالفه من الطرفين.
سلمان:ساره ضايق خلقي.
ساره:بس أني أبغى أعرف.
سلمان فكر:خلاص بقولش..أنا رحت أشتري لي كانت هي تشتري بالغلط دست على عباتها فقالتلي اباعد ارجولي أنا باعدتها بس عودت مكاني والأخت عباتها طويله فدست عليها مره ثانيه اتعرقلت طاحت وأنا ماكنت قاصد بس هي افتكرتني قاصد فسبتني رمت علي الأيس كريم.
ساره ماسكه بطنها:ياربي ماني قادره هههه بطني هههه.
سلمان عصب:ساره الموقف ما يضحك.
ساره:هههه أتخيل كيف كان وجه أملوا أكيد صار طماطه الناس كلها اطالعها ههه وله أكيد شكلك بلأيس كريم يهبل هههه.

سلمان ظل ساكت تذكر كيف كان وجه أمل وأنه حس بشعور غريب لما ناظر عيونها.

_________________

#في غرفة أمل#

أمل منسدحه على سريرها تفكر في أحداث اليوم تذكرت لما رمت على سلمان الأيس كريم و بدأت تبتسم و تظحك..ياربي كيف سويت جذي والله كنت امعصبه..أخاف أكون ظلمته وهو ماكان يقصد..أتذكرت كيف كانت عيونه لما مسكها:أأأه ياربي عيونه أيهبلوا لا مو بس يهبلوا الا أيخلوا الوحده تهوس.
أف بس لو مهو وقح وقليل أدب شان سكتت شوي و قالت بصوت مسموع:صدق أني غبيه قاعده أتعب فكري في واحد مايستاهل.

طفت المبات حاولت اتنام بس لقت نفسها مو قادره تنام من التفكير في الي صار..بدت تقرى ايات عشان تنام ونامت.

_________________

#بيت ساره#

ساره كانت في الصاله تشاهد مسلسل" دنيا القوي"و مندجه عدل.

رن تلفون البيت بس مارفعته وبعد ثواني جى أخوها وليد رد على التلفون.....
وليد:ألو.
.......:ألو السلام عليكم ..موجوده ساره..
وليد:هيه بس لحظه..لف على ساره..ساروا تلفون لش.
ساره متملله:أف منهي ذي الفاظيه داقه ألحين.
وليد ماسك السماعه:أتقول لش مهي فاظيه لش ألحين دقي بعد
ساره قامت أبسرعه لعند التلفون اخذت السماعه من عند وليد:وليدوا أني ماقلت لك قول جذي..أدلف روح ألعب كمبيوتر...غبي ...لف السماعه لأدونها:ألوو.
........:ياسباله ويش يعني منتي فاظية لي.
ساره تحاول تتهرب من الأجابه:هلا بحوراء عمري حبي كل دنيتي.
حوراء:ياااااي كل هالغزل حقي...خجلتيني.
ساره بخبث: أذا ماغازلتش باغازل منو.
حوراء:بعد من بيكون...أكيد زوج المستقبل.
ساره: خله أيجي أول بعدين أغازله...ألا ماقلتي لي ويش صاير متصله؟!
حوراء:شأني ماأتصل علشان تسألي...بس بسألش سألتي عمش ويش صار بينه وبين أملوا...لأني أتصلت لها قالوا نايمه...غريبه مو من عوايدها تنام هالحزه.
ساره: و أني أقول.. مو لله متصله..اسمعي قال لي أنه.....
(قالت لها السالفه كلها).

ساره:أوكي حوحو باروح أتعشى الحين.
حوراء:أنزين...صحيح بتروحي بكره الكوافير عشان عرس فاطمه>>وحده من الأصدقاء.
ساره:هيه باروح...حوروه يالله باي أني مستعجله.
حوراء:باي.

_________________

اليوم التالي

ساره كلمت عمها عشان يوديها الكوافير وراحت معاه..حوراء خلت أخوها قيس يوديها مع أمل لأن أمل ماعندها أخو وأبوها يكون مشغول.

اجتمعوا في الكوافير ولما خلصوا مكياج قعدوا يسلفوا.كانوا ثلاثهم حلوين بس حوراء كانت أحلى خصوصي أن عيونها رهيبه
كانوا مطقمين في البس بس الألوان تختلف..أمل أحمر...حوراء وردي...ساره بنفسجي..

أمل:أف متى بجي أخوش... مليت.
حوراء:ماأدري بس مو الحين.
أمل:باقوم أشرب ماي.راحت.
ساره وقفت:يالله باروح جى عمي.. حوحو ليش ماتجوا معي.
حوراء ناظرت ساره بخبث شدها قعدتها جنبها:تدري أنش ذكيه وااجد.
ساره مو فاهمه:ويش قصدش.
حوراء بخبث:قربي باقول لش...قالت لها الفكره ألي براسها..

أمل تمشي بتجاهم:كلمتي أخوش؟!
حوراء غمزت لساره:هيه كلمته بس قال أنه مايقدر أيجي..ساروه أتقول أن عمها برى...أني باروح معاها..
أمل بصوت عالي:ماأقدر أروح معاه.
ساره تسوي نفسها معصبه: لاولله...مصختيها عمي ماكان يقصد..غطت وجها:يالله بسرعه تعالوا...حورو روحي الى ألي تحاسب قالت أن في حسابش غلط..لاتتأخري أحنا بننتظرش.مسكت يد أمل ومشت.
أمل:لحظه صبري بغطي وجهي.
ساره:يلا بسرعه.
أمل غطت وجهها طلعوا مع بعض راحوا عند السياره.
ساره تفتح باب السياره:السلام عليكم.
سلمان لف لها:وعليكم السلام..أوه أوه ساره مغطيه وجها ويش صاير في الدنيا.
طبعآ سلمان ماأنتبه لأمل لأنها دخلت السياره من دون ماتقول ولا حرف وهو كان حاط أغاني فما أنتبه.
ساره تمزح:يعني ويش تبغاني أسوي...حاطه لي مكياج أخاف الرجال لين شافوني يغمى عليهم من جمالي الفواح.
سلمان مبتسم:أوكي خليني أكحل عيوني أبشوفتش.
أمل كانت اطالعهم بس ساكته.
ساره متعمده أتخلي سلمان يحس بوجود أمل:عمي لاتحرجني قدام صديقتي.
سلمان لف لورى شاف أمل عرفها من عباتها لف صوب ساره:تدري صديقتش بنت أصول..دخلت من دون ماتسلم خايفه أسمع صوتها الشفاف<<قالها بطريقة مسخره.

أمل ماردت عليه(أف هذا مايستحي على وجهه صدق أنه وقح)

ساره استغلت فرصة أن أمل تفكر:أوه نسيت..باروح شوي لحوروباجي .نزلت من السياره بسرعه.

أمل توها تستوعب أن ساره نزلت:االليش نزلت.
سلمان:هاه أشوف صوتش طلع...كمل كلامه بشمئزاز.. لاتخافي ماباكلش.

أمل كانت بتتكلم بس جتها عطسه عطست تمت تحوس في شنطتها تدور نشاف.
سلمان أنتبه لها فأخذ علبة النشاف مدها لها..
أمل مسكت العلبه بس صارت أطراف أصابعها فوق أصابعه حست برعشه بجسمها أخذت العلبه بسرعه.
أما سلمان دق قلبه بسرعه جنونيه..تموا ساكتين.

حوراء وساره اتعمدوا يتأخروا عشان يحرجوا أمل..بعد ربع ساعه من التأخير طلعوا من الكوافير ركبوا السياره.

وتموا طول الطريق ساكتين حوراء و ساره كانو متحقرصين يبغوا يعرفوا ويش صار.

وصل سلمان عند بيت حوراء نزلت حوراء وأول مادخلت البيت على طول رسلت لأمل رساله كاتبه فيها:
"أسفه أموله أني وساروا أتأخرنا قصد علشان نحرجش مع سلمان بس سامحينا"

أمل لما قرت الرساله عصبت عدل ورسلت لها رساله.
"صدق أنش ****ه ياربي أيصير لش موقف أعظم مني"

حوراء قرت الرساله وضحكت. تركت جوالها ونزلت تحت أدور أخوها قيس.
(قيس عمره24سنه شاب وسيم موظف في أحدى الشركات الكبرى يحب شي أسمه كمبيوتر).
ماشافته راحت المجلس شافته قاعد على الكنبه بس هي كانت وراه.

حوراء اتقدم عشان تصير قدامه:قيسوه ويش رايك فيي أكيد

ماكملت كلامها لأنها أنصدمت من ألي شافته لأن الشاب إلي شافته مو أخوها قيس....
حوراء ظلت واقفه مو عارفه شتسوي.
الشاب ظل يناظرها ماقدر أيبعد عينه عن الملاك الي قدامه.

تموا على هلحال لبضع ثواني..حوراء كانت بتطلع بس سمعت صوت واحد معصب.
قيس مفول من العصبيه:يابقره ويش أتسوين هني.
حوراء من سمعت صوته ركضت بسرعه طلعت من المجلس وعلى طول راحت غرفة أبوها و أمها.
حوراء ماسكه أبوها:أبوي قيسوه بيذبحني..اخذت لها نفس لأنهاكانت تركض.
أبوقيس وهوخايف على بنته الصغيره لأنها كانت ترتجف:ويش فيش شصاير؟! ليش قيس بيذبحش؟! ويش سويتي؟!
حوراء بعدها ترتجف: بعدين أقولك...أهم شي قيسوه مايضربني عن لايخترب مكياجي (يحليلها ماخافت ألاعلى المكياج خخخ)..

........

في المجلس كان قيس بيلحق حوراء بس الشاب مسكه قعد يهديه.

الشاب:قيس لاتتهور...خلني أفهمك السالفه.
قيس بعصبيه:يعني في سالفه ..وقف..باروح أذبحها.
الشاب ماسك يده:وشو تذبحها أسمعني أول.
قيس:رائدو أتركني أحسن لك.
رائد بحزم:ترا وللهي وبكسرالهاءأن ماسمعتني...رجلي ماداني عند بيتكم..و عمرك ما
قيس يقاطعه:لا مايحتاج تكمل..أنا ماأقدر ماأشوفك..قعد..قول كلي أذان صاغيه.
رائد:ههههه ماتجي ألا بلعين الحمره...أسمع أنت لما رحت أتشوف من في الباب.. أناقعدت أشاهد تلفزيون .
قيس بطولة بال عن لايفقد أعصابه:هيه والزبده... أدري أنك كنت تشاهد..ألي أبغى أعرفه ليش هال****ه حوروه دخلت وقفت عندك؟!
رائد(أأأه أسمها حوراء ولله أيناسبها...أكيد هي حوريه من حواري الجنه)
قيس بصوت عالي:رائدو أسألك وين رحت.
رائد توه مستوعب:أففف...أختك كانت أتفكرني أنت ولما وقفت قدامي أنصدمت كانت بتطلع بس أنت دخلت عصبت عليها...وبس.
قيس هدأ:أمممم..وقف..أوكي باروح أشوفها..ترك رائد.

(رائد عمره 24 شاب جميل أنيق بمعني الكلمه مغرور بجماله بس حنون وشخصيته قويه أهم شي عنده أن كبريائه ماينهز)

قيس وهو يمشي في الدرج:حوراء...حوحو..وينك حبي..أيغني..وينك عني ياحبي..وينك أتلتني الغربه..وينك راح يوأف ألبي..وين صرتي تعي.
حوراء وأبوها كانو في الغرفه بس لما سمعوه راحو يشوفوه..وكانو مستغربين أنه يغني.
قيس مبتسم:هاي داد..وجه نظراته لحوراء..أوه أوه ماأصدق هذي حوراء..أكيد سوو لش عملية تجميل بلغلط.
حوراء اتقدم له و حطت يدها على جبهته:غريبه مو متسخن؟!
قيس:ههههه..قربها له وهمس في أدونها:لاتخافي ماباسوي لش شي..رائد حلفني مأصرخ عليش..حك شعره..شكلش سحرتيه.
حوراء بتطيرمن الفرحه:صحيح قول ولله..
قيس عافس وجهه:أقول عطيتش وجه واجد...روحي ألبسي عاباتش.
حوراءمستغربه:ليش ألبس عباتي؟!وين بتوديني؟!
قيس:ياهبله..موأنا إلي بوصلش عرس صاحبتش لو تبغي تتأخري؟؟
حوراء:أوكى ألحين بجهز.

_________________

أمل بعد مادخلت غرفتها ظلت تعدل نفسها وتلبس باقي أكسسواراتها وبعد ماخلصت كل شي.
أمل تناظر نفسها في المريه:ياربي هذا ليش يكرهني ليش أيحاول يستفزني..أأهه..وأني ليش قاعده أفكر فيه..أف أحس أني أبغى أصيح كلامه لي كان جارح..هزت راسها..لا مستحيل أطيح دمعه من عيني علشان هالوقح.

طلعت من غرفتها ونزلت الصاله لأبوها.
أمل:السلام عليكم.
ابوحسن:وعليكم السلام.
أمل:أبوي ممكن طلب تكفى لاتردني.
أبوها: تفضلي عيوني أعطيش أياها.

(أمل أكبر وحده في أخوانها وعندها أختين 1/ زهراء عمرها 16تحب تقره قصص من شتى الأنواع.2/ حنان عمرها13 هاديه أوبعض الأحيان تكون أنطوائيه.
وعندها أخوين تؤم حسن و حسين عمرهم 10سنين.
أمل دلوعة أمها وأبوها لأنها أول العنقود).

أمل:أبصراحه أني ماأبغى أروح مع صديقتي العرس حوراء أحس أني ظيقت عليها واجد..فاأبغاك أنت توصلني العرس.
أبو حسن:بس أنا وراي دوام بكره وما أقدر أرجع لش لما تخلصي.
أمل محبطه:خلاص أنت وصلني وأني أدبر نفسي بعدين.
أبوها:قومي لبسي عباتش وأنا بنتظرش في السياره.
أمل:إن شاء الله.

_________________

#بيت ساره#

كان سلمان قاعد في المجلس ينتظر ساره تخلص لأن هو إلي بيوصلها.

سلمان: ياربي أنا ليش قلت لها جذيه ألحين ويش بتقول عني..أف وأنا ليش قاعد أفكر أبها هي أكيد ألحين قاعده تسبني وتلعني..أكيد بتستحقرني..صدق أنا غبي يعني كان لازم أقول لها جذي..أنا لازم أتأسف لها..مرر أصابعه على شعره وسند راسه للجدار(أأأه أنا أول مره أحس بهلأحساس..معقوله يكون حب..أنا ماأنام من كثر ماأفكر ابها)....
ساره قطعت عليه حبل أفكاره:عمممميييي<<بصوت عالي.
سلمان أختلع:شفيش خرعتيني.
ساره: ههههه عسى ألي ماخذه عقلك تتهنى به.
سلمان يعرف أن ساره تفهم للغة العيون فاماحب أنه يطول معاها بلكلام:يالله نروح.
ساره حست أنه فيه شي بس قالت لنفسها خله براحته.

ركبوا السياره و كان سلمان طول الوقت ايفكر.

ساره ملت من سكوت سلمان فقررت تسأله.
ساره:عمي ويش فيك ساكت ؟!
سلمان:مافي شي بس أتخيل لو أنا مت كيف بتكون حياتش؟! بتع
ساره تقاطعه:سلمان لاتقول جذي...أني ماأقدر أعيش من دونك.
(ساره ماتقول لحد عن مشاعرها أتجاهه وهذي أول مره تقول لسلمان جذي وتناديه بأسمه).
سلمان وقف السياره وتم أناظرها.
ساره:ليش وقفت السياره؟!وليش تطالعني جذي؟!
سلمان مبتسم:هذي أول مره اتقولي لي سلمان مو عمي.وأول مره أكتشف أني غالي عندش...ساره لا تناديني عمي أحس أني كبير مع أني بعدني شباب.
ساره فهمت قصده:أمممم ويش رايك أناديك قدام الأهل عمي وقدام الناس سلمان...
يعني مثلآ لما أكون مع صديقاتي أقول سلمان مو ابتسم.
سلمان:عطيتش وجه واااجد..وحرك السياره.

ظلوا يسولفوا لين سكتت ساره.

ساره: ويش فيه سلمان مو على بعضه هاليومين دايم يسرح ويفكر...(جات على بالها أمل)..معقوله أيكون حبها...لالا أني فويش قاعده افكر...لا يمكن أيكون حب عنفي...أف ويش هالخرابيط ألي قاعده أقولها...هيه خلني أختبره وأشوفه ويش يقول(ذكيه).

ساره:أفففففففف.
سلمان:ويش فيش تتأففي؟!
ساره:أملوا صديقتي كاسره خاطري.
سلمان ببرود:ليش ويش فيها؟!
ساره:أبوها وراه دوام بكره ومايقدر يرجع ياخذها من العرس..وهي ماتبغى ترجع مع حوراء لأنها تحس أنها ثقلت على قيس أخو حوراء.

سلمان من سمع أن أمل ممكن ترجع مع قيس حس بالغيره:مو مشكله أنا أوصلها مو مشغول.
ساره:بس أنت ماتبغاها تركب سيارتك...واليوم لو ما أني حطيتك قدام الأمر الواقع كان ما وصلتها و
سلمان قاطعها:بس أنا غلطان و أبغى أعتذر منها...حاولي تقنعيها أني أوصلها.
ساره حست بلأنتصار لأنها عرفت أنه يميل لأمل:أمممم سلمان أعترف قول ويش سالفه؟!
سلمان وقف السياره:يالله نزلي لو تبغي تأخريني .
ساره التفتت للجهه الثانيه شافت أنه قاعة العرس قدامها وهي ماحست أنهم وصلوا نزلت من السياره:تعال الساعه12 مو تتأخر.
سلمان:أوكي يالله باي.
ساره:باااي.

.........

أمل وصلت قبل حوراء وساره قعدت تنتظرهم بروحها.. صارت تفكر في سلمان وفي حوراء وساره كيف أحرجوها معاه وهي بداخلها نار ما بتنطفي ألا لما تنتقم منهم.

شافتها ساره وراحت لها..
ساره واقفه قدامها:القمر بشو تفكر...ها أعترفي.
أمل عافسه وجهها:أمم ألحين صرت قمر..لو تراضيني على الموقف ألي حطيتيني فيه أنتي وحورو.
ألا تجي لهم حوراء:أسمعت أسمي ويش تقولو عني..قعدت على الكرسي..أملوا أني شكلي أذا أبغى شي باجي لش تدعي لي لأن دعائش مستجاب.
أمل:مافهمت وضحي أكثر.
حوراء:موأنتي دعيتي أن يصيبني موقف أنحرج منه زيش.
أمل:هيه وبعدين.
حوراء:ولا أبلين...صار ألي بغيته.
أمل فرحانه:قولي ولله.

ساره اطالعهم وهي مي فاهمه شي:هايي صبايا أني موفاهمه شي فهموني شصاير
ماأحب أكون زي الأطرش في الزفه.
أمل وحوراء:ههههههههه.
قالت لهم حوراء السالفه.
أمل:ههههه تستاهلي أحسن مو بس أني ألي أنحرج.
حوراء:اتفشلت بس وسيم ويهبل...الله يهني ألا بتاخذه.
ساره:أقول أمل قومي مالينا مكان أهني..الأخت بدت اتحب.
حوراء:حلفي أني ماقلت حبيته بس عجبني.

قعدوا يسولفوا لين جت العروس راحو يسلموا عليها ويباركوا لها وبعدها ظلو يرقصو لين تعبو.

الناس ماكانو يطالعوا غيرهم لأنهم كانو أيه من الجمال والابداع في الرقص والكشخه.

وعلى الساعه12كان سلمان ينتظر ساره ويدعي ربه أن أمل توافق تجي معاهم.

ساره كانت تقنع أمل تجي معاها بس أمل مارضيت.

ساره:أموله حبيبتي أرجوش تعالي معاي.
أمل:لاماأبغى عمش يوصلني..أخاف أيعكر مزاجي بكلامه ألي زي العسل.
ساره:بس هوألي قالي أنه يبغى أيوصلش على شان يعتذر لش على ألي قاله.

أمل (ياااااي يبغى يعتذر..،خلاص باروح باشوفه باشوف عيونه ألي تهبل واااااي وحشني وااااجد..رجعت اتفكر..لالا خله يولي يعني أني مره باموت أذا ماأعتذر لي ولا أذا ماشفته لا أبغاه ولا أبغى أعتذاره.)
أمل:لا ساره مايحتاج أروح معاش لأن زوجة خالي هني وأكيد خالي بجي ياخذها فاباروح معاهم.
ساره بخيبة أمل:خلاص على راحتش...يالله باي.
أمل:باي.

_________________


سلمان مل من تأخر ساره وأخذ جواله ودق عليها ألا ويسمع نغمة جوالها لف لقاها راكبه السياره.
ساره:السلام .
سلمان يتكلم بسرعه:وين أمل؟!مارضيت مو؟!أكيد بعدها زعلانه مني.
ساره متفاجئه منه:بل بل ويش فيك كنك كنت تنتظر نتيجه أختبار و
سلمان قاطعها:أففف كن هذه وقت مسخرتش قولي ويش قالت؟!
ساره:أوكى باقول لك بس أنت أمشي أول لأني تعبانه حدي.
سلمان حرك السياره:يالله قولي لأني قاعد على أعصابي.

ساره قالت له كل الكلام ألي دار بينها وبين أمل.

سلمان أرتاح:أشوه يعني بترجع مع خالها.
ساره:ليش تبغاها ترجع مع خالها؟!
سلمان:لأني ماأبعاها ترجع مع البطيخه قيس.
ساره فهمت بس تستهبل:هيه وليش ماتبغاها تروح مع قيس؟!
سلمان:لأني أغار.
ساره تستهبل عدل:هيه ليش أتغار.
سلمان عصب:أووه ويش فيش هبله يعني واحد يغار على وحده ليش؟؟
ساره:ليش؟؟
سلمان:لأني أحبها ياذكيه.
ساره:ههههههههه
سلمان يصرخ:أنا ماقلت شي يضحك.
ساره:أنت من صدقك تحبها توك أمس شايفنها و غير جذي هزئتها والحين تقول تحبها بلله عليك هذه شي مايضحك.
سلمان:الحب مايعرف حاجه أسمها أمس واليوم...خلاص سدي الموضوع.

ساره ظلت ساكته بس فرحانه لأمل لأنها حست أن أمل تبادل سلمان نفس الشعور.

________________

وفي جهه ثانيه وعالم ثاني
كان رائد منسدح على سريره يفكر بالملاك ألي شافها مو قادر ينام كل ما غمض عينه يشوفها قدامه.
رائد:أه مو قادر أنام..جميله بمعنى الكلمه..خلاص أنا بكره باروح بيت قيسوه يمكن أشوفها بالغلط مره ثانيه.
لف على الجهه الثانيه راح في سابع نومه.

...

اليوم الي بعده كان عادي حتى رائد ماقدر يشوف حوراء

_________________

#اليوم التالي في المدرسه#

حوراء وساره راحوا لأمل في الفصل لأنها مانزلت لهم
وهذي من غير عوايدها. وصلو لفصلها شافوها قاعده بروحها حاطه راسها على الطاوله..قربوا لها.
ساره وحوراء:أمل ويش فيس ؟؟
أمل رفعت راسها..حوراء وساره شهقوا أول ما شافوها.
ساره:ويش في عواينش جذي؟؟صار لش شي أمس؟؟
حوراء:باجيب لش اكحلي عشان ايخفف من مضهرش.

أمل كان تحت عيونها هالات سوده وكانت رابطه شعرها على غير عادتها وموحاطه لها
الكريم ألي تحطه كل يوم.

ساره:متى نمتي؟؟
أمل بصوت مبحوح:الساعه ثلاث.
ساره:بااااال حرام عليش ليش
جذي.
أمل(أأأأه ويش تبغيني أقول...أقول أني حبيت سلمان وظليت طول اليل أفكر كيف أني حبيت واحد ماعنده أخلاق و )
ساره تقطع حبل أفكارها:أموله ما جاوبتيني ويش فيش؟؟
أمل:ما في شي بس أمس بعد ماأنتهت حفلة ستار أكاديمي سهرت أشاهدهم ومانمت .
ساره ماصدقتها:أممم تدري أني ماشاهدته..من هو ألي فاز؟؟
أمل أرتبكت وماعرفت شتقول:أأ ساره راسي أيعورني.
ساره فهمت أن أمل تتهرب:
أمل أذا الشي إلي خلاش ماتنامي عائلي ماأجبرش تقولي بس أذا كان شي غير فالازم تقولي لي.
أمل ماتحملت حضنت ساره قامت تصيح.
في هالحظه جت حوراء تقدمت لساره..أشرت لها بطريقة أنها تبغى تعرف شنو صاير..سمعو صوت صافره لطابور حوراء ساره قالو لأمل أنهم بيجو لها في الفسحه..راحوا طابورهم.

في الفسحه حوراء وساره ظلو يبحثو على أمل بس ماشافوها.

في أخر الدوام ماشافوها لأنها على طول راحت بيتهم.

حوراء وساره كانوا متكدرين لحال صاحبتهم.

ساره رجعت البيت صلت أتغذت أستأذنت من أمها أنها تروح لأمل اتصلت على سلمان.
ساره:ألو السلام عليكم.
سلمان: هلا و لله وعليكم السلام.
ساره:أبغاك اتوصلني بيت أمل
سلمان من سمع أسم أمل فز قلبه.
سلمان:ألحين الساعه ثلاث بتروحي ويش بتسوي في بيت الناس؟!
ساره:أنت بتوديني لو لأ؟؟
سلمان يمزح:لا ما باوديش
ساره:خلاص باروح مشي.
سلمان:هايي ساره أمزح بعد عشر دقايق باكون عندش..باي
ساره:باي.
سكرت التلفون واتصلت لأمل.

.........

أمل كانت في غرفتها تفكر بلا صار الصبح سمعت رنة جوالها.

أمل:نعم.
ساره:هلا ولله.
أمل:هلا.
ساره:عمري اباجي لش بعد اشوي.
أمل:حياش في أي وقت.
ساره:عجل باجي في نص الليل.
أمل:ههههه عادي تعالي.
ساره:ماورى سمعت هالضحكه.
أمل:ساره ترى مافي شي.
ساره:ماتعرفي اتخرطي..يالا الحين باجي..باي.
أمل:باي.

سدت الخط نزلت تحت راحت المطبخ تجهز شي تقدمه لساره ولما خلصت راحت المجلس تجهزه بس أول مادخلت أنصدمت شافت أبوها منسدح على الأرض بطريقه غريبه..أمل خافت على أبوها
راحت قعدت بجنبه حطت راسه في حضنها اتصحيه بس ماصحى و تمت تضربه بالخفيف وتناديه.
أمل:أبوي أبوي أبوي قوم..خافت أكثر..أماااه أماااااااااه.

أمها كانت في الصاله ولما سمعتها اتصرخ ركضت لها.
أم حسن:ويش فيش؟؟ ويش صاير؟؟ ويش فيه أبوش؟؟
أمل اتصيح:ماأدري مو راضي يصحى.
أم حسن فتحت ازرة ثوبه:ابو حسن علي اصحى قوم.
أمل:أبوي تكفى اصحى.

تموا ثنتيتنهم يصحوه بس ما صحى.

أمل أتصلت لخالها جاسم>>إلي
وصلها من العرس.
جاسم:ألوو
أمل تصيح:خالي الحقنى أبوي ماأدري ويش فيه أنصحيه بس مايصحى.
جاسم:الحين جاي.
سدت الخط.

رجعت لأبوها قعدت اتصيح والعائله كلها اتصيح..بعد ربع ساعه جى جاسم..سلمان وساره كانو توهم واصلين.

ساره قبل ما تنزل من السياره:مشكور رحم الله والديك عساني أقوم وأقعد وأرقص في عرسك.
سلمان:هههههههه توني أدري أنش مصلحشيه.
ساره:الله يسامحك الحي
سلمان قاطعها:ساره..أشر على جهة باب بيت أمل..مو هذي أمل؟!
ساره مستغربه:هيه بس هي ما قالت لي أنها بتطلع...يووووه هذا أبوها.

سلمان طلع من سيارته راح عند أمل وخالها.
سلمان:السلام عليكم..أخوي تحتاج مساعده.
جاسم كان حامل أبو أمل بس كان ثقيل عليه.
جاسم:وعليكم السلام..مشكور بس لو تحمله معاي.
سلمان حمل أبوحسن ولأنه قوي حمله بروحه:أفتح باب السياره.
جاسم فتح باب سيارته ركبوه السياره.

أمل من خوفها على أبوها ماعارت أهتمام لسلمان ركبت السياره بسرعه..أم حسن ماراحت معاهم عشان تقعد مع اولادها.

سلمان:أخوي اي مستشفى بتوديه.
جاسم:مستشفى ال****..يالا فمان الله..حرك سيارته.

سلمان رجع لسياره.....
ساره:ويش صاير؟؟
سلمان يحرك السياره:في الطريق اقولش.


وصلوا المستشفى دخلوه الطوارئ..أمل كانت اتصيح وجاسم يهديها يحضنها.

ساره ما كانت تقدر تروح لأمل لأن جاسم كان معاها.

أماسلمان كان قلبه يتقطع على حبيبته كان بيموت من الغيره على أن جاسم حاضننها.

سلمان:ساروا أشر على جاسم..من هو هذا ألي حاضننها؟؟
ساره بضيقة خلق:وأني ويش عرفني به...صدق أنك فاظي.
سلمان:ابغى أعرف مافيها شي.
ساره:انزين اسكت مالي خلق اتكلم.

بعد ثلث ساعه جى الدكتور جاسم وسلمان راحو له..ساره راحت لأمل تهديها.

جاسم:لو سمحت أخوي المريض ألي داخل ويش حالته ألحين.
الدكتور مصري:هو بيقرب لك أيه.
جاسم:أنا أخو زوجته وولد عمه.
سلمان يتدخل:هو المريض فيه أيه.
الدكتور:هو معاه السكري...أطمنو هو دلوئتي بخير وحتاخذوه لما يصحى.
جاسم:مشكور والله يعطيك العافيه.
الدكتور:ولو دا واجبنا.

راح الدكتور ترك جاسم مع سلمان بروحهم.
جاسم:ماعرفتني بنفسك يالأخو.
سلمان:سلمان .........
جاسم:وأنا جاسم..بصراحه أخوي أنا مو عارف كيف أشكرك على وق
سلمان قاطعه:افا عليك هذا واجبنا.
جاسم:تسلم.
سلمان:أخوي أنت بتطول في المستشفى وأنا معاي بنت أخوي بنرجع البيت طريقي على طريق بيتكم فما يحتاج اتخلي بنت أختك أهني في المستشفى.
جاسم:تسلم أنا واثق فيك اذا بتوصلها وصلها..بس لحظه بسألها..راح لها.
جاسم:أمل ابوش بيمهلوا على مايطلعوه فروحي مع صديقتش.
أمل:بس أبوي ويش فيه؟؟
جاسم:مافيه الا الخير..يالا روحي.
أمل راحت معاهم..جاسم بقى في المستشفى يخلص أجرأت الخروج..أم حسن كانت بين فتره وفتره تتصل له تسأل عن ابوحسن.

_________________


ومن جهه ثانيه حوراء حرقت جوال أمل وساره من كثر ماتتصل.

أمل كانت ناسيه جوالها في غرفتها وساره كانت حاطته على الصامت.

أول ماركبت ساره السياره طلعت جوالها شافت رقم حوراء فتصلت لها.
ساره:هلا.
حوراء:ليش ماتردي ؟؟ حتى أملوه ماترد.
ساره:أمل نسيت جوالها في غرفتها وهي معاي الحين.
حوراء:ليش ؟؟وين انتوا؟؟
ساره:بتصلش بعد اشوي زين.
حوراء:انزين باي.
ساره:باي.

سلمان كان بين دقيقه ودقيقه يناظر أمل من مراية السياره.

أمل كبر في عينها سلمان كبر حبها له.

لما وصل سلمان بيت أمل وقف السياره.
أمل:مشكور و
سلمان قاطعها:مايحتاج تشكريني هذا واجبي.
أمل أبتسمت له أبتسامه خفيفه نزلت..سلمان تم ساهي في جمالها ايفكر كيف يقول لها عن حبه.

ساره دقت هرن سيارة سلمان..سلمان أختلع من حركتها.
ساره:هههههههه صدقني مو لايق عليك اتحب.
سلمان:سكتي أحسن لش..حرك سيارته وصلها البيت رجع هو بيتهم..طول اليوم كان ايفكر في أمل وكيف أنها أحلى لما تبتسم.

_________________

#في المدرسه#

في الفسحه أمل حوراء ساره كانوا مع بعض يسولفو ألا تجي لهم بنت (بكامل أنوثتها جميله وحلوه وصابغه شعرها بلياج).

شيماء:السلام عليكم...ويش حالكم صبايا..سلمت عليهم باليد..ساره ويش حال عمتي>>أم ساره.
ساره ببتسامه:الحمدلله بخير ويش حال خالي<<أبو شيماء.
شيماء:بخير الحمد لله...هيه قولي لعمتي تجي لنا يوم الأربعاء لأن جواد <<أخوها توه راجع من السفر وبنسوي له حفله...مو تنسي أبغاش تجي معاها.
ساره:لا مابنسى.
شيماء:أوكي باي
ساره:باي

ومن راحت شيماء بدو أمل حوراء يسألوا ساره عنها.

(شيماءتصير بنت خال ساره بس علاقتها بها مو لديك الدرجه لأن أم ساره ماتزورهم واجد بس بحكم أن شيماء أجتماعيه حبت أن ساره تكون معاهم).

