| | | |
| |||||||
 |
 |  |  |  |
 |
| | LinkBack | أدوات الموضوع | انواع عرض الموضوع |
23-08-2006, 02:31 PM
| #1 (permalink) |
| ¤*~ فلها وربك يحلها ~*¤  تاريخ التسجيل: Nov 2005 الدولة: مملكتي
المشاركات: 508
  |  صوت معي بس ابي صوت قوي يزعج الجيران ؟ [fo  ]السلام عليكم ورحمة الله وبركاته [/fo]اموه اموه اموه كيفكون شباب امبح امبح امبح كيفكون صبايا انشاء الله مناح ومنايح (منايح جمع منيحه وهي الهديه وقيل انها شاة تمنح لشخص لغرض الاحتلاب فتره معينه ويتم استرجاعها في ما بعد ..الله يرحم ايام زمان يوم القلوب اصحاح ) نرجع حق محور حديثا اللي هو الاهم مطلع هذا الاسبوع وارجو من الجميع مشاركتي بس بعد ما اقول لكم وش القصه وش السالفه وش الهرجه وش الحكوه (خلاص فهمنا ياخي السلمي ياخي ) تشاركوني في اتخاذ توقيع لي فان في حيره من امري .... انا فكرت اسوي توقيع يربي وش وكيف وشهي الصوره المناسبه عصرة هالتنكه اللي اعلق عليها شماغي ايه اللي هو راسي قعدت اقلب هالراس قلت في نفسي ليش ما ادور بسكوت ريكو في البقاله واصورة كم صورة واسوي منه توقيع على وعسى انه يكون زين اقل شيء اكون مثل هالناس لي توقيع قمزت و كني الذيب اللي يدور على فريسه ياكله (اقول انثبر بس تراك رايح تدور بسكوت وقدييييم لا تسوي فيها قوي ) المهم الوقت كان شوي متاخر نص البقالات مسكرات واولهم البقاله الي قريبه للبيت فاضطريت اني اروح للمحطه اللي تبعد اكثر من كيلوين عن البيت دخلت السلام عليكم رد السوداني اي عليكن السلام قلت يازول ما فيه بسكوت ريكو قال عليك الله ماداير تلقاء اصلو انغطع (انقطع) من زمان قلت طيب ما عندك كرتون له ابي بس الصورة ضحك الزول وكانه استوح اني خبل وش هالطلب الغريب طلعت من الخجل و القهر لاني طارق مشوار على ابو هيك اخرتها مافيه المهم قلت اروح لسوبر ماركت بس على الله ما تكون مسكره لان هذا وقت التسكير المهم جيت مسرع على السياره ومعي واحد يجاكرني يبي يلحق على السوبر ماركت مثلي المهم لقينا البنقالي واقف ممنوع الدخول ياولد ماهي هي صديق مافيه يدخل خلاص دوام انا روه سوي ااشاء ياصديق بس ابي ادخل يمكن الاقي الغرض ممكن ما الاقيه قال وش تبي قلت وش دخل امك اقول وخر بس قال صديق اش يبغاء يقصد الاخ اللي معي قال ابي شوربه ماجي يالله مساء خير شربه بتالي الليل المهم قعدة اطالب هالبنقالي اللي لو بتضارب معه صفقني بس الشجاعه تغلب القوه قاعد استقوي عليه واسوي ماني بخايف يالله بس وخر وانا ادفه مادريت الا والهندي الثاني جاي من وراء يستفزع وس فيه الهندي عرفني واستحاء مني دايم اجيهم قلت في نفسي وش هو له الهوشه اللحين لو بتضارب مع البنقالي يبي يفزع ابو فسيه والكثره تغلب الشجاعه لا من غير اللي يبي يطلعون من السوبر باقي الهنود والبنقاليه ثم صدق اروح في خبر كان لا والزين اني متلقف ابي ادخل بالقوه قلت ياولد مالك ومال حركات المراهقين اخذت نفسي وركبت السياره خيره منها وانطلق لك على اخر محطه قلت اكيد بلاقي عندها سلام عليكم قال السوري وعليكم السلام ياهلا قلت فيه بسكوت قال ولو اي عنا ليكو هنيك قلت تابر البي فيه بسكوت ريكو قال لا