| | | |
14-12-2006, 10:45 PM
| #1 (permalink) |
| ~*¤ô§ô¤*~ وزير الدفاع ~*¤ô§ô¤*~  تاريخ التسجيل: Jun 2006 الدولة: الخبر الجنس: ذكر عدد النقاط: 20316
المشاركات: 7,087
  |  قصه فضيعه جتني بلوتووووس طلعنا انا واهلي نتمشى على البحر وجتني هالقصه بلوتووووس قصه تموت ضحك هي طويله شوي وانا عارفتكم ماتحبون القصص الطويله كسلانين مثلي بس هذاك اليوم كنت طفشانه وقريتها تراها مره فضيعه اكيد في ناس تعرفها من قبل وناس ماتعرفها اقروها لان انكسر ظهري وانا اكتبها تهي تهي قصة غشيم في المغازله المهم وانا في عز النوم والسعابيييل الا فجأه.. رن التلفون وطبعا تلفوننا شايل ابووي منه كل الارقام موب مخلي الا رقمين التسعه والثمانيه يعني مالك الا تدق على الشرطه ولا الدفاع المدني وغيره مافي المهم اني رفعت السماعه واقول نعم الا وذاك الصوت اللي يرد الروح صوت بنت واخوكم اذا سمع صوت بنت اوجعه بطنه وانواع الاسهال وقالت الووو ..انا ماعاد عرفت وش اقول انشلت براطمي وطلعت كني ياسر عرفااات ال ال ال الووو.. قالت .. مين معاي؟؟ قلت معاك انا ((صراحه جواب يدل على ذكائك) وهي اللي تضحك واناا قلبي احسه موب طبيعي قالبها سامري واستنزل عندي الكبد والبنكريااس انواع الربكه وقالت لي سوسو موجوده؟؟ قلت لها ماينفع حوحو ؟؟ قالت مين حوحو ؟؟ قلت هذا اسم الدلع حق الحمار اللي هو انا وضحكت للمره الثانيه على التوالي وقالت يؤيؤ شكلي غلطانه طيب اسفه قلت لها لا عادي لا شكر على واجب (دايم اسمع هالكلمه وجالس احترري الفرصه اني اقولها!!) وقفلت السماعه ... تصدقون مادري وش صار فيني حسيت بقشعريره في جسمي وان افرازات الخشم عندي زادت وان ودي اروح انبطح في الحوش واكتب قصيده هجائيه لايكون هذا هو الحب اللي يقولون (نعن ابو الحب اللي تعرفه يالضفدع) عاد انا ماني متعود على البنات لان ماشاء الله بيتنا فيه خمسطعشر رجال اللي هم انا واخواني وابوي وامي(الله يخلف على ابوك واميمتك هذا وانت اكبر اخوانك عليه العوض ومنه العوض) المهم يعني انا واخواني ماشفنا بنت ابد وهذا اللي سبب لنا عقده تسمى العقده الفسيولوجيه المهم اني قررت اني اتعررف على بنات بس في مشكله وحده اللي هي اني ماعندي اسلوب ابد (يعني وقفت على الاسلوب نعن ابوووك انت عندك الف مشكله مو مشكله بس واهمها مشكلة وجهك اللي كنه لووحة انتبه امامك نقطة تفتيش!!) الوكاد اني مالقيت قدامي الا واحد من العيال اسمه عبدوووش معرووف ان البناات مايعووقون معاه وانا اللي القط مفتاح سيارتي واروح له الوكاد اني رحت لعبدوش وعلمته بوضعي وان امنيتي في الحياه اتعرف على بنت قبل ماموت( اخسس يالشاايب) فقال لي السالفه بسيطه اذا بغيت البنت تحبك حسسها انها احسن وحده في العالم..قلت له.. يعني كيف يعني اقولها انتي احسن من مارادونا!! وهو اللي يرفسني برجله في بطني وقال لي انت ثووور وش دخل مارادونا يالغبي!! انا قصدي انك تحسسهابانوثتها وان مافيه بنت غيرها في العالم قلت برضه مافهمت يعني تبيني اذبح كل البنات واخليها لحالها !!! وهو اللي يمووه علي برجله ويمحطني بيده على جبهتي وقال لي شوف انت حمار وماراح تفهم الا بالدروس العمليه ويطلع جواله ويدق قال لي شوف انا هاللحين باكلم وحده وتعلم قلت له طيب وكلم وقال هلااا حياتي هلا عمري هلا روحي انا لؤي حبيبك ومجنونك ..