حوراء:ساروا هذي شيماء بنت خالش.
ساره:هيه.
أمل:حليوه وااجد تشبهش ساروا.
ساره:تدرو أنها وأختها دانه أحلى ثنتين في عائلتهم.
حوراء:أخوها ألي راجع من السفر كم عمره وحليو.
ساره:عمره يمكن26وأذا عن جماله فكلمة جميل ماتوصف جماله.
أمل:أوه أوه تطورنا ساره تغازل واحد مو معقوله!!!
ساره:لاأغازله ولاشي بس أني ماشفت واحد زيه.
أمل من غير وعي:أكيد سلمان أحلى منه.
ساره حوراء:!!!!!!!!!!!!!
أمل أستوعبت إلي قالته وعشان تبري نفسها:ويش فيكم تطالعوني جذي أني قصدي أن سلمان حليو.

في هالحظه جت لهم بنت(معجبه لحوراء):لو سمحتي حوراء أبغى أمشي معاش شوي.

حوراء كانت تبغى تكمل السوالف ومن حرتها قامت وهي تدز أمل وساره عن لا يكملوا السوالف..أمل ساره ميتين ظحك عليها.

حوراء مشت مع البنت بس البنت ساكته وحوراء تتحرطم (أف هذي بتظل ساكته مللتني أني أبغى أكمل السوالف معاهم).
وأخيرآ نطقت البنت:حوراء.
حوراء من غيرنفس:نعم
البنت:أني معجبه بش واجد.
حوراء(أدري عجل ليش تمشي معاي ألحين).
حوراء:مشكوره.
البنت:وأني ماأعجبش؟؟
حوراء ماسكه نفسها عن لا تظحك..ياربي تحلف دي كيف بعجب أبها وأني أول مره أمشي معاها حتى أسمها ماأعرفه صدق هبله:هيه حتى أنتي جميله.

تمت تسولف البنت لين صفرت وحوراء تتحرطم على أن فسحتها ضاعت.

________________


كان جالس على مكتبه يفكر
رائد:أف هذي مي حاله صارلي أربع أيام أفكر فيها ومو قادر أنساها...أنا ليش ماأخطبها وأريح نفسي...خلاص باقول لقيس.

الا بدخلة قيس المكتب:السلام عليكم.
رائد:وعليكم السلام.
قيس:ها في شو اتفكر؟؟
رائد(أقوله الحين..لا المكان مو مناسب..خلها لوقت ثاني):ولا شي بس متملل.
قيس:أنا أكثر منك متى متى أرجع البيت.
رائد(أكيد تبغى ترجع اذا عندك هالملاك)

_________________

مكالمه بين ساره وسلمان.........

ساره:ويه بتوديني بيت أملوا ؟؟
سلمان:اليوم شفتيها ليش بتروحي؟؟
ساره:مو أبوها مريض لازم أتحمد له بسلامه.
سلمان:أنزين باجي بعد نص ساعه.
ساره شهقت:باااااااااال مابيمديك توديني أشتري ورد.
سلمان:الحقي أمش كني فاظي لش روحي لمحل الورد ألي قريب من بيتكم..يالله باي أنا مشغول.
ويسد الخط.

ساره:اففف يبغاني أروح في هالحر..حرام عليه..راحت لأخوها وليد.
ساره:وليد روح معاي اشتري ورد.
وليد:الحين بيحطوه سلام دانك مو فاظي لش.
ساره:اف مالت عليك..ركبت فوق لبست عباتها أخذت شنطتها.
مرت على أمها في المطبخ:اماه بطلع.
ام وليد هزت راسها..ساره متعوده على الا مباله من أمها فطلعت....

#في محل الورد#

ساره دخلت المحل تمت اتطالع الورد ولفتت أنتباها باقة ورد يلفها الهندي
قربت منه.
ساره:تقدر تسوي لي باقه مثلها.
كان في شاب واقف بس ساره ما أنتبهت له.
الهندي:أي في سوي ماما.
ساره:بس ماأبغاها لون واحد تالي تطلع مو احليوه
الشاب الي كان وراها:لو سمحتي أختي يعني ذوقي موحلو.
ساره من غير ماتلتفت له:أخوي الناس أذواق وأني ماقلت مواحليوه.
الشاب:شكله ذوقش حلو.
ساره ماردت وأنتظرت لين مايخلص الهندي من باقة الشاب صارت باقته جذابه كثير بس الشاب ماراح أنتظر لين تخلص باقتها صارت باقتها جذابه وناعمه وتبين على ذوق صاحبها.

أخذت الباقه دفعت الفلوس طلعت من المحل..طلع الشاب وراها.

الشاب راح لسيارته حط الباقه بداخلها قفل السياره ومشى وراء ساره..ساره ماحست له الا لما قربت توصل للبيت.

ساره لفت له وهي معصبه:أنت ماتستحي عل

سكتت لأنها أنصدمت من ألي شافته......

ساره منصدمه(ماني مصدقه مستحيل لأكيد هذا مو هو...ألا هذا هو...مستحيل أنسى شكله)

الشاب مستغرب من تفاجئها:ويش فيش تطالعيني جذي...أكيد متفاجئه من وسامتي.
ساره بستهزاء:الله على الوسامه إلي طالعه من واحد محترم شغلته بس يمشي وراى البنات.
الشاب:عن الغلط أنا عمري ما ركضت وراى البنات هم إلي يركضوا ورايي.
ساره:أخاف تكون براد بيت أو ريكي مارتن وأني ماأدري....ومدام أنك محترم وماتراكض وراى البنات ليش تمشي وراي؟!
الشاب:تبغي الصراحه.....أنا ماشفت وحده بجمالش..صحيح أني شفت بنات واجد أحلى منش بس
ساره قاطعته:صحيح أنك وقح.
الشاب:خليني أكمل كلامي...أنا ماشفت وحده سعوديه جميله وتشبه أختي مثلش.
ساره:أحنا السعوديات جميلات بس ايخلونا نتغطى لأنهم يخافو علينا من الحسد ومن حرارة الشمس.
الشاب:ههههههههههههههههه
ولله وطلع دمش خفيف بعد.
ساره كانت بتمشي بس وقفها
الشاب:تعالي وين رايحه.
ساره:ويش تبغى الناس يقولو عني أذا شافوك معاي.
الشاب بجديه:يعني أنتي مهتمه لكلام الناس أذا مهتمه غطي وجهش .
ساره:غطيته ولا ماغطيته أنت ويش لك دخلك.
الشاب:أنتي لو خايفه على كلام الناس كان ماقعدتي تكلمي واحد ماتعرفيه طول هالوقت.
ساره:ومن قال لك أني ماأعرفك.
الشاب بأستهزاء:يعني تعرفيني..طيب ويش أسمي؟؟
ساره التحدي في عيونها:طيب تبغاني أقولك نبذه قصيره عنك.
الشاب:يالله أبسمعش.
ساره:أمم أسمك جواد مهدي وأسم أمك سكينه وعندك أختين ألأولى شيماء والثانيه دانه وأنت درست طب بأمريكا وتوك راجع من السفر ويوم الأربعاء بتكون عندك عزومه لرجوعك بسلامه..ببتسامه.. ها ويش رايك؟؟

جواد في هل لحظه تمنى أن الأرض تنشق وتبلعه وماعرف ويش ايقول ظل مصدوم ومتفاجئ.

ساره:هههههههه تدري أن شكلك وأنت متفاجئ ايظحك.
جواد علامة أستفهام باديه على وجهه:أنتي كيف تعرفيني؟؟
ساره:لاتخاف أني مو جنيه ولا ساحره بس أني أعرفك من زمان و
جواد قاطعها:بس أنا ما أعرفش وهذي أول مره أشوفش.
ساره:لا أنت شفتني بس نسيتني وأذا حابب تعرف من
أني لا تلحقني ويوم الأربعاء بتعرفني..

وماتركت له مجال أنه يتكلم ومشت بسرعه أما جواد ظل أيطالعها لين غابت عن ناظريه وراح لسيارته وساقها وهو يفكر وين شافها بس ماذكر شي.

(جواد شاب وسيم جميل خفيف دم رومنسي ذكي ويفهم بسرعه غامض يحب أخته شيماء واااااااجد ومايرضى أحد يأذيها هو مازار بيت عمته ولا مره>>أم ساره ولما تزورهم ساره مايكون موجود وهذي أول مره يشوف ساره من كبرت.)

ساره رجعت البيت بس تمت في حديقة البيت وقعدت على الكرسي الموجود.
ساره(أأهه كل منش>>أمها أنتي سبب عذابي لو ماتزوجتي أبوي غصبآ عن خوالي كان ما كرهوني
وعيالهم نسوني..أني ويش سويت عشان أعيش جذي لاأبو ولا أم تحسسني أني بنتها تحب وليد أكثر مني.. هههه صحيح أني غبيه ليش هي تحبني عشان يكون أكثر ولا أقل...أف لي متى بظل جذي قدام الناس سعيده ومن وراهم تعيسه حتى سلمان حوراء أمل ماايحسو بي...أف مافي أمل أعيش حياتي عشانه) ..غاصت في أفكارها وعالمها الحزين..ليما قطع عليها أفكارها صوت هرن سيارة سلمان..

_________________

#في غرفة شيماء#

شيماء جالسه على سريرها
تسمع أغنية أيوان "أسأل علي الشوق".

أسأل علي الشوق وانجوم القمر من فوق.
تلاقيني غلبني الشوق سهران قلبي يستناك.
لو بس تيجي اتشوف أزاي قلبي ليك ملهوف...............

شيماء:ولله أني أشتقت لك ياهادي .. فجاه يندق الباب..طق طق طق.
شيماء وهي تطفي الستيريو:
من من أذا مابتردوا ليش طاقين الباب.
جواد:شيمو أفتحي الباب.
شيماء فرحت راحت تفتح له الباب ولما حطت يدها على مفتاح الباب اتذكرت أنها زعلانه منه.
شيماء من ورى الباب:ويش تبغى مو فاظيه لك.
جواد:أفاااا ياشيوم ألحين أنا مو فاظيه لي.
شيماء:هيه أنت أمس لما قلت لك وديني لصديقتي مارضيت وقلت لي مو فاظي لش ألحين أني مو فاظيه لك.
جواد:شيموه بتفتحي الباب لو أكسره.
شيماء:لا ولله خوفتي ومن قالك تناديني شيموه أصغر عيالك أني.
جواد:أسف كنت أفكرش أكبرهم.
شيماء:تنكت حضرتك.
جواد:لا أخفف دمي.
شيماء:تراك مصختها.
جواد:حطي عليها شوية ملح.
شيماء:ياثقل دمك.
جواد:سوي له رجيم.
شيماء بدت تعصب:جواد مو فاظيه لك.
جواد:على راحتش بس صدقيني ماباكلمش.
شيماء تفتح الباب تتفاجئ:الله حلوه لى من هذي؟؟
جواد يعطيها باقة الورد:يعني لى من غيرش.
شيماء:شكرآ الله لا يحرمني منك.
جواد:ولا يحرمني منش.
شيماء:تدري نفسي أتزوج واحد يحبني زيك.
جواد ينطالعها بنص عين:هادي يحبش أكثر مني.
شيماء أستحت ونزلت راسها
جواد:هادي بيتهنى مو أنا مالت عليي ماأحد يحبني.
شيماء:أنت كل البنات أيموتو عليك وتقول ماحد.
جواد:أنا أبغى وحده تحبني لشخصي مو لجمالي ولأني ولد واحد غني وعن قريب باصير دكتور أبغى زيش حبيتي هادي من هو صغير<<هادي ولد خالتها..وكبر حبش معاش ولحد ألحين تحبيه وكل إلي تقدمو لش رفظتيهم عشان تنتظريه ياخذ وظيفته ويتقدم لش مو.
شيماء متفاجئه:أنت من وين عرفت أني ماقلت لك شي.
جواد:أفا ناسيه أني فاهمش عدل وأني أقرأ كتب علم
النفس.
شيماء:لا بدى دكتور زمانه يتفلسف.
جواد:أنا اتفلسف..سوه روحه زعلان..خلاص ازعلت بطلع.
مسكته من ايده جرته داخل الغرفه وقعدو يسولفو..جواد تذكر البنت>>ساره.

جواد:شيمو حبيبتي أنتي عزمتي أحد من صديقاتش على يوم الأربعاء.
شيماء بأستغراب:لأ ليش تسأل ؟؟
جواد:ها لا بس جذي عشان ياخذو راحتهم.
شيماء:بس العائله بجو يعني ماأحد غريب بجي.
جواد يكلم نفسه:ليش قالت أنها بجي يوم الأربعاء أف ماأقدر أصبر للأربعاء..ابغى أعرفها من الحين.

_________________

#في البحر#

قيس ورائد على شاطي البحر.....
قيس:رائد ويش فيك هل يومين متغير.
رائد:ألا قول من أربعة أيام...قيس أنا مريض.
قيس:ويه لا يكون السرطان..لحظه لحظه..مسك خصله من شعره القصير..وحدك لا بروحك لمسنا الصوف الشر عنا مصروف يادافع البلا.
رائد:هايي أنت ويش تخربط.
قيس:ههههههههههه هذي أختي حورو لما تسمع شي مو زين اتقول جذي.
رائد من سمع أسم حوراء تغيرت ملامحه:ااااااااه
قيس:بل شكلها السالفه جايده
قول وشو مرضك.
رائد:أنا أنا
قيس:هيه أنت عجل أنا.
رائد:أنا أحب.
قيس:هههههههههههههه ومنهي تعيسة الحظ ألي طيحتك ولعبت عليك.
رائد:ماأسمح لك تقول عنها جذي.
قيس:شكلك رايح فيها.
رائد:ويش أقولك ياقيس أحبها ولله ولله أحبها.
قيس:وين شفتها وكيف حبيتها وهي تحبك؟؟
رائد:حبيتها من أول نظره وماأدري أن كانت تفكر بي ولا نستني.
قيس:روح أخطبها وشوف أذا وافقت خلاص تنحل مشكلتك وأذا ماوافقت الله أيساعدك..مع أني متأكد أنهم بيوافقو لأن ما بيلاقوا أحسن عنك.
رائد فرحان:خلاص قول لأمك وأبوك أن أمي وأبوي بيجو لكم يوم الأربعاء.
قيس مو فاهم شي:ليش أقول لهم؟؟
رائد:لأني أبغى أختك حوراء ياغبي.
قيس:ههههههههههه ألحين أنت مادورت تحب ألا حورو.
رائد:لاتقول أنها مخطوبه خبري أن أختك فاطمه هي المخطوبه.
قيس:لا مو مخطوبه بس أذا تزوجتها بتخليك على بساط الفقر.
رائد:ليش؟!
قيس:لأنك أذا تزوجتها كنك متزوج ثلاث مو وحده.
رائد:مافهمت وضح أكثر.
قيس:أسمع تدري أن لما سافرنا سوريا ويش سوت أخذت ثلاث شنط سفر غير شنطة أغراضها وكل شي يعجبها تاخذ منه ثلاث قطع تدري ألى من أليها شنطه وألى صديقاتها أمل وساره كل وحده شنطه.
رائد:زين حبيبة القلب طلعت كريمه.
قيس:صدق أنك خبل أقولك فلست أبوي تفلس.
رائد:مايهمني أنا أحبها وأبغاها..وأنت بخيل.
قيس:أنا بخيل يالثور.
رائد:هيه بخيل.
قيس:مالت عليك.

_________________

بعد ثلاثة أيام

#في بيت ساره#

ساره تبوس راس زوج أمها:الحمد لله على السلامه>>كان في رحلة عمل.
أبو وليد:الله ايسلمش..ساره وين أمش.
ساره:أمي فوق تجهز لها ثياب حق بنروح بيت خالي مهدي>>أبو جواد لأن جواد رجع من السفر.
أبو وليد:عجل أنا بعد باروح اتحمد له بسلامه...قولي لأمش تنزل تحط الغذاء.
ساره:إن شاء الله..راحت لأمها.
ساره:اماه..ابو وليد جى ويبغى غذى.
ام وليد:روحي حطيه..بعد الغذى أبغاش جاهزه مو تتأخري.
ساره:إن شاء الله.

_________________

مكالمه تلفونيه بين أمل وحوراء......

أمل:أففف يعني اليوم مابنروح مجمع الخنيزي.
حوراء:مايمدينا نروح نسيتي أن ساره بتروح بيت خالها وأني أمي قالت لي أقعد في البيت بيجو لنا ضيوف.
أمل:خلاص نروح بكره.
حوراء:باشوف أمي وباقول لش .
أمل:أوكي باي.
حوراء:باي.

أمل:أف الحين أني بقعد في البيت ويش باسوي أكيد بقعد أفكر في سلمان...وحشني وااجد...أف ما أبغى أفكر فيه ..خلاص باروح لزهروه.

