[ALIGN=CENTER]

معاناتي ... ومعانات اكثر الشباب !!!
السلام عليكم ....

بدايةً .. حاولت .. قبل ماأكتب الموضوع .. اجد .. مقدمة .. امهد بها الموضوع .. لكن اعذروني .. ماعندي خبره ..في مجال .. المقدمات


وقبل ماأكتب الموضوع .. حاولت أجد .. حل لمشكلتي .. لكن .. وإذا بي هنا أسطر .. ماأشكل .. علي .. حله .!!

بسم الله أبدأ ... انا .. انسان .. عمري .. لا يتجاوز .. الـ20 .. واذا بي أجد نفسي .. وسط . زخم .. من .. الشباب .. في نفس العمر .. ومعنا ضيوف شرف يتقدمونا .. ببضع سنين .. تائهين .. في هالحياة ..

نعم .. تائهين .. ضائعين ...في تعاملنا .. مع .. آباء نا .. الي .. كان يفترض ..يكونوا .. أقرب الناس .. ..
وانا .. أفضـّـل .. أتكلم عن نفسي .. انا .. عن نفسي .. في عمر .. مايخفى على الجميع .. انه .. معرض للكثير من المشاكل .. وأنا .. ماأقصر .. هذه المشاكل .. على هذا العمر .. لكن .. من يكبرني . عمراً ..تختلف نوع مشاكله .. أكيد ..وأكيد يفوقني ..خبرةً .. في تعامله معاها ...

انا .. مشاكلي .. منذ .. دخولي .. الـ17 .. في إزدياد .. في تفاقم .. من جميع انواع .. المشاكل ..التي .. ممكن يمر بها الواحد ..في مقتبل عمره

وبينما .. المشاكل .. تزداد .. وتشكل .. علي حلولها .. تزداد المسافة .. بيني .. وبين .. من كنت اتوقع .. انه .. يكون .. جنبي .. يوجهني .. في ايجاد الحلول ....

حاولت .. أكون .. قريب .. في .. تشبيهي .. بالمسافة .. بيني .. وبين الوالد العزيز .. لكن .. مالقت أبعد ...

المهم .. انا .. مو عارف .. العيب ... مني .. أو منه ؟؟ العيب .. من الشباب .. الي مثلي .. او من آباءهم .. انا .. بين .. كل 10 من أصحابي .. شخص .. فقط .. لايعاني .. من هذه المشكلة ... لأن .. والده .. متوفى ..

محسوبين .. علينا .. آباء .. وأولياء امور .. ومربيين ..ولكن .. مجرد .. تتعدى مرحلة .. معينة من العمر .. ( أعتقد الي انا فيها ) تشوف العكس ..

انا ... بصراحة .. أبوي .. إنسان .. متدين .. وفاهم .. ودارس .. ومثقف .. بشكل من الأشكال .. لكن هذا الشي .. لم .. يخوله .. فهمي .. أو حتى ... الإحساس .. بمشاكلي ..

تعالوا .. معاي شوفوا .. وضع ابوي .. وأغلب الآباء هاليومين ...

همهم .. فلسطين .. والعالم العربي .. وصدام .. وبن لادن ... وأمريكا ..الخ

يحسبوها .. هذي .. التقافه .. والفهامه ...
وهمهم .. الصلاة .. كل .. فريضة بالمسجد .. وملاحق الشيوخ .. والإجتماعات .. والتبرعات .. وحضور .. المآتم ..

على بالهم .. هذا التدين .. بعينه وعلمه ...

هذيلين .. الآباء مع احترامي .. والي يمكن .. كلامي .. مايعجبكم .. هم أكثر الناس .. بعيدين كل البعد .. عن أمثالي ..

همه الوحيد .. قناة الجزيرة .. والمنار .. والANN .. والمستقلة . وسحر .. والخ ...
على عيني .. وراسي .. الواحد .. لا زم .. يتابع الدنيا .. ولازم .. يزيد حصيلته الثقافية والدينية ..

لكن .. أكيد .. مو على حسابنا ...

انا ودي .. اقول .. لأبوي .. بابا .. ترى فلسطين .. والعالم العربي .. وهذا شيرازي وهذا سيستاني .. وشوف .. العرب .. وشوف أمريكا ..وشوف الوضع الإقتصادي .. ومافيه اعمال .....الخ
هذيلين كلهم .. مو اهم .. مني ..

اذا انت متدين .. ابحث في دينك .. كيف ... تفهمني ...
اذا انت .. مثقف .. شوف .. كيف .. تكسبني ..

