العنود انصدمت من سمعت اسم شوق على لسان اخوها لدرجه انها تذكر موقف الصوره....وعرفت سر ارتباك شوق....وسر نظرات شوق لميثا لما قالت العنود انه ريل ميثا المستقبلي)
العنود(ونزلت راسها....ونزلت دمعه من عيونها): شوق ياحمد....شوق....مالقيت إلا شوق
حمد: والله يا عنووودي..ان ما استوى بيني وبينها شي....بس من كثر ميثا ماتجافيني...سلكت هذا المسار...بس علشان انساها لا اكثر ولا اقل....
العنود:تنساها؟؟!!......ونسيتها ولا بعدك...
حمد: كيف تبيني انساها واهيه في قلبي.....
العنود:واحين...شو بتسوي....
حمد: عنوودي انا اباج تبتعدين عن شوق....انتي وميثا....
العنود: واصلن قالولك مينونه اني اتم وياها.....وبالاخص ميثا لازم ماتعرف
حمد:وانا حاس ان ميثا سبب بكاها في السياره...كان بسبب وحده

العنود:بسبب وحده
(وقال حمد حق العنود منظر ميثا لما عطته التلفون)
العنود: والله واكملت استاذ حمد...يالله شرف....شو اقوللها....
حمد: سمعيني...انا ما ابا ميثا تعرف اني مكلم شوق فاهمه...
العنود: اصلن انا منو قالك اني بقوللها....قالولك وحده ماعندها مشاعر.....(وحطت العنود يدها على ويهها...وبدت تصيح)....انته ياحمد...ماتعرف ميثووه شراتي....ميثوووه شرات الورده....إذا سقيتها بالحب والود والاخلاص....تزهر....وتفوح منها احلى العطور....بس يوم تذبل....تذبل وتموت....(وتصيح)...انا كنت اعرف ان ميثووه اتحبك.....ميثوه ماقالت لي...بس انا عرفت....وانا اعرفها.....من طريقه كلامي عنك عندها....من تسمع اسمك يحمر ويهها....يوم كانت في بيتنا.....كانت تحاتيك عن لا تاخذ فكره عنها على انها بعدها ياهل....قال قلبها الطفولي....انا احبه ولا ابي اخسره....هذا حبيب الطفوله....
(حمد انصدم من كلام العنود عن ميثا.....ماكان يعرف ان ميثا لهاذي الدرجه كانت اتحبه...ولابينت هذا الشي...اكتفت انها تخبي حبها لحمد في قلبها الطفولي...)
حمد:وليش ماقالت لي
العنود(وتمسح دموعها): كيف تباها اتقووولك ها علمني....ميثووه مب شرات البنات اللي بايعات عمراهن ويقولن حق ذاك وذاك انا احبك....ميثوه يا حمد انسانه محترمه....وخلوقه....واهلها ربوها عدل...انته نسيت هذا الشي ولا لا....وعلى فكره لا اتحط في بالك...ان ميثووه بتقوولك في التلفون انها اتحبك....مثل بعض الناس......مثل شوق
حمد(وحس الذنب....وكلام اخته صح..): والحل يا عنوودي انا تعبت والله العظيم تعبت...قوليلي شو اسوي
العنود: ابتعد عن شوق....وانا عليه اكلم ميثوووه
حمد(بفرح..ممزوج بالحزن): ببعد عنها...بس كلمي ميثا...
العنود: ان شاء الله...يالله سير انام
حمد: ان شاء الله...بس صدقيني مابييني نوم لين مايوصلني رد ميثا...
العنود: روح...وانا ميثوه عليه
حمد:اوكي...تصبحين على خير
العنود:تلاقي خير

راح كل واحد لغرفته.....حمد وكله حزن.....حمد مايبي يخسر ميثا....وقرر انه يتخلى عن شوق بس علشان ميثا...وانسدح على سريره....وقعد يفكر بميثا...وجافت عيونه النوم...

وبالمثل.....ميثا جافت عيونها النوم....قامت من سريرها...وفتحت دفترها..دفترها السماوي اللي تشكي فيه....واخذت القلم وكتبت بخط عريض....

== مكتــــــوب لي الشـــقى طول السنين==
==وأناظر الفرحه فرحه يتيم==


ميثا قعدت تقرا اللي كتبته....بخط يدها....وفكرت....وقالت في نفسها....يمكن غلط حمد....وليش اظلمه وانا مب متأكده من اللي سمعته...وسكرت الدفتر....وردت على السرير تبا اتحاول تنام....بس عيونها جافت النوم...


