يامحمد بن فيصل ~ النصر يلعب أمام الريال بالبرازيل وأنت تتابع الكابتن ماجد في الرياض !

حسيبكـ زمانكـ · 12-10-2006, 10:00 PM

*

*

*

*

*

*

محمد بن فيصل من اسبوعين خرجت بتصريح تقول :
( ياجماهير الهلال أقتدوا بجماهير النصر .. واخذت تمدح جماهير النصر وأنها الجماهير العاشقة الوفية
مع كل ظرف وفي كل حال ) .

وقبل يومين وبعد مباراة الإتفاق تخرج علينا بتصريح : تناقض نفسك فيه وتسيء للنصر وللنصراويين
وتقول : النصر ليس منافس للهلال ولا توجد مقارنة بينهم .

وأنا أقولك ياحمودي :

* أنت وكما هو معروف للجميع من مواليد 1400ه وإذا كلامي فيه خطأ كلف على نفسك ومد يدك لجيبك
وشوف بطاقة الأحوال .

يعني النصر من 6 سنوات يلعب قدام ريال مدريد بالبرازيل وأنت توك تناظر الكابتن ماجد والكابتن رابح
وشكلك بعد كنت تنام وتقول سجلوا لي الحلقة لا تفوتني ..

النصر عام 1418 قبل حوالي 9 سنوات يحضر ستويشكوف ويحقق كأس آسيا بوجود أفضل لاعبين من آسيا

ماجد ومحيسن والعنزي وأنت تو عمرك 17 سنة .

النصر يلطش في الهلال في جده عام 1415ه أمام جماهير جميع الأندية وبحضور الحكومة كلها والشعب
وبحضور بهجا وسداح العرب والثنيان وليتانا ويآخذ الكأس بثلاثية على الطريقة الماجدية وأنت عمرك
15 سنة .

* النصر ياحمودي الهلال , أول فريق سعودي يحقق سداسية متتالية , وليست خماسية مزيفة:كأس الإتحاد
ل 23 سنة( فئة سنية) , وكأس الكباب والإرهاب , وكأس ولي العهد اللي أعترفت فيه في تصريحك الشهير
بأن الحكم ظلم الوحده وأعطاكم ضربة جزاء للشلهوب .

وغيرها الكثير يارجل التاريخ المخضرم ويامن عايش العصور ....

النصر يابوحمدي .. تاااااريخ وبطولات وأمجااااد حاضرة وأمجااااد مغتصبة ..

** لا ننكر أن الهلال كل سنة يجيب بطولة وبطولتين , بس من وين يحصل عليها وكيف يحصل عليها ؟؟

- ارجع للتسجيل اللي أنت أعترفت فيه ورح تعرف كيف الهلال يجيبون بطولاتهم وإن احنا عايشين في وسط
رياضي قذر تحكمه الرشوة كما قلت وأن الحكام ياما ساعدوا الهلال كثيراً ...... إلخ .

هذه بطولاتكم ياسيادة الريس حمودي !!!!

* الجمهور الوفي أو الشعب النصراوي الكبير الذي اجبرك أن تتغنى به هذا الموسم والموسم الماضي
لم يأتي من فراغ , ولم تأتي هذه الكثافة الجماهيرية من فراغ , ولم نحصل على لقب الأكثر شعبية
جماهيرية من فراغ !!

كل هذه الجماهير الحاضرة التي أدهشتك , هي ( جماهير البطولات المغتصبة )
هي جماهير الوفاء لنصرٍ مُغيب ,,

لم تتوالد هذه الجماهير في مدرجات الشمس من اللاشيء ..

ولو كانت هذه الجماهير الكبيرة كما وصفت لا تملك دليلاً داخلياً في ذاتها على أن فريقها هو البطل
الغير متوج مع كل موسم , لنامت وارتاحت وشجعت فريق البطولات المدفوعة .

ولكن جماهير الشمس تعلم وتعي جيداً بأن العالمي لم يكن عالميا يوماً ويقارع ريال مدريد وبطل كاس
العالم إلا لأنه عالمياً عن جداره وإستحقاق وعن واقع لامسته وعاشته مع بطولاته ومع نجوم أبطال .

أما جماهير النادي الحالمي والذي حتى هذه اللحظة يتخيل لهم بأن فريقهم شارك في مونديال أندية كاس
العالم في نسختها الثانية , فأقول لهم : صدق من سماكم جماهير الواق واق ورحمة الله عليك يارمزنا .

وفي النهاية ياسمو الأمير حمودي أحب ان اقول لك :

تأمل وقارن وقلبها في رأسك بكل طريقة وشوف الفرق :
بين جماهير نادي لقبها : جماهير الشمس
وجماهير نادي لقبها: جماهير الطواقي

وسوف تعرف من يبحث عن المنافسة نحن أم أنتم !!!!

