,, نعم ياحبي الأول نعم ياحبي التالي نعم ياكلمة كانت ولا زالت تبكيني ,,

ص ـبـاح الـ خ ـيـر


من روائع الشاع ـر الكبير // طـلال الـسـعـيـد


.
.


ح ـبـي الأول


.
.


نعم يا حبي الأول .. نعم يا حبي التالي
نعم يا كلمةٍ كانت .. ولا زالت تبكيني

نعم يا امسي الماضي .. نعم يا يومي الحالي
نعم كنتي .. ولا زلتي حياتي .. ومنى وفيني

نعم جيت اعترف لك في كلامٍ شاغلن بالي
لأول مرة اتكلم عن اللي منك كاويني

انا وانتي نشوف الياس .. فرقنا .. ولا نبالي
ألومك لا تغيرتي ولا صديت لمتيني

عرفتك يوم كنا صغار وبدا .. وياك غربالي
ذبحتك في كثر صبري وفي صبرك ذبحتيني

ولا انتي ساليه عني ولاني عنك بسالي
وقلبك هم .. مثل قلبي هجرتك ما نسيتيني

عنيده انتي .. وانا معتز في رايي ولا ابالي
وكان الوقت بالفرقا يجازيك ويجازيني

وعيا الوقت يجمعنا .. تعذبنا على الخالي
مع ان المسألة هالحين في يدينك وبيديني

انا اشوف الأمل عندي .. ولكن ما تهيالي
امل عندي امل سرابٍ كيف يرويني

بغيت انساك واتحداك واعيش بعمري لحالي
اقول اللي مضى يكفي ابلحق باقي سنيني

رحلت ادور النسيان مثل غالي يبي غالي
بغيت اكذب على نفسي واقول انك كرهتيني

عرفت من البشر ميات شفت ألوان واشكالي
خدعني بعضهم والبعض الآخر كان يغليني

وخدعت البعض منهم .. في كلامٍ ناعمٍ حالي
وعشت الوقت عرض بطول .. شفت الزين والشيني

اروح بعيد وارجع لك خيالك كل ما اومالي
اجيك اركض واخلي الناس ما اسمع من يناديني

والى مني رجعت القاك مع ان ابعادك اشوالي
والى منك رجعتي لي على عهدي لقيتيني

لقيت اسمك على صوتي لقيتك دايم قبالي
اشوفك حلم واحلم بك حقيقه يا نظر عيني

انا وحدي مشيت الدرب .. بديت احقق آمالي
ولقيت اغلى امل انتي من الدنيا يكفيني

احسك كل ما اغمر في حناني غالي عيالي
الى ضميت انا اصغرهم اشوفك بينه وبيني


.
.


عجبتني القصيدهـ كثير وذكرتني بأيام الماضي

وياليت الزمان يرجع يوماً ,,




القصيدهـ منقولـه


,, أس ـيـر ,,

أسير الهم

مساء الورد

أشكرك على الأبداع الرائع


وننتظر الجديد


تحياتي العطره

نيف بن سعود


اشكركـ اخوي علىى هالمرور

وعلىى هالكلام الرائع

شاكر لك مروركـ


,, أس ـيـر ,,

مشكور على النقل وعسى يوم ترجع الايام المااضيه امنيه كل انسان يتمنى