البدر الحنون فهد البارع LazorD Aseer alhob

البدر الحنون · 27-09-2006, 10:55 PM

السلام عليكم ورحمة الله وبركاته

××× الموضوع ×××

ِAseer alhob LazorD

فهد البارع البدر الحنون

اربعة من الشباب المكافح قررو السفر الى تركيا ..
القطة 300 ريال << والله لو انك بتروح للبر ما كفت
فبعد شيل وحط ويمين ويسار قررنا زيادة القطة الى 8000 ريال للشخص شاملة الاكل الشرب السكن المواصلات
لا يدخل شرب الخمر ولا السهرات في الملاهلي اللليليه ضمن القطه << مخربينها الشباب
مع اخذ الضمانات من البنوك ..

ترا امزح معكم لا فيه شرب خمر ولا سهرات ليليه حنا شباب مكافح << امحق مكافح

بدينا نضبط الشناط وكل واحد مضبط شنطته
عاد واحد من الشباب دايم يجيب الطعه .. الطعه = النكبه = الورطه
كلم اهله ابروح اخذ لغه في اسبانيا
وش هاللغه اللي بتاخذها في اسبوعين
لا ورايح لتركيا بعد .. مكشووفه على طوول
المهم وصلنا لمطار الملك عبدالعزيز
جينا بنقص البوردنقات

موظف الخطوط : سم ياشباب وين رايحين
فهد البارع : بنروح لاسطمبول
موظف الخطوط : وشي اسطمبول
LazorD : << يبي يعدل الغلط .. قصده اسطنبول بس الولد ما نام من امس ...
موظف الخطوط : وتكسوه الابتسامه وفي داخله يقول ما يعرفون اسم الديره وشوله تسوون فيها وتروحون لها
فهد البارع : يالحبيب ترا انا امزح معك عارف اسمها بس ابعرف ان كانك بتعرف اسمها ولا لا .
موظف الخطوط : اقول انثبر يالحبيب وحط شناطك
Aseer alhob , LazorD , البدر الحنون: هذي شناطنا يا طويل العمر
فهد البارع : ( جايب كيسه مكتوب عليها جيان ) هذي اغراضي .
نعنبو بليسه حتى في السفر يجيب اكياس محلات ويحط اغراضه فيها فشلنا هالادمي
هذي تونا في المطار
المهم خذينا البوردنقات وطلعنا للطياره
يوم دخلنا للطياره
المضيفه : Aseer alhob , LazorD , البدر الحنون: اجلسو هنا هذي مقاعدكم
(( طبعا انا حاجز الدريشه( الطاقة) قبل ما نركب )) الا قبل ما نخطط للسفره وانا حاجزها
فهد البارع . طال عمرك وانا وين اجلس فيه
المضيفه : انت اجلس هناك .. يوووه في آخر الطياره
فهد البارع: طيب انا ابجلس عند اصقداني .
المضيفه : والله عاد هذا موظف الخطوط اللي قصلك البوردنق هو اللي حاطك هنا كان علمته يحطك عند اخوياك
اثر موظف الخطوط حقد عليه وحطه عند واحد ههههههههه
والله عاد فليناها .. اولا افتكينا منه لبرهه من الزمن .. ثانيا موقعنا حلو جنبنا تركيات يحبهم قلبك عيوننا قالت تسذا

<<<< اثقل يا ولد
وخذ ضحك .. وفله ما حصلتش حتى الطيار قال ياشباب اذكرو الله
فهد البارع: ياهوه لا تقعدون تضحكون وتخلوني تراني قاط معكم <<< بيذلنا هو وقطته
المهم عاد ووصلنا هناك وفلينا ام امينها من سعة الصدر بغينا نروح على رجلينا للفندق << مسوين في اوربا
والله ونروح لك لهذاك الفندق .. وندخل عليهم
وندخل على هذاك الفندق اللي يحبه قلبك .. يكفيك بس موظفات الاستقبال (( وجه ينم عن دشاره )) ههههه
يوم تونا بنستأجر وينط فهد البارع من الكرسي اللي هو جالس فيه
فهد البارع : عيال اسالوهم فيه بركه( مثل المسبح ) ولا لا ..
LazorD التفت علي ووجه منقلب فوق تحت .. يوم التفت ورا الا عائله سعوديه يناظرونا .. احس انهم يقولون وش هالقراوا
والتفت على فهد البارع قلت يا فهيداان ياحبك للاستهبال .. ياخي مدري ليش تحب تستهبل حتى هنا خلاص ياخي لا تستهبل يعني كنك تو ما سبحت في المسبح
على بالي ابي افهمه .. والتفت علي وقالي لا والله صدق ترا اهم شي البركه .. ابي اسبح ..
قلت نعنبو بليسك يا دب بركه هذي في بيت اهلك في ديرتكم .. وغلطة عمري اني جيت معك انت ويا هالاشكال وحنا جايين من جدة لتركيا عشان تسبح
لا وبعد بركه .. يعنى حتى اسمها ما تعرفه
انا من يوم شفت فنيلتك عليها طحالب وانا غاسل يدي منك انت وهالجحلط اللي معك
<< قلب عليهم كلهم

الهم ذا غثنا ..

لا وجه زي الناس .. ولا كلام زي الناس .. ولا لبس زي الناس .. يعني كلش مو زي الناس << اجل زي ايش يعني

يوم جينا نطلع الاغراض للغرفة
ونلتفت يمين
نلتفت يسار
ياولد وين فهوووووووود

ونقعد نصوت فهد يا دلخ ياهووه .. ما يرد
قال واحد من الشباب يمكن انه انخطف
يوم فكرت فيها قلت وش يبون به .. لا فلوس لا مخ لا شكل .. يعني مافيه اي شي يخلك تشك مجرد شك انه بينخطف
والله ونقعد نسال عنه هالعالم .. وكل من سألناه قالو كم عمره
يحسبونا نسال عن واحد عمره 4 سنوات ,.. ما يدرون اننا نسأل عن واحد عمره 21
المشكله الولد العربي يالله يتكلم مابالك بالتركي عاد الاتراك يالله تلقالك واحد يتكلم انقليزي بعد

ونجي نسال السكرتي اللي عند الباب .. ونعطيه اوصاله (( فنيله خضرا وسروال اصفر )) << قايلكم عليه لبس مدري وش يبي
قال توني شايفه يدخل غرفة النظافه ..
ونفتح غرفة النظافه الا الولد طاقن ام الابتسامه وقاعد يناظر عاملة النظافه ..
والله ونلقطه .. يابن اللحلال وش فيك
قال ياخي شكلها تحبني
..
ياناس والله مشكله هاللي يخق على طووول .. لا ومن عاملة نظافه بعد .. ياوالله البلشه
..
والله ونمسكه قلنا والله الشرهه مهوب عليك علي اللي يجيبك معه .. ياخوي ترانا جايين نببسط ونوسع صدورنا ونتمتع بها الاجواء الممتعه << يا عيني على التعبير
التفت علينا وقال هذا ياخي اهم شي في التمتع بالاجواء المرحه
اثر الولد رايحن زلطه معها .. المشكله عمرها 35 سنه يعني اكبر منه ب 14 سنه
والله ونتلقه بالقوه .. ويجيك كلي مشاعر ويخمه هاك المخمس .. وقال اذا انت راعي هالامور ترا من الحين ابطلع بلحالي ولا اعرفك ولا تعرفني << هذي مشكلة السعوديين يسافرون مع بعض وعلى طول يتضاربون
ويجي البدر الحنون انا يعني ويفزع مع LazorD.. قالت له ايه ايه .. انا الوالده موصيتني .. وتقولي لا تمشي مع دشير .. وانتبه من هالاشكال (( قاعد يأشر على فهد البارع ))
قلبنا عليه كلنا يا حبيلنا ..
يوم الولد رضخ للامر الواقع .. وقال خلاص يا ولد بس تعرفون الحب وما يسوي << نعنبو بليسه ما امداه يحب ..
يوم طلعنا اثره الرجال معطيها 15 يورو << صارت لاعبه عليه بعد ههههههههههههههههه والله الفشيله ووين نودي وجيهنا قدامها الحين بتحسبنا كلنا مخفات الحين ..

يوم جاء من بكره ونبي نطلع نتمشى
الا الرجال طايح مسوي نفسه مريض .. قال شكلي مانيب طالع اتمشى معكم اليوم تعباان مررره
قلتله ياولد قم ما فيك الا العافيه .. المرض اصلا لو جاك هو اللي يمرض << يبي يسدحه بعين
قال لا صدق تعباان شكله من الطياره وتغيير الجو .. خلوني اليوم مالي خلق انتم اطلعو ..
عاد يوم جينا بنطلع قلت للشباب .. اقول شكل الرجال يبي يقعد عشانها بس خل نقعد في اللوبي ونقعد في مكان صاد بنشوف وش بيسوي ..
المهم نزلنا للوبي .. وجلسنا ما قعدنا ربع ساعه الا الرجال .. طاقن لي شووورت وفنيله علاقي << ما تجي
نازل تحت وقاعد يدور عاملة النظافه .. يا والله البلشه هههههههه
المشكله طاق زنوبات حقة الحمام حقت الفندق اللي تجيك ورق << بيسوي اتيكيت بالقوه .. وونطمر ونطب عليه .. قلنا وش عندك هنيا .. قال هاه ..
انا نزلت بس ابي اشووف عندهم مغسلة ولا ما عندهم (( المشكله ما لنا يوم واصلين يعني مافيه ملابس وسخه لين الحين )) .. والله ونلقطه قلنا غير هالخلاقين اللي عليك وطقلك بدله زي الناس وامش معنا
شافنا شاكين في وضعه قال يالله .. ونرقى وندور بملابسه .. اثر الرجال جايب تكاميل .. كلها بدل رياضه .. قلتله نعنبو بليسك ماعندك ملابس سنعه ..
عاد Aseer alhob مقاسه هو وياه واحد .. قام وتبرعله ببدله
وطلعنا وعدا ذاك اليوم بسلاام .. تبقى 14 يوما من الرحله حافله بالعديد من المغامرات الشيقه