راحت لغرفة ختها زهراء شافتها تحوس في جوالها
أمل:ويش قاعده اتسوي.
زهراء:يعني ويش أسوي قاعده أقرى قصه.
أمل:ويش أسمها؟؟
زهراء:دنيا العاشقين قصه روعه جناااان.
أمل:وشو هو محور القصه.
زهراء:أسمعي أول مابدت علاقتهم كانو يكرهو بعض وبعدين حبو بعض.
أمل:ياي لو يحبني سلمان جذي.
زهراء:ويه ويش قلتي ما سمعتش.
أمل:ها لا ولاشي كملي كملي القصه.
زهراء:مافي أول قولي ويش قلتي.
أمل:عادي ماقلت شي..يلا كملي القصه.

_________________

#في بيت أبو جواد#

أم جواد:هلا شخبارش ويش أحوالش إن شاء الله بخير.
أم ساره:بخير الحمدلله.
ساره:ويش حالش..وتسلم عليها باليد.
أم جواد:ولله وكبرتي وحلويتي ياساره.
ساره نزلت راسها مستحيه:تسلمي.
شيماء:ساره ويش رايش تجي معاي غرفتي.
ساره:عادي.

ركبت معاها دخلوا الغرفه.....
ساره:غرفتش مره احليوه.
شيماء:شكرآ عيونش الحلوه.

ساره طالعت الغرفه ولفتت أنتباهها باقة الورد وعرفت أنه شارينها لشيماء.

قعدت على السرير وشيماء قعدت جنبها.
شيماء:افسخي عباتش ماحد في الغرفه غيري وله بتتحجبي عني.
ساره ببتسامه:لا بفسخها.

قعدوا يسولفوا وساره حبت شيماء وأرتاحت ليها وشيماء بعد حبتها.

ساره:وين دانه ما شفتها.
شيماء:أكيد قاعده على الكمبيوتر.
ساره:تقدري تناديها أبغى أشوفها.
شيماء:من عيوني.
ساره ابتسمت.

شيماء طلعت من الغرفه..أول ماسكرت باب الغرفه ألا تتلاقى عيونها بعيونه فحتت باب غرفتها دخلت على طول.
ساره متفاجئه:بل مامداش تناديها.
شيماء كانت طالع نفسها بلمرايه وتتأكد أذا كانت حلوه لو لأ.
شيماء:كيف كان شكلي لما طلعت؟؟
ساره:زي الحين.ليش تسألي؟!
شيماء من دون وعي:لأن هادي أهني وشافني و...قبل لا تكمل أنتبهت لكلامها سكتت.
ساره فهمت على طول:قصدش هادي ولد خالتش وحبيبش.
شيماء أستغربت:من وين عرفتي؟؟من ألي قالش؟؟
ساره:أني عرفت بطريقتي.
شيماء:هيه كيف.
ساره:أول شي أنتي حاطه تعليقة جوالش حرف h‏ وغرفتش مليانه قلوب وأشياء حمره ورومنسيه وأشرطة الأغاني ألي عندش ثلاثة أرباعها عن الحب هذا يدل على أنش عاطفيه وااااجد ولما طلعتي وشافش هادي دخلتي على طول للمرايه تشوفي أن كنتي حلوه ولا لأ مع أنه لو واحد غيره شافش كان قعدتي مستحيه و خجلانه صحيح أنش مستحيه ألحين بس فرحتش أنش شفتيه باينه على عيونش.

شيماء كانت طول الوقت ساكته ماتوقعت أن ساره ذكيه وقوية الملاحظه.
شيماء:تدري أن تحليلش لحبي لهادي يشبه طريقة جواد في ال
..فجئه ينفتح باب الغرفه.
جواد:شيمو هادي متخبل عل..أنتبه لوجود ساره..طلع من الغرفه بسرعه.
أما ساره أنحرجت وسكتت ولا قالت شي.
شيماء طلعت من الغرفه وكان جواد بعده واقف.
شيماء بخوف: هادي ويش فيه؟؟
جواد:مافيه شي بس ايقول شافش وأمسوي لي عرس في الغرفه.
شيماء:ههههههههه.
جواد:من هي البنيه ألي بلغرفه؟؟
شيماء:ماني قايله لك أكيد عجبتك.
جواد:شيموه مو فاظي لمسخرتش قولي من هي.
شيماء:أحلف ماعرفتها.
جواد:ليش أنا لازم أكون أعرفها.
شيماء:هذي ساره بنت عمتي.
جواد:شوووووووووووووووو.
شيماء:اشفيك متفاجئ جذي أكيد من جمالها لأنها أول وحده في العائله غير دانوه تتقارن بجمالي .
جواد بصوت واطي:هي أحلى منش.
شيماء:ويش قلت.
جواد:مو كأنش تركتيها بروحها دخلي قعدي معاها.
شيماء:بروح أنادي دانوه.
جواد:دانوه تحت في المطبخ.

راحت شيماء ..جواد بقى مكانه يستجمع أفكاره.. ساره طلعت من غرفة شيماء وهي تكلم جوال.
ساره:هيه ألحين أبنزل...باي.

لفت شافت جواد واقف قدامها.
ساره مرتبكه:حمد لله على السلامه.
جواد:هيه الحين حمد لله على السلامه وقبل ثلاثة أيام وقح ومو محترم ومادري شو.
ساره اطالع جهه ثانيه بحزن:أسفه ما كان قصدي
جواد قاطعها:أنا ألي أسف ماأبغاش تفكريني صايع شغلتي أغازل البنات صدقيني أنتي أول وحده أل
ساره قاطعه:هيه دريت أنك محترم وخلوق ومايحتاج تقص قصة حياتك...عن أذنك أمي تنتظرني.
راحت بسرعه....أما جواد ظل ايفكر(ويش فيها هذي أول مره وحده ترد عليي جذي).

سمع صوت أحد يناديه راح لغرفته ألي هي قريبه من غرفة شيماء.
جواد وهو يفتح باب غرفته:ويش فيك قاعد اتصارخ.
هادي:ويش فيك نقعتني في غرفتك كل هذا قاعد ويا شيماء حسافه ماأقدر أخطبها قبل لاأستقر في وظيفتي.
جواد:أذا بتقعد طول الوقت تتكلم عن شيماء بتركك وبطلع.
هادي:ويش فيك امعصب.
جواد:مافيي شي.
هادي:على راحتك.

(هادي شاب وسيم رائع خلوق متفهم ذكي أجتهد في حياته ودراسته بس عشان شيماء وهو يحبها ويموت فيها).

_________________

#في بيت أبو قيس#

*غرفة حوراء*

حوراء:اف ألحين أمي خلتني في البيت حق بس أروح أقدم العصير والحلويات
فاطمه:ياهبله أنتي مافهمتي أن المراه إلي تحت جايه هي وختها حق يخطبوش لولدها.
حوراء مندهشه:ماأحد قال لي .
فاطمه:قيس قال لي لأن إلي يبغاش صديقه رائد.
حوراء فرحانه:صحيح.
فاطمه:ويش فيش جذي فرحانه لا يكون
حوراء:لأ ماأحبه بس معجبه به.
فاطمه:يعني بتوافقي.
حوراء:أول أبويي يسأل عنه بعدين أقرر.
فاطمه:انزين ابغى رايش مبدئيآ.
حوراء:ماله داعي تعرفي الحين.
فاطمه:سخيفه أني لما انخطبت اول وحده عرفت رايي انتي.
حوراء:أكيد بتقوليلي لأن خطيبش خال صديقتي.

(ملاحضه)
"فاطمه مخطوبه لخال أمل
راشد وهو ألحين امسافر رحلة عمل وعمره 25سنه"

_________________

اليوم التالي

مكالمه تليفونيه بين حوراء وساره.....
ساره:حلفي أمس خطبش ما أصدق.
حوراء:حتى أني ما صدقت أول ما قالولي..لو تشوفيه ياساروه ايجنن وسيم.
ساره:أختي شكلي مغلطه في الرقم.
حوراء:ساروه عن المزح الماصخ.
ساره:أنزين أنتي بتوافقي؟؟
حوراء:أول أبوي بيسأل عنه مع أنه مايحتاج لأن قيس يعرفه عدل بس هذي الأصول.
ساره:أنزين وأذا طلع ولد حلال وما ينعاب بتوافقي.
حوراء:أذا ماينعاب ليش ماأوافق.
حوراء:أي اليوم بنروح أني وأملوا مجمع الخنيزي بتروحي معانا؟؟
ساره:هيه باروح لأن أبغى أشتري لي ثوب جديد.
حوراء:الساعه ثمان تكوني جاهزه.
ساره:أخوش قيس ألا بيودينا.
حوراء:لأ أني أضحكي أكيد قيس.
ساره:أوكي باي.
حوراء:باي.

ساره راحت تجهز نفسها وتخلص على الساعه سبع ونص دق جرس البيت.

راحت ساره تفتح الباب.
ساره:هلا سلمان ويش صاير امتعب نفسك وجاي تزورني.
سلمان:أنا مو جاي أزورش أنا جاي أوديش البيت لأن أمي تعبانه<<جدتها وأبغاش تسهري معاها.
ساره:خلاص باروح أقول لأمي وزوجها وباجي.مشت شوي وقفت.
سلمان:ويش فيش وقفتي.
ساره:ذكرت أني لازم أقول لصديقاتي أني باروح معاك.
سلمان:أخر زمن الناس قامت تاخذ أذن من صدقانهم عشان يروحو بيت جدتهم.
ساره:لا مو جذي أني باقول لهم لأني كنت أباروح معاهم مجمع الخنيزي.
سلمان:خلاص روحي معاهم وأنا أجي لش بعدين.
ساره:أوكى.
سلمان:تعالي من هو ألا بيوديكم.
ساره:ومن هو غير قيس أخو حوراء.
سلمان:لا ما أبغاش تروحي معاه ويش رايش أنا ألي أوديكم؟؟
ساره بصوت واطي:ماتبغاني أروح معاه لو تغار على أملوا.
سلمان سمعها:هيه أغار عندش مانع.
ساره:خلاص باروح أتصل لحوراء أقول لها وأنت أنتظرني بالمجلس.

راحت تكلم حوراء .. بعد ما خلصت من حوراء أتصلت على أمل.
ساره:هلا ولله.
أمل:هلا فيش.
ساره:خلصتي.
أمل:من زمان وقاعده أنتظر حورو.
ساره:ترا مو قيس ألي بيودينا سلمان هو إلي بيودينا.
أمل شاقه الحلق:خلاص تعالو أني جاهزه.
ساره:أوكى باي.
أمل:باي.

ساره راحت لأمها وقالت لها أنها بتروح بيت جدتها بعد ماترجع من السوق وأمها وافقت لأن وجود ساره زي عدمه عندها هي ماتحبها بس ماتكرهها يعني عادي.

ركبت مع عمها مروا على حوراء وأمل راحوا المجمع.

_________________

#في مجمع الخنيزي#.

ساره حوراء أمل يتسوقوا ..سلمان معاهم بس بعيد عنهم اشوي عشان ياخذو راحتهم.

ساره:هذا المحل شكل ثيابه حليوه مو.
حوراء:تعالو ندخله.
أمل:أني اتعبت بستريح لي اشوي.
ساره:على راحتش أمشي حوراء.
ودخلوا ثنتيهم المحل أما أمل قعدت على كرسي من كراسي الأنتظار وقعدت تحوس بجوالها.

سلمان لاحظ أنها قاعده بروحها راح وقف عند محل
قريب منها طلع جواله كتب رساله من الملاحظات ألي في الجوال غير أسم جهازه
شاف أسماء أجهزه واجد كلهم شباب ولفت أنتباهه أسم"أحلى أموله"وناظر الناس ألي من حوله ماشاف بنات قاعدين كانت أمل هي الوحيده ألي قاعده فعرف أن هذا أسم جهازها ورسل لها الرساله عن طريق البلوتوث.

أمل كانت قاعده تحوس في الجوال وتفاجئت لماشافت.

"أستلام رسالةBluetooth‏ ‏ من أنا سلمان"
رفعت نظرها له وشافته يهز براسه(يقصد أستقبلي)فهمت قصده وظغطت على نعم وجاتها الرساله.

"أبغا أسألش سؤال ممكن"

أمل من دون أي تردد لأن الفضول بيذبحها تبغى تعرف ويش هو السؤال.
ردت عليه:
"اتفضل"

سلمان ما أتوقعها ترد عليه بس ردها شجعه يكتب سؤاله و رسله لها.

وصلت الرساله لأمل وفتحتها
"ويش هل العباه ألي لابستنها رايحه عرس لو مجمع"

أمل أنقهرت لحدها ورسلت.
"وقح ويش دخلك فيي أني حره لما تصير أبويي تعال حاسبني".

رد سلمان:
"لو كنت وقح كان أخذت رقمش و وزعته"
( عن طريق البرنامج الجديد إلي بلجوال)

رد أمل:
"ويه خوفتني واجد شكلي باصيح .
أخذه مو مشكله أقدر أغير الرقم".
قفلت البلوتوث مشت من دون ما تنتظر رده.

أما سلمان لما شاف رسالتها ضحك لما شافها مشت مشى في نفس طريقها بس بعيد عنها.

لما كانت تمشي جى لها شاب يغازلها.....
الشاب:أيش هالزين أيش هالحلاه ممكن رقمك ياعمري.

سلمان أنتبه لشاب راح صوبهم.
سلمان:أخوي ويش بغيت.
الشاب:بغيت رقم الحلوه.
سلمان:صدق ماتستحي على وجهك.
الشاب:ليش الحلوه ويش تقرب لك.
سلمان:خطيبتي.

أمل تفاجئة من رده وظلت ساكته.
الشاب:ماأصدق أنها خطيبتك لأنك مستحيل ترضى أنها تلبس هالعباه.
الشاب:عندي لك نصيحه علمها الأدب وكيف تلبس عباه عدله وتغطي وجها زي الناس..تركهم راح.

أمل تمنت الأرض تنشق وتبلعها
ولا يصير لها هالموقف تمت ساكته.
سلمان شكله مايطمن ابد.

في هالحظه جت ساره حوراء.

ساره لاحظت أن أمل قريب تصيح وسلمان شكله مايطمن.
ساره:ويش فيكم؟؟
سلمان بهدوء عن لا يفقد أعصابه:يالله أمشوا باروح.
ساره:بس .
سلمان صرخ:مااسمعتي ويش قلت.
ساره:خلاص لا تعصب بنمشي...


شو راح يسوي سلمان؟!
وهل بتوافق حوراء على رائد؟!
وشو بيصير بين ساره وجواد؟!
إذا شفت تفاعل راح أكمل

سلمان(يصرخ):مااسمعتي ويش قلت.
ساره:خلاص لاتعصب بنمشي.
وسبقهم سلمان لسياره وساره سألت أمل ويش صار بس أمل ماردت.
وفي السياره ساره لاحظت أن شكل سلمان مايطمن لأنه امعصب.
ساره:سلمان لاتسوق السياره وأنت امعصب أنتظر ليما تهدى.
سلمان:ومن قال لش أني بهدأ.
ساره:أنزين قول لي ويش صاير.
سلمان:ليش ماتسألي صديقتش المحترمه ويش صار...أنا أول مره أنحط في موقف زي جذي...فشلتني.
أمل(تدافع عن نفسها):ولله ماحد قالك قول أني خطيبتك.
سلمان:ولش عين تتكلمي بعد.
أصلآ يحصل لش الشرف لو يخطبش واحد زيي.
أمل:ومن قال لك أني ممكن أقبل أخذ واحد مثلك.

ساره و حوراء كانو ساكتين ومو مستوعبين ألي يصير قدامهم.

سلمان فول من التعصيب:أنتي أصلآ من بيقبل ياخذش أنتي ماعندش أحترام ولا
ساره تقاطعه:سلمان أنت ويش قاعد تقول ثمن كلامك
قبل لا تقوله.

أمل ماقدرت تستحمل الكلام ألي قاله سلمان وحطت يدها على مقبض الباب تبغى تنزل من السياره بس الباب ما أنفتح.
سلمان أنتبه لها:لا تحاولي ما بينفتح الباب لأني قافلنه.
أمل وهي تحاول أن دموعها ما تطيح قدامه:ممكن تفتحه.
سلمان:لا مو ممكن لأن أنا ألي جبتش ولازم أنا ألي أوديش البيت.

و ساق السياره ساره تفشلت من سلمان وماعرفت شتقول
و حوراء ظلت ساكته .

أمل كانت تحمد ربها أنها وراء ساره حتى سلمان مايشوف دموعها .

