السلام عليكم

شلونكم شخباركم <<< وايد ماخذه راحتها الاخت خخخخخ
اممممممم
طبعا هذي اول قصه انا اكتبها وابي رايكم وانشالله انا كل ثلاث او اربع ايام راح انزل لكم جزء
ولاتنسوني عاد بالردود لان هي الي بتشحعني وتخليني اكتب باقي الاجزاء وانشالله تعجبكم
مابطول عليكم وهذي اول جزء






اول شي راح اعرفكم علىى شخصيات القصه




بيت بوخالد:
بو خالد (( احمد ) عمره 50 سنه
ام خالد (( جميله )) عمرها 45 سنه
خالد وهو البجر وعمره 28 سنه متزوج ماخذ وحده كانت تدرس معاه بالجامعه وكان يحبه وتحبه اسمها ساره وهي اصغر منه بسنتين يعني 27 سنه وهو وولد عمه فؤاد يشتغلون مع ابوهم بشركتهم
ومحمد اصغر من خالد باربع سنين يعني 24 سنه ومو متزوج ويحب انشالله قريب بتعرفون منو الي يحبها
وبعده اتيي فطوم عمرها 20 سنه وهي تدرس بالجامعه وتخصصها تقنيه نظم معلومات وطبعا معاها توأم روحها بنت خالتها عووش
واخر العنقود ايي جاسم عمره 17 سنه وهو بالمدرسه في ثاني ثانوي شلون وصل لي ثاني ثانوي مادري انسان مهمل مايحب الدراسه يكرهها من قلب






بيت بو عبد الله :
بوعبدالله (( سعد )) عمره 44 سنه
ام عبدالله (( لطيفه )) عمرها 40 سنه هم احلى زوجين بهالعايله طبعا من بعد ساره وخالد ولطيفه تصير اخت جميله
فؤالد اكبر عيالهم عمره 27 سنه ويحب بنت عمه خلود وخاطبها
ليلى عمرها 24 متزوجه وعندها ولدين (( سعود , فارس ))
عووش توأم روح فطوم وهي بعمر فطوم وبنفس التخصص وبنفس الكلاس طبعا مطفشين الاساتذه وثنتينهم دلوعات العايله واحلى ثنائي بعد وكلهم يحبونهم لخفت دمهم وشياطين على كبرهم لكن عقلهم بعد ياهل ونفس الطبع بالضبط ثنتينهم






بيت بوعلي :
بوعلي (( حسن )) عمره 41 سنه
ام علي (( بدريه )) عمرها 39 سنه
خلود وهي البجر عمرها 25 سنه اكبر من علي بسنه
علي عمره 24 سنه وهو بعمر محمد ولد عمه
امينه عمرها 19 سنه تكره شي اسمه فطوم وعوش وتقول عنهم بايخين لان مايخلونها في حالها من يشوفونها لازم يطفرونها
وليد عمره 15 سنه وهو اخر العنقود طبعا عكس ولد عمه جاسم طالب مجتهد يحب الدراسه ودايما يكون من الاوائل





بيت خوله اخت (( سعد , حسن , احمد )) عمرها 29 سنه ومو متزوجه ولها اسبابها وانشالله بتعرفونها في الاجزاء اليايه وهي تشتغل مدرسه وهي طبعا اخر العنقود ودلوعه اخوانها على كبرها لكن مدلعينها لان اختهم الوحيده
وهي عايشه مع امها لان ابوهم متوفي وترك لهم الشركه وهم مهتمين بحلالهم مع بعض من ست سنين




في بيت بوخالد الصبح الساعه 6 ونص
ام خالد راحت غرفه محمد تدق الباب : محمد ... يمه قوم بتتاخر على دوام
ومحمد بصوت مبحوح وراسه بينفجر لانه راقد متاخر؟ انشالله انشالله يمه الحين بقوم
وراحت عنه من عقب اسمعته رد عليها
وهي نازله من الدري لقت ساره مرت ولدها
ساره : صباح الخير خالتي (( وحبتها على راسها ))
ام خالد : صباح النور يابنتي هاه قعد خالد
ساره : اي خالد الحين بينزل
ونزلت ساره عشان تسوي الريوق
وام خالد كملت مشوارها تقعد عيالها
وبعد شوي
نزل بوخالد وخالد وساره وام خالد وكانو قاعدين في غرفه الطعام يتريقون
ومره وحده الا يسمعون صوت ركيض على دري كانه احد لاحقها طبعا هذي الهبله فطوم
وفطوم بصوت تعبان من الركيض الي ركضته : صباح الخير
بوخالد : شوي شوي يابنتي لا تكسرين علينا عاد كلشي ولا فطومه
فطوم وهي مستانسه : ههههههههه لا تخاف يبه انا قطوه ام سبعه ارواح
ام خالد : بعد شنو هالكلام يام لسانين اسمله عليج شنو قطوه ام سبعه ارواح
فطوم : اسفه يمه وراحت حبت امها على راسها
الا بزلت محمد من على الدري ماشالله عليه كاشخ وهو من غير شي يهبل ووسيم ولا بس بنطلون بيج حلو ومعاه قميص بيج افتح من البنطلون وكاب بيج وفيه كتابه بالاسود وطالع روعه وريحه العطر الي انتشرت بالمكان كله
محمد : صبحكم الله بالخير (( ويحب ابوه وابوه على راسهم ))
ام خالد وبو خالد : صبحك الله بالنور يالغالي
وطبعا توه نازل الشيخ جاسم لان دايما هو اخر واحد
وقام بوخالد وخالد وجاسم عشان يروحون الشركه ويوصلون جاسم المدرسه
فطوم طبعا ماتسكت تقول بصوت واطي : هذا بيروح الدوام وكاشخ جذي عيل لو بيعرس شبيسوي
محمد : قلتي شي
فطوم بصوت منخفض بسم الله : هاه لا ماقلت شي اقول بسرعه بس لانتاخر علىعوش وتفضحنا
محمد من سمع طاري عوش فز قلبه : صبري بتريق بس وباييج خذي السويج ونطريني في السياره الحين بايي
خذت فطوم السويج وراحت السياره وهي اصلا تبيها من الله عشان تشوف حبيب القلب (( طلال )) ولد جيرانهم عمره 24 سنه وهو يدرس بالجامعه بس مو مع فطوم وعوش بنفس الجