مدري شفايف كرز ولا شفايف عنببكداااااااااش

سلام ياللي عيونك مكتسيها الهدب=يالجادل اللي سهوم الموت فهدابها
ياليتني في نحرها مثل عقد الذهب=الجادل اللي عقود الماس تزهابها
صادفتها واضحكتلي عند ذاك العتب=حول الدرج والسلالم تكرب اثيابها
خشفٍٍ طعم ريقها مثل العسل لاانسكب=سبحان ربٍٍ رسمها داخل اثيابها
الخد وردي وفيه من الزمرد لهب=وشفايفٍٍ يابخت منهو تغذابها
مدري شفايف كرز ولا شفايف عنب=مع سلسبيلٍٍٍ تسلسل داخل اعذابها
ياويل منهو دنا ولا اليها قرب=تجرح ضميره بنجلٍٍ تطعن احرابها
جمالها من ولي العرش مصبوب صب=ياليتني من عربها واقرب اقرابها
ماهي من اللي سراير زينهن فالعلب=والشدو والمسكره ماهي بتشقابها
بغيت اقبل ثغربها مير مالله كتب=فـ السوق زحمه وصكت عني ابوابها
قالت لي احذر توقع لاتطيح بمطب=ترا المهبل عليك اتحدد انيابها
ثم قلت بالله ويش انتي من اية نسب=وكل السوالف علينا هلي اكتابها
قالت علامك تنشدني وويش السبب=نشدتك هاذي باامانه وشهي اسبابها
ثم قلت ابكتب قصايد بالصحف والكتب=واشرح وصوف الدلع وامجد انسابها
قالت اهنيا توقف واضحكت في عجب=وقالت عياد السنه حذرا تجينا بها
وقالت كأني لمحتك مع ضيوف العزب=وبيوت شعرك عن الكيكه تغنابها
وتقول ياشاعر الكيكه طلبتك طلب=لاتخبر الناس بعلومٍٍٍ هرجنابها
الناس مايرحمون الناس يابن العرب=وانته علوم الوفا يالغالي اداربها
وتقول صبرك يالين ان الامن يستتب=لو تدري اعجيزي كان ابتلشنابها
ثم قلت فيها عجايز حان وقت الهرب=قبل نذوق العصاه اللي تعصابها
قالت علامك ياعمري جاتك ام الركب=وضيعت كل العلوم اللي حكينابها
قالت ابي رقم جوالك وخلك شنب= تراك روحي لعبت بجملة اعصابها
قلت ابشري يالدلع بس القلم ماكتب=شافك وجاه البلا وامور يدعابها
وانا تكهربت قدامه وهو ماخرب=ولا اللوم الاقلام لو ابدت لك اعجابها