سلمان وصل حوراء ونزلت من دون ما تقول شي وبعدها جا دور أمل وقبل لا تنزل
ساره:أمل أني أسفه سلمان ما كان يقصد
سلمان يقاطعها:لأ أقصد وما يحتاج تتأسفي.
ساره:سلمان.
أمل ماقدرت تستحمل أكثر:أنت ماتحس (سلمان لف صوبها وأنصدم لما شاف دموعها) ماعندك ذره أحساس أذا أني الغريبه عنك قلت لي جذي وما أستحيت على وجهك هذا ساره ويش امسوي لها.
وطلعت من السياره ودخلت البيت ابسرعه.
سلمان لام نفسه على الكلام ألي قاله وساق السياره من دون مايقول ولا كلمه وساره أحترمت سكوته وسكتت ولما وصلو البيت(بيت الجده أم سلمان).
سلمان:نزلي.
ساره:أنت مابتنزل؟!وين بتروح؟!
سلمان:بتمشى شوي و بعدين باجي.
ساره:سلمان أمل ما
سلمان يقاطعها:ممكن تسدي السالفه وتنزلي.
ساره وهي تنزل:بس لا تتأخر.
سلمان مارد عليها ولما نزلت مشى بسرعه.
ساره دخلت البيت وراحت للغرفه المخصصه لها و بدلت ملابسها وراحت غرفت جدتها ولقتها نايمه وماحبت تزعجها ورجعت غرفتها و جلست تفكر في حال سلمان و أمل.(هي بين فتره وفتره تنام في بيت جدتها فا نص أغراضها موجوده)

_________في بيت أمل.

أمل دخلت البيت و جلست في الحديقه تمسح دموعها و تعدل شكلها و لما دخلت لقت أبوها و أمها وخواتها وأخوانها يتعشو.
أمل:السلام عليكم.
الكل:وعليكم السلام.
الأب:ها أمل ماأشوف بأيدش شي غريبه مو من العاده.
أمل:ماعجبني شي كل شي قديم.
الأم:روحي بدلي وتعالي اتعشي.
أمل:ما أبغى عشاء باروح أنام لحد يزعجني.
زهراء:ترا خلصت القصه ماتبغي أقول لش النهايه.
أمل:قوليها بكره أني تعبانه وأبغى أنام...تصبحو على خير.وركبت لغرفتها.
الأم:زهراء حنان أحد منكم امزعلنها.
زهراء:أني ما سويت لها شي يزعل.
حنان:وأني من زمان ما كلمتها عشان أقول لها شي يزعلها.
حسن وحسين:أصلآ هي صار لها أسبوع و هي مالها نفس لشي.
حسين:أنا أقول لها تلعب وياي بلاي ستيشن ما ترضى.
حسن:وأنا بعد قلت لها تلعب وياي أكس بوكس مارضيت.

الكل ظحك على براءة الأطفال وكملو عشاهم.

______في سياره سلمان

مل من المشي بدون هدف ورجع البيت ولما دخل السياره داخل الكراج جلس يفكر اشوي ولما قرر ينزل من السياره أنتبه لشنطه مرميه على السيت ألي وراه ولف أخذها(شنطة أمل).
سلمان:هذي شنطة أمل معقوله نسيتها...أي ماتنلام أكيد تهزيئي ليها خلاها تنسى شنطتها.
وفضوله خلاه يفتح الشنطه ويفتشها و شاف فيها بوك وداخله ثلاث صور وحده لأبوها وثنتين لأخوانها(حسن وحسين)وشاف جوالها وخطرة على باله فكره أخذ جواله وكتب رساله وفتح بلوتوث جوالها ورسل الرساله
وبعدين عود جوالها لشنطتها وشاف عطر صغير محطوط في الشنطه وأخذه وشمه(الحبيب ذاب من رائحة العطر)
فأخذ له منديل ورش العطر فيه ورجع العطر لمكانه وأخذ الشنطه و نزل من السياره ودخل الصاله و كانت ساره تشاهد تلفزيون.
سلمان:السلام عليكم.
ساره:وعليكم السلام ورحمت الله وبركاته(بطريقة المدارس)
سلمان ببرود:جربي غيرها ماتظحك.
ساره وقفت وتقدمت له ومن دون مقدمات سألته:سلمان أنت صحيح تحبها.
سلمان يمد الشنطه لها: أبغاش تصحيني بكره الصبح عشان أوديش لها تعطيها شنطتها.
ساره:بس أنت ماجاوبت على سؤالي.
سلمان:جوابي لا بيقدم ولا بيأخر...تصبحي على خير.
ساره:مابتتعشى ؟!
سلمان:نفسي مسدوده أكلي بروحش.
ساره:سلمان سلمان.

بس مارد عليها ودخل غرفته
وأستلقى على سريره وطلع المنديل من جيب بنطاله وقعد يشمه.
سلمان:ولله أني أحبش بس شسوي لحظة غضب خلتني أفقد أعصابي ...أخ كلامها زي السكين تقطع بقلبي...ليتني ماوصلتهم ولا صار الموقف وقلت لها هلكلام.

_________في الصباح

مكالمه بين أمل وساره.

ساره:الو السلام عليكم.
أمل بتعب:وعليكم السلام.
ساره:ويش فيش تعبانه؟!
أمل:لا مو تعبانه بس جذي لأني توني قاعده من النوم.
ساره:أوه أسفه أزعجتش.
أمل:لا عادي مافي أزعاج.
ساره:أنتين مشغوله؟!
أمل:لأ مو مشغوله بس ليش
تسألي؟!
ساره:أنتين أمس نسيتي شنطتش في سيارة سلمان
وألحين أني باجيبها لش.
أمل:توني ذاكرتنها خلاص تعالي البيت بيتش حياش الله في أي وقت.
ساره:مشكوره مع السلامه.
أمل:الله يسلمش.
وسدو الخط
أمل راحت تجهز وساره راحت تصحي سلمان وبعد ماصحته نزلت تفطر أياجدتها.
ساره تبوس راس جدتها:صباح الخير ويش حالش ماما أنشالله بخير.
الجده:هلا بنيتي هلا تعالي قعدي جنبي.
ساره وهي تقعد بجنبها:ويش حال صحتش أنشالله ابخير.
الجده:يابنيتي خلاص الصحه والعافيه خلصت تركتها لكم.
ساره:لأ لا تقولي جذي طول الله بعمرش انشالله.
الجده:أني مو خايفه على نفسي أني خايفه على سلمان من بعدي سلمان بعده مايعرس وماعنده أحد يطبخ له
يواسيه يقاسمه فرحه وحزنه
ساره تبكي:وأني وين رحت... لاتخافي عليه أني بظل وياه وأنتي بعد مابتتركينا(واتصيح).
حضنتها الجده وقعدو يصيحوا سلمان كان ينزل من الدرجه ولما سمعهم ركض لهم.
سلمان متخرع:ويش فيكم؟!ويش صاير؟!
الجده:مو صاير شي بس ساره حساسه زياده عن الزوم.
الجده:قومي يابنيتي غسلي وجهك وكملي فطورك.
ساره قامت وراحت للمغاسل وغسلت وجهها ورجعت المطبخ
سلمان وأمه كانوا يتكلموا.
الجده:هاياوليدي لقيت لك وظيفه.
سلمان:أي لقيت وباداوم من السبوع الجاي.
الجده:والراتب عساه زين.
سلمان:الراتب أحسن مما يكون.
الجده:زين خلاص عجل أني من بكره باروح أخطب لك.
في هللحظه سلمان تغيرت ملامح وجهه وساره كانت تناظره تنتظر جوابه.
سلمان:يمه أنا ما أبغى أعرس ألحين.
الجده:ليش؟!مافي شي ناقصك. البيت وكاهو عندك والوظيفه بتاخذها بعد سبوع وراتبك عالي.ليش ماتعرس ألحين.
سلمان:يمى أنا ماأبغى أزعلش بس ماأبغى أعرس ألحين لين بغيت باجي باقول لش.
الجده:على راحتك أني ما بجبرك .
وكملوا فطورهم وبعد ماخلصو ساره راحت تجهز نفسها عشان تروح لأمل.

#وفي السياره#

ساره:أنت ليش ماتبغى تعرس ألحين؟!
سلمان:لو أمي قالت لي أنها بتخطب لي من قبل سبوعين كان وافقت بس ألحين لأ.
ساره:ليش عشان أمل؟!
سلمان:أذا ماتزوجتها ماراح أتزوج غيرها.
ساره:طيب ليش ماتتقدم لها.
سلمان:أنتي أكيد جنيتي كيف تبغيني أتقدم لها وهي رافظتني.
ساره:ومن قالك أنها رافظتك.
سلمان:هي بنفسها قالت أنها مستحيل تاخذ واحد مثلي و
ساره تقاطعه:وأنت بعد قلت
أن ماحد بيقبل ياخذها وهذا أنت تبغاها.
سلمان:أنا غير.
ساره:كيف غير؟!
سلمان:ساره ممكن تسدي الموضوع.
ساره:لا مو ممكن لأن كل مافتحته قلت لي سديه نفسي مره تكلمني به للأخر.
سلمان:أنا أحبها وأموت فيها بس مستحيل أتقدم لها لأني أذا تقدمت لهاممكن ألا أكيد بترفظني وأذا صار هلشي بتتحطم كرامتي وقلبي وأنا أفضل أن يتقطع قلبي مئه قطعه ولا كرامتي تنمس.
ساره سكتت لأن وجهه نظره صحيحه بس هي شاكه أن أمل تحبه من نظراتها وحركاتها.
ولما وصلوا بيت أمل نزلت ساره ودقت جرس البيت وفتحت لها أمل ألي كانت تنتظرها في الحديقه.
ساره:السلام عليكم.
أمل:وعليكم السلام.
ساره:كيف الحال؟!
أمل:الحمد لله بخير...ليش واقفه تفظلي داخل.
ساره:لا مايحتاج مستعجله سلمان ينتظرني.
أمل من سمعت أسم سلمان رجع الحزن لعيونها وساره حست لها(فهيمه تعجبني).
ساره:أمل سلمان ماكان يقصد بس هو لين عصب يقول كلام مايعنيه.
أمل مبتسمه أبتسامه خفيفه:حصل خير ماله داعي تفتحي الموضوع.
ساره:يعني سامحتيه.
أمل:مايحتاج أسامحه لأن هو غلط علي وأنا بعد غلطت عليه فمايحتاج نتسامح من بعض.
ساره:شكرآ مع السلامه.
أمل:الله ايسلمش.
ساره طلعت من بيت أمل وراحت لسلمان وقالت له عن الكلام ألي قالته أمل وسلمان أرتاح مبدئيآ ورجع ساره بيت أمها لأن بكره وراها مدرسه.

أما أمل فأخذت الشنطه وراحت غرفتها وفتحتها وأخذت الجوال وشافت رسالتين الأولى رساله عاديه من عند وحده من زميلاتها والرساله الثانيه من البلوتوث وأستغربت لما شافتها .

#الرساله#
"أنا أسف سامحيني ماكان قصدي(s)"
أمل ماصدقت الكلام ألي قاعده تشوفه وقرته أكثر من مره وهي فرحانه.

______اليوم التالي
#بيت أبو جواد#

شيماء:دانو أرجوش روحي ويايي.
دانه:أوففففففففففففففف ماتشوفيني مشغوله.
شيماء:أني أبغى أعرف أنتين
ماتستملي من النت طول يومش قاعده عليه.
دانه:أني حره أنتي ويش لقفش.
شيماء:أبغاش تروحي أيايي ماأبغى أروح بروحي .
هذي أول مره أروح بيتهم وأستحي أروح من دونش.
دانه:أنتي بتروحي بيت عمتش مو بيت غرب يعني عادي لو رحتي لوحدش مو لزمه أكون أياش.
شيماء:أذا رحت بدونش ساره بتسأل عنش وأذا سألتني مابعرف بشو أجاوبها.
دانه:عادي قولي لها أني مو فاظيه أطلع ومشغوله في النت.
شيماء:تبغيها تاخذ عنش فكره غلط.
دانه عصبت:وليش تاخذ عني فكره غلط...أني مو قاعده أكلم صبيان أني أسولف ويا صديقاتي وعلى أيميلي يعني تقدري تفتح أيميلي وتشوفي أن كنت أكلم غير صاحباتي...والحين قومي أنقلعي برى.
شيماء:تطرديني... لكن أني بتشوفي أن ماوريتش ماأكون أني شيماء.
دانه:يماي خوفتيني ياربي مو قادره أوقف حق أروح الحمام.
شيماء:قاعده تتمسخري يال****ه التيسه الثوره النعزه البقره_(الأخت بدى السب عندها وهي أن سبت ماتسكت خخخ).
دانه:حبيبتي ليش امتعبه حلقش في السب ألي مايناسب
عمرش سمعتي أن في فصيلة حيوان أسمها ****ه لو تيسه لو ثوره هذا أولآ وثانيآ أبغاش تنظفي عيونش عشان تشوفي أني من البشر مو من الحيوانات.
وتموا يتناجرو لين جا لهم جواد.
جواد:شفيكم شصاير؟!
شيماء:ولله أسأل أختك.
دانه:هي ألي بدت مو أني.
جواد:وأنتو ماتخلو أحد يرتاح.
دانه:خذ أختك وأطلع برى وبترتاح.
جواد:أكيد ابرتاح لأني مابشوف رقعه وجهش.
دانه:أففففففففففففففف مابتطلعو من الغرفه.
جواد طلع من الغرفه وشيماء لحقته أما دانه رجعت تسولف في الماسنجر.
شيماء وهي تلحق جواد:جواد لحظه تعال جواد.
جواد وهو يوقف لها:نعم ويش تبغي.
شيماء:أفا أني شيمو تقولي جذي.. خلاص ازعلت.ومشت عنه بس هو مسك يدها.
جواد:شيومتي لاتزعلي لو تطلبي عيوني باعطيش أياها.
شيماء:لا ويش أسوي في عيونك خليتهم لك.
جواد:هههههه أنزين ويش تبغي؟!
شيماء:أذا ما عليك أمر أبغاك توديني بيت عمتي.
جواد:ليش بتروحي غريبه هذي أول مره.
شيماء:ماأدري يمكن لأني أرتحت لساره وأبغى أتعرف ليها عن قرب.
جواد:أها خلاص روحي ألبسي وأنا بنتظرش.
شيماء طايره من الفرحه:أني ماأتخيل حياتي من دونك.
جواد:تدري ليش...لأني لين مت مابتقدري تعيشي من دوني وبتقتلي نفسش وبتموتي.
شيماء:الله على الواثق أخاف تتشقق من الغرور.
جواد:لاتخافي أمي خياطه مهاره لين تشققت بتخيطني خخخ.
شيماء:أني باروح ألبس قبل لاتبدي ثقالت دمك.
جواد:خليت خفه الدم لش.
لكن شيماء ماردت عليه وراحت تجهز.

_______في بيت أبو وليد

ساره و وليد وأم وليد في المطبخ.
ساره:وليدو ياغبي اتباعد عن العصير لا تكبه اتبااااااااااااااااعد.
وليد:أوففف أنا أبغا عصير مو بس لهم.
ساره:باعطيك بس أذلف وفكني.
وليد:أبغا من الكيكه بعد.
ساره:أن تميت تزن فوق راسي مابتستوي الكيكه.
وليد:أماه شوفي ساره تصرخ عليي.
الأم من دون ماتسوي سالفه حق ولدها:ساره جهزتي المجلس.
ساره:مايحتاج أجهزه ..شيماء بتقعد في غرفتي..وجواد بيسلم عليش وبيروح.
الأم:لامايصير لازم يدخل عشان انضيفه لو ماتبغي انضيفه.
ساره:أنشالله باخلص الكيكه وباجهزه.

وبعد ماخلصت كل شي راحت تلبس وتكشخ وتتكحل(هذا شي ضروري).