ياخي لاسف ماعاد بتجي (الجيم مدري كيف يقولونه كنها شين وزين مدموجات) الاهم طلعت قلت بروح واي بقاله على طريقي بمرها مريت اول محطه تبعد عنها نص كيلو دخلت سلام عليكم قال اليماني وعليكم السلام ياعمنا ايش تبغاء قالت ما فيه بسكوت قال شوف هاااانه جنب الثلاجه قلت طيب فيه بسكوت ريكو قال مافيش والله زمان ما جت لعندنا قلت ولا صوره كرتون ضحك اليماني قلت لا بس انا ابي صورة ابي اسوي تصميم يشبه لها اليماني احسه فاهم بالطبخه هذي شوي لعلا وعسى انه يسوي لي شيء مالقيت والمشكله كنت متزهل لبنت اخوي اجيب لها بسكوت ريكو بس هي ما تدري وشو لانه جديد عليها الاسم وقديم عليه ومنقرض فعلى بالها بسكوت جديد يعني توهقت البسكوت فيك فيك اخذت لها بسكوت اي كلام لانه ماتدري وش السالفه اهم شيء بسكوت وبس بعدها صغيره ما تعرف تقراء على شان تكشفني المهم وانا رايح في طريقي لبيت قلت مافيه الا بقاله باقيه اذا لقيتها فاتحه بسال ممكن الاقي دخلت البقاله سلام عليكم قال الباكستاني اليكم سلللام صديق فيه بسكوت ريكو هز راسه وقال لا قلت سلام رحت للبيت وكلي حزن لاني مالقيت بسكوت ريكو جتني بنت اخوي قالت عموه وين البسكوت قلت خذي هذا البسكوت تره زييييييييين وحلو فيه شكولاته ومدري ايش المهم ماصدقت خبر وصورة الغلاف وصممت عليه توقيع مع مشاركت سفن اب لكن ما طاح اللي في راسي لازم ادور في البقاله اللي جنبنا بسكوت ريكو بكره اذا فتحت المهم رحت والحمدلله لقيت ولقيت كرتون بعد ياسلام ماصدقت ماودي اطول عليكم صورت وصممت تواقيع وابي منكم تشوفون تصميمي وتشاركوني في الاختيار انا راح احط لكم التصاميم كلها وابي منكم تصوتون لتوقيع الافضل وتحطونه في الرد على شان اشوف الاغلبيه تتفق على اي واحد على شان احطه ولكم مني الشكر التوقيع الاول اللي قبل لا الاقي بسكوت ريكو  التوقيع الثاني اللي صممته على عجله من الفرحه قلت ابي احطه كتوقيع  التوقيع الثالث حبيت اشارك المشروبات القديمه لان قديمك نديمك  واذا ما اعجبكم اي واحد فيهم اختارو رقم (4) الخانه الفاضيه هههه وفي الاخير لا تنسوى تحطون الصوره في الرد لان يهمني مشاركتكم ~*¤ô§ô¤*~بايات اخت هااايات~*¤ô§ô¤*~ |
|      |
|
23-08-2006, 02:56 PM
| #3 (permalink) | |
| ¤*~ فلها وربك يحلها ~*¤ تاريخ التسجيل: Nov 2005 الدولة: مملكتي
المشاركات: 508
|  اقتباس:
هلا اخوي حياك منور الموضوع بتواجدك بس عساك ما تعبت من المقدمه وانت تقراها شكرا | |
|
| |
|
| مواقع النشر (المفضلة) |
 جديد منتدى الفرح والمرح والفرفشه |
| |
| أدوات الموضوع | |
| انواع عرض الموضوع | |
|
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| الكتابه على الجدران | حسـHossamـام | صور | 6 | 21-02-2007 09:19 AM |
| بين الجدران | رمـــال الأسى | شظايا البوح | 4 | 20-03-2006 11:25 AM |
| فضيحة شاب في جدة مع بنت الجيران صور صور صور | مـجـنـون مـنـال | جنة القلب | 6 | 01-01-2005 11:07 AM |
| بنت الجيران | دانيا | شظايا البوح | 4 | 15-09-2004 10:38 AM |
| كان يحب بنت الجيران | المجهولة | خفقات روح | 3 | 02-05-2003 04:18 PM |
العرض العادي
