يوم .. هستيري..
------------------
في منزل لولو
------------------
الوقت .. الصبح ..
---------------
بالتحديد ..
غرفة لولو
قامت لولو من النوم .... لقت نفسها ... طايحة عالأرض ومتعاركة مع البطانية ليلة البارحة....
طبعا انفجعت الاخت لولو .. ليش هيا كذا ايش الحلم المرعب دا اللي حلمته ليلة البارحة المهم قامت غسلت وجهها راحت على التلفزيون تتفرج mbc3 طبعا كان في فيلم كارتون روووووعة على حسب معلوماتنا ,, خخخخخ...
طبعا لولو ما همها بطنها لانها مي محتاجة (( اقصد مي تخينة )) ..
-----------------
منزل ميمي
----------------
الوقت .. الصباح
---------------
بالتحديد
غرفة ميمي
قامت ميمي من النوم... طبعا كانت نايمة فوق الكنبة ... كانت تتفرج فلم مرعب )()(والله الحمد مرعب)()(
<< وكانها شافت حلم لولو ..خخخخخخخخ... قامت تدور على أكل الدبيه ... لقت الفطور جاهز ع طاولة الطعام..
ماصدقت شافت الأكل راحت ويمكن ماغسلت وجهها كمان .... >>>> أعوذ بالله شو هاد كله شهية....

________________

قامت ميمي من أكلها ((هاذي الله يعيننا عليها راح تخلص الأكل كله قبل مانخلص من تصوير الفيلم))
راحت بسرعه تشوف إعادة فلم البارحه ... والتلفون طبعا في يدها ..بس خسارة خلصت الإعاده ...فقالت أصبح ع لولو..
-------------
ميمي .. الووو
لولو .. اهلين عمري . .. كيفك ....؟؟ كيف الفيلم تبعك حق امس .. ؟ ؟ ترى ما اتفرجته خفت كتير ,,
ميمي .. لايكون خبيتي نفسك في بطانية ماما ... فاتك الفيلم روووعه ...
لولو .. فكينا من الفيلم واللي يسلمك..
ميمي..ههههههههههههههههههه
لولو... اقول ميمي .. ليش ماتجونا اليوم.. ترى بابا جاب لي شريط فيديو لـ فيلم كارتون .. وجايين بيت ستو كمان .. بنات خالاتي جاايين مخصوص علشان يتفرجو الفيلم ...
ميمي .. وهيا تقول في نفسها .. ))(( والله بزران وانا ما احب اجلس مع اهلكم .. خاصة انو كلكم صغار . ))((
لولو .. ميمي وين رحتي .. ؟ ؟ ؟؟
ميمي .. معاكي حبيبتي... بس ماما نادتني ..
لولو.. اوكي اسيبك انا الحين .. علميني لو كنتي جاية .. ماشي علشان اعمل حسابك ع العشاء ترى انتي ماتجينا الا علشان بطنك .. هههههههه
ميمي .. ههههههههههه.. اوكي ..اوريكي يوم اجيكم لاوالله جد ياية .. بايات غلاتي..
لولو .. يلالا عيل باااي..
-------------------------------
راحت لولو ... تكلم مامتها .. علشان تروح الستي سنتر .. تتشرى ليمعة اليوم.. حقت البنات ..
راحت تدورها .. لقتها نايمة ..
لولو .. ماما اصحي اليوم جايين بنات خالتي ..
<< ياساتر لا سلام ولا كلام .. ولا حتى صباح الخيرات ياماما .. هاد كله علشان بنات خالتها ,,,
الماما .. صبحي الاول .. وخليني اقوم بعدين اتكلمي متل ما بدك ...
راحت الماما ع الحمام تتسبح .. ولولو ما شاء الله ما تقصر دام بنات خالتها اللي جايين .. راحت تجهز علبال الماما تخرج من الحمام ..
الماما .. شو هالزين ... ؟؟ ع وين حبيبتي .. ؟؟
لولو .. يووووووووووه ماما ما قلت لك انا رايحة الستي سنتر .. انا رايحة اشتري لي كم قطعة علشان البنات جايين اليوم .. يلا انا خليت السايق ينتظر ... باي . .
الماما مستغربة ... رايحة لوحدك .. ؟؟؟ الله معك لولو..
طبعا لولو قيدها خرجت خلاص ..
------------------
لولو .. تكلم ميمي بالموبايل .. تشوف تروح وياها الستي ولا لأ .. لانو لولو خوافة ماتحب تخرج لوحدها .. ههه
لولو .. مرحبا ..
ميمي.. مرحبتين .. هلا ..
لولو.. اهلين ..
ميمي.. هاااه لولو بشري .. شو في .. بغيتي شي ..
لولو.. ياااااااااااي .. حرام بسلم عليك ..
ميمي .. البنت وراه شيء بس ماهي راضية تقول اللحين اعرف السالفة ..))((ترى مهي من اللي يحبون خرجات السوق))(( سبحان الله اول مرة نشوف بنت ماتحب السوق مو جذي ... ,, هههههههههه
لولو.. بغيتك بخرجة ممكن .. ؟؟
ميمي في نفسها ... اكيد السوق ..
لولو .. ميمي وينك .. ؟؟ تخرجين معاي ولا لأأ .. ؟؟
ميمي.. وياج حبيبتي .. ماقلتيلي وين رايحة...؟؟
لولو.. رايحة ع الستي سنتر .. بتيين ولا مو ياية..
ميمي.. اي اكيد لازم .. اتشرى ليمعة اليوم ..
لولو.. اوكي عيل .. امرك السايق ينتظر بره..
ميمي.. بس انا للحين ماجهزت..
لولو.. مو مشكلة .. لين مااييكي .. عبالك تتجهزين.. اوكي ..
ميمي.. عيل اوكي .. يلالا حياتي .. باااي ..
لولو.. بااي
---------------------------------
ميمي راحت تجهز مشان تروح مع لولو ... ع الستي سنتر .. راحت تشوف شنو تلبس.. واتذكرت لازم تقول للماما.. وراحت تكلم ماما.. لقتها .. تتسبح.. قالتلها من ورا باب الحمام .. )()(نسيت أقولكم ميمي تدلع حمامها ((حمومي))ههههههههه)()( قالتلها الماما ... الله وياكي حبيبتي..
_____________________