ترن ترن ترن (صوت الجرص)

ساره لبست عبايتها ونزلت تفتح الباب.
شيماء:هااااااااااااي.
جواد:شيماء أنا كم مره قايل لش أبدي بسلام أول.
شيماء:أففففففففففففففف.
ساره:ههههههه.
جواد:السلام عليش.
ساره:وعليك السلام.
جواد:ويش حالش ساره.
ساره:الحمدلله بخير أنت شخبارك.
جواد:أنا ابخير دام أني شفتش.(الأخ أخذ راحته في الكلام خخخ).
ساره أستحت ونزلت راسها
وجواد تم أيطالعها.
شيماء:جواد مو كائنك مصختها
قاعد تسولف أيا البنيه.
جواد:ساره مو غريبه عليي بنت عمتي ومو عيب اكلمها.
ساره:أنزين اتفظلو داخل ليش واقفين.
شيماء:ننتظرش اتخلينا ندخل.
ساره:لاولله.. أمشي دخلي .
ويدخلوا ويسولفوا شوي ليما جت أم ساره.
أم ساره:السلام عليكم.
الكل:وعليكم السلام.
أم ساره:هاياجواد عسى بس ماتغير عليك الجو.
جواد:ويه الله ايعينكم على هلجو حر حر مووووووت.
الكل:ههههههههههه.
ساره قامت وراحت تجيب العصير والحلويات.
ساره:أففف ويش فيه هلغبي يطالعني جذي(جواد)عمره ماشاف بنات حلوين.
وجهزت كل شي ورجعت لهم
وكانو يسولفو.
الأم:ها جواد لقيت لك وظيفه.
جواد:مايحتاج واحد زيي ماخذ شهاده دكتوراه يتعب نفسه ويدور له وظيفه أصلآ الوظيفه هي ألا أدورني.
ساره في نفسها:ويش هلغرور.
وراحت ساره لشيماء حتى تظيفها.
ساره قدمت العصير لشيماء وشيماء ذاقته وقالت:ياي مره احلو من ألي سواه؟!
ساره بخجل:أني .
وراحت تعطي العصيرلجواد وجواد أخذه ولما جا يشربه
شيماء شهقت:مو معقول جواد يشرب عصير غريبه.
الأم:ليش هو مايحبه.
شيماء:لأ مايحب العصير ويشرب بس بيبسي والغازيات.
وفي هللحظه وليد نادى أمه وأم ساره راحت له وتركتهم.
ساره بعد ماسمعت أن جواد مايحب العصير راحت تجيب له بيبسي ولما رجعت مدت له البيبسي.
جواد وهو رافع واحد من حوجبه:ليش امتعبه نفسش أنا ماقلت أبغا بيبسي.
ساره:مو أنت ماتحب العصير.
جواد:دام أنه من أيدش بشربه.
شيماء تفاجئة من طريقة جواد في الكلام بس سكتت لأنها تبغى تعرف رد ساره.
لكن ساره ماهتمت لكلام جواد وحطت البيبسي بجنبه وراحت جلست جنب شيماء.
شيماء بصوت واطي:شوفي جواد الحين بيغص.
ساره:لهدرجه مايحب العصير.
شيماء:حتى ريحته مايطيقها خصوصي عصير اليمون الي قاعد يشربه.
ساره:ولله ماحد غصبه يشربه.
جواد:كح كح كح.
شيماء:هههههههه ماحد غصبك تشربه ههههه.
جواد:أنتي سكتي أحسن لش بشربه أعناد فيش.
ومسك الكاس عشان بيشرب العصير بس الكاس طاح وأنكب شوي منه على كم قميصه.
جواد:أوووهوو.
شيماء:هههههههههههههه.
ساره قامت وراحت تجيب له منشفه.
ساره تمد المنشفه له:خذ نشف قميصك.
جواد ناظرها وقال:ليش ماتنشفيه أنتي.(أخونا نسى نفسه)
شيماء وساره أنصدمو من كلامه بس هذا مامنع ساره أنها ترد عليه.
ساره وهي معصبه:امفكرني زوجتك الغبله ألا بتخدمك.
جواد:ياااااااااااريت.
شيماء:جواد تراك مصختها.
جواد سكت ووقف وقبل لايطلع قال:أذا بغيتي تطلعي أتصلي ليي.وطلع.
شيماء تحاول تلطف الجو:ها ساره مابتوريني غرفتش.
ساره:يالله أمشي .

وراحو الغرفه وقعدو يسولفو وكانت أغلب سوالف شيماء عن هادي.


______بعد أسبوعين.

شيماء وساره صارو يكلمو بعض يوميآ وصارت علاقتهم قويه.

#في المدرسه#

شيماء قاعده مع صديقتها مرام.
شيماء:أفففف ملل متى بنفتك من المدرسه.
مرام:خلاص أذا أنتي ملانه لهدرجه تعالي ليي البيت.
شيماء:لا ماأقدر لأن ساره بتجي لي اليوم.
مرام:أني أبغى أعرف كيف متحملتنها ثقيلة دم.
شيماء:بلعكس ساره خفيفه دم وحبوبه...مرامو أنتي تغاري منها أعترفي أعترفي.
مرام في نفسها:ويه حشا أني أغار من سارو على شنو بغار أصلآ أني أحلى منها .
مرام:أني ماأطيقها أحسها منافقه.
شيماء:حرام هي طيوبه ومافي منها.
مرام في نفسها:أنزين أن ماخليتش تكرهيها ما أكون مرام بنت فلان الفلاني.
مرام:شيماء قومي نتمشى مليت من القعده.
(مرام بنت حلوه ودلوعه وحبوبه بس حقوده بشكل مو طبيعي وأذا حطت شي في راسها لازم تسويه).

في جهه ثانيه من المدرسه كانو أمل وساره وحوراء قاعدين يسولفوا.

أمل:سارو أنتي صرتي ماتكلمينا واجد.
ساره:حلفي..أني طول الوقت قاعده أياكم.
أمل:بس كل تكلمي شيماء أني بصراحه أغار منها.
حوراء:وأني بعد أغار.
ساره:ههههههه توني أدري أن عندي معجبات...صح حورو وافقتي على رائد ولا لأ.
حوراء:أبوي سأل عنه وقالو له أنه رجال ماينعاب وماشي سيده وما عنده لا مني ولا مناك.
ساره وأمل:أي وبعدين.
حوراء:اليوم برد عليه.
ساره وأمل:بتوافقي.
حوراء:ماباقول ألحين بعدين أقول لكم.

_________في المساء

مكالمه تلفونيه بين رائد و قيس.

رائد:ألو السلام عليكم.
قيس:وعليكم السلام والرحمه.
رائد:كيف الحال!؟
قيس:أحلف...أخلص قول ويش تبغى.
رائد:هذا جزاي أني أسأل عن حالك.
قيس:حالي تعرفه توني مساعه قاعد وياك في الدوام.
رائد:أممم قيس أنت مشغول ألحين.
قيس:لا ليش تسأل؟!
رائد:خلاص عجل باجي لك ألحين.
قيس:حياك في أي وقت بس أمي مو فاظيه تطبخ لك.
رائد:صاقعه تصقعك يازطي .
قيس:ههههههههه يالله تعال بسرعه.
رائد:أنزين مع السلامه.

قيس سد الخط وراح غرفة حوراءألي كانت قاعده تذاكر.

قيس:حوراء أبغاش في موضوع تركي كتابش واسمعيني.
حوراء تركت الكتاب:قول ترا خوفتني.
قيس:ههههه ليش خايفه.
حوراء:قيسوه أذا ماعندك شي روح ماليي خلق شي.
قيس:أصغر عيالش تقولي قيسوه.
حوراء:لأ كنت أفتكرك أكبرهم.
قيس:أنزين اسمعي رائد ألحين بجي وأبغى أسمع ردش صار لش سبوعين وأكثر وأنتي تفكري.
حوراء:أني اليوم رديت على أبوي.
قيس:وشو قلتي؟!
حوراء أستحت ونزلت راسها وسكتت.
قيس:ها السكوت علامه الرضا.
حوراء هزت راسها بلأيجاب.
قيس: مبروك أكيد رائدو بطير من الفرحه يااااي رائدو بيصير نسيبي.
وقام عنها وراح وهو فرحان أما حوراء تمت تظحك على خبال أخوها وردت اتذاكر.

بعد نص ساعه وصل رائد وقعد يسولف شوي مع قيس
لين مل وقرر أنه يفتح موضوعه مع حوراء.
رائد:أمممم قيس أممم أختك ماردت.
قيس طالعه بنظرات حزن وسكت.
رائد وهو خايف:لا تقول أن مافي نصيب.
قيس وفي صوته نبرة حزن:حاولت أقنعها بس مارضيت.
رائد وهو شوي وبيصيح:ليش هي سمعت عني شي.
قيس:لأ هي تقول أن خشمك طويل واجد.
رائد خلاص ماقدر وفول من التعصيب ووقف:أحلف روح قول ليها هي أصلآ تحلم بواحد زيي وأذا أنا خشمي طويل هي ويش تطلع أكي
قيس يقاطعه:هيه هيه هدي أعصابك وقعد ترا أمزح وياك.
رائد قعد:يعني شنو.
قيس وأبتسامته شاقه الوجه:
يعني مبروك يالنسيب.
رائد:لحظه لحظه أنا مو مستوعب عيد ويش قلت.
قيس:أقولك مبروك حورو وافقت
رائد وقريب يطير من الفرحه:ومتى بنملج؟!
قيس فتح عيونه على وسعهم: احلف ويش فيك مستعجل.
رائد:هههههه أختك أخذت عقلي.
قيس:بس عقلك.
رائد:عقلي وقلبي وروحي تصدق ياقيس أني ماكنت أصدق شي أسمه حب وخصوصي من أول نظره
كنت أقول أنه كلام فاظي بس لما شفتها سحرتني بسحر عيونها بهرتني بجمالها غلبتني جاذبيتها أخذتني ب
قيس يقاطعه:حدك عاد ألزم حدودك ألا قاعد تتكلم عنها أختي فاهم.
رائد:هههههههههههه.

_________بعد يومين.

مكالمه تلفونيه بين أمل وحوراء.

أمل:كلمتي ساره؟
حوراء:أي كلمتها.
أمل:ليش هي غايبه اليوم؟!
حوراء:لأنها نامت في بيت جدتها المريضه.
أمل:أها.
حوراء:أني نقلت لها كل دروسها وباروح لها بعدين أساعدها في حل واجباتها وأبغاش تروحي أياي.
أمل:مو مشكله مري عليي لأني أبغى أشوفها.
حوراء:أنزين بس مو تتمكيجي لأنها في بيت جدتها ويمكن بلغلط يشوفش سلمان.
أمل من سمعت أسم سلمان
صارت في عالم ثاني.
حوراء:أملو أملو ألوه ألووووووو.
أمل:نعم أسمعش مو صمخه.
حوراء:أنزين أني باسكر عشان أجهز باي.
أمل: ساكته.
حوراء:أملوه أملوه.
أمل:ها ويش تبغي؟!
حوراء:أقول لش باي.
أمل:باي.

_________في بيت أبو جواد.

جواد:أماه وين شيماء ماشفتها اليوم.
أم جواد:هي من جت من المدرسه وهي قافله عليها غرفتها حتى الغده ماتغذت.
جواد:أفا ليش أحد مزعلنها؟!
أم جواد:ماأدري روح أسأل دانو.
جواد ماأنتظر ولا لحظه وراح على طول غرفة دانه.
دانه كلعاده كانت في النت تتكلم مع وحده من صديقاتها.
دخل جواد عليها وهو يلهث من كثر ماكان يركض.
دانه:بل بل شفيك ويش صاير؟!
جواد:شيماء ليش ماتغذت اليوم في أحد مزعلنها؟!
دانه:بل كل هلركض عشان ست الحسن والجمال شيمو.
جواد:بلا تفلسف وقولي شفيها.
دانه:علمي علمك من وأحنا بلمدرسه وهي مو على بعضها.
جواد من سمع هلكلام راح غرفة شيماء ودق الباب بس شيماء مافتحته.
جواد:شيوم أفتحي الباب أنا جواد.
بس ماحد رد عليه.
جواد:شيماء أذا مافتحتي الباب بكسره.
شيماء فتحت الباب وأرتمت في حضن جواد وتمت تبكي.
جواد شافها في هلحاله فدخلها داخل الغرفه.
جواد وهو يبعدها عشان يشوف وجهها:حبيبتي شيوم ويش فيش؟!
شيماء: ساكته.
جواد:من ألا خلاش تصيحي قولي وأنا باصيحه بدل الدموع بابكيه دم.
شيماء:أههها أهها..جواد.. ساره غدرت بي.
جواد:شووووووووووووووووو
شيماء:أهها أها..جواد..ساره غدرت بي.
جواد:شوووووووووووووووو
وووووو.
شيماء بصوت متقطع:سا ر ه
قا لت ع ن ها د ي
جواد:شيماء أنا مو فاهم شي..لحظه شوي وباجي لش.
وطلع من غرفتها وبعد دقيقتين
رجع وهو ماسك كاس ماي.
جواد يمد الكاس لها:أشربيه وأهدئي وقولي لي كل شي.
شيماء أخذت الكاس وشربته وهي تشهق.

________في بيت جده ساره.

حوراء:سارو المدرسه مو حلوه من دونش.
ساره:شكرآ.
أمل:أوه..ساره..جوالي مفضي يبغاله شحن.
ساره:بسيطه جيبيه بشحنه.
وراحت ساره وأمل وحوراء تموا يسولفوا ولما رجعت لهم ساره.
حوراء:سارو من ألي يسكن في هلبيت؟!
ساره:جدتي وسلمان..ليش تسألي؟!
حوراء:لأن البيت كبير وحلو مو معقوله بس أثنين يسكنوه.
ساره وهي تناظر أمل:جدتي قالت أنها بتدور لسلمان عروس وبيعيش هو وياها في هلبيت.
أمل من سمعت كلام ساره تغيرت ملامح وجها .
ساره لاحظت على أمل:أمل..ويش فيش؟!
أمل:ها..لا..أقصد مافيي شي.
ساره:أمل أنتي تحب
حوراء تقاطعها واتأشر على التلفزيون:صبايا شوفو هذا يشبه رائد.
ساره:يااااااااااااااااي يهبل.
ساره:حلفي هذا يشبه رائد.
حوراء:تبغي الصراحه.
ساره:أكيد.
حوراء:رائد أحلى منه بواجد.
ساره:أنتي مره مفتخره بهلرائد.
حوراء:زوج المستقبل وماتبغيني أفتخر به.
حوراء تضرب جبهتها:أوه نسيت ماقلت لكم...حفلة خطوبتي يوم الأربعاء السبوع الجاي وأبغاكم تكنونو أول الحاظرين.
ساره:مبروك حبيبتي(وتقوم تحضنها وتبوسها).
أمل:مبروك و عقبال العرس.
حوراء:ههههههههه ما بعرس الحين أول بخلص الدراسه.
ساره:ياعيني على طالبة العلم خخخخ.
و يقطع عليهم سوالفهم رنة جوال حوراء.
حوراء:هلا ولله.
قيس:أهلين..خلصتي؟!
حوراء:أي خلصت.
قيس:خلاص عجل بعد خمس دقايق تكوني واقفه على الباب لأني مو فاظي لش حق تتأخري.
حوراء:أنشاءلله.
قيس:باي.
حوراء:باي.وسدو الخط.
حوراء:أفففف هذا مايحس أني أبغى أتونس وأسولف.
ساره:ليش قلتي أنش خلصتي.
حوراء:لأني أذا قلت له ماخلصت بيهزئني وبيصرخ عليي.
ساره:الله يعينش عليه.
حوراء:قولي الله يساعد الا بتزوجه عليه.
أمل:زوجته بتكون حاله خاصه وماأعتقد أنه بيصرخ عليها.
حوراء:غريبه طلعتي تسمعينا.
أمل:أني مو صمخه عشان ماأسمعكم.
ساره:لا مو صمخه بس قاعده في عالم ثاني.
أمل تغير الموضوع:أنزين روحي جيبي جوالي.
ساره:نعم نعم كني فاظيه لش..أسفه أني تعبانه وماأقدر أروح اجيبه .
أمل:حلفي
ساره:ولله العظيم.
أمل فتحت عيونها على وسعهن:ليش حلفتي؟!ألحين أني كيف اباخذ جوالي؟!
ساره:بسيطه أركبي فوق واخذيه لأني حلفت وماأقدر أصوم ثلاثة أيام عشانش...و
أصلآ مافي أحد في البيت غيري يعني لاتستحي.
أمل سكتت شوي وقالت:وين حطيتيه؟!
ساره وهي مبتسمه أبتسامة النصر:أركبي وبتشوفي على يمينش غرفه هي الوحيده ألا بابها مفتوح دخليها وبتشوفيه يشحن على السرير.
وراحت أمل فوق وساره وحوراء تمو يسولفو.

_________في غرفة شيماء.

جواد:أنتي متأكده أن ساره هي ألا قالت عنش هلكلام.
شيماء:أكيد لأن ماحد يدري أني أحب هادي غيرك أنت وهي ومرام.
جواد:من هي مرام؟!
شيماء:هذي صديقتي و مو معقوله تكون هي ألي قالت هلكلام.
جواد:شيماء ممكن تعيدي لي كل شي صار و بتفاصيل.
شيماء:أسمع...اليوم لما كنت في المدرسه وفي وقت الفسحه بتحديد كنت أتمشى مع صديقتي مرام وكنا نسولف بس جت لنا وحده من معارف مرام وكان شكلها معصبه و قالت:
هدى:مرام أني مو قايله لش لاتمشي ويا هلصايعه.
شيماء عصبت وأنصدمت:أني صايعه ياحقيره ياكل
مرام تقاطعها:شيماء تركيها تولي.
هدى:مرام أنتي ليش مو مصدقتني ترا(وتأشر على شيماء)هذي وحده صايعه وما عندها أحترام لأهلها ألي وثقوا فيها.
شيماء وهي قريب تضرب هدى:أحترمي نفسش أني أشرف منش ومن طوايفش يالخايسه.
هدى بستهزاء:أني مو قايله هلكلام من عندي ساره بنت عمتش هي ألي قالت لي أنش صايعه وتحبي ولد خالتش هادي وتكلميه بتلفون وتطلعي أياه بعد.
شيماء أنصدمت وما عرفت شتقول تمت واقفه وبادي على وجهها الأستنكار.
هدى تكمل كلامها:أشوفش سكتي...أيه ماتنلامي لأن أكيد ماتوقعتي أن بنت عمتش تفضحش...مرام أنصحش لا تمشي أياها تالي تخرب سمعتش...يالله باااااااااااي.
وتركتهم وراحت أما مرام مسكت شيماء ألي كانت بيغمى عليها من أثر الصدمه
وقالت:شيماء ماعليش منها هذي وحده كذابه.
شيماء وهي قريب تصيح:لا مو كذابه أصلآ محد يدري أني أحب هادي بس أني عمري ماكلمته بتلفون ولا طلعت وياه.
مرام:أني قايله لش من الأول أن ساره ماتنطاق بس أنتي كنتي عنيده.
شيماء:لكن بتشوف ابنتقم منها وباعلمها من هي شيماء بنت مهدي العرياني.
مرام خايفه:لا ماعليش منها خلها تولي ولا تحطي عقلش في عقل وحده خاينه.