(الحمدلله على العقل نعن ابوك وين لؤي معه والله لو اشوف وجهه في احسن الاحوال بعد مااعطيه غير اسم جعفر) قال ايش قال لؤي ) وقام يقولها احبك واموت فيك انا بدونك مثل البيت بدون حاره مثل التلفون بدون حراره مثل السواق بدون سياره انا البنزين وانتي الشراره انا الشارع وانتي الاناره انا الرومانسيه وانتي الاثاره انا مبنى التجاره وانتي الطياره (قسم بالله بغيت اضمه وابوسه يوم سمعت كلامه حسيت بشعور غريب نعن ابليسه لو يكلم جدار كان ذاب) المهم انه خلص المكالمه والتفت لي وقال لي يالله دورك باعطيك رقم بنت وكلمها وقول لها نفس كلامي قلت له بكل خجل طيب وهوو اللي يدق على بنت ويعطيني الجوال عشان اكلمها وانا اللي اقول الوووووو ويوم سمعت صوتهاااا ضاعت علومي ونسيت كل الكلااام وقلت لها بابا فين ...!! وماحسيت الااا بذيك الجزمه اللي لازقه في مقفاي وقال لي قوووول نفس الكلام اللي قلته يالثور وانا اللي اقول لها هلا حياتي هلا روحي هلاا تعالي وقالت طيب وبعدين قلت لها... انا بدونك مثل الكيبورد بدون فااره مثل التقاطع بدون اشاااره مثل الحمار بدون حماررره مثل السلطه بدون خياره انا محترف وانتي نظام الاعاره انا الولاعه وانتي السيجاره انا الددسن وانتي الغماره انا الصرصور وانتي البياره اناااا طوووووط طووووط طوووووط قفلت الخط في وجهي قال عبدوووش وش فيك؟؟ قلت له ..لا ابد الخط مشغول (مايعرف يصرف ابد) ومادريت الاعبدوووش مطلع لوح فيه مسامير ودبجني فيه اللين قلت للعنز ياخاله المهم اني رجعت للبيت ودماني تصب وماليه وجهي من كثر الطق اللي جاني من عبدوووش لدرجة ان اللي يشووفني مايعرفني طالع كاني مسابقه من صاحب الصوره هذي اللي يحطونها في المجلات وانا اللي ادخل البيت بشويش عشان مايشووفني احد واطلع غرفتي واسكر الباب وانام وفي عز النوم دق جرس التلفون وارفع السماعه الا هي نفس البنت اللي كلمتني اول مره قلت ...نعم...قالت...سوسو موجوده؟؟؟ قلت لها شوفي بيتنا كله شباب ومافيه احد يبدا اسمه بحرف السين انا واخواني كلنا اسمنا خالد ومافيه الا اخوي الصغير اسمه فهد هو اللي اسمه نايف ونناديه عبدالرحمن(وش عنده عادل امام!!) والبنت كرتها ضحكه وقالت ماشاء الله دمك خفيف (هي تحسبني استهبل مادرت اني دلخ من جد) وقلت لها شكرا(مسووي مؤدب( وسألتني البنت وش تسوي هاللحين ؟؟ قلت لها والله كنت نايم قالت يؤ يؤ تنام في الليل انت !! قلت اجل متى انام؟؟؟ قالت لا انا انام في النهار واسهر في الليل قلت لها ليش الاخت بوومه قالت لا بس الليل وقت الرومانسيه انت تعرف الرومانسيه؟؟؟ قلت لها لا والله ماعرف بنات انا (مسوي فيها فاهم( وسألتني انت وش اسمك؟؟ قلت مصيول قالت وش معناه؟؟ قلت لها..هذا اسم كلب كان عند جدي وسماني ابوي عليه لاني اشبهه وسألتها وانتي وش اسمك؟؟ قالت..داليدا قلت انا ابي اعرف اسمك موب عياراتك قالت هذا اسمي (هذوللي البنات تسألها وش اسمك تقول رهف ولا شوق ولا افنان ولو عذري بس من جنبها) سويت فيها اسلوب وقلت لها اني حبيت وحده بس انتهى هالحب لان اللي حبيتها خانتني قالت لي من حبيت؟؟ قلت حبيت عنز جيراننا بس انها خانتني مع تيس المهم ان البنت قالتلي اوكي اكلمك بكره لان امي تناديني قلت موب مشكله وتطورت العلاقه وصرنا نكلم بعض كل يوم وانا انقلب حالي ولاحظوا هلي اني تغيرت يعني نكون جالسين على الغدا ولا العشا وانا ماكل سارح وانغف وبعض المرات انسى اصبعي داخل خشمي ولاحظوا هلي اني صرت مؤدب وأقرا واجد وانا اقرأعشان اعرف كلام جديد في الحب تلقاني اقرا كتب الشعر والحب والطبخ لاتستغربون لان كتب الطبخ اتعلم منها كلام حلوا مثل ياعسل ياحليب ياقشطه ياكريم كرامل بس المشكله انها ضاعت هالكتب مني وصررت اروح عند بيارة جاااارنا اللي طافحه واقعد افكر واتأمل وارمي حصى وسط البياره(مسوي رومنسي مثل اللي يجلسون على البحر ويرمون حصى) المهم انه في ليله من الملاليل قالت لي مصيول اوصف لي شكلك ياولله البلشه وش اقولها هذي الحين