بسرعة ميمي .. ع غرفتها ... تجهز .. واتلبست ... واتصلت بلولو..
ميمي.. وينك الله يرجك كل هاد مسافة الطريق...؟
لولو.. ميمي لحقي علي .. السايق العبيط .. راح من طريق الزحام.. ومعلقين احنا الحين ..
ميمي.. هههههههههههه الله يرج ابليسك .. .. بييكي على بساط الريح يعني .. شسويلك اصبري
لولو.. عااد مو فايقة لطنازتك.. يبيلي حل الحين ..
ميمي.. شسويلك ....؟
لولو.. ارسلي سايقكم .. وسايقنا العبيط .. نتركه في الزحام..
ميمي.. وربي ذكية .. كيف بيدخل في الزحام....؟
لولو.. مدري الحين ابي حل ..
ميمي.. اشوفلك .. حل .. بحاول ايي مع سايقنا ...
لولو.. يلالا الله وياكي..
ميمي.. يلالا باي..
---------------------------------
ميمي راحت تكلم الخدامة تقول للسايق يجهز السيارة.. راحت ميمي .. وركبت السيارة.. واتصلت بلولو...
مشان تعرف موقعها..
-------
ميمي.. اقول الله يقطع ابليسك.. ورطينا .. فينك...؟
لولو.. في الشارع العام..
ميمي .. ))((عاد ماتفهم شارع عام وشارع خاص))(( ايش شارع عام انتي الثانية.. مااعرفه >>>من زود الذكاء عطت الموبايل للسايق يكلم بنت خالها .. السايق مخبول مايدري شيسوي..
السايق ... هلو..
لولو.. ويع شو هلو.. تتهندين انتي ..
السايق .. انت ماما شو يبقى .؟ ..
لولو .. ((شف الخبلة ذي عطتني سايقهم اكلمه))...احنا في الشارع العام .. لاتتاخر اوكي ...
السايق .. اوكي ماما..
وقفل في ويه لولو.. هههههههههههههههههههه
_______________
المهم راحولهم خفت الزحمة .. وارسلوا السايق العبيط .. للبيت ..
الساعة 10 صباحا .. وصلو ع الستي سنتر ..
نزلوا .. وميمي كل ماطالعت في لولو.. تضحك .. ((يايتها حالة هستيرية اليوم))
لولو.. الله يقطع ابليسك .. تعطيني السايق .. اكلمه..
ميمي.. هههههههههه واكثر عجبني يوم يقلك ماما ..
لولو.. ههههههههه ويع كبرني وانا توني في عز شبابي ..
ميمي .. فكينا من هرجك الفاضي .. خلينا نروح نتسوق قبل ماياذن الظهر..
لولو.. اي والله صج... يلالا..
-----------------
راحو دخلو ا أول محل ..
وشافت لولو قطعه خطيرة ..
وورتها لميمي ..