بعــــــد مرور 3 أيام....

ميثا ماراحت الجامعه....والعنود قامت تحاتيها.....العنود حاولت ادق على تلفون ميثا...بس ميثا تلفونها مغلق....والعنود كل ما تشوف شوق...تبتعد عنها....بس شوق اتحاول تتقرب منها....
شوق: العنود.....وين ميثا...وليش ما اداااوم
العنود(من غير نفس): ما ادريبها...يمكن تعبانه...
شوق: وكيف ما تدرين عنها
العنود: لاني ما اتصل فيها وااايد....ويالله شوق عن أذنج..انا برووح البيت...مع السلامه
شوق:مع السلامه....
وراحت العنود عن شوق...واهيه اتفكر في ميثا...وليش مادامت من 3 ايام.....
وصلت العنود البيت......ودخلت غرفتها....وبعد 5 دقايق....إلا وحمد يدق الباب....ودخل....وسلمت العنود على حمد...
حمد: هابشري قلتي لها....
العنود: حمد...ميثوووه من 3 ايام واهيه مب مداومه
حمد(وانصدم من كلام اخته):وليييييييييييش....
العنود: ما ادري والله...
حمد: انزين اتصلي لها
العنود: تلفونها مغلق
حمد:والحل
العنود:ما ادري
حمد:عيل منو اللي يدري....
(تمت العنود اتفكر....وحمد ايفكر في الصوب الثاني)
حمد(وتذكر سالفه المزرعه):هيييييييييييه صح
العنود: شووو بشر
حمد: شوووفي ترا باجر عايلتهم ونحن بنروووح المزرعه...ونتي اهناك قولليها..
العنود: خلااااااااااااص تم
حمد: بس ان شاء الله ترضى عليه...ما اقدر اتحمل اكثر...
العنود: جااان قلت لها من قبل...
حمد: قلبي ماطاوعني افشي حبي...
العنود:اوووووووونه
وقعدوووا يسوولفوون.....وحمد قعد يقووللها شو اتقول حق ميثا باجر في المزرعه.....

بيت ام فهد

ام فهد: ميثووووه فديتها شوفيها
سعيد:شوفيها؟!
ام فهد: ياسعيد يا ولدي ميثووه اختك صار لها اكثر من 3 ايام في غرفتها ولا ظهرت اخاف فيها شي
سعيد:لا اتحاتين..مافيها إلا كل خير....باجر بنسير المزرعه وبتغير جو
ام فهد: ان شاء الله


مر هذا اليوم بشـــكل سريع.....والكل متلهف على سيره المزرعه.......حمد متسرع على هاذي السيره....بس علشان العنود اتقول حقها اشكثر حمد كان يحبها بس اهوه اخفى هذا الشي......العنود بعد متلهفه علشان اتشوووف حبيبتها ميثوووه اللي صار لها مده لاشافتها ولا سمت صوتها......الكل كان متلهف...إلا ميثا......ميثا كانت غرقانه بدموعها بصمت.....ومن كثر دموعها ما اتهل....جفن دموعها وصار قلبي ينزف دم...


اليــــــــــوم الاربـــــــعاء

هذا اليوم الكل كان يتحضرله من ايام......
بوفهد وام فهد وفهد وحرمته وعياله.......يزهبون الاكل اللي محتايينه...
حمد والعنود.....علشان يشوفون ميثا...ويتكلمون وياها عن موضوع حمد
سلطان....طبعا علشان يشوووف الملاك...وطبعا اهوه موصي امه علشان تحجزها لها....يعني يباها...
سعيد وخليفه وهزاع(اللي عزمه خليفه)......علشان يسولفون ويضحكون مع بعض
إلا
ميثا....ماكان ودها اتروح وياهم...ماكانت تبا تظهر من البيت.....

