شلون تصطادين المعرس دون اللجوء الى الاساليب السقيمه

بسم الله الرحمن الرحيم

يقولن الدليل خير برهان واكبر برهان ان شغالة عم جد خال ابوي تزوجت بعد ماطبقت الخطوات

الخطوات
:

أهم شي نشني على العجوز الي حاطه عينك على ولدها ثم نفذي مايلي


1- خليك مع امك ولاتروحين مع البنات وتتهيبلين اصبري عنهم كم شهر لين تتم العملية .


2- امشي وانتي حاطه راسك بين كتوفك ولا ترفعينه ابد حتى لو عورك خلي الفكس دايما في متناول يديك .


3- كلمة خاله خليها دايما على لسانك خاصة لام المعرس عشان تحس بنوع من التميز عن باقي العجايز .
# ملاحظه . لامانع تنادين عجوز ثانية بخالة عشان اذا مانجحت الخطه مع العجوز نمبر( 1 ) تنجح مع نمبر (2) الاحتياط واجب وانا اخوك .


4- اذا بدت امك تتكلم انغزيها بكوعك عشان تدخلك في السالفة حتى لو مالك داعي تطبيقا للمثل 
< كثر الدق يفك اللحام > داري المثل ماله داعي بس مالقيت غيره .


5- اخوانك الصغار او عيال خوانك لاحقيهم وطامري معهم وين مايروحون حتى لو ماهي عادتك بس تصرفي معهم كأنك امهم عشان العجوز تاخذ فكره انك حريصة على ذريتك .


6- كل ما اكلت امك من اكله زينه خليها تقول : نفس الأكله اللي تسويها بنتي حتى لو الأكل من مطعم صيني او مكسيكي .


7- اذا جيتي بتمدين يدك توقعي وخلي امك تقول : قايلتلك وانا امك ماله داعي تنظفين جدران البيت _ { اقول نظفي غرفتك اول بعدين نشوووف وش يصير معك } المهم

.
8- اذا تكلموا الحريم عن العرس اكتمي نفسك لين تحمر خدودك عشان يقولون البنت تستحي ومالنا حق تكلمنا عندها { بس لا تكتمي نفسك مره اخاف تروحي فيها واصير قتلت نفس بغير حق } .


9- مهما كان موضوع الحوار حماسي لا تبدين رايك خليك مثل البكما لان اللقافه تجيب عيد الخطة .


10- شعرك افردية لا تخلينه طاير ولا تجعدينه مهما كانت الموضه لان العجايز مايدورون الا الي شعورهم ناعمة .


11- اذا ادلت العجوز { ام المعرس المتوهق } بأي رأي سواء سياسي والا وطني والا اقتصادي وافقي عليه حتى لو انه ماسخ وماله داعي .
# مثال : تقول العجوز : بوش متقهوي عندنا البارح
قولي لها : وليه ماعلمتينا ياخاله نجي نعاونك ؟!


12- في العروس اضغطي على نفسك واقضبي ارضك ولا ترقصين واعتبري الرقص عيب وشق جيب .


13- اذا جاء طاري السوق وهو لازم يجي الطاري لانه ملح الجلسه عند الحريم خلي امك تقول : بناتي مايحبون يطلعون السوق ابوهم يجيب اغراضهم .

=الحين العجوز بتكون وقعت فالفخ .









نروح الحين للمعرس ووشلون تتعاملين معه.


1- اهجدي في بيت اهلك ولاعاد تطلعين واذا جا المعرس بيشوفك خلي ابوك يقول : والله ودي تشوف البنت بدون ماتدري عشان تاخذ راحتك وانا عمك وبعدها تشوفها عالطبيعه ماتقول غشيتوني


2- قبل يجي اليوم الي بيشوفك فيه بحوالي اسبوع او اكثر { حسب شين الوجه } طامري من صالون لصالون ومن كوافيره لكوافيره صبغ فرد تنظيف بشره . .إلخ


3- اذا جا المعرس خلي اخوك يوقف جنبه عشان مايطيل التبحلق ويبان المستخبي وذلك تطبيق لنظرية { اللمحة ذبحه }.


4- في نهاية المشهد خلي ابوك يقول:معليش وانا عمك ترى البنت شوي محيوسه { معليه يالشايب تنصب عالمسكين لكن المخرج عاوز كدا }.
وبهاللحظه الولد بينط على راسه ويبوسه لين يشفط مخه ويقول متى العرس ياعم ؟




قبل لاانهيي موضوعي هناك { تحذير تحذير مهم جداً جداً جداً }


*ابتعدي عن امهات العيال المتعلمات راعيات الشنطه نفس لون الجزمه هذولا يبيلهم خطط بعيدة المدى . .

هههههههههههههههههههههههههههههههههههههههههه
هههههههههههههههههههههههههههههههههههههههههههههههههه هه
اذا ادلت العجوز { ام المعرس المتوهق } بأي رأي سواء سياسي والا وطني والا اقتصادي وافقي عليه حتى لو انه ماسخ وماله داعي .
# مثال : تقول العجوز : بوش متقهوي عندنا البارح
قولي لها : وليه ماعلمتينا ياخاله نجي نعاونك ؟!

سوينااااااااااااااااا كل شي وماحد جاناااااااااااا ههههه

تحياااتي حموووووووووودي

ههههههههههه ياحمودي مرة مبالغه
عساني ماتزوجت ليش هذا التعب كله
مرسي على الموضوووووووووع ياعسل

هههههههههههههههههههههههههههههه
ههههههههههههههههههههههههه
ههههههههههههههههههههههههههههههه
ههههههههههههههههه
بينفقع بطني من الضحك الله يرجك
يسلموووووووووووووو