اقولها اني قرد اعترف لها بالحقيقه المرره واقولها انيجدار مالي ملامح اعترف لها اني شبيه عبدالله سليمان الوكاد اني قلت في نفسي خلني اسوي مثل كل الشباب وانصب عليها المهم اني قلت لها انا عيوني مثل عيون جواد وطولي مثل طول طلال الرشيد وخشمي مثل خشم خالد عبدالرحمن وملحي مثل ملح راشد الماجد ومهضوم كثير مثل رامي عياش (والله مو ناقص الا تحط ملحن معهم وتكمل الاوبريت) الوكاد ان البنت شكلها خقت معي وقامت تشاهق من الفرحه وسألتها وانتي اوصفيلي شكلك قالت ماقدر لما تشوفنيبتعرف لان مالي شبيه (اخس يابريتني) وانا اللي افك خشتي وقلت لها يعني باشوفك قالت اكيد انا بكره باروح شاليهات اليمامه اللي على طريق الرياض الخرج ونتقابل هناك... قلت بس هذيك للعوائل قالت عاد انتدبر نفسك قلت اوكي موب مشكله بس كيف اعرفك؟؟ قالت بيننا الجوال اذا وصلت كلمني وانا اعلمك وين تلقاني قلت خلاص الوعد هناك المهم اني توهقت وش لون ادخل الشاليهات وهي للعوائل وقلت مالي الا عبدوووش اتصل عليه واتفاهم معاه ودقيت عليه. ورد علي وقال بعصبيه نعم وش تبي يالغبي وعلمته السالفه من سلسل للين طقاق عليكم وقال لي والله صعبه وش بتسوي قلت له وش رايك تلبس عبااة وتسوي نفسك حرمه وتروح معي على انك زوجتي وهو اللي يتغير وجهه وقال انا ولد ابوي قلت له بالله توني ادري كنت احسبك ولد ابوي انا قال تستهبل يالزبال انا اسوي نفسي حرمه ياويل ويلي ويلاه خبل الخبل خبالها قلت له يارجال كلك تبن لا ادوس في بطنك جالسين في مضارب الباديه احنا!! قال لي لا يامصيول هذا شي ماقدر عليه وش اقوول للجماعه؟؟ قلت له ومن قالك اننا بنحضر عرس حنا بنروح الشاليهات وانت ماراح تكشف وجهك ابد قال طيب ليش انت ماتسوي نفسك حرمه وانا الرجال!! قلت له ياخوي انا ماقدر لاني لارجال نافع ولاحرمه نافع وبعدين حتى لو غطيت وجهي بيكشفون اني ماني حرمه من ريحتي اللي كنها رايحة شرابات عزوبي قاللي خلاص بس لا احد يدري قلت له ابشر بس جهز نفسك بكره بامرك ونروح واخذت سيارة واحد من العيال ورحت لبيت عبدوش ولقيت عند بابهم شحااده وهي اللي تجي تبي تركب قلت لها الله يعطينا ويعطيك ياخاله وهي اللي تطق قزازة السياره شوي وتكسرها وانا اللي اطلع من جيبي ريال ونص كنت ناوي اشتري فيهتوكس بس قلت موو خساره فيه عشان الله يوفقني وتوني افتح الدريشه باعطيها الا وهي تقول افتح الباب الله ياخذ هالراس الصوت مو غريب علي بقية القصه بعدين دحين تعبانه مررره |
|      |
|
15-12-2006, 01:47 PM
| #3 (permalink) |
| حمتووووو   تاريخ التسجيل: Aug 2006 الجنس: ذكر عدد النقاط: 2386
المشاركات: 601
| عووووووووووووووووووووووووووووووووووووووووووده متى تكمل القصــــــــــــــــــــــــــــــــــــــــــــــ ـــــــــــــــــــــــــــــــة تحيـــــــــــــــــــــــــــــــــــــــــــــــ ــــــــــــــــــــــــــــــــــــــــــاتي |
|
| |
 |
| مواقع النشر (المفضلة) |
 جديد منتدى الفرح والمرح والفرفشه |
| |
| أدوات الموضوع | |
| انواع عرض الموضوع | |
|
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| جتني | عبدالعزيز200 | خفقات روح | 3 | 29-05-2005 12:44 AM |
| صوره فضيعه ؟؟؟تعالوا يا التماسيح.. | رحاله | صور | 15 | 28-07-2004 01:05 AM |
| نكت عن السياراااااااااااات بس فضيعه | دموع الورد | الرياضة والسيارات | 1 | 27-05-2003 04:15 PM |
| صوره فضيعه لمرأه قتلت زوجها | زعيم القلوب | الفرح والمرح والفرفشه | 15 | 01-03-2003 06:11 PM |
| من حبني | المعذب جده ينبع | جنة القلب | 6 | 31-01-2003 07:50 PM |
العرض العادي