طبعا في بيت ام فهد...الكل كان يزهب عمره......
ام فهد: ساره زهبتي اغراضج....
ساره: هيه امايه....
ام فهد: واختج ميثووه
ساره:اتقووول ماتبا اتسير...اتقووول مالها خاطر اترووح المزرعه
ام فهد: وليش
سعيد:ماعليج منها...انا بروح احين وبخليها اتزهب اغراضها
ام فهد: اتسوي خير ياولدي...
وراح سعيد لغرفه ميثا...ودق الباب
سعيد: ميثوووووه..فتحي الباب انا سعوووودي حبيبج
(وقامت ميثا وفتحت الباب....وراحت على طول صوب الحمام...علشان اتغسل ويهها)
ميثا: ادخل ادخل سعيد...بس انتظرني دقيقتين وبكون عندك...
(سعيد اول مافتح الباب....لاحظ ان غرفتها مظلمه....وباااااااارده.....وفتح الليت.....وشاف ميثا منظرها واهيه ظاهره من الحمام.....انصدم من منظرها....عيونها انتفخن من كثر الصايح....وتحت اعيونها هالات سود من قله النوم)
سعيد: ميثوووه فديتج شوفيج...ليش مسويه جذا بعمرج
ميثا(واشوي وكانت بتصيح):لا ولاشي....بس هاذي الدراسه اتعبتني
سعيد:ميثوووه لا اتحريني اني مصدق سالفه الدراسه اللي اتقووولين عنها....
ميثا:عيل شو
سعيد:انتي قوووولي
ميثا:صدقني مافيني شي...
سعيد:خلاص مابضغط عليج....بس يالله زهبي عمرج ترانا بنروح المزرعه بعد اشوي....
ميثا: بس سعيد
سعيد:لا بس ولاشي...احين جدامي رووحي زهبي عمريج...يالله يا الدبه
ميثا: ان شاء الله

فقامت ميثا اترتب اغراضها...ونزلت تحت....وطبعا نص منهم راحوا في سياره بوفهد...والنص الثاني في سياره فهد....وسعيد راح مع ميثا....

في سياره سعيد...

سعيد:ميثووه بلاج ساكته....
ميثا:ولاشي...
سعيد:ميثوووه ماتبين اتقوولين لي شو فيج
ميثا(وحابسه دموعها في عيونها): سعيد......انا مافيني شي....فاهمني....ويالله جدامي خطفني على الدكان ابا فيتامين سي(طبعا كانت اترمسه مثل ماترمس....بس علشان مايحس ان فيها شي)
سعيد(واهو حاس انها تبا اتغير السالفه...فحب انه ما يضغط عليها اكثر):ان شااااااااااااااااااااء الله وجم ميثوووه انا عندي....

