مسيكم بالرضا و العافيه

أخباركم كلبوكم منورين الموزوع الأاول لي عساه بس مايكون الأخير كالعاده

الموضوع هذا كتبتوه بنفس العنوان بمنتدى ثاني وكان يوزري (( يابعد حيي )) طبعا هي سالفه صدزيه لاتخلو من البهارات

المهم سلمكم الله ابعلمكم ببعض سوالف الهستره بالمنفى اللي انا أدرّس بوه ولحدن يسألن وين

أول طسه"وللي ثقافتوه موزمبيقيه ومايفهم عربي :أول قصه":قصتي مع حدى هالبنيات الراسبات هذي سلمكم الله رسبت بكتاب العلوم الفصل الثاني ويوم جت تدخل اللجنه تسأله الملاحظه وش ذاكرتي قالت الترم الاول الا يوم تنافخ عليه المدرسه وش قلتي الترم الاول والا الثاني الا يوم تقبل دميعة الضعيفه هاه وشو مدري بروح اجيب كتابي " من جد ملحوسه ماتدري وش ذاكرت"ونقزت نقزه جابت الدرج في خطوه من الروعه" عادي عادي مبالغه"المهم طلعت مذاكره الترم الثاني بس مضيعه من كثر المذاكره يقاله بطاريته فضت هذا وهي مابعد تدخل اللجنه المهم سلموه الأسئله وجيت سنترت على راسه وانواع تميلح المدرسات يعني اني طيبه " لا ياشيخه كان ماسقطتيه طيب " المهم تجاهلوا مابين الاقواس لحدن يدقق والله حاولت انجحه بكل ما اوتيت من قوه بس هي عيت نعود لمحور حديثنا :سألته الأسئله سهله قالت ايه قلت له مابوه اي سؤال قالت لا قلت يعني كل شين واضح قالت ايه وبدت تحل وكل شوين اطمر له زي "الأضا المستعقل"أدري كثير منكم ثقافتوه على قدوه وما يعرف يقرا نيبالي الاضا المستقل ذي يعني القضاء المستعجل << ياويل حالي على الترجمه المهم البنت مصممه ماعنده ولا سؤال مر نص الوقت طبعا بعد مانزلت عشره كيلو من كثر ما اروح واجي عليه هي وجبهته اللي مليانه علامات تعجب واستفهام وماش احس اني على مله ولحدن يسألن وش المله تري قصم تعبت وانا اترجم لكم وش ازين بكم ثقافتكم على قدكم اللي عندوه ثقافه تاميليه يبي يفهم والا بسلامتوه << اتعذب أنا ياروحي على تعدد الثقافات
المهم وقررت بعد عناء طويل اقراله الأسئله واجي واوقف على راسه هاه فيه اي سؤال قالت لا قلت اقرا الأسئله قالت لا " من جد قوية باس" مار انتع الورقه منه واقوله طسي فيضاك اسئلتي وانا حره ابقراه "انتع يعني اسحب بعنف" معليش صقيقيني معي شهادة دكتوراه فخريه في اللغات الحيه والميته ويوم بديت اقرا الاسئله أصبت بالذهول واسقط في يدي ياإلهي ياللهول ماذا أرى ماهذا الهراء وش قاعد يصير وش اللي ثاني متوسط طبعا نسيت اقولكم ان البنت بأول متوسط من جد مصيبه والفاهيه من اليوم تحل أسئلة ثاني لا وتقول سهله الله والحل اللي يفتح النفس عاد المهم انا جاني مغص وتلبك معوي في عيني من الروعه مير القط طرف التنوره واحطه بافمي واركب الهوا ساروخ للإداره والورقه معي وبنص الخط قطع معي الديزل طبعا ماهو راكبه صاروخ ووقفت برهه لأتأمل الموقف وافكر بمصيري ماذا سيحدث في الغد لابد أن مدفعا آر بي جي سيطشر مخي على هذه الغلطه الشنيعه كيف اصور للفتاه اسئلة ثاني وهي في اول طبعا اهله بداوه وماعندهم تفاهم تمر جنبوه تصك تستفوه يطير رقبتك وش اللي تصك تستفوه صاحي انت " مع احتراماتي الشديده لكل البدو "<<<< دعابه دعابه .. وش اللي دعابه خيييييييييييييييير هذا الحق ماعندكم تفاهم ابد بس والله نشامى << ما أمدى غيرت رايه
الله يستر شكل راسه بيطير مايبيله كلام .. راسه اللي هي انا بس ماودي اقول المهم قلت لو درت البنت بتقول لأهله ويبون يجون يمي ويعملون مشاكل وقلق مالوه داعي الفزايح بكره يصير اسمي بصفحة الوفيات وانا توني مابعد خشيت دنيا وهنا حانت مني التفاته إلى الخلف در واركب الهوا ساروخ عادي فيه مخزن ديزل احتياطي ورجعت الورقه للبنت وسط ذهوله للحين ماتدري وش الطبخه وقلتله لا تحلين شوي وأنكس لمتس وفي روايه (( اجيتس نوبتن ثانيه )) والقط طرف التنوره نوبتن ثانيه وهوا على الاداره بس هالمره ركبت صيكل ماركبت ساروخ عشان استغل المشوار في التفكير وش اقول للمتيره "المديره" المهم واوصل للاتاره اكيد عرفتو وشي اتاره والبق الصيكل واطلع الصلصله يعني اخاف ينصرق صيكلي اللاندكروزر"اللي يسمعتس يقول المدرسه فندق خمس نجوم" بيت شعبي مسـتأجر وعساو مايطيح علينا