** كيف ترفعي ضغط اخوك ! هع هع **

هذا االموضوع الغرض منه : الفرفشه وهو قابل للتطبيق في ظروف معينه لكن اذا كان يغلب على الظن أن تطبيقه يسبب عاهات مستديمه فالرجاء توخي الحذر




( تحذير حكومي :: المزح الثقيل مع الاخوان يضر بصحتك , ننصحك بالابتعاد عنه )




الطريقة الأولى ...




** عند التلفزيون **



ا) من المعلوم سلفا أن البرنامج المفضل لدى الشباب هو مباريات كرة القدم , لذلك فإنه فرصه مناسبه لتحقيق أكبر قدر من رفع الضغط دون عناء كبير .... اذا رايتيه في قمة الحماس يعني حتى لو انفجرت قنبله وراه ما التفت لها ... سوي نفسك سنعه ( ست البيت النشيطه ) وجيبي منظف الزجاج مع الفوطه .. ويلا يا مسح.. ترسي الشاشه منظف وامسحي بحركه دائريه على الشاشه وحاولي انك ما تخلينه يشوف زين اهم شئ

واذا قال لك وخري قولي : ماني فاضية لك بامسح وانظف ..

ب). ثم جيبي المكنسه الكهربائيه في المكان الي هو موجود فيه وابدأي بالكنس وحاولي من لحظه للحظه تكنسين قدام التلفزيون واذاقال : وخري والا تراالكأس في وجهك ..قولي : ما تق\ر ( لا ) بيجون ضيوف


ج) والأحسن انك تجلسين وتسوين نفسك متابعه بعدين تصرخين فجأه وتقولين : يوووووو نسيت الكيك في الفرن وانقزي من مكانك ثم اركضي باتجاه المطبخ وحاولي انك اثناء الركض تفصلين سلك التلفزيون بريولج



** عند النوم **



أ) إذا كان أخوك يشخر .. نكدي عليه نومه , اشون ؟؟ ادخلي عليه كل اطفالكم وأطفال جيرانكم بعد وصكي عليهم الباب ... عاد تعرفونهم . . مايقصرون ماشاء الله عليهم ..




ب) أو : إذا كان مستغرق في النوم .. تعالي وبدون مقدمات وإرجفيه رجفه تخليه جالس ... وقولي له بكل برووود : نبي نطلع ..

ج) هناك صنوف أخرى رفع الضغط أثناء النوم وهي أخف ضررا على الطرفين ... منها :

- إطفاء المكيف في عز الحررر .

- فتح ستائر الغرفه حتى يدخل ضوء الشمس المعمي للعين ..

( ويفضل عمل الفقرتين السابقتين في وقت الظهر ..)



- لابأس من إضافه بعض من قطرات الماء في الأذن .

- الرمي والقذف بالوسائد ( فقط ) ؟؟



** اذا المزاج صفر**


اذا شفتيه ماله خلق وماله خلق ومقفله معه لا تخافين بالعكس هذي فرصتك تنتقمين منه يعني تحرشي فيه خلي دمك ثقيييييييييل

بس انتبهي في هاللحظه راقبي حركات اايده هههههههههه لان ممكن يوصلك أي شيء قدامه بوجهج ولازم تصيرين مجهزه مفتاح الغرفه.. ماتدرين السالفه يا غالب يا مغلوب
المهم.. اضحكي على شكله والا على جلسته والا على لبسه .. هو بيقول ترى مالي خلقج روحي عني , انتي لا تسكتين قوليله واذا مارحت وشنو بصير ؟؟

عاد هو بيقوم ويوريك وشنو بصير .. انتي في هذا الوقت امسكي اول درجتين توصلك لغرفتك وطلي عليه من فوق وقوليله ههههههههههههاااااي اهم شيء رفعت ضغطك وقومتك من مكانك هههههههههههههه






***وقت الطق ***

إذا جاء يوم وبراسك شر وتبغين تتطاقين انتي وياه لازم تجهزين نفسك من كل ناحيه:
الشوشه لازم تلمينها وتسوين حفله براسك ذاك اليوم تحطين انواع الشباصات والمغاطات وانتبهي ولا خصله تنزل منك, لان ممكن تروح
مفتاح الغرفه جهزيه الاحتياط واجب
اذا بدأت المعركه حطي راسك براسه ولا تبينين له انك خايفه وحمري عيونج فيه وقوليله وشنو براسك عاد هو هني بيقولج هذا اللي براسي طراااااااااااخ ....

لا تستسلمين عطيه بوكككككككس على عيونه الثنتين علشان مايشوف الدرب وحطي رجلج
.
وعلى طووووووووول لغرفتك اللي مجهزة مفتاحها من قبل واقفلي عليك .. ويادار مادخلك شر بس نصيحه اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في القايله ..




هذه بعض الطرق المختصره والسريعه لرفع ضغط الأخوه ....
شباب بدون زعل

[align=center]عز الله عشت من اول طراق او بوككككس برووح فيها

طرق حلووه بس انا ماعندي إلا اخو واحد ولازم ادلعه واحطه بعيووني

على فكره اسلووبك رووعه

يعطيك العافيهـ ,,

دندوونـهـ [/align]

بما انه واااااااااااااحد

لا لا تسوينها

على قولتك حطيه بعيووونك

يسلموووووووو ياااعسسسل على الطله

انا عندي السالفه بالمقلوب
3 اخوان اكبر مني وهم اللي يرفعون ضغطي
اييييييه الله يعين
يسلمووو خيتوو

[align=center] حلوة الملامح


الطرق اللي قلتيا ماتمشي علي انا.... على اني عندي اربع خوات بس ادري بالوحدة اذا هي تستهبل ولا لا ..

وبعدين فكرة المنظف والممسحه حلوة .....والله ما تعي الا الكاس بجبهته....

خيك / فهد البارع..... [/align]