لولو .. ميمي شرايك بالهقطعة ..
ميمي .. حلوة .. اسلي البياع بكم..
لولو .. لو سمحت يامحمد هاااي بكم..
البياع.. انخبل .. مدري الله اعلم..
لولو .. (( متنرفزة من حركته )) شلون ماتدري يعني ...؟؟
البياع.. مو انا صاحب المحل .. ماتشوفين هاااي الرجال ..
(( ياحرام مخربطة في نوع الرجال ))
لولو .. اوكي اسفة..
الرجال البياع.. هههههههههه.. لاشدعوه عادي ..
لولو.. مكسوفة مو قادرة تقعد فهالمحل دقيقة وحدة..
___________
لولو..يلالا ميمي خلنطلع..
ميمي.. اي بس انا ماشفت شي اشتريه..
لولو.. بعدين افهمك السالفة .. الحين خلنطلع..
ميمي .. اوكي فين القطعة اللي اشتريتيها...
لولو.. في نفسها..(( شفيها هاااي اليوم.. ماتفهم افهمها بره مو راضيه))
لولو..امشي الحين ..
(( ميمي مدري شفيها لزقت في المحل ))
ميمي.. صبري .. خلني اشوفلي كم قطعة,,
لولو.. بعد نفاذ صبرها .. جرتها من طرحتها ..
ميمي افتشلت ..صبري اطلع بروحي..
وهذاك الرجال البياع يضحك عليهم..
_________________
طلعوا من المحل ولولو .. علمت ميمي السالفة كلها .. وتمت ميمي تضحك عليها .. لين ماقالت لولو.. ليتني ماقتلك .... وراحت عنها أونها زعلت..
ميمي .. ويي شفيها هااي اتغشمر وياها ...
لولو.. وقفت في محل .. شنط.. تموت عالشنط لولو..
ميمي.. وقفت في محل عطوور .. برضو تموت عالعطوور..
وبعدين كل وحدة شرت الي تبيه .. بس باقي ... اللبس .. اللي بيلبسونه..
ودخلوا محل .. ولولو.. شرت اللي تبيه .. بس باقي ميمي.. بتشوف شنو تختار..خذت لها قطعة .. ورايحة تسال البياع عنها .. اتزحلقت .. بكعبها.. هههههههههه شكلها كان مضحك مرررررررره..
ولولو .. تمت تضحك عليها ..
________
ميمي قامت بسرعه..
وراحت للبياع.. وشرت اللي تبيه..
لولو.. احسن كم مرة قلتلك لاتلبسي كعوب .. في السوق ..
ميمي .. ويع بدل ماتيي تساعديني .. تميتي تضحكين..
لولو.. مو قصدي منظرك مضحك .. مررررررره..
ميمي .. يلالا خنروح .. نلحق عالغدا..
لولو.. عارفة هااي اللي هامك..
ميمي..اي هااي اللي هامني .. ويع..
لولو.. لاانا عازمتج.. عالغدا ..
ميمي .. اوكي مو مشكلة ..
_____
راحو عالمطعم ..
وطلبوا ..
لولو.. يوووه نسيت اتصل فماما .. اقولها اننا يايين نتغدا فمطعم..
ميمي .. يعني انا اللي قتلها ..
لولو.. اوكي بس وين موبايلي ..؟
ميمي .. وانا شدراني ..
لولو.. وااااي نسيت الشنطة في السيارة ..
ميمي .. ذكاء والسايق راح البيت..
لولو..شسوي الحين..
ميمي.. ماتسوين شي خلاص .. نروح البيت .. وتاخذين الشنطة ..
لولو.. والحساب مين بيدفعه إذا المحفظة في الشنطة..
ميمي.. يوووهوووووووو... الحين انا بدفعه.. ويع ..
لولو.. خلصينا اكلي .. خلنا نرجع عالبيت..
ميمي .. نشفتي ريجي .. سيبيني اكل ع رواقة..
لولو.. سكتنا .. اكلي . ويع
________
ميمي خلصت غدا .. وقاموا .. اتصلت عالسايق .. وراحت تبي تدفع الحساب .. عشان تطلع ..
ميمي.. العزومة عزومتج .. وانا اللي بدفع .. صدج لقالوا .. قريطية لولو..
لولو.. والله القريطي اللي بيتحسف .. عالدفع..
ميمي.. شفيكي ..
لولو.. لاماكو شي.
________
خرجوا من المطعم..
وماوصل السايق ..
اتاخر مرررررررره..
لولو.. ميمي اتصلي عسايقكم الكريه..
ميمي .. قصدج ولدج .. هههههههههههه
لولو.. ويع بلا تعليق ..
ميمي.. اوكي ..
------------------------------------------
ميمي اتصلت .. الكريه . مايرد..
ميمي .. مايرد الكريه..
لولو.. وسايقنا حافظه رقمه ..
ميمي .. انا شدخلني برقمه ..
لولو.. يوهووووووووووو
ميمي .. خلني اتصل ع ماما ..
لولو .. اوكي يلالا ..
----------------------------
ميمي .. الو مرحبا ..
لولو تدزها .. ويع كنك ماادري وشو .. شو الو مرحبا ..
الملقوفة .. اخت ميمي .. اهلين وينك من صباح الله خير مو شايفينج ..
ميمي .. وانتي شكو تحاسبيني .. ابغي ماما الحين ..
الملقوفة .. مو معطيتيج اياها ..
ميمي .. طيب وين السايق ..(( والشرر يتطاير من عينها ناويه تذبحها بس خليها توصل عالبيت))
الملقوفة .. ياكم من زمان طلع من البيت..
ميمي .. ومايرد ع مو بايلي .. ليش ..
الملقوفة .. شدراني .. قالولك وكيلة اعماله ..
ميمي .. انزين .. خلصينا بااي..
الملقوفة .. باي ..
________________________
ميمي .. تكلم لولو .. الأخ طالع من البيت .. من زمان .. على حسب مااقالت شوشو ..
لولو.. اوكي .. ووينه الحين ..
ميمي .. )_(وودها تصمخها )_( شدراني عنه .. لو ادري وينه .. ماكان .. مستنيه معاج ..
لولو.. يووووووووه .. بنقعد تحت الشمس لمتى يعني ....؟
ميمي .. تطالع فيها وتخصرها ..
------------------