* ورحمك الله يارمزنا الأسد ..
فلو أنك لم تمت لأقسمت بالله بأن أم محمد بن فيصل لن ترضى بأن يترشح ابنها
خوفاً عليه من أن يقع في مواجهة معك وخشية من أن يطاله تصريح من تصريحاتك
فيرجعون في سالفة : أبي ي أمي , أبي ي أبوي .... !!!

.. صمت اليتامى .. · 12-10-2006, 10:57 PM

اقتباس:

النصر يابوحمدي .. تاااااريخ وبطولات وأمجااااد حاضرة وأمجااااد مغتصبة ..

حسيبك زمانك

كتبت فأبدعت ..

دمت بود ..

الهدهود · 13-10-2006, 07:27 AM

سلمت من كل مكروه
عين الصواب ياشهم

شبل بن أسد · 13-10-2006, 07:54 AM

اقتباس:

وأنا أقولك ياحمودي :

* أنت وكما هو معروف للجميع من مواليد 1400ه وإذا كلامي فيه خطأ كلف على نفسك ومد يدك لجيبك
وشوف بطاقة الأحوال .

بالله هذا رد مايسيء للنصراويين ؟؟

بالله شوفوا مين كاتب الموضوع أول وبعدين تعالوا نرد على ذا
الله يرحمه رمزكم الاسد ...

الله يرحمه ولكن كم حقق بطوله رمزكم الاسد وهو رأيس لنادي النصر ..؟

وقارنها مع عدد بطولات ابو سلطان :)

باااي ياحسووبي هههههههههه

بالله انا جاي اقرأ موضوع ولا جاي ادلع خلق الله هههههههههههه

وين حنا بالله

جماهير الهلال جماهير اسيويه مو جماهير بالرياض والشرقيه بس خخخخ

₪ الأمبــراطــور ₪ · 13-10-2006, 08:31 AM

هههههههههههههههههههههههههههههههههآي
الله يرجك بس ياحسيبك زمانك
بالله بأسئلك .!
انت كم عمرك الي قاعد تتفلسف هنا ..

يعني من مواليد عام كم .؟!

واذا كان محمد بن فيصل مواليده عام 1400 وعمره 27 سنه .. ويحقق بطولات أحترم وجه نظر صاحب الموضوع بالملعب مهوب بالحكي .. انتم وش سويتم يامواليد أيام الحرب العالمية الأولى ..

واذا كان محمد بن فيصل مواليده عام 1400 وعمره 27 سنه .. وكل سنه ومن يوم أستلم رئاسة الهلال آحرز .. كاس الأمير فيصل "مرتين" كاس ولي العهد " مرتين " كاس خادم الحرمين الشرفين " مره" كاس التضامن ضد الأرهاب " مره" .. أنتي وش سويتم .؟! وش حققتم .؟!
أقولك وش حققتم .؟!

الأتحاد 6 - 0 النصر .. <-- يالله لا تبلانا ..

الأتحاد 3 - 1 النصر ..
الأهلي 3 - 0 النصر
الهلال 2 - 1 النصر
وغير كذا مباراة الوحدة الأردني الشهيره والتسحيب العالمي الي صار فيها ..

وغير كذا خروجكم من المربع الذهبي وأحرازكم المركز السابع بعد ماكنتم التاسع او العاشر طوال الدوري .. وكنتم قريبين جداً من الهبوط ..

ياشيخ روح نام بس .. تكفى .. وخل الهلال ومحمد بن فيصل عنك ..

واذا كان محمد بن فيصل يمدحكم وانتم تقابلونه بالآساءه فأنتم جمهور ..... هل الوفا والصبر أصبح سخافه .. ومتشاطرين بالكلام
والملعب تتشرشحون من الي رايح والي جاي ..

والحين لكم أربع مباريات بالدوري .. فوز واحد .. و ثلاث هزائم ..

وغير 4 الفيصلي ..

يالله لا تبلانا ..

أحمدك يارب اني هلالي ..

وتحياتي للهلاليين هنا فقط ..

تم التعديل بعض العبارات التي لاتليق بالمنتدى

هلالي بافاري · 13-10-2006, 12:28 PM

امحق جمهور
كله هنود
وبعدين ياحبيبي
يمكن بطوله او بطولتين بالغش
لاكن 45
والله كبيره
وبعدين 27
جاب 6 بطولات فانت ورئساك ماجبتو بطوله لكم 8او9سنوات
صدق من قال الي مايطول العنب حامض عنه يقول

الي ماعنده رئيس مثله يسبه
معروف
وفي الختام

تقبل تحياتي

الصوت الهلالي · 13-10-2006, 09:04 PM

انت تتكلم عن مباريات لها تاريخ كلام موثق من منتدى النصر تأتي أنت وتعدل عليه يا

المؤرخ!

اما بنسبه للاميرنا الغالي والله انه فعل مالم يقدر على فعله رجالات النصر ( مجتمعين)
بدل هالكلام الفاضي اللي لا يودي لايجب خليك في فريقك افضلك