الي ... معاه .. وقت .. لهذي ... الأشياء .. كلها .. وما معاه .. وقت .. ربع ساعة .. يشوفني .. وش أبغى .. ووش صاير معاي ..
وليش .. احتمال .. كبير .. ماأعدي .. هذا الكورس .. وش أقول .. عنه ..

كيف ..أقرب .. منه .. كيف .. أفهمه .. كيف .. يفهمني ..
منهو الغلطان فينا .. انا ,, هو .. احنا .أو . هم ..!!!!!!!!!!!!!!!!


أخيراً ... انا .كان . مقصدي شي .. واحد .. مالقيت .. أحد .. من أصحابي .. اقول له هذا الشي .. لأن الحال ... من بعضه ....

بس .. حبيت .. أعرف .. اذا يوجد .. فيكم واحد ... مثلي .. بالله .. يقول .. لي .. يخليني . اتأكد ..اني .. مو الوحيد ..الي .. ابوه .. بالهشكل .. واني .. مو مكبر .. السالفة .. ومعطيها .. أكثر من حقها .. حتى البنات .. ترى ... الله يعلم .. اذا أمهاتهم .. مثل .. الآباء ..؟

وياريت .. والله .. لو .. واحد .. يطلع .. عنده .. حل .. لمشكلتي ..او يكون .. مجرب .. هالوضع .. وعداه .. يقول لي .. كيف ...

كلمة .. أسف لو اسأت ومعاها كلمة عتاب .. لكل .. أب .. وأولهم .أبوي ... لكن .. لو كان .. فاهمني وحاضر .. في الوقت ... الي انا قاعد أتخبط في حياتي .. ماطلعت .. مني .. غير .. بوسة على راسه ..


تحياتي[/ALIGN]

[ALIGN=CENTER][TABLE="width:70%;"][CELL="filter:;"][ALIGN=center]

جميل هو بوحك الرقيق وندائك العاتب الي ابيك بصورة جميلة مؤدبة

مشكور اخي سعيد علي مشاركتك التي اسعدتني كثيرا
لا تتخيل فرحتي عندما وجدت اسمك من بين الموضوعات وخاصة عندما فتحت قلبك لنا
ومشكلتك اخووووي معظم الشباب يعانون منها بس يمكن انت مقصر اشوي مع اهلك
واخي ابيك لما ينشغل عنك هدا مو سبب انك تعاني لا انت صارحة قولة ابوي انت كل مشغول عنا
الحمد ربك ان ابيك مشغول في اشياء جميلة ورائعة فبعض الشباب يشتكون من ابااهم من اشياء تانية
بس واللة اخوي انت لازم تجلس مع ابوك تطلع معاة وتشاركة في كل شي
بس انت اخوووووي في فترة مراهقة السمووووحة يعني انت اتحس ان ابوك ماايقع معاك وكدا
كل الشباب بس مااقول الا اللة يعينك

بس انت اخوووووي سعيد بعد مقصر
كل قعدتك في النت هدا السبب يبعدك بعد عن اهلك ؟؟؟؟
كم ساعة تقعد في النت ؟؟؟؟
يعني انت تلوم ابيك لكن انا الومك الان
سؤال من رنااااا ؟؟؟
هل تجلس مع اخواتك وامك ؟؟؟
هل علاقتك مع ابيك سطحية ؟؟؟؟

اتمني اتجوبني بكل صرااااحة ؟؟؟؟

وهدة ملاخظة اقراهاااااا؟؟؟؟
ان اهمية العلاقة بين الاباء والابناء كأهمية العلاقة الاسرية المترابطة فكلما كانت العلاقة بين الاباء والابناء سليمة وصحيحة كلما شب الابناء وهم اكثر ثقة بالنفس اكثر ثقة بالمجتمع ويملكون القدرة على التعاملالاجتماعي السليم والاندماج كذلك في المجتمع كما انهميشبون وهم قادرين على تكوين اسرة مترابطة 0
أما اسباب عدم ذكر الابناء اسرارهم لآبائهم وامهاته فهي متعددة فقد تكون العلاقة غير مبنية على الثقة أو
الصراحة وقد يكون خجل الابناء أو الخوف من العنف أوعدم الرغبة في ازعاج الابوين 0
وعن كيفية توثيق الصلة بين الاباء والابناء فيجب ان تؤسس العلاقة منذ الصغر على ان يصبغها الوالدان بصفة
الصداقة والمحبة وليس السيطرة والتحكم 0 وان يمنحواالابناء ثقتهم ويشاركونهم في الامور العائلية ويثقوا
بقدرتهم على حسن التصرف ومساعدتهم بطريقة مباشرة أو غير مباشرة بدون تعليق لاذع 00 واعطاء النصيحة عند الحاجة فقط 0؟؟؟؟