ظلوا واقفين .. تقريبا للساعة 3 العصر يعني ساعة .. واقفين ..
وشوي يرن موبايل ميمي ..
ميمي .. الو .. وينك انت .. ماتقولي لاطعنا .. ساعة ..
السايق .. مااليش .. انا سوي هادس ..
ميمي .. ولييييييييييييل .. بيحكيلي قصة حياتو هاذا .. (( توها تستوعب شيقولها .. هادس .. معناته حادث ..))
ميمي . . ووينك الحين ..
السايق .. شارئ ااام..
ميمي .. ويييييييييييي.. شسوي الحين .. وقفلت في ويهه..
_____________
ميمي .. مسوي حادث الأخ ..
لولو .. تبلد احساسها مدري شصار لها .. شسويله .. يموت ولا يعيش ..
ميمي .. ومين اللي بيي ياخذنا .. ياذكية ..
لولو .. مدري ممكن الحين ارووح بيتي ..
ميمي .. ومع مين بتروحين ..
لولو.. مع اي زفت بس تعبت ياناس..(_)(الظاهر صابتها ضربة شمس)(_) واغمى عليها ..
ميمي .. صارت مصرية فهاذي الحالة ..
هههههههههههههههههههههههههههههههههههههههههههههه
وظلت تصارخ .. وجوها الناس والتمو..
اتصلو ا عالإسعاف ..
وجوها واخذوها .. للمستشفى

والذكية ميمي ماعرفت تتصل على أهلها ..وتخبرهم .. حسبت نفسها جدعة ..
وماتصلت ..

