جفيت الكون من اجلك وخاب بحبنا ظني

روعة الحزن · 30-10-2006, 07:41 PM

[align=center]

أنهنت في حبك وانا حر ما أنهان
والحر ما يرجع لشخص يهينه
والله احبك حب والقلب ما خان
حافظ عهوود الحب يومك تبينه
بس للاسف ما أقدر على حب خوان
يمشى يشيل اسمى وبا جر يهينه

×××××

أضحك وكني رايق البال خالي
والناس تحسدني وأنا اموت بسكات
أقضي نهاري بالمزح والتسالي
واسهر بلليلي في هموم ومعانات
غريبه هالدنيا على كل حالي
الحزن دايم والفرح بس لحظات

×××××

عتبرني حلم عابر في حياتك
اعتبر حبي سحابة في سماك
اعتبرني من بقايا ذكرياتك
اعتبرني شخص ما يرغب لقاك
ابتعد واجمع مع غيري شتاتك
يوم صار الغير هو غاية هواك
التسلي بالمشاعر من صفاتك
يا فقير الحب اتبع من غواك
روح دور يا عديم الذات ذاتك
بارخص الاسعار يخسر من شراك

×××××

أبتركك للغير منهو يسليك
وأببتعد وأنسى ماضي مسيرك
دامك هويت الغير فالله يهنيك
وأنا باعيش أذكر على الدوم خيرك
خلك معه خلك.. يمكن يراعيك
بس لاتجيني لامن خلاك وحب غيرك

×××××

اعتلي يانفس واعقل ياخفوق.وارقدي ياعين وارحل ياهوى
بنصحك ياقلب لايطويك شوق.روحته مع جيته عند سوى
من يحطك تحت لاتعليه فوق.ومن يحطك فوق يبشر لانوى
الكرامة مايوطيها مخلوق.والنجم لاطاح قالوله هوى

×××××

يا ويل قلبي كل ما جيت أبي أنساك
ألقاني أتعلق بك أكثر وأكثر
واللي خلقني ما قوى البال يسلاك
لا نامت عيوني لك القلب يسهر
واشلون أبنسى العيش والملح وأنساك
أطلع رخيص ان قلت بجفاك وأقدر

×××××

يوم شلتك في عيوني وغطتك الجفون
كيف ترضى تجرح العين مع قلبي سوا
ادري اني لوتركتك عليك امري يهون
لكن اذكر لوجرحك الزمان اني دوا
ومثل مالك عزة تاخذك لاقصى الجنون
اعرف اني بالكرامه رفيع المستوا

×××××

وفر كلامك ورني عرض الاكتاف
قلبي كره شوفك ولا هو بمجبور
تضحك على عقلي بكلمات لطاف
تحسب اني بالحكي راسي يدور
ولا تحسب اني من الهجر بخاف
ياشيخ خذ حبك وقلبك ومشكور

×××××

عندك خبر وش قيمتك في حياتي
غالي ولك فيها مكانه وتأثير
مهما افترقنا لك محبة بذاتي
فيها الوفا رمز على كل تقدير
ماقول غير انك بصمة في حياتي
ولا قول غير الله يذكرك بالخير

×××××

اتعبت قلبي من جفاك وتغليك
وتاهت بي الشرهه ولا احد ذكرها
المشكله قلبي حلف ما يخليك
ومدري متى ظروفك توقف ضررها
قلبي وعقلي والمشاعر تباريك
روحي هوت روحك وحبك سحرها
الذنب ذنب الحب ماهو خطا فيك
هذا خطا نفسي وهذا قدرها

×××××

ياغايتي بسألك عن حلو الايام
قلي عساني اقتنع من جوابك
بالله قلي لي متى ابني احلام
مافادني حلمي وانا ألحق سرابك
ست العجايب كان سابعها الاهرام
همي ترا الثامن بسبة غيابك

×××××

رص المشاعر بالحبر يا قلم رص
وبعد المشاعر باقي الحب رصه
قلبي يعاني وانت بالحب مختص
وانت اللذي عقلي بلافكار خصه
قصه غرام وكانت اكبر من النص
فها حبيب ساكن القلب نصه
اخر كلامي اطلبك ياقلم وص
خلو علاجي بالاشواق وصه

×××××

كفي دموعك مال للاحزان ميعاد
مادام هذي رغبتي فاهجريني
انتي سراب وكلمة الحب تنعاد
ماودي احرج خاطرك وافهميني
نفس الظروف ووقتنا كله عناد
ابلتمس لك عذر واعذريني