وبعد ما اشتروا فيتامين سي...رااحوا صوب المزرعه....وكان الكل قاعد ينتظرهم....الجميع وصلوا...وصل حمد واخته وامه...ووصل خليفه وهزاع..ووصل سلطان وامه...واول ما وصلت سياره سعيد....ونزلت ميثا...حس حمد ان هاذي اهيه ميثا....بس ميثا دخلت الفيلا على طول...واول ما دخلت...سلمت على الحريم...وام سلطان انعجبت بجمال ميثا...وعرفت ان سلطان كان يتكلم عنها اهيه...وراحت ميثا على طول فوق....ودخلت الغرفه....وفي الغرفه الثانيه
ساره: وصلت ميثووووه...
العنود:وينها....
ساره: في الغرفه الثانيه تعالي بوديج عندها....وعقب انا بسير عند امي...
العنود:اوكي...
راحت ساره والعنود صوب الغرفه الثانيه.....
ساره:هاذي الغرفه يالله دقي انا بسير
العنود:اوكي مشكوووره
ساره:العفووووو...
راحت ساره.....ففي هذا الوقت..دقت العنود الباب....فسمعت صوت ميثا
ميثا: الباب مفتوووووح
فدخلت العنود....وانصدمت بحال ميثوووه ربيعتها ...حبيبتها.....شافت جسمها الذبلان....جسمها نحف اكثر....وعيونها منتفخات....وهالات سوده تحت عيونها......فبكت العنود......ميثا من شافت العنود...يلست تصيح....صح صار لها 3 ايام ما شافتها بس 3 ايام عن ميثا كأنها اسنين.....ربعت العنود صوووب ميثا...واهيه كانت تبكي...
العنود: ليش انقطعتي عني فجأه.....(واتصيح)....ليش...
ميثا:آسفه يا عنووودي.....
العنود(واهيه تمسح عيونها):وين اصرفها انا هاذي في اي بنك
ميثا(واهيه تضحك لاول مره بعد الموقف اللي صار مع حمد ):ههههههههه اللي تبينه
العنود: الله...تصدقين اشتقت اسمع هالضحكه...
ميثا:تشتاق لج العافيه
العنود:ميثوووه ممكن اعرف...ليش هذا كله...
ميثا(ونزلت دمعه من عينها): عنوووودي.....
العنود: انا بسمعج لين الاخير...انتي فضفضي لي....فضي قلبج لي.....انا ونتي ما تعودنا انخبي على بعض...(واهنيه يرن تلفون العنود....بس العنود كانت تبا اتسكره ...بس غلطت...بدال لا اتسكر...ردت على الخط)...قوليلي اللي في خاطرج...(وحمد قاعد يسمع ....)
ميثا(واهيه اتصيح): عنووودي...بسألج سؤال؟ حمد....(واتصيح)....حمد يكلم بنت..؟!
العنود(انصدمت من كلام ميثا....وفي نفس الوقت حمد انصدم):وليش يعني
ميثا: سمعيني عنوودي(وتمسح دموعها)....بقولج للاخير....انا حبيت حمد من ايام الطفوله...صح اني كنت اتجاهله...بس هذا مب معناته اني ما احبه....بالعكس...كل ذكرياتي معاه محفوره في قلبي.....كل ورقه اهداني اياها....عندي....كل ورده عطاني اياها ...عندي.....كل شي...بس لين ماسمعت خبر سفره...بغيت اموووت.....تميت افكر هل بيسافر لينساني....ولا بس حجه لانه بيكمل دراسته...اذا انتوا يا عنوودي حاطين في بالكم انه رايح يدرس...والكل اقتنع بهالفكره...بس انا قلبي ما اقتنع......
العنود(ودموعها في عيونها....وكأن الكلام اللي تبي اتقوله العنود....قالته ميثا): ميثووووه
ميثا(ما اهتمت وقعدت اتكمل): انا ياالعنود زعلت من سافر....بس فرحت اكثر يوم رجع من السفر...تذكرين...(وتمسح دموعها)...تتذكرين يوم تخرطفت...وعاملتج بقسوه...تتذكرين....تعرفين ليش السبب....لاني سمعت اسم حمد على لسانج...ادري بتقولين اني سخيفه....بس قلبي من فرحته قام يرقص...(العنود تمسح دموعها....وحمد في الجهه الثانيه قاعد يسمع كلام ميثا اللي يجرح القلب...وكان يلووم نفسه.....)...تتذكرين المواقف اللي مريتهن.....تتذكرين(وتمسح عيونها).....واحينه بقولج عن شي اللي قطع قلبي اشلاء...(وتمسح دموعها).....
العنود(وتقاطعها):بس كافي......رحمي عمرج...
ميثا(دموعها ينزلن من الحزن): لا خليني ارتاح....خليني اكمل...تتذكرين ياعنووودي...لما شوق..(العنود بطلت عيونها لما ميثا لفظت بأسم شوق....وفي نفس الوقت حمد من صدمته وقف في مكانه...واللي لاحظ هذا الشي سلطان.....راح حمد لمكان ابعد اشوي...لكن سلطان تبعه...وكان يبا يعرف شوفيه...بس حمد أشر لها بإشاره على انه يسكت اشوي....وسلطان لاحظ الدمعه في عيون حمد).....هيه لما شوق شافت صوره حمد....وقالت لج منو هذا المزيون...وبعدين قلتي لها انه اخوج...وريلي المستقبلي(واتصيح)....وبعدها ناظرتني بنظره ماعرفت شو مقصدها.....تتذكرين.....تتذكرين يا عنووودي....يووم كنا عند النافوووره واترخصت منا شوق على انها ياها تلفون...وبعدها ناظرتي نفس النظره....ويوم سكرت...مامرن اكثر عن دقيقتين....إلا واتصل حمد اخوج....وقالج انج ماتلفظين اسمه....وانج اتقوولين على انها امج...كان مصر على انه يشلنا البيت....وان بيتصل على فهد علشان ساره.....تتذكرين....تتذكرين في السياره...يوم ياه التلفون وكان مرتبك....وبعدها كنا بندعم...بس الله نجانا..والحمدالله..(وتمسح دمووعها)...وبعدها يلسنا كلنا اندور التلفون....لين مالقيته انا..(واتصيح بالحيل.......ومسحت دموعها)....لقيته وكنت بعطيه اياه....و.........(سكتت ميثا)
العنود(ومسحت دموعها من كلام ميثا): وعقب؟؟؟؟
ميثا(وعيونها من كثر الصايح استون حمر): سمعت صوت بنت......هيه بنت.....اتقوووله حبيبي وينك(اتقول هذا الكلام والعبره خانقتنها).....تعرفين...
العنود:شو
ميثا:هذا الصوت مب غريب علي....
العنود: صوت منو عيل
ميثا(واستوعبت...): هاااااااااااااذي شوووق منو غيرها.....