شيماء ودموعها بدت تنزل مره ثانيه:وهذا كل الي صار.
جواد بغضب:وأنتي ليش ماأدبتيها.
شيماء:لأنها غايبه اليوم...بس بكره بأدبها وأشرشحها قدام البنات كلهم.
جواد:لا ماأبغاش تسوي لها شي.
شيماء:يعني تبغاني أسكت عنها.
جواد بعد تفكير عميق:لا أنا بنتقم لش منها...في براسي مخطط ولازم أسويه.
شيماء بخوف:بس أخاف أن
جواد يقاطعها:لا تخافي ما راح
أئذيها بس بخليها تجي تبوس رجايلش من كثر ماهي ندمانه...بس ألحين أبغاش تنسي الي صار وتبتسمي.
شيماء سكتت ولفت وجهها لصوب الثاني.
جواد بحنان:شيمو مابتقومي تتغذي ترا حتى أنا ماتغذيت.
شيماء:مالي نفس أتغذى.
جواد:أمممم شو رايش لو قلت لش أني بوديش مطعم حق نتغذى بروحنا.
شيماء تمسح دموعها:يالله أطلع برى.
جواد:أفا أنا جواد تطرديني.
شيماء:ياغبي أطلع برى عشان أبدل ملابسي ونروح المطعم.
جواد:هههههههههههههههههه.

_______________

نعود لأمل ألي تفاجئت من الغرفه ألي دخلتها لأنها غرفة سلمان والحبيبه نست أنها داخله الغرفه حق تاخذ جوالها وتمت تتعبث في أغراض سلمان و لفتت أنتباهها ورقه فوق الكمدينه وكان مكتوب فيها شعر و فجئه
حوراء تصارخ وتناديها:أأأمممللل..أملوو..يالله بسرعه قيس ينتظرنا برا.
أمل من سمعت صوت حوراء أرتبكت وراحت تاخذ جوالها ومن دون وعي منها أخذت الورقه وحطتها في شنطتها وطلعت من الغرفه ورجعت لحوراء وساره.

حوراء:ويش قاعده تسوي فوق
صار لش 14 دقيقه وأنتي تدوري جوالش.
ساره: أخاف قاعده تسرقي أغراضي..هههههه.
أمل:من زين أغراضش على شان أسرقهم...وأنتين قاعده تحسبي لي كم دقيقه كنت فوق.
حوراء:لأن قيسوه بيذبحني أن تأخرنا.
أمل:أوففففففف أمشي أمشي قبل لا يذبحني وياش.
حوراء:سارو مو تغيبي بكره.
ساره:أنشالله.
أمل وحوراء:باي.
ساره:باي.

وبعد ما طلعو ساره راحت لغرفة سلمان وتمت تبحث عن الورقه وطبعآ مالقتها.

ساره:ياربي..معقوله اتكون ضاعت وأمل ماشافتها..أفف الحين كيف بتعرف أن سلمان ايحبها..هي أكيد اتحبه امبين من حركاتها بس لازم أتأكد..يالله مع الأيام بكتشف أن كانت تحبه لو ما تحبه.

_______________

بعد ما رجعت أمل البيت على طول راحت غرفتها وقفلت الباب وطلعت الورقه من شنطتها وقبل ماتفتحها
أمل بتردد:أفتحها لا لا هذي خصوصيات و مفروض أني ماأقرئها..أصلآ أني ليش أخذتها..أف الفضول بيذبحني أبغى أعرف الشعر الي مكتوب ألى من؟! وأبغى أقرأ الشعر..لا لا عيب ما بقرأه.

(وفجئه ينطق الباب)
طق طق طق.
أمل خافت وحطت الورقه تحت مخدتها(الوساده)وراحت تفتح الباب.
أمل:هذا أنت..خوفتني ياغبي.
حسين:أمل تعالي ألعبي أياي بلاي ستيشن.
أمل:روح قول لحسن يلعب وياك.
حسين:قلت له مارضى .
أمل:قول لزهراء تلعب وياك.
حسين:زهراء قاعده اتصيح.
أمل:شووو..ليش تصيح؟!
حسين:ماأدري روحي أسأليها.

أمل راحت لغرفة زهراء ولقتها قاعده على السرير تصيح.

أمل وهي تمسح على راس زهراء:حبيبتي من شو تصيحي.
زهراء: ساكته
أمل:زهراء ترا خوفتيني..فيش شي؟!صاير شي؟!
زهراء:لا مو صاير شي لا تخافي.
أمل:عجل ليش تصيحي!؟
زهراء:لأن قريت قصه نهايتها حزينه و ماقدرت أمسك دموعي .
أمل:ههههههههههههههههه.
زهراء:مو هذا وقت ضحكش.
أمل:ههههه..ويش عنوان القصه.
زهراء:قصة حب لم تموت.
أمل:ويه على قلبي.. وأنتي تصدقي أن في حب في هلأيام كله خيال في خيال.
زهراء:لا هذي القصه حقيقيه.
أمل:خلاص قولي القصه وأني بحكم أن كانت خيال ولا لأ.

_________________

#في البحر#
سلمان قاعد مع صديقه وائل
وائل:سلمان شفيك صار لك ثلاث أسابيع متغير..عسى ماشر.
سلمان:أأأأه..وائل أنا طحت في الغرام.
وائل:له قول ولله..عسى بس حلوه وتستاهلك.
سلمان:حلوه..قول ملاك مو بس حلوه..فيها شي غريب يجذبني لها.
وائل:يعني حب من أول نظره.
سلمان:هههههه أصلآ أنا أستحقرتها أول ماشفتها.
وائل:له له لازم تقولي السالفه من الأول.

(وائل صديق سلمان الروح بروح وهو يحب بنت عمه وقريب يخطبها).

_______________

#في مقهى من مقاهي الشباب#

هادي:هدي أعصابك ياجواد وقولي شسالفه.
جواد مارد عليه وتم يهز رجايله بطريقة عصبيه.
هادي:أحلف..خليتني أجي من بيتنا وأتعب نفسي وأخرتها اتم ساكت.
جواد:أذا قلت لك السالفه بتعصب أكثر مني ولا بتسوي لي مجزره.
هادي بدى يعصب:جوادو بتقول لو أتركك وأمشي.
جواد قال لهادي سالفة شيماء كلها.
هادي وهو يقوم ومفول حده من العصبيه:هذي حقيره ولازم تتعلم الأدب.
جواد:هدي أعصابك واقعد لا تفضحنا الناس كلها تطالعنا.
هادي:تبغاني أسكت وحبيبة قلبي ينطعن شرفها من خايسه ماتعرف ربها.
جواد:شوف أنا عندي شي يأدبها ويخليها تعض أصابعها ندم من ألي سوته.
هادي:يالله سمعني ويش عندك.
جواد:أسمع أنا.............

_________________

#بعد يومين#

شيماء كانت تكلم ساره ولا كأن شي صار وهذا طبعآ طلب من جواد حتى يعرف ينفذ خطته وطبعآ ساره ماحست بشي(حليلها على قد نياتها خخخ).

___________في بيت أبو قيس(حوراء).

حوراء وختها فاطمه في غرفة فاطمه.

فاطمه:أوهوووووو..وبعدين وياش خليني أكلم راشد على راحتي(خطيبها).
حوراء قريب تصيح:أنزين قولي له باي.
فاطمه:حورو ويش تبغي؟!
حوراء:أبغاش تروحي أياي حق أشتري أغراض للعقد(الملجه).
فاطمه:أنزين بس لحضه...ألو
راشد:هلا..حبي أنتي مشغوله؟!
فاطمه:بصراحه أختي تبغاني أروح أياها السوق.
راشد:خلاص روحي.
فاطمه:بس متى بتكلمني مره ثانيه.
راشد:مسرع ما أشتقتي لصوتي.
فاطمه بدلع:راشد بس عاد.
راشد:هههههه أوكي أخليش ألحين باي.
فاطمه:لحظه راشد متى بترجع البلد!؟
راشد:لو على كيفي كان رجعت بس ماأقدر.
فاطمه سكتت ولا قالت شي.
راشد:فطوم حبيبتي لاتزعلي بس هذي ظروفي.
فاطمه:له عادي.
راشد:أوكي باي.
فاطمه: باي.

حوراء:ها خلص كلام روميو وجوليت.
فاطمه ضربتها بلمخده(بمزح).
حوراء:هههههههه تتوقعي أني ورائد راح أنكون زيكم.
فاطمه:طبعآ لأ لأن أني وراشد نحب بعض مو زيكم.
حوراء:أصلآ رائد يحبني أكتشفت أنه يحبني من قيسوه.
فاطمه:صحيح ماقلت لش ويش قالت أمي عن قيس.
حوراء:ويش قالت؟!
فاطمه:أتقول أنه يبغى يعرس.
حوراء:شوووووووو!!!
فاطمه:هههه وأزيدش من الشعر بيت..أخوش يبغاش أنتي تختاري له البنت.
حوراء:مو معقول أكيد أنتي قاعده تمزحي.
فاطمه:أسألي أمي وأتأكدي..وألحين أطلعي برا على شان ببدل ثيابي.

____________في بيت أبو جواد.

شيماء قاعده في الصاله وتاكل بوشار و مندمجه في الفيلم ألي قاعده تشاهده
(فلم رعب هي تحب أفلام الرعب واااااجد وأسم الفلمfinal destination
2)
وجا ليها جواد وقعد معها
جواد وهو ياكل الفوشار:ها شخبار الحلوه اليوم.
شيماء:بخير بس أنت اتباعد خلني أشوف الفيلم.
جواد:ويه شيمو أنتي امغبره هذا الفيلم قديم.
شيماء:أنزين خلني أشاهده.

وفجئه يرن جوال شيماء يالي كان بجنب جواد.

جواد:شيمو جوالش يرن.
شيماء:أفففف كنه هذا وقته شوف منو متصل.
جواد:مكتوب ساره.
شيماء:هذي سارو بنت عمتي ماأبغى أكلمها.
جواد:مو على كيفش... اخذي كلميها.
شيماء:أوففففففففففففف...ألووووه.
ساره:السلام عليكم.
شيماء من غير نفس:وعليكم السلام.
ساره:كيف الحال؟!
شيماء:الحمدلله ابخير.
ساره:شيماء أنتي مشغوله!؟
شيماء:ليش تسألي!؟
ساره:لأني قاعده بروحي في البيت وأمي وزوجها ووليد راحو مجمع الظهران.
شيماء:أيي بس أني بعد اشوي بطلع.
ساره بخيبة أمل:أوكي باي.
شيماء:باي.

شيماء:كني فاظيه لها..بكل قواة عين تقولي تعالي لي.
جواد:هههههههههههه..ليش ويش عندها؟!
شيماء:تقول أنها قاعده بروحها في البيت..ماأدري كيف أهلها هاملينها ومخلينها بروحها في بيتهم.
جواد:أنتي متأكده أنها بروحها.
شيماء:أيي متأكده.

جواد ركض لغرفته وأخذ مفتاح سيارته وقبل لايطلع

شيماء:جواد وين بتروح؟!
جواد:هذا هو الوقت المناسب حق أنفذ خطتي.
شيماء بخوف:بس ياجواد
جواد يقاطعها:قلت لش لا تخافي ماراح أئذيها ولا مو واثقه فيي.
شيماء:امبلا واثقه بس
جواد:باي...وراح من دون مايسمع ردها.

____________في بيت أبو حسن(أمل).

أمل:حنون ماتدري وين راحت زهراء.
حنان كانت تذاكر مادة علوم وماعارة لأمل أي أهتمام.
أمل عصبت:حنانو قاعده أكلمش وانتي حاقرتني.
حنان بهدوء:قاعده في غرفتش.

أمل راحت غرفتها
أمل بتسليه:زهراء شو عم تعملي بغرفتي.
رهراء:ها..لا..أقصد أي.
أمل راحت بجنب زهراء:ويش فيش متردده.
زهراء بعد ما أستجمعت شجاعتها وجرئتها:أمل بسألش سؤال بس حلفي أنش تجاوبيني.
أمل:أمممم على حسب السؤال.
زهراء:من هو سلمان؟!
أمل أنصدمت وتمت تطالع ختها وهي متفاجئه.
زهراء:أوكي أذا مو حابه تقولي من هو..على الأقل قولي لي من متى سلمان يحبش؟!وأنتي تحبيه لو لأ؟!
أمل وقفت متفاجئه:أنتي من وين جايبه هلكلام؟!وكيف سلمان يحبني؟!!!!!!!!!!!!!!!!!!!

أمل وقفت متفاجئه:أنتي من وين جايبه هلكلام؟! وكيف سلمان يحبني؟!!!!!!!
زهراء تطالع أمل بأستغراب:أمل لاتتهربي من سؤالي و تسوي نفسش ماتدري عن شي .
أمل:ولله العضيم أني مو فاهمه شي من ألي تقوليه.
زهراء تمد لها ورقة سلمان:أقري هلورقه و ابتفهمي(تطالعها بمكر)مع أني أتوقعش قريتيها.
أمل معصبه:أنتي من سمح لش تقري الورقه...هذي خصوصيات الناس.
زهراء:أها طيب ليش الورقه عندش وحاطتنها تحت مخدتش.
أمل بأرتباك:ااصارت عندي بلصدفه وحطيتها تحت المخده عن لا تضيع.
زهراء:أها صدقتش...حبيبتي ألعبي غيرها ألا مكتوب في الورقه مهدى ألش.
أمل و أبتسامتها شاقه الحلق:حلفييييييي.
زهراء:أقريها وشوفي.

أمل فتحت الورقه وقرتها.

#المكتوب في الورقه#

"عطيتك حب أغلا حب
وخذة منك حب خالي من الحب

عطيتك قلب فيه النبظ
وخذة منك قلب فيه الهم

عطيتك روح فيه الدم
وخذة منك روح وعطيتني الهم"
(مو لازم أكملها لأني مو فاظيه وهذا الشعر منقول).

وكان كاتب على أخر الورقه
أسمه وتوقيعه وكاتب
"أهداء لأحلى أموله أخذت قلبي وروحي وشغلت عقلي وفكري"
أمل لفت الورقه ودموعها تطيح أربع أربع...لا ماأصدق أكيد مايقصدني مو بس أني أسمي أمل.
زهراء:بل أملوا ليش كل هلدموع؟! أنتي تحبيه؟!
أمل طالعت زهراء اشوي...أمل كانت محتاجه تقول الي بقلبها وهذي فرصتها وقالت كل شي لزهراء.
زهراء:هههههههههههههه توني أدري أنش غبيه وما تفهمي...يا هبله هو هزئش ذاك اليوم لأنه يغار وأتنرفز لأن واحد جا يغازلش.
أمل:مو معقول يحبني و يغار.
زهراء:قولي شكله يموت فيش.
أمل:لا أنتي خياليه واجد.
زهراء:تصدقي قصه حبكم عجبتني واجد خصوصي أنها مو خيال..ياربي تكون نهايتها سعيده وماتبكي.
أمل:هههه أقول..أطلعي برى الواحد مايقدر ياخد منش لا حق ولا باطل.
زهراء وهي بتطلع:أني بطلع بس فكري عدل بلكلام الي قلته لش.وطلعت من الغرفه.
و أمل أنسدحت على السرير وتمت اتفكر اشوي وترد تقرى الورقه(الله يساعدها خخخ)

_________________

مكالمه تلفونيه بين مرام و هدى.

هدى تصيح:مرام تكفي رجعي لي صوري كل شي تبغيه سويته ويش تبغي بعد حرام عليش حرااااااام.
مرام:ههههههههه أني مو هبله عشان أعطيش الصور لأني أدري أن بعد ماتاخذيهم ضميرش بيأنبش وبتروحي تقولي لشيماء الحقيقه.
هدى:لا صدقيني مابقول بس أنتي عطيني الصور الله يخليش.
مرام:لا تحلمي واجد ياحلوه..أممم شوفي لما أتأكد أنش مابتقولي لشيماء الحقيقه بعطيش الصور..فاهمه.وتسكر الخط في وجهها.
وهدى تمت تصيح على حضها العاثر الي طيحها في شباك مرام.

_________________

شيماء بعد ماطلع جواد رجعت تشاهد الفلم وتجي لها دانه.

دانه وهي تمسك الريموت:متى بينتهي فلمش أبغى أشاهد.
شيماء:مايحتاج تشاهدي روحي لكمبيوترش.
دانه:أوهوو أبغى أشاهد ألحين بيحطو فلم هندي بطولة زايد خان.
شيماء:مو مشكلة أنزلي تحت شاهديه.
دانه:لا أبعى أشاهده أهني.