ودوها للمستشفى ..
الدكتور .. لميمي .. ضربة شمس بس ماصابها شي خطييييييير ..
ميمي .. ايوة الحمد لله ... ومتى تطلع ..
الدكتتور .. بس لتفوق ..
ميمي .. دخلتلها الغرفة .. وانجنت .. صقعتها كف .. لولو .. صرخت ..
بسرعة جات النرس .. للغرفة لقت لولو صاحية ..
ونادت الدكتور ..
الدكتور .. كيف فيقتيها ....
ميمي .. بسيطة كف .. صحاها .. وخلاها تصرخ..
الدكتور .. اييييييييييش .. كف انتي ماتفهمي ..
ميمي .. بكل برود .. لو سمحت لاتصارخ ..
الدكتور .. اطلعي بره الغرفة ..
ميمي.. مو طالعة واللي بتسوي سويه..
لولو .. اللي سمعت هالحوار كله.. انا طالعة من المستشفى تعبت ..
الدكتور .. لا مايصحش ..
لولو .. انا ادرى بمصلحتي ..
--------------------------------
الساعة 7 مساء
طلعت لولو من المستشفى وميمي .. الذكية مقفلة موبايلها.. ولولو موبايلها .. راح في الحادث اللي مسويه الأخ عبيط .. والأهل قلقانين ع بناتهم..
ميمي .. نستاجر تاكسي احسن مو لولو ..
لولو . اي شي بس الله يخليكي .. خنروح البيت..
ميمي .. عبال ماتوقف .. سيارة ببرود دمها .. سارت الساعة ثمان ..
ووقفت سيارة .. جربااانة ..
وركبوا .. وهم رايحين ع بيت ميمي
ميمي .. واااااي .. نسيت اكلم ماما ..
لولو.. ويع بسرعه اتصلي .. تلاقيهم الحين .. قلقانين ..
ميمي .. اوكي ..
--------------------
ميمي موبايلها .. خلص شاحنه.. ومو عارفة تسوي ايش ..
___________
المهم وصلو ع البيت الساعة 9 مساء ..
مامة ميمي .. من يوم شافتهم
انبسطت .. وجلست تسالهم شو صار ..
وبسررررررعه اتصلت ع ام لولو
وخبرتها ...
وهاتك يااسئلة لين ماداخو الثنتين ..
واغمى عليهم ............خخخخخخخخخخخخخخخخخ
______________
راحوا على طول عالمستشفى ... شافهم الدكتور وعرفهم .. قال مو هاااي اللي جاتني في العصر..
وجلست ام لولو .. تسال الدكتور اسئلة عن الحادث لين ماداخ .. واغمى عليه ..
وجات النرس .. وداخت من حكيهم طفشوها واغمى عليها ..
ووقفو حكي ..
وداخو الأمهات كمان .. خخخخخخخخخخخخخخخخ

________________________________________

وإلا شوي دخت انا كمان وطحت من فوووق السرير ..

................


........


..

.



كانت معاكم وعلى الهواء مباشرة ... شوشو .. الملقوفة ...



طبعا ميمي ... جالسة تتفرج الفيلم .. ولولو.. ع قولتهم بزر .. تتفرج .. ع mbc3 وانا دايخة فأحلامي

كنت بحلم ..
الحمد لله انه

حلم




هههههههههههههههههههههههههههههههههههههههههههههههههه ههههه


قولولي ارائكم

وهل يصلح أكون كاتبة

لأني انا اللي مالفة القصة

ههههههههههه

حتى اناا دخت من هالقصه

بس حلوووه

وتجنن بعد

ما شاالله عليك

تصلحين كاتبه قلبووو

ننتظر منك قصه جديده

حلوووه مثل هذي لانهاا اعجبتني مررره

ههههههههههههههه


يسلموا هنوفة ع التشجيع


ان شاء الله بكتب لكم رواية


بااقرب وقت

[align=center]لـ وووووووووو ـلززي ..
.
.
:D :D ..
وأنا كمـان ودوني المستشفىى .. انجنيت من اللي صار ..

.. دلوعـة الشوق ..
يعطيكـ ألف عافيه علىى القصة ..
بدايـة رائعـة .. وأتحفينـا بمزيد من قصصكـ ..
بانتظاركـ ..

روزي[/align]

مشكووووووووووورة روزي عالمرور