| | | |
| |||||||
 |
 |  |  |  |
 |
| | LinkBack | أدوات الموضوع | انواع عرض الموضوع |
27-09-2006, 10:50 PM
| #1 (permalink) |
| ¤*~ فلها وربك يحلها ~*¤  تاريخ التسجيل: Nov 2005 الدولة: مملكتي
المشاركات: 508
  |  يوميااات الشقردي . والرخمه . حصريا على قلبي كيف الحال رمضان كريم .. انا جايب لكم موضوع ولازم يعجبكم لان من تاليف ولاز تشجعوني لان موهبه تحتاج الا دعم معنوي والمواهب نادره خاصه اللي مثلي وبسني اللي يبحث عنه الاعلام لدعمه وتسقيل موهبته وابرازها على فكره المقدمه متعوب عليه تحتاج الا ردود خاصه بس للمقدمه يعني اي واحد يبي يرد لازم ردين هع وطبعا هذا الموضوع عباره عن حلاقات كل يوم بنزل حلقه وماراح انزل اي حلقه لحد مالاقي ردود ههه طرار ويتشرط  هههههه المهم لازم تردون وتابعون حلاقات هالموضوع لانهامضحكه بشهاده الكثير من الجماهير المنتداتيه هههههههههههه يوميات الشقردي والرخمه الشقردي =هو الشخص الوليده اي الشخص اللي ما هنا ازين منه تحطه على يمناك راعي فزعات ويعرف بالاصول وما ينخاف عليه وراعي نخوه لو تطلب منه ايش لازم يلبي الطلب ودك كل العالم مثله من شجاعته ومروته لكنه يجهل بعض الشيء من الحضاره والتقدم ... الرخمه = خكري ودك اذا شفته تعزله تحطه من فئت البنوتات هو قصته الللي كل يوم بشكل واذا طلبت منه شيء العذر جاهز ولا يمنك ينفعك بشيء وكثير النقد ينتقد المجتمع ويقول متخلفين حضارين وشايف نفسه على ابو هيك لو تبي تنافخ عليه صاح من الخوف يوميات الشقردي والرخمه .... حصريا على قلبي ... لا يفوتكم العرض.. اول حلقه تعرض بعد اقل شيء خمس ردود كريم والا المفروض اقول عشره ههههههههههههههههههه يالله شجعوني انزل الحلقه الاولى الحلقه الاولى برعاية سمبوسه اللي تلفه امي كل عصريه ولقيمات اللي تسويها خالتي كل مغرب والكثير من الشركات الراعيه لهذه المسلسل بس انتم شاركونا بردودكم الكميه محدوده والرزق على الله ههههه اتركم مع الاعلانات التجاريه لحد ما يجهزون الاخوان بالكنترول لعرض الحلقه الاولى |
|      |
|
28-09-2006, 12:48 AM
| #3 (permalink) | |
| ¤*~ فلها وربك يحلها ~*¤ تاريخ التسجيل: Nov 2005 الدولة: مملكتي
المشاركات: 508
|  اقتباس:
مشكوره على الطله والرد السريع وابشري بعرض الحلقه لو نجيبها لك على الرسايل الخاصه >> ليش الاخت مشترك في بطاقات ريكو المشفره ههههههههههههههههههههه ثانكيو كبر راس جمل شكرا كتير ماما | |
|
| |
|
28-09-2006, 04:24 PM
| #4 (permalink) |
| ¤*~ فلها وربك يحلها ~*¤ تاريخ التسجيل: Nov 2005 الدولة: مملكتي
المشاركات: 508
