[align=center]
كبر دماغك و أستهبل و أنتخ و أعمل عبيط
لو كنت حبيب و الحتة بتاعتك أديتلك أستمارة 6 أو عشت
معاها
دور ديكابريو و فجأة ندلت معاك و زقتك من فوق
العبارة تيتانيك و لو باعتك فى أول كمين
و أتجوزت واحد
تانى لمجرد أنه غنى و أنت مش لاقى تأكل و بتقضى بقية
عشاؤك نوم و أحيانا مش بيجيلك نوم بعد ما أديتلك ميسد
قمت سعادتك متصل بيها علشان فاكرها بتتشحتف عليك و
حتموت و تسمع صوتك لقيتها عايزة تقول لك ياريت نبقى
نبقى أصحاب أحسن لأن أنا لم أعد أستطيع تحمل الضغوط
اللى على و مضطرة للاسف أتجوز واحد مابحبوش بس
الظروف أوى منى و حكمت على !!!!!
أوعى تتصدم و تعتكف فى غرفتك و تسيب دقنك طويلة
و ترص (( وينامب )) محترم فيه كل أغانى الحزن و
اليأس و الأحباط و الخيانة و أوعى تعيش دور المصدوم
و تصمم أنك تروح ترقص فى فرحها و تغنى لا أنا
مصطول و لا بطوح كمان
سيبك من كل ده و عيش حياتك و ما تحاولش تقنع نفسك
أنك كنت بتحبها و هى اللى خانتك لأن الحوارات دى
أنتهت مع أخر قطرة دم سالت من فان جوخ منتحرا من
أجل حبيبتة و مع أخر نفس خرج من كليوباترا كمدا
على المحروس أنطونيو و مع أخر صرخة أطلقتها هنادى
دافعة ثمن الحب الباهظ فى دعاء الكروان ......
دول الناس اللى حبوا صح يا ترى أنت بتحب صح ؟؟؟
و يا ترى المزة اللى المفروض أنك بتحبها تستاهل أن
ناموسه تقرصك و تتحملها من أجل الحب فوق
هضبة الهرم ؟؟
يبقى الافضل أنك تنفض و تستخدم التكنولوجيا الحديثة
لكى تساعدك على أرساء مبدأ التنفيض ..
ماهم بيستخدموها فى كل حاجة
هى يعنى جت عليك ؟؟
أول حاجة أعمل
(( تحديث )) لدماغك و أقف بالماوس
على البارتيشن اللى كنت مسيفه بأسم (( MY LOVE )) و
أديها كليك يمين و أنزل على (( format )) و دوس بقلب
جامد حايحصل أيه يعنى
(( format )) و
(( yes to all )) ثم انظر ألى النافذة التى تقوم بطرد
الملف من هارد أفكارك ألة غير رجعة و أخرج تنهيدة
عميقة من أقصى أقاصى أعماقك و بكل قسوة بعد
أن تتم فرمتة دماغك و يصبح الملف خاويا :
كبر دماغك ياعم بلا حب بلا وجع قلب هما
يعنى اللى حبوا عملوا اييه !!!
بس أوعى عقلك يوزك و تفكر تجيب (( recover for all ))
اللى بيرجع الملفات المفقودة
شفت ازاى الموضوع سهل و التكنولوجيا سهلت حاجات
كتير ولو يعنى صعبان عليك البارتيشين يفضل فاضى
ممكن تمشى نفسك دلوقتى بأى علاقة ضايعة تضيع
بيها وقتك و تعيشلك يومين بعد كدة سيبها و أهو البنات
اليومين دول على قفا من يشيل على الاقل تنتقم لكرامتك
المجروحة أو تنضم لجموع المتحرشين فى شارع طلعت حرب
و تشوف فى كل واحدة حبيبتك اللى خلعتك و أنتقم
براحتك
و الاحسن من كل ده أنك تطنش و تعيش حياتك و تستهبل
و كأن مفيش حاجة حصلت يعنى من الأخر تعمل
(( turn off ))
للقصة و تأنتخ و أعمل فيها عبيط
و شيل سكينة الكهربا و شد السيفون
مش برضه أحسن
تمت
..........................[/align]
27-11-2006, 06:27 مساءً
كبر دماغك و أستهبل و أنتخ و أعمل عبيط 
جديد منتدى جنة القلب 
العرض العادي