في الطرف الثاني....
حمد قعد يبكي بصمت على كلام ميثا....وكان يتخيل شكل ميثا واهيه تتكلم....
سلطان: اشفيك يا حمد...عسى ماشر...
حمد(وقعد يبكي بصمت): اخاف اخسرها......ياسلطان...
سلطان:منو هاي اللي اتخاف تخسرها
حمد: ميثا بنت خالتي....
(حمد من ضيجته....قال حق سلطان كل السالفه)
سلطان:ولايهمك...اهيه بتتفهم....
حمد: ان شاء الله.....
سلطان: اختك سكرت التلفون ولا بعده
حمد: بعده......خلني اسمع
(واول ما سمع حمد التلفون إلا بصراااخ العنود)
العنود: ميثووووووووووووووووووووووووه ردي عليه ميثووووه حراام عليج
(فز قلب حمد من خوفه على ميثا....وقام من مكانه....وراح

عند سعيد.....
حمد: سعيد واللي يعافيك روح شوف ميثا شوفيها
سعيد(واهوه مرتبك): ليش شوفيها
حمد: ما ادري....بس انا سمعت من تلفوني ان عنووودي تصاارخ على ميثا...روووح شوفها...
سعيد:ياالله قوم وراي
حمد:يالله
وراح سعيد وحمد لداخل الفيلا...وعلى طووول صوب الغرفه....
سعيد: ميثووووه بطلي الباب...
حمد: عنووودي بطلي....
(سعيد وحمد وهم يسمعووون صوت عنوودي واهيه اتصارخ على ميثا)
(حمد ماقدر يتحمل)
حمد:قم قم...
سعيد:وين تبا
حمد(بعصبيه):شوتباني اوقف اهنيه شرات الصنم....والبنت يعلم الله شوفيها...
(في هاذي اللحظه حس حمد ان ميثا بالنسبه له شي كبير)
(كسر حمد الباب ودخل وشاف العنود تضيح)
حمد: عنوودي وين ميثا
(العنود واهيه اتأشر على ميثا....وميثا كانت جثه هامده...بلا حراك...ويهها مستوي شاحب..وعيونها منتفخات من كثر الصايح....وحمد شل ميثا.....وبسرعه زقر على سعيد على انه يجهز السياره..وقال حق العنود تلبس عباتها وتييب عباه ميثا وتيي وياهم)

في الطريق.....
حمد: عنوودي لبسي ميثا العباه بسرعه
العنود: ان شاء الله
(سعيد....ويكبر حمد في عينه اكبر واكبر....)

ووصلوا المستشفى...ويربع حمد وينادي عليهم على انهم ايبون سرير.....ويابوا السرير....وحطووا ميثا عليه....وبسرعه لغرفه الطوارئ.....سعيد لاحظ ان حمد رايح ياي على الممر.....وكل مره يطل على الغرف...ويروح صوب الدكتور ومايلقاه....سعيد يقول في نفسه....معقوله حمد يحب ميثا لهاذي الدرجه....
ويلتفت سعيد ويلقى العنود تصيح....وراح صوبها..
سعيد: العنود لا اتخافين....ان شاء الله بتتحسن
العنود(ودموعها تنزل ...):ان شاء الله

وبعد 5 دقايق....

ظهر الدكتور...


شو راح يستوى لميثا؟وهل هذا الشي بيخلي حمد يتقرب منى ميثا؟
سعيد....هل ياترى حاس بحب حمد لميثا؟ وعلاقته بالعنود راح تقوى...ولا لا؟
ساره في هذا الجزء كانت مختفيه تقربياً؟ليش؟؟؟
هذا اللي بنعرفه وأكثر في الجزء الخــــامس

[align=center]
.. ..

مسكينه يا ميثا :(

عورت قلبي والله

بس ما راح يصير فيها شي يمكن هبوط من الصدمه او شي كذا ..

وأكيد حمد راح يتقرّب منها .. يمكن هي تحاول تبتعد عنه بس هو بيظل وراها ..

بيبتعد عن شوق .. وهالشي بيخليها تحقد على ميثا أكثر وأكثر ويمكن تخبرها عن حمد .

سعيد حاس بحب حمد لميثا ،،، ويمكن حمد يعترف له بهالشي .. وبالتالي سعيد يخبره عن العنود

وبتصير فرصه انه يتقرّب من العنــود ..

بس خايفه من سالفة سلطان هذا .. يمكن يغيّر رايه ولا يخطبها لأن حمد خبرّه بكل شي ..

وننتظر الجزء الـ ج ـاي ..:)

وتسلميــن ..
.. ..
[/align]

0
00

ريووومه

هلا وغلا ,,

ان شاء اللهـ ما اطول

دمت بخير

::صمت اليتامى::

00
0