×××××

ألا يا مبعدٍ عني مهاجر
دموعي آخر علومي الجديده
اسافر وابتعد عنك والاقي
رماد الشك للخافق حصيده
احبك كلمةٍ فيها حياتي
احبك نغمة الشوق الفريده
انا وش عاد بيدي ويش اسوي
غرامي فيك مات بيوم عيده
غريبه حايره خوفي ذبحني
عليك اكذب واقول اني سعيده

×××××

كان الماء فكانت الهواء
كان القلب فكانت الحب
كان المكان فكانت الزمان
فبدونه لا يوجد المكان
وبدونها يتوقف الزمان!!

×××××

يالحاضره يالغايبه في غيبتك شفت المكان
أطلال ديرة تنشد الركبان وين أحبابها؟
وانتي مدينة من ذهب جدرانها ذوق وحنان
والطيب تربتها .. ومعسول الكلام أبوابها

×××××

ما بيننا رجوى ولاني براجيك
هدمت قصرٍ في غرامك بنيته
قلبي عقب موت الوفاء جاء يعزيك
يغسل بدمع العين حبٍ نسيته
ويكفنه بالورد وعهود ماضيك
ويدفن معه ذكرى حبيبٍ كويته

×××××

عجزت لاالقي للهجر منك تفسير
سألت نفسي !! صار مامني قصور
هل هو تغلي ! اعتقد سوء تقدير
وقعت لك في شيئ ياصاح محظور
حكم ضميرك من عقب عمق تفكير
مافات مات بباطن الأرض مقبور

×××××

الحب ؟ احبك ؟ مابها شك وخداع
والشوق؟ اكذب!لو ما قلت مشتاق
لي مركب في بحركم ماله شراع
لاهب نسناس الغلا منك ينساق
قصة غلا ما ذاعها كل مذياع
حتى ولا طبعت على بيض الأوراق

×××××

فارقت كل الخلق من بعد فرقاك
مالي سوى طيفٍ مع الفجر يسري
عيني غشاها الدمع لا حل طرياك
غصبٍ علي حبك مع الدم يجري
ساعدني أبعد عن همومي وذكراك
ساعدني أطوي كل جرحًٍ بصدري

×××××

هذي الدنيا غربيه .. صعب تلقى لك حبايب
قلتها لك مالبداية صعب يوفي لك أناني
من يضيع وقت غيره ولا يضحي في الصعايب
كيف يثبت لك وجوده كيف تعطيه الأماني ؟
إختلاف الرأي يحصل كل شي وله سبايب
والمحبة درب واضح من عشق لازم يعاني

×××××

يا بنت لا مني ولا منك تقصير
غصب مضى حكم الليالي علينا
صدفه تلاقينا واثاري المقادير
تنسج خيوط ابعادنا ما درينا
ارخ الستائر يا زمان التعاسير
ليل المواعيد انتهى.. وانتهينا

×××××

لقيت لي خل خليل من الناس
لأجل الخصال اللي ملكها هويته
ترى الدموع لصادق الحب مقياس
لا غاب عنك اللي تحبه بكيته

×××××

ابكي على دنياي والحظ المشؤوم
تساوت الدنيا بعيني مرة احزان ومرة هموم
كبرت وصارت الدنيا بعيني شئ مشؤوم
وأخذت من الدنيا درس واضح ومفهوم
هذا الزمان زمان فيه الردي مخدوم
والطيب يقول زماني نساني .. ولكن هذا قدر
ومحتوم!.

×××××

انا اغليتك على نفسي واجاري قلبي المطروح
جفيت الكون من اجلك وخاب بحبنا ظني
وجيت اليوم بشكيلك عذابي والشقا والنوح
عسى ليلي يجاوبني ويسمع حزني ووني
بكيت ولابقى في قلبي المظلوم غير جروح
سبايب حبك وظلمك من اللي ابعدك عني؟؟

×××××

ماعاد احبك ابتعد لاتجيني
مدام حبك صار كله مذله
أول عرفتك ياالغضي ترتجيني
واخذت قلبي يوم كان بمحله
ياما سهرت الليل وأسهرت عيني
على أمل قلبي يسميك خله
وخاب الرجا ماعاد ينفع حنيني
لا عاد الله حب جاب المذلة...