ويسمعو صوت التلفون (ترن ترن ترن)وقامت شيماء تشوف الرقم من الكاشف وعلى طول رفعته.

شيماء:ألووووو
هادي:السلام عليكم.
شيماء في نفسها:الله لايحرمني من هلصوت..وحشني.
شيماء:وعليكم السلام.
هادي:كيف الحال أنشالله بخير.
شيماء:الحمدلله بخير.
هادي وهو توه يميز الصوت:اااجواد في البيت لو طالع.
شيماء:لا توه طالع.
هادي:أتصلت له على جواله مايرد.
شيماء:يمكن نسى الجوال في غرفته.
هادي:أممممم أوكي لما أجي قولي له يتصل فيني ضروري.
شيماء:أنشالله.
هادي:شكرآ شيماء يالله مع السلامه.وسكر الخط.
شيماء مستغربه:كيف عرف صوتي.. أخ يتهنى جواد يشوفه كل يوم مو أني مالت عليي.
ورجعت تشاهد ولما خلص الفلم دانه حطت لها الفلم الهندي وقعدو يشاهدو.

_________________

في جهه ثانيه كانت ساره قاعده على سريرها وماسكه دبدوبها واتصيح .
وفجئه(ترن ترن ترن)يرن التلفون.
ساره بصوتها المبحوح:ألووو
جواد:سااااااااره ألحقيني
ساره بعدها ماتميز الصوت:ألووو من وياي؟!
جواد:أنا جواااد ساره ألحقيني مو قادر أتحمل.
ساره بخوف:ويش فيك!؟أنت في وين؟!
جواد:أنا في السياره جنب بيتكم و.(سد الخط)
ساره:جواد ألووو ألوووووووجواد.
ساره:ياربي مافهمت شي منه ......(ملاحظه ذكرت ان جواد قال اليها انه برى )فراحتلبست عباتها واخذت مفاتيح البيت(لان مقفول)وطلعت وشافت سيارته على الباب.
_________________
ساره وهي تفتح باب السياره الي قدم:جواد ويش فيك
جواد وهو يسوي نفسه تعبان:ساره سكري الباب ماأقدراتحمل الهوى(كان الجوحار بس تعرفون اانتوا).
ساره بكل غباء وخوف سكرن الباب:ويش فيك؟!
جواد رفع راسه وصارت عينه بعينها:جوعان
ساره شووووووووووووووو!
جواديعدل جلسته: ويش رايش اتروحي ايايي مطعم
ساره :انت ويش قاعداتقول.
جوادوهو يطالعها ونظرات جدا :انا اتكلم بجد بتروحي اياي.
ساره وهي مو صدق الي يصير:اكيدلاياحقير........وتلف علشان تطلع من السياره بس الباب مانفتح.
ساره وهي بدت اتعصب:جواد عن هالحلركات البايخه ..افتح الباب.
جواد:اسف ايدي تعورني ماأقدرافتحه.
ساره:تراك مصختها.
جواد:ماكنت ادري انها تناكل(قاعد ينكت خخخ).
ساره وبعصبيه:اني مو الخايسات الي يتبعوا خاياسك.
جواد:انا استعمل عطر((blue)) حلواماطن انه خابس.
ساره وخلاص وصلت حد من العصبيه اواكنت بتعطي كف بس جوادمسك ايدها وقربها من فمه وباسها ثلاث مرات وساره كانت مفوله من حركته لانها ما توقعت انه بيكون بهلو قاحه.
جواداتباعد فمه عن ايدها وضغط على الزر الا يفتح الباب : يالله انزلي اذا حابه تنزلي
وما كمل كلامه الا وتجيه ضربه على راسه من الكعب الي كانت لابسته ساره.
وساره بعد ماضربته طلعت من السياره وركضت داخل البيت

جواد يتألم:اخخخخخخخخخ هلبقرهضربتها قويه اخ.
وبعد وشوي جا اليه صديقه (لؤي)وهو فاطس من اضحك ههههههههه
لؤي:بل بل مو له درجه ضربتها قويه.
جواد: لاتقول انك صورتها وهي تضربني .
لؤي:ههههههههههههههههههههههههههههه انا من شفتها وانا اضحك و ما مداني اصور ..
جوادبخوف:يعني ما صورة شي؟
لؤي:له افا عليك صورتك وانته تبوس ايدها ههههههههههههههههههههههه ويلي وبطني عورني من اضحك تدري البنت حليواه
جواد:اسكت اسكت صج انك فاضي امشى اركب ابسرعه ابروح المستشفى
لؤي او بقرب راسه جواد منها:باشوف الجراح لا صراحه جرحك يحتاج الى اكثر من غرزه زاخاف تحتاج دم بعد لا صراحه انا بسوق بدلك
جواد:قاعد تمسخر حظرتك.
لؤي:اكيد لان هذاي كدمه موجرح علشان اتروح المستشفى.
جواد:اففففففففففف.اركب السياره واكمل حضرتك سولفك واحنا نمشي


_________________

اما ساره على طول راحت غرفته تمت تبكي وتاصيح لانه عمره ماكانت تصور ان بتنحط في موقف زي هيك
وقطع عليه صياحها صوت جوالهاايرن وكانت المتصل اموله
ساره وهي اتحول اتعدل نبرة صوتها:هلاوالله
امل:اهلين فيش كيف الحال؟
ساره: الحمد الله بخير (واتحول اتسوي نفسها طبيعيه)غريبه مو عويداش تتصلي على الجوال.
امل:ههههههههههه لاتخافي مو لسواد عيونش بس لاني اتصلت على البيت ما احد يرفعه فاتصلت على الجوال
ساره:ساكته
امل:ويش فيش مو من عويداش تسكتي
ساره:لا ما في شي بس قعده اسمعش
امل:متاكده
ساره: اي متاكده
امل:اي انتي فاضيه اساعه ثامن؟
ساره: اي فاضيه ليش تسالي ؟
امل: اني باروح مجمع الواحه اوبشتري لي ثوب الى حفلة حوروه وابغش اتروحي علشان نشتري نفس الثوب
ساره:خلاص بسأل امي اذا رجعت البيت او بادر عليش
وتموا ايسولف الى ما اذان وسكروا عن بعض وراحوا ايصلوا
______________________


#مجمع الراشد#



رائد كان قاعد يشتري تشيرتات واقمصه يتصل اليه قيس
قيس:الووووووووووووويامرحبا بنسيب
رائد:هلاهلاتدري انك وحشني مووووت ونك توك على بالي
قيس:ههههههههههههههههه انا الا وحشتك لوووو
رائد:هههههههه والله انك فهمني
قيس:هههههههههههههانت في وين اسمع اصوات عندك
رائد: انا في الراشد
قيس: قول والله
رائد:ليش انت اهني؟
قيس:لا أهل هناك قول لي اوصلهم بس مارضيت
رائد: احلف يعني حبايب في نفس المكان الا انا فيها اه ويل حالي اناوانا اقول احس بشي غريب..قيس ابتصل للك بعيدا يالله باي
سكر الخط من دون مايسمع رد قيس وقيس تم يضحك على خبال رائد
وفي جهه ثانيه من الراشد كانت حوراء وفاطمة يتسوقو وابو قيس تركهم يتسوقو وراح لصديقه الي كان مع عائلته وولاده وتم ابو قيس يسولف مع صديقه وحوراء وفاطمه داروا الراشد كله وكان رائد ايدور حوراء ولما شافها ماقدريوقف على ارجوله وطبعا حوراء مانتبهت له

ورائد يلاحقها بس من بعيد
رائد يكلم نفسه:ياربي ماتوقعتها بتكون احلى في الطبيعه اويل قلبي عليها
فاطمة:حورو والله اتعبت خلاص اشتريتي كل الاغراض
حوراء:اففف خلاص اتصلي الى ابوي وقولي خلصنا
فاطمة:ياسلام ليش ماتصلي انتين
حوراء:لان نسيت جوالي في البيت
فاطمو اتصلت الى ابوها وقال ليها وين هو بظبط وراحو له وطبعارائد كان وراهم من بعيد
ابو قيس:هاحوراء لميتي اغراض المجمع كلها
حوراء :ابوي لا تمسخراصلاباقي اشياء واجد ماشيريتها
ابو قيس:ههههههههههههه
ابوقيس وهو يعطي فاطمه مفتاح السياره:روحواالسياره وانا بشتري حاجه وبجاي لكم
وطعو امن المجمع وراحو السياره ولما وصلوا لسيلره طاح كيس من اكياس حوراء ولما كانت يتاخذه طاحو كل الاكياس وشنطتهابعد
فاطمه:ههههههههههههههه
حوراء بدل ما تضحكي تعالي شيلي هلاكياس وياي
فاطمه:والله زماحد جبرش تشتري اغراض واجد
وفجه يجي ولد صغير وياخذ شنطة حوراء ويركض علشان يهرب
طبعا رائد كان قريب منهم وشاف الولد وهو ياخذ الشنطه ويهرب فركض رائدلولد وطيحها عللى الاراض
رائد وهو ماسك الولد عن لايهرب :انت ماعندك اهل ايربوك ياحرامي
الولد اول ما سمع كلمت الحرامي قام اصيح ويبكي بصوت عالي
حوراء لما شفت رائدتمت ساكتهونتعجبه لان عرفته على طول ولما شافت الولد يبكي راحت صوبها
رائد رفع ايدعلشان يضرب الولد بس وقف لما سمع حوراء تقول:لا رائد لا تضربهوالولد بعده ايصيح
حوراء راحت للولد وحضنته وهو يصيح في حضنها .ورائد متعجب منها
حوراء:غناتي لا تصيح ..وتمسح على شعره
الولدوهويبعد عن حضن حوراء ويطالعها:انا مو حرامي مو حرامي ..اختي شافت شنطه زي شنطتش ولما قالت الى ابوي انها تبغاها مارض يشتريها لها وصرخ عليها بعد واخني قامت اتصيح وان ماتحملت انهاختي تصيح وتركتهم في المحل من دون مايتبهولي وجيت اصيح عليها عند السياره وابوي ولما شفتش (سكت ونزل راسه(
حوراء وائد وفاطمه قعدويطالعو ومتعاطفين معاه (فاطمه عرفت رائد لانها شافت صوره الي جابه قيس)
حوراء وهي تمسح دموعها الي طالعو من عينه:يعني انت اخذت الشنطه علشان تبي تعطيها اختك
الولد:لا انا مابغاها انا موحرامي ومابعى اروح النار واسف لان اخذتها
حوراء تبتسم بحنيه:من قالك انك حرامي
الولد وهو ياشر على رائد :هذا
حوراء طالعت وين الولد ياشر وتلاقت نتظرتهامع نظرات رائد وفي ملاحظه حست بشعور غريب واستحت وطالعت الولد:اسمي علاء ةاختي اكبر مني بثلاث اسنين
حوراء اخذت الشنطه وشالت لغراض منها ومدتها الى الولد :خذها واعطيه اختك اني عندي واجد زيها ...رائد يطالعا..لهدرجه كريمه
علاء:لين سالتني من وين جبيتها ويش باقول ليها؟
سكتت حوراء وماعرفت بويش اترد عليه
وفجئه يسمعو صوت وحده تنادي علاء ويلتفتوليها ويروح علاء يحضنها
ام علاء:حبيبي وين كنت وليش ثيابك موسخه وليش قاعد مع هذيلن

علاء: ساكت ماعرف ويش يرد
رائدعلشان ينقد الموقف:هوكان يمشي وطاح وقام ايصيحواحنا شفناه وجينا اليه
ام علاءتكلم ابجفاء:مشكروين وماقصرتوا...وتمسك علء علشان تروح
حوراء:لخظه اممممم اني حبيت علاء وبغاه يذكرني ...وهوقالي ان عنده اخت فممكن انش تقبلي مني هشطنه تعطيها اخته علشان كل مايشوف الشطنه عنده يذكرني ...تكفي لا ترديني خذيها
ام علاءطالعه من ورى بوشيه(غشوه):لاماقدر اقبلها مشكوره

وبعد اصرار من حوراء وقناعه وافقت الام انه تاخذ الشنطه

وبعد ماراح علاء وام علاء رائد حس ان انا وقفته مع حوراء وفاطمه مي عدله وخصوص انه بعده مايعقد على حوراء وكان بيمشي بس نذته حوراء
حوراء:لوسمحت لحظه
رائد لف وطالعه
حوراء وهي مستحيه وتطالع تحت :شكرا على الي سويته
رائد وهو يبتسم:ولو انا ماسويت شي اوشكرا عليه
حوراء لما ابتسم رجع اليها الحساس الا ماتعرف ويش هو وارتبكت وماعرفت ويش اتقول
فاطمه":حوراء يالله نمشي
تروكو رائد وراحو الى السياره وطول الطريق وحوراء سرحانه وانفكر في رائد
اما ارائد ركب سيارتهوسند راسه لورى ...وهويقول والله ان قلبي اعر ف ايختار ..ويعدل جلسته ويطالع المرايه ويبتسم ياحظك يارائد بتاخذوحدها عنده اجمال ةاخلاق واحلى من هذا كلها ان احبها
____________________________

#في بيت ابوجواد#


شيماء قعده مع دانه في غرفة دانه
شيماء:دانو جواد اتاخر طلع من العصر للحين ماجى
دانه:تدري انش تضحكي يعني واحد زي جواد لحد الحين مايشتغل والفلوس تجيه ابسهوله تبغيه يقعد في البيت
شيماء:افففف باروح اتصل له وتقوم تروح تتصل في جواد
جواد:هلا حبي
شيماء :هههههههه انت ماتغير طبعك
جواد:احبش ماقدرا سكت لم اسمع صوتك
شيماء :اصلا انت لم تتزوج بتنساني
جوادء:انامستحيل انساش لان مافي وحده تستاهل اعطيها قلبي بس انتين اكيد بتنسني لم تزوجي حبيب القلب
شيماءوهي حدها مستحيه:انت وين الحين؟
جواد:سكر ياتلفون وبتشوفيني
شيماء :يعني انت برى..خلاص باي
وتروح شيماء الحديقه وتشوف جواد وهونزل من سيارته
شيماء:ليش تاخرت ماتدري اني على اعصابي
جواد:لاني كانت في المتشفى
شيماء :ليش
جوادوهويراويها الكدمه :ساروضربتني تصقعها ضربتها قويه
شيماء:احلف قولي كل شي صار وبتفصيل
وقال جواد اليها كل شي
شيماء:جواد تصرفك مو عدل ساره ويش بتقول عنك الحين
جواد :مايهمني ةالي يهمني اني ارذ لها هضربه لانها بتحرمني من الطلعه برى اليبت
شيماء:ههههههههه احلف انك مابتطلع علشان هلجرح ابسيط
جواد:لين شفته خف ابطلع
____________________________


#في مجمع الواحه#




ساره:املواالى من بتشتري هالثوب
امل:لفاطمه اخت حوراء لان خالي راشد قال لي اشتري لها ثوب ويبغاه على ذوقه لان بيهديه لها علشان تلبسه في الحفله حوراء
ساره:وكيف بيكون على ذوقه وانتي الابتختاري الثوب
امل :الاهو بيختاره لانه قالي ااصور بكميرت جوالي كل ثوب يعجبني وارسل له الصوره بلو وسائط المتعده وهو بيختار الثوب علشان يكون على ذوقه
ساره:ياي خالش تحفه لهدرجه يحبها
امل:واكثر بعد .تدري اني احسدها على انها تحبه ويحبها
ساره استغربت كلام امل وقالت بنبره جديه :امل ممكن اسالش سؤال بس ماتزعلي
امل: ومن متى اني ازعل اسالي وباجاوبش
ساره:حلفي يتجاوبيني بصراح
امل :افف ساره شغلتي فضولي .والله باجوبش





شنو توقعون اسؤال الا بتسال امل
وهل شيماء بتكتشف خذعت مرام
وهل بتعذي حفلت حوراء على خير
وشمو راح ايصير بين بين امل وسلمان
انتمنى اشوف تعليقكم وردروكم

روعــه ..

في انتظـار البقيـه ,,

شنو توقعون اسؤال الا بتسال امل ؟
اتوقع تسألها عن عمها سلمان .
وهل شيماء بتكتشف خدعت مرام؟
ايه اكيد بتكتشفها واتوقع ان الي راح تقول لشيماء اهيا هدى لأن مرام كانت تهددها بصورها وهذا الي بيخلي هدى تفضحها عند شيماء .
وهل بتعذي حفلت حوراء على خير ؟
ايه كل شي راح يكون حلو بس اتوقع تصير احداث مثيره او اتوقع انها تكون بين قيس ووحده من الصبايا خخخخ .وشنو راح ايصير بين بين امل وسلمان ؟
هنا انا مابعرف ايش راح يصير وهذا راح نشوفه في القصه خخخ .
والحين اقول القصه حلوه بس حبيت اقول ساره طيبه واتوقع انها بتحب جواد وجواد راح يحبها ..
وشيماء وهادي ثنائي حلو
وحوراء ورائد هم ثنائي حلو ومقفهم ظريف ومحرج ..تحياتي القلبيه .. وننتظر جديدك