اذا حبيت ترفع ضغط اي مشرف في المنتدى !!
السلام عليكم ورحمة الله وبركاته
لجميع المشرفين اجمل تحية معطره بالتقدير والاحترام لكن هاذي المشاركة للضحك يعني لا احد يواخذنا بشي مجرد ضحك وفرفشه
حدد واحد من المشرفين وركز عليه تركيز كامل ثم ابدأ بالخطوات التاليه
- كل يوم ارسل له رسالة فاضيه مدة اسبوع او اسبوعين
- بعدها حاول ترسل رسالة له تبلغه عن خطأ في احد المشاركات وتبيه يصلح الخطأ واستمر على كذا شهر كل يوم تغثه برساله او رسالتين
- بعدها ارسله قوله ليه ماتحطون كذا وتسوون كذا في المنتدى وتفتتحون قسم جديد يعني حسسه انه مهم وانه الكل بالكل ايه هين الكل بالكل
- بعدها ابدأ بارسال رساله خاصة له تبلغه عن وجود خطأ بقسم اخر يختلف عن القسم اللي هو مسؤل عليه
- راح يطفش منك ويزهق وراح يرسل لك رساله خاصة ردا على رسالتك وبقولك ان القسم هذا مايخصه انت وقتها شوف اي كلمه خطأ في رسالته لك او حرف ناقص يعني طلع اي شي غلط فيها حتى لو خطأ نحويا ورجع له الرساله وقله فيه خطأ برسالتك هو الحين وش بيكون ردت فعله انت ماعليك منه طنشه
- وراح يرسلك رساله يقولك وش قصتك قوله االله يعينك على مسئوليه الاشراف هو بيفهم من نفسه ويروح يحاول يبلغ المشرف المسؤل عن القسم عشان يصلح الخطأ
- بعدها ارسله رساله فاضيه واجلس بعدها اسبوع ارسله قوله انه مو قصدك ترسل رساله فاضيه بس طلعت خطأ منك خخخخخخخخخخخخخخخخ
- واذا حاول يرسل لك اي رساله رد عليه وقوله الجو حار ليه ماتحطون تكييف مركزي في المنتدى واذا قالك نعم ؟؟؟ >>>---- مسوي مشرف قوي ورسمي بالتعامل قوله بصراحة انا اشوف ان القسم اللي هو مشرف عليه هذا وضعه نايم ومافيه حركه يعني حسسه انه مو متفاعل مع الاعضاء >>--- طريقة استفزاز غير مباشره
- واذا شفته مارد عليك مسوي روحه رياضيه >>>---- امحق من روح تلقاها مولعه وطايره معه وواصل حده ارسل له رساله وقوله شوف القسم الثاني اللي جمبنا متفاعلين وعندهم حركة دائما واحنا هنا نايمين وانت مشرف القسم وقادر تسوي شي كبير وتخلي الأعضاء يتفاعلون كثير....... بيطنشك طبعا ولا راح يرد عليك مو مشكلة
- بعدها ارسل له رساله وحدد فيها ان احد الاعضاء اخطأ في قسم ثاني بمشاركته وقال كلام قوي ولازم يتصرف يعني مايصلح لمنتدى راقي زي كذا يصير فيه مثل هالاشياء هو بيرسل رساله لك يسال عن اسم الشخص والمشاركة طنشه ولاترد عليه وانسى السالفه
- وانتظر يومين بعدين ارجع ارسله رساله تطلب فيها يعدل مشاركة لك فيها خطأ واذا طلب منك تعدلها بنفسك قوله وانت ايش شغلك وايش جالس تسوي حاطينك مشرف ديكور !!
- وبعدا ارسله رساله قوله لازم تغير لون القسم المسئول عنه واذا قالك لامانقدر نغير لون قسم ونترك باقي الاقسام يعني التغيير يصير للمنتدى ككل طنشه ولاترد عليه
- وبعدها بيوم ارسله رسالة قوله ابي اكون مشرف واضغط عليه بهالشي لحد مايطفش منك واذا قالك هاذي سهله لكن لازم نشوف تواجدك في المنتدى كثير ومشاركاتك وتفاعلك الدائم قوله اصلا مو انت المسئول عن هالشي يعني لاتتفلسف بشي مايخصك انت مشرف قسم مو رئيس ديوان ملكي
- بعدها حاول ترسل له رساله تقوله تبي المشرف العام وكل يوم ارسله واطلب المشرف العام واذا سالك عن السبب او ايش تبي فيه قوله ابي اشتكيك عنده واذا سالك عن السبب وايش اللي بدر منه لاترد عليه
- واستمر بأرسال الرسائل عليه وتكون رسائل فاضيه لما يطفش منك وخلاص مايستحمل منك اي شي قوله عندي سؤال ومهم انك تجاوبني عليه واذا رد عليك يبي يعرف السؤال اسأله قوله انا طفشتك ولا شي او ضايقتك وقتها خلااااص انتهى هالمشرف لووووووووووووووووووووووووووووووووووووووول
ترى اللي كتبته مزح يعني لاياخذه احد على انه جد !! هذاني قلت لكم من الحين
الغـــــــــ كــــلة ـــــــــلا
09-05-2003, 12:18 صباحاً
جديد منتدى الفرح والمرح والفرفشه 
العرض العادي