×××××

تعودني عليك ايام ابد ما فارقك ليله
واذا عنك اروح اليوم اقلك نلتقي باكر
تعودني على لطفك على اسلوبك وتدليله
وتتوقع انا بحيا بدونك يوم بتسافر
انا ماودي اشكي لك ولكن قلة الحيله
آليمه فرقتك والله وانا ع البعد مو قادر
دخيلك اجل الموعد اذا تقدر ع تاجيله
دخيلك حط دمعاتي في عينك قبل ما تسافر

×××××

ما انت على خبري تغيرت بالحيل
ماهوب قوول الناس شوف عيني
مثلتلي دور المحبين تمثيل
روح كمل المشواار هالحين دوني
دامه حصل بالوضع يازين تبديل
في عزتي للنفس هجرك يهوني
مابيك داام الناس فيك شاركوني

×××××

كل ما هلت دمعة عيوني
قلت يا ليتك تجيني
كل ما مر طيفك في خيالي
صحت يكفيني تعالي
وينك يا عمر العمر
وينك عذبني الصبر
أقتل وحدتي بالدمع
وأحرق دمعتي بالشوق

×××××

ابي انساك
لوكنت النظر للعين
صعب اعاشر شخص مايهوى بضمير
ماعرفت اختار والدنيا عبر
اعترف ان الخطا مني كبير؟؟؟

×××××

قلي..منهو ذبح فيك الاحساس
قلي..غلاي اليوم وين وديته
منهو الي خذاك واشغلك عني
لايكون عفت الغلا وحبي نسيته
عادي علمني ترى القلب بالجفا حاس
ولك مني ابتعد عن طريقك

×××××

ياصاحبي شوقتني لين حبيت
وبعدت يوم الوقت فيك بلاني
انت الحبيب الي بدربي تمنيت
واكبر مصيبه كان قلبك نساني
وشفيك على غفله تغيرت وجفيت
منهو الجديد الي عطيته مكاني

×××××

حاولت أنا أبكي ودمع عيني عيّا يسيل
حاولت أصرخ لك واشكي والصوت في صمتي
مخنوق وقتيل
بعيده أنتي وابعد من عيونك حروفي
مكانك بقلبي وحضنك رعشة كفوفي
خوفي عليكِ يحتمي من خوفه بخوفي

×××××

لا تجين أنا مقدر أشوف الدمعة
في عيونك تودعني
أنا مقدر على دموعك فبرد الليل تحرقني
لا تجين على وداعك أنا مقدر
على موتي أنا مقدر
على فراق العمر مظني أحد يقدر
لا تجين بصمت همسي أقولها
وصوت قلبي يناديكِ
لا تجين دمعة عيونك هلاك
وحزن الكون في صدري

اتمنى انها نالت رضاكم [/align]

خيــــانهـــ · 30-10-2006, 08:08 PM

أضحك وكني رايق البال خالي
والناس تحسدني وأنا اموت بسكات
أقضي نهاري بالمزح والتسالي
واسهر بلليلي في هموم ومعانات
غريبه هالدنيا على كل حالي
الحزن دايم والفرح بس لحظات

مساء الخير

مسجات رااائعه اختي
يعطيك الف عافيه وتسلمين
منوره القسم
تحياتي

.. صمت اليتامى .. · 30-10-2006, 09:17 PM

روعه الحزن

.. روعه ..

.. ومشكوره على المسجات ..

.. دمت بود ..

ღ فتــون ღ · 30-10-2006, 11:32 PM

//
..

مسجآت رووعه

يسلموو إيديك يالغلا

فتوون
..
//

كـاتـم الأشـوواق · 31-10-2006, 08:28 AM

يعطيك العافيه
على المسجات الرووعه
تحياتي لك

سراب الوقت · 31-10-2006, 11:41 PM

انا اغليتك على نفسي واجاري قلبي المطروح
جفيت الكون من اجلك وخاب بحبنا ظني
وجيت اليوم بشكيلك عذابي والشقا والنوح
عسى ليلي يجاوبني ويسمع حزني ووني
بكيت ولابقى في قلبي المظلوم غير جروح
سبايب حبك وظلمك من اللي ابعدك عني؟؟

/

روعة الحزن

روعه مسجاتك

تسلم يديك

/

سراب

ملك الإنسانية · 01-11-2006, 10:03 PM

يعطيك الف عافيه اختي