احاول تقول اسرارك الي ابيك الحلووووة يعني تفلسف عليهم وسولف عن الجامعة عن وعن كدا حق تكون صلتك اقوة مع ابيك ؟؟؟؟

صدقني ابوك مو مقصر ؟؟؟
انت المقصر

اخي سعيد
كيف تقول معاناة وانت تبين مدي حبك الي ابيك
وتبث كل هذه اللوعة وكل هذه الشكوى الي ابيك
اجعل الأمل متجددا بين حنايا أضلعك والإشراق دربا
فصفو الحياة ومياهها الصافية لابد أن يشوبها الكدر
لكن سرعان ما تنجلي هذه العتمة وسرعان ماتعود المياه لمجاريها
فليحذوك الأمل والتفاؤ فاابيك العزيز غيابه فسوف يعرف من نفسة انة مقصر

الي رجعه انشاء الله

رنا الصغيرونة

[/ALIGN]

[ALIGN=CENTER]


اهلا اختي الكريمه رنا

والله ردك الرائع اعجبني كثير

وعلى فكرة هذا الموضوع انا طرحته في شهر رمضان الماضي لكن للاسف ما اخذ حقه في الردود

وفي شي ابي انبه عليه اختي الكريمه انا تكلمت بلسان كل الشباب اللي في سني واعتقد اني صادق في كل كلمه انا قلتها

اما عن اسالتك اللي طرحتيها علي انا راح اجاوبها وبكل صدق لانه بصراحه هذا حال كل الشباب اللي مثلي وفي سني

كل قعدتك في النت هدا السبب يبعدك بعد عن اهلك ؟؟؟؟

امممم يمكن في الماضي كنت مدمن الى اخر درجه لكن الحين لا احاول اني اجلس مع الاهل اكثر من جلستي على النت او اني اطلع مع الشباب ويمكن تكون جلستي مع الاهل في اوقات الوجبات بس

كم ساعة تقعد في النت ؟؟؟؟

هههههههه بصراحه يمكن اليوم كله على النت والدليل انك تدخلي تحصليني دايما مرتز في المنتدى


هل تجلس مع اخواتك وامك ؟؟؟

اي اجلس معاهم واكلمهم وعلى فكرة اخواني كلهم يرتاحوا لي وانا بعد ارتاح لهم واحبهم مثل اولادي هههههههه

وامي اكيد ما اقدر على فراقها هذي حلوة اللبن مثل مايقولوا

هل علاقتك مع ابيك سطحية ؟؟؟؟

بالعكس والله انا اشوف ان علاقتي مع ابوي اكثر تحسن من قبل يعني الحين انا في سن اكون فيه صديق لابوي


صدقني ابوك مو مقصر ؟؟؟
انت المقصر

في هذي عاد ما اسمح لك يارنا انا ما اقصر في حق اي احد اعطي كل اللي يحتاجني حقه اعامل الناس كما احب انا ان يعاملوني

مشكووووووووورة جدا على الرد القاسي


وتقبلي مني ارق تحيه [/ALIGN]

[ALIGN=CENTER][TABLE="width:70%;"][CELL="filter:;"][ALIGN=center]

اخوي سعيد فهمتني غلط ؟؟؟؟

اسفة وانا اعتدر منك شخصيا
وانا ماارديت عليك كلام قاسي ؟؟؟

اعدرني وان شاء اللة مااضيقتك بردي هدة
اسفة علي الازعاج اخوي اوعدك اني مااضيقك بردودي القاسية

رنا الصغيرونة

[/ALIGN]

[ALIGN=CENTER]


هههههههههههههههههههههه

اختي رنا بالعكس والله ردك هذا اعجبني

انتي يمكن قسيتي علي شوي بس والله العظيم انا طرحت الموضوع هذا بس عشان اشوف ردك عليه

فاتمنى انك ماتحرميني من ردك


واتمنى انك تاخذي راحتك في طرح الاسئله ولا راح اقصر اكيد في الاجابه انتي وكل الاعضاء غاليين

على قلبي

اتمنى اشوف ردودك وتعقيباتك على الموضوع

اخوك [/ALIGN]