| | | |
13-07-2006, 06:49 AM
| #1 (permalink) |
| ...ـإلهـوىآلغــآيــبـ...  تاريخ التسجيل: Jun 2006 الدولة: فـوق السمـاء | تحت الغيوم الجنس: ذكر عدد النقاط: 50092
المشاركات: 3,077
  |  عطلة الدراسه والديره ؟! ْ[align=center]هووووووولآ مرحبنبم كيفنكم ياخي منذو مبطي ماكتبت احس ان خطي صار ماهو زين السالفه .. ايام الدراسه اربعاء وخميس .. كان ياما كان يوم الاربعاء ياخي مستانس نبي نروح لخوالي كل عطله نروح هناك للديره وناسه < < < قصده عطلت الاسبووع امحق من عطله ههههههههههههههههههههههههههههههههه الديره = قرية صغيره اول ماتجيها تحسب مافيها سكان لكن ماتلبث قليلآ الا وطالعين من وسط البيوت يخرعوون هههههههههههههههههههههه يعني قمت الوناسه والفله نقوم الصبح كل واحد معه سندويشة جبن وكوب شاهي طبعا الكوب كان بيوم من الايام حق جبنه بس بقدرت قادر صار للشاهي ونجي با الصاله ونسدح وساده من وسايد المجلس تحت التلفزيون والبعض يستخدم المركى ( المسند ) طبعا ياتلحق ياماتلحق اذا تأخرت الله يعينك تنبطح على بطنك ورا الي منسدحين على الوساده وخذ يا افلام كرتون واذا خلص فلم الكرتون نقوم نطبقه على بعض يعني كانه الكابتن ماجد طقينها كوره الضحى تصقعنا الشمس بس اهم شي الوناسه وكانه سنيشرو الله يعين مكافخ ومضارب تطلع منها بجروح سطحيه وكدمات ومفالق تطلع راسك كنه قـدر عزوبيه من كل جه ملزوخ ههههههههه بعدها نقوم بوقت راحه وهذه الراحه تكون عادتأ عند البراده الي برا عند باب المسجد كل واحد يغسل وجهه بماء بارد ونجي با الشمس ونتحكحك الي فيهم نشاط للحين كل واحد يعبي فمه ماء من البراده ويرشه على الثاني (( يرشه = يقوم بسكب الماء الموجود بفمه على الشخص الاخر )) وخذ يامطارد الين يذن الظهر بعدين يجون الشيبان ويصفوننا للصلاة كننا تونا مسلمين ضرب وجلد الين يتعدل الصف اذا ركعنا ناضر لرجلينا عاد هههههههه ماتدري هذي رجلين ولا قطع اثريه الغبار طبقات الواحد مايشوف اصبعه هذا غير الدفدفه والعب بوسط الصلاه لو قال واحد كح ضحكنا بليس لاعب علينا لعب اللذينا هههههههههههههههه بعد الصلاه ولا حنا هلكانين ندور الغدا وياتلحق ياماتلحق لان كمية الببسي محدوده لان فيه بعضهم يفك ثنين واحد يشربه والثاني يسعبل عليه عشان يحجزه عاد وقتها مايهم سعبل ولا لا شاربين شاربين الله لايعوق بشر بعد الغدا يجي وقت المصارحات كل اثنين يروحون لمكان وسوالف انواع الصواريخ على بعض فلانه تحبني وهذاك يقول انا بعد تحبني اخر شي يتفقون انهم يحبونها سوا ويكتبون رسايل ولا يجيبون مسجل ويعبرون عن مشاعرهم با التسجيل << وربي بأوربا ماصارت ههههههههههههه بعد المصاراحات ووقت سوالف الحب والمغازل العصر وقت الكوره كل واحد يروح لامه ويلبس ملابس الكوره طبعآ حافي ويا الله طقها والحقها ماهو مهم فوز الفريق المهم انك تسجل هدف وانت وشطارتك وتراك اذا مسكت الكوره مليون واحد بيقولك ناول حتى الفريق الي ضدك بيقولون لك ناول انت طنش وامغط للمرمى والمصيبه اذا سجل احد هدف خلاص مانشوفه الا المغرب يدور على البيت ويفصخ الفنيله ويسوي حركات الين يدوخ .. طبعآ مسجل هدف ماهو اي كلام يجي المغرب كل واحد تناديه امه وتسطره الين يدوخ ليش كذا على ملابسك يعني وانا لابسهن عشان اكشخ اكيد ابلعب نجتمع مره ثانيه با الدكه وكل واحد يتكلم عن بطولاته واحياننآ نتصيد جعوله وخنافس نفكر عن مشروعنا با الليل وش نسوي اخر شي نرسي عليه اننا نجيب المسجل وكم قدر وكم طاسه وخذ ياتطبيل واغاني كننا نطلع جنون وينتهي يوم مليء با الفلقات والتكسير والتسطير وننام قريرين العين كل اثنين بفراش واحد ونجلس نسولف الين نغفى فاغرين فاتحين افواهنا لنقوم للغد بكل نشاط كل واحد وجهه مختبصه خلوها على ربكم يالله هههههههههههههههههههه مع السلامـه ابي اروح احزم حقائبي ؟![/align] |
|      |
|
13-07-2006, 07:15 AM
| #2 (permalink) |
| ][ ..كتلة مشاعر .. ][ تاريخ التسجيل: Jul 2006 الدولة: .. riyadh .. الجنس: أنثى عدد النقاط: 41329
المشاركات: 4,184
|  وكانه سنيشرو الله يعين مكافخ ومضارب تطلع منها بجروح سطحيه وكدمات هههههههههههههههههههاااااي آحــسآس والله ذكرتني بإخواني لين الحين يسوونها .. بس مكافخ مكافخ مهوب اي كلام مكافخ على أصوووووول .. لو قال واحد كح ضحكنا بليس لاعب علينا من الخبال الزايد والله .. ضحك وعلى غير سنع بعد .. خخخخخخخخ لان كمية الببسي محدوده لان فيه بعضهم يفك ثنين واحد يشربه والثاني يسعبل عليه عشان يحجزه وش هالنذااااله ... يععععع سعابيل عاد ضااااقت!!! والله على قولتك شاربين شاربين .. الله لا يعوق بشر .... خخخخخخخخخخخخخ ويعبرون عن مشاعرهم با التسجيل << وربي بأوربا ماصارت ههههههههههههه ههههههههههههههااااااااي .. آحــسآس .. وش يدريك انت هذي من الطرق المبتكره اللي لسه ماوصلت لأوروبا .. اصلا السبق لنا الله يخلينا ذخر لنا .. طبعآ حافي من النظااافه الزايده .. الحمدلله والشكر .. والمصيبه اذا سجل احد هدف خلاص مانشوفه الا المغرب يدور على البيت ويفصخ الفنيله ويسوي حركات الين يدوخ مسوي فيها رونالدوو والا بيكهام على غفله ... خخخخخخخخخخخخخ وننام قريرين العين امحق قريرين عين والله .. اقوول كيف الحال بس ؟؟!! $%%$%%$%%$ آحــسآس .. وربي عندك أسلوووب روووووووووعه ما شاء الله عليك ... يالله عاد لا تحرمنا من مواضيعك المصرقعه .. والله توووووسع الصدر ... . . . أمـــيرة |
| |
|
13-07-2006, 07:54 AM
| #3 (permalink) | ||||
| خّ ـجٌلَ[s7Я] ـآلُوُرد تاريخ التسجيل: May 2005 الدولة: ܔTa!ifܔ
المشاركات: 2,656
|  مدري لقافه قلت ليه اخليه فااضي يعني المربع الكبيره براسه ريشه خخخخخخخخخ << اعذرني وقسم من قمة الطفش والخباااال شخبارك اخووي يحظكم رايحين الديره وقسم عمري الحين عشرين عمري ماطبيت ديرتنا <<اصلاً مدري عندنا ديره ولا لا خخخخخخخخخخ خلها على ربك بس المهم نرجع لموضوعك لاني لو بتكلم عن نفسي عز الله جات المدارس وانتم ماصيفتوو خخخخخخخخخخأأأأأ اقتباس:
بختك بس تتطلعووون غيرك محبوووس :( المهمـ عطله مافي دراسه مافي قعدهـ بالبيت خلاص عطله<< اعسابك ع الولد خخخخخأأ اقتباس:
موب اسمها الديره المسكوونه هع هع اندري عنك تقول يطلعون ناس يخرعوون اقتباس:
يالله ذكرتني بعرب كانو يسونها << ترا مو هذي ناااس :rolleyes: وياسلام كنى قبل السلام الملكي وربي نصف جبن بعض ونضرب تحيه وسلام خخخخخخخخخخخ كنا قبلها نطالع في الالوان الاصفر والاحمرونعدهم هع هع<<الحمدالله والشكر يالله ايم طفووله تجنن وهـ بس ،، اقتباس:
يالله خاصاً عند الصلاه حدث ولالا حرج انواااعـ الالعاب استغفرالله يسلمووو والله يااحساس جد عليك اسلوووووووووب رائع الله لا يحرمنى من مواضيعك الي تخلي الواحد يفك تكشيرته وقصمن :) | ||||
|
| |
|
13-07-2006, 12:13 PM
| #5 (permalink) |
| قلب مبتدئ  تاريخ التسجيل: Nov 2005
المشاركات: 73