بس وعلى فكره تري القاعه تحت ماهي فوق يعني البنت ماحطت الدرج خطوه ولاشين "كنت ابتسذب عليكم بس انبن ضميري الحي " المهم دخلت الاداره والقى الموجهه مرتزه لا حول ولا قوه وش هالنشبه وقته ذي واقوم القط المديره مع كراعه قصدي مع يده واقوله تعالي ابيتس في برزه " لحدن يقول وش برزه تري عجزت وأنا ترجم " << ليتس ما ترجمين بس المهم واخذه وابرز به على جنب واقوله السالفه الا يوم تبطح علي من الضحك لا حول ولا قوه هذا وقتس تضحكين بسرعه قبل تكتشف البنت الجريمه ويحدث مالا تحمد عقباه والقط مفتاح المستودع منه واروح ادور الأسئله وطبعا كحيت مليون طعش الف اخر رقم كحه الين لقيت النموذج طبعا على تسذا بتقولون اكيد خلص الوقت لا ماعليكم عطيناه وقت بدل ضايع << وشنوح ماعطيتيه ركلات ترجيح بعد
المهم واركض بالورقه وهوا على التصوير وبعدوه تدبيس وهمن تختيم وبعده على البنت اللي للحينه تبحلق بالورقه وفاقتن كشرته وماتدري وين ربي حاشره مارانتع منه الورقه بعنف مرة اخرى واسلمه الورقه الجديده وابدا اقرا معه الاسئله سؤال سؤال وانواع التلميح والتصريح منشان تفهم والبنت مرات تصيب معه ومرات تخيب الله يخليه لأهله قدراته العقليه صفر الإستقبال عنده ضعيف بالحيل وهقوتي حتى الإرسال بعد
من ضمن الأسئله كان بوه سؤال تصنيف طبعا كلنا عارفين ان الحيوانات يكرم القاري "القاري ماهو ذاك اللي يجروه حمار وانتو بكرامه لاااااااا قصدي القاري اللي يقرأ" المهم تنقسم لشعبتين فقريات ولا فقريات وهي خابصتن ام الدعوه الله لايوريكم بس
اضف الى ذلك الخط اللي تسنوه خط الطايف المخيس احولت عويناتي وانا اصحح ورقته " عساه بس ماهي راعية نت وتطيح على موزوعي وتدري اني اقصده"المهم ابي اقرب له الإجابه قلتله الشعب غلط حنا ماعندنا الا شعبتين وشي وتنحت دريت ان السالفه تبي تطول الين ماتفهم وبعد بتطول الين ما تخلص القصه هليودع وفي روايه منشان تسذا جب لك مركى وتك انت وياو الله لايهينكم وتري عادي اللي تعبت عنوناتوه يروح يقص لوه نزاره ويجي المهم قلتله طيب اللي عندوه ذا وش نسميه واشرله على عمودي الفقري قالت نسميه ظهر بغيت اشق جبهته من القهر قلت ذا اللي بالنص وش اسموه قالت فقرات قلت عليتس نور فقرات حلو قربتي
فقرات فوق بعض وش نسميهم تنحت بغيت اطشر مخه بيني وبينكم اتشت معي مثل ماهي مأتشه معكم هلحين وتبون تعرفون وش تالية القصه حشا ماصارت يوميات صار كتاب تاريخ أول ثانوي المهم قلتله اللمبات اللي بالشارع وش نسميه قالت عمود كهرب قلت حلو بوه تقدم البنت بدت تفهم قلت طيب اجل هذا وش نسميه واشرله على زهري قالت عمود ظهر انا هنا بغيت اصير الزرقاوي واطير راسه والله مالي لايم دبلت تسبدي الله يدبل تسبد الشياطين قلت بكيفه فهمت والا بسلامته قلت ماهو عمود ظهر بس قربتي طيب اللي ماعندوه وش يصير اسموه وانواع التفحيط الين عرفت والله ماعلمته ............"لااااااااااااااااااااااااااا كل ذا وماعلمتيه"<<<زميري الحي يتحدس..منب مترجمه منب ناقصه فاهين لحدن يقهرن لا تجيه الابجوره تمشي مليون الزبده يوم عرفت نكستهم اللافقري حطتوه فقري والعكس آخر السالفه ياصقيقيني وعلى كل ذا التلميح والتصريح البنت جابت 16 من 30 والله نعمه منه المهم انه نجحت الله يعيني عليه بثاني وإلى هنا يقف القلم بس عجزت ابروح انام كان ابقولكم سويليفه ثانيه بس خلوه بعدين والله لأهستر بكم الين تقولون للعنز ياخاله خخخخخخخخخخخخخخخخخخخخ
يلا عاد خلكم ماتردون والله لا أشلخ جبهتك انت وياه
المهم لحدن يقول شكلك تمساح ترينن سحليه ولحدن يقول شكلك شنب ترينن شنبه<<<<<<<وربي تعقدت من كثر مايقولون لي شنب
والى هنا نصل إلى نهاية حلقة يوم جديد بهذا الطبق المميز من الشيف يابعد حيي <<< ام الطلعه اللي مدري وش تبي
ولكم مني خالص التحايا ....خلص الحبر

^

افا صز افا

تذكريت ردي انتي وهذا اهمـ شي تسني راد ع موضوعتس ذا :D


بس شكلي يوم قفلت الموقع لانهم وقفوني 3 أيام راحت الردود :D


يالله المره الجايه نرد علاك في موضوع زديد


يمال العرس إي والله :p

[align=center]مشكوووووور

يعطيك العافيه

تحياتي[/align]