المهم ... للحديث عن الرحله بقيه >> بس مشفره على MBC
بس حبينا نكتب لكم .. ونوسع صدورنا وصدووركم

ما يستفاد من المقال اعلاه

** لي جيت تسافر لا تروح مع واحد غثيث يدبل تسبدك في السفر
** لي جيت تلعب علي اهلك وتقولهم اباخذ لغه مهوب تقولهم عشر ايام ترا ما تمشي حتى على الشغاله

ههههههههههههههههههههههههههههههههههههههههههههههاااا اااااااي

ودمتم بود

البدر الحنون

ريكـــو · 27-09-2006, 11:27 PM

هههههههههههههههه كل هذا مسوين ما علمتوني يالذل تسافرون ولا تقولون لي ولا على شان ذيك المره

قطيت واليوم الثاني سحبت القطه لان ابوي رفض هين انا كبرت صرت رجال اروح وين ما اروح ما احد

يقولي وين رايح اخر مره لكم ما تعلموني اذا ما علمتوني المره الجايه امسح ارقامكم من جوالي هههههههه

واكتب بدالكم تالف حتى شعار اخر واحط بدال ارقامكم ارقام بنقاليه على شان ما يروح سراكم من الاراقم

الكثيره في جوالي ههههههههههههههههههههههههههههه نص اهل الرياض ارقامهم عندي ههههههههه

البدر الحنون · 27-09-2006, 11:49 PM

اقتباس:

المشاركة الأصلية كتبت بواسطة ريكو

هههههههههههههههه كل هذا مسوين ما علمتوني يالذل تسافرون ولا تقولون لي ولا على شان ذيك المره
قطيت واليوم الثاني سحبت القطه لان ابوي رفض هين انا كبرت صرت رجال اروح وين ما اروح ما احد
يقولي وين رايح اخر مره لكم ما تعلموني اذا ما علمتوني المره الجايه امسح ارقامكم من جوالي هههههههه
واكتب بدالكم تالف حتى شعار اخر واحط بدال ارقامكم ارقام بنقاليه على شان ما يروح سراكم من الاراقم
الكثيره في جوالي ههههههههههههههههههههههههههههه نص اهل الرياض ارقامهم عندي ههههههههه

يسلموا ياالغالي لمرورك وردك
ولعل الضحكة دوم يارب

والمرة الجاية للبنان و بنعلمك اوكي

ودمت بود

البدر الحنون

Aseer Alhob · 28-09-2006, 01:10 AM

البدر الحنون

اترم فضحتنا يا ولد لا تعلمهم وين نسافر ترى السحالى ما يصدقوون

اشوى ماقلتلهم شنو سوينا بعد ترى بعدين ندور غيرك خوى سفر هههههههههههههههه

هههههههههههههههههههههههههههههههههههههههههههههههههه هههههه

لالا زين الموضوع ياولد

يسلمووووووووووو على الموضوع

البدر الحنون · 28-09-2006, 01:12 AM

يسلموا
لمرورك Aseer alhob

واللي مزين موضوعي طلتك وردك الزينة

وماني معلمهم
خلهم يموتون حرة

البدر الحنون

LazorD · 28-09-2006, 06:19 AM

أنا ماقلت لك لاتفضحنا .. !!

من جد قرويه .
خصوصا خوينا اللي نزل اللوبي بشورت وفنيله <<< أمحق من طقم

والله تقال ماشفنا ديره كلها خليطي ^_^

يسلموووو على الموضوع يالبدر الحنون

-- --
LazorD

البدر الحنون · 28-09-2006, 01:49 PM

اقتباس:

المشاركة الأصلية كتبت بواسطة LazorD

أنا ماقلت لك لاتفضحنا .. !!
من جد قرويه .
خصوصا خوينا اللي نزل اللوبي بشورت وفنيله <<< أمحق من طقم
والله تقال ماشفنا ديره كلها خليطي ^_^
يسلموووو على الموضوع يالبدر الحنون
-- --
LazorD

يسلموا لمرورك اخوي LazorD
ونور الموضوع بردك
والديرة الثانية اللي بنطلعلها
احلى و احلى المهم جهز قطتك ياولد

ودمت بود اخوي

البدر الحنون