| هذه الحلقه برعاية شماغ بسام لم تصك ما راح تفك ... تايد قوي قلبك ... المراعي تعطيك التميز والاناقه .... فيري اند لفي تعطي ابنائك القوه والحيويه يوما بعد يوم ... زيت موبيل للقاء حلوته .. تويوتا جوده تستحق الثقه ... الشقردي(محيميد): يابوي مالك عذر الثانويه وخلصناها ابي اسجل بجامعه مو مثل هالثانويه كل ماقلت ابي اكمل الثانويه عند ولد عمي بالمدينه تقول اخاف تسربتون وتددشرون هذا انا خلصت الثانويه وصرت رجال ابومحيميد: يصير خير بس انت ما ودك ادور لك واسطه تدخلك هالعسكريه ياوليدي انا ابيك توظف بدري على شان تساعدني في امور البيت والراي الاول لك بس كان ودك ترى اعرف واحد يتوسط لنا واذا على طولك ما عنده مشكله يمشيك بس انت قلي تبيها والا لا الشقردي (محيميد): لا يابوي انا طموحي اكبر من كذه ابي اصير دكتور والا ضابط مو عسكري يبهذلوني لا تنسى اني ولدك ولازم ارفع راسك بشهاده تليق بسمعت ولدك ابومحيميد : اللي تشوفه بس وين تسكن اذا دخلت الجامعه تبي تسكن عند عمك على شان يضيعون اصلك وعاداتك انت شفت عمك يوم يجينا في العيد وش مسوي هو عياله فضحونا مع ربعنا كنهم خوجات مو ناس يقربون لنا عياله الواحد كبر الثور ولابس لي بنطلون عند الرجال لا والزين ابوهم يضحك لهم ومخلي علوم الرجال ياخوفي ياثرون عليك الشقردي (محيميد): لا تخاف يابوي ولدك سبع ذيب من ظهر ذيب اذا ما ثرت انا عليهم مارح ياثرون عليه انا اقول الله لا يبلاني واصير مثلهم وانت تقول ياثرون عليك لا لا تهتم بس انت خلني اروح اسجل التقديم باقي عليه اسبوعين وراح اخونا فالله محيميد للمدينه عند عمه على شان يسجل في الجامعه بس المشكله الجامعه ماصارت على كيفه لان معدله مثل وجهه ما يقبله الا بكلية الاداب مدرس لغه عربيه وتخب عليه هالدكتور اللي يبي شهاده تليق فيه اما عن اخونا الرخمه اللي هو مشاري دافور ومدلع وكل وسائل الراحه عنده ايام الثانويه اللي ساعدته على انه يلتحق في كلية الطب من قده هالرخمه اللي ناسي اصله وفصله الرخمة (مشاري): يامرحب بولد عمي المهلي مايولي اش رايك نروح نتمشى افرجك على المدينه ونروح نتمشى على البحر البحر يخليك تنسى همومك الشقردي (محيميد): يالله مو مشكله نروح نروح وش ورانا بس شوف ما نتاخر انا ترىانام بدري الساعه 10:15 اكون بفراشي متعود على الديره الرخمه (مشاري): بينه وبين نفسه (اف من اولها نوم بدري اش القروي هذا ) اوكي ماعندك مشكله الساعه 9:45 نكون في البيت الشقردي (محيميد): ياخوي يامشاري وش فيهم هالعالم مستعجلين وكانهم يبون يقطعون الاشاره ما يخافون من الحوادث والمخلافات المروريه .. وش تسوي يامشاري لا لا وراك تقطع الاشاره ياويلي ويلاه ابك انت ماتستحي ولا عندك حياء تقطع الاشاره لو صدمت في سياره والا سجنك العسكري الرخمه (مشاري): محيميد وش فيك خواف كذه وبعدين انا سواق مو اي كلام لا تخاف الشقردي (محيميد): لا والله اللي رحنا فيها من هذي سواقتك اقول اعقل والا قسم لا امحطك بالعقال ترىانا اكبر منك وافهم منك مو تقعد تبلبل عليه وبعدين للحين ماوصلنا للبحر ساعتين تلف فيني ما ادري وين انا ادربي راسي كني دجاجه صقعا ياخي نبي نشوف البحر هاللي نسمع فيه ولا ندري وش هو بس نشوفه بالخريطه بالجغرافيا ومرسوم رسم بعد مو صوره هذا البحر (يقصد مبناء تجاري ضخم هههه) الرخمه مشاري : ههههههه وش فيك يامحيميد هذا مبناء تجاري البحر باقي عليه شويه لسه وبعدين انت فاكر البحر ايش البحر موووووووويه بس بالمره كثييييييييييره الشقردي (محيميد): ياخوي ادري هههه امزح معك بس استعجل علينا (يصرف دبشه اخون محيميد مايعرف بالحضاره شيء ) طيب البحر فيه ناس والا مثل البر ما فيه الا ناس قليلين الرخمه مشاري : البحر فيه كل شيء فيه ناس كثير وفيه منتزهات وشليهات وناس تبيع طراطيع هههه وفيه بعرورات يصورو معها الناس وحصان ودبابات وكل شيء بمررررررررره الواحد ينبسط محيميد راح فيها وده يشوف البحر راسه قام يدور متخيله شيء عظيم الدقيقه كنها ساعه عنده متلهف لشوفة البحر واخيرا وصل مشاري ومحيميد للبحر وناظر وجه محيميد اللي كله استفهامات وتعجب متهول من هالعالم وهالبحر اول مادرا براسه خاف من البحر يجي موجه عليهم ويغرقهم لانه مايعرف يسبح ودايم تلاقيه يبعد عن حدود البحر عشر امتار كل هذا خووف وتشوفه شكله تعرف انه اول مره يجي هالمكان بس يتلفت يمين ويسار وكل واحد يمر بجنبه يطالعفيه يحرقه احراق في عيونه المشكله مشاري انفشل معاه لابس ثوب وشماغ ومشاري لابس بنطلون يعني الاشكال مو متناسقه ومشاري وده تجي الساعه 9:00 على شان يمشي لانه فضحه بتصرفاته اللي كل العالم يضحك عليه من استغرابه لهالعلم والبحر والازعاج متعود على الديره الساعه 7:00 الناس نايمين ههههه واخيرا جت الساعه تسعه الرخمه (مشاري): محيميد ماودك نمشي لان الساعه تسعه الشقردي (محيميد): اصبر شوي ماودك نشوف العالم الرخمه مشاري: مو انت تقول تبي تنام بدري وماودك بسهر لانك مو متعود الشقردي(محيميد): زين يالله نمشي احسن على شان نقوم بدري ركبو السياره رايحين للبيت وهم في الطريق ... الشقردي (محيميد): مشاري مشاري وش هالعالم وراهم متجمعين وقف نبي نشوف معهم وش السالفه الرخمه مشاري: اوف هذا حادث وانا صراحه ما احب الحوادث اصابات وجروح وقرف الشقردي (محيميد): اخصك يالرخمه ما تفزع مع المصابين وقف بس وقف اقول ابي انزل اشوف وش السالفه ونزل اخونا محيميد ومشاري بالسياره ....... والى القاء ... مع حلقه جديد من ... يوميات الشقردي والرخمه الحلقه القاده محيميد وش قصته مع الممرضه مشاري ليش ترك محيميد وراح للبيت وش عند محيميد في الشرطه |
|
| |
|
29-09-2006, 02:18 AM
| #7 (permalink) |
| ღ اسير الطرف الخجول ღ تاريخ التسجيل: Jun 2005 الدولة: الـمديـنة المنـوره الجنس: ذكر عدد النقاط: 30551
المشاركات: 9,610
| ههههههههههههههههههههههههههههه حلوووووووووووووووووووووة لالا حلوووووة بس الله يستر من الحقة الثانية بس يا غالى لو حطيت الشخصيات من حقين المنتدى بس لا تحطنى انا من بينهم ههههههههههههههههههههههههههههههههه |
|
| |
|
| مواقع النشر (المفضلة) |
 جديد منتدى الفرح والمرح والفرفشه |
| |
| أدوات الموضوع | |
| انواع عرض الموضوع | |
|
|
العرض العادي