| السلام عليكم اخ احسااس بن فرناس >الله يرجك ياهلاس كيف جبت الاسم يااخي الديره لها فوائد جمه للفرد والمجتمع ... يعني انت تروح وانت طفشان ترجع وانت بايع نفسك .. بس احنا لهلا مش مقررين لنروح >>بس مافي مفر لازم رايحين يعني رايحيين يوم كنت صغيره ما امشي الا مع العيال ياخي ما احب البنات لعبهم ماصخ ونروح للهضبان>الهضبه جبل صغير ثمن ندور على الديبان والعقارب >>امحق هوايه وبعد ذبحها يتم تخويف الماره بها لا ومره رحت لمسجدنا في الديره واذنت هههههههاي الله لايوريك كانت ليله من اقسى الليالي الي مرت علي موكني طولتها يعطيك العافيه خيو الالماسه |
|
| |
|
13-07-2006, 03:01 PM
| #6 (permalink) | |
| ][ هذاكــ أول تمنيتكــ ][ تاريخ التسجيل: Sep 2005 الدولة: هناااك بعيد اشوي
المشاركات: 1,331
| هاااااااي شله <~~~ ياشينها من فمك يالاعرابي ههههههههه ابك سلام علاكم <------- ايه ياخوي هذه لك خخخخ اخبارك اخوي احساس ؟ سنايدي والقير عايدي والله يا احساس .. اشهد بالله انك قلبت المواجع تعرف المواجع .. سويت بها مقلقل .. ذكرتني بالذي مضى .. ياخوي اتذكر ايام الديره <------ مدري ليه احسها كلمه مغبره !! كان فيه واحد .. هو مدري حشره مدري حيوان مدري عنه والله بس شكله مثل الحرباء .. والناس يسموونه .. العداد .. يقولون ان وضيفته يعد الناس .. يعني بيني وبينك يشتغل في التعداد السكاني ههههههههههههههه كنت امر من عنده .. وفي بالي انه سجلني عنده ( الانسان رقم 5263 ) لانه يحسب الناس اخذ لفه واجيه متلطم بالشماغ .. عشان يعدني مره ثانيه خخخخخخخخ اقتباس:
اجل انت ما تباعدني .. ياخوي كنت احب السجود .. عشان اطالع من تحت هههههههههههه وبعض المرات .. حسب احوال الطقس والاقتصاد العالمي .. بدل ما اسجد .. انبطح على بطني <------ اقولك مافي حركه الا سويناها ولا جاء وقت التشهد .. الناس ترفع السبابه اذ تشهدت .. وانا ارفع الاصابع العشره كلها هههههههههههههههههههه استغفر الله اخوي احساس ودي اكتب لك في قرطاس .. بأن أخوك الهلاس الذي لا يحتار ولا يحتاس يشكرك ويتمنى لك حياة سعيده في ظل امن بلادنا .. والبلاد قد يكون الوطن الذي تنتمي اليه .. وقد يكون بنك مثل بنك البلاد والبنك قد يكون البنك الذي ياخذ فلوس الناس .. ( شفت شرح البنك ؟ نعن ابو بليس اللي علمك الشرح ) وقد يكون اسماً للون الوردي بالانجليزي والانجليزي قد يكـ............. <-------- طق طق طرااااااااااااااااخ <----- تمردغ من المخرج دمت بود اخوي احساس الهلاس . نت | |
|
| |
|
14-07-2006, 06:21 AM
| #7 (permalink) |
| °‡* .. ânGëL .. *‡° تاريخ التسجيل: Jan 2004 الدولة: ! ـالريــــاض !
المشاركات: 5,421
| [align=center] يا الله انك تحيي احساس هالي نشوفه يوم ولا نشوفه باقي اليومين :biggrin: <-- اقول على شحم بس :biggrin: ويا حلوو هاك الأيام يا احساس بجد مره فاقدينهـا :) بس عاد تصدق توين ادري اني قاطعه اجل قبل اربعة ايام دحردت للرياض ولا رحت الديره :( بس عادي ماهنا شرهه خابريني مهبوله :nosweat: لا بس عاد تصدق اين مستاحشتن لها حيل حيل خصوصاً لا صرنا حنا البنات يقالك نبي نرقى الريعان ونوسع صدورنا :nosweat: ووه بس :in_love: على رغم من وجود المقروه وانواع القرف إلا اني احب هالأيام :thumbsup: عاد ابوي يقول انتي يا سهام لزوم انتس تروحين تشوفين ربوع بلادتس :in_love: مبطيتن عنها وانا ابوتس عاد ان ربي عطاني الصحه والعافيه نبي ننكس فيذاك ونوسع صدورنا شووي :) وفي الختام يسلمك ربي يا احســاس موضوعك كثير اوريجنـال  طبعاً مارح اتكلم عن الأسلوب لأنك ماقصرت ابد والله :) الف شكــــــــر [/align] |
|
| |
 |
| مواقع النشر (المفضلة) |
 جديد منتدى الفرح والمرح والفرفشه |
| |
| أدوات الموضوع | |
| انواع عرض الموضوع | |
|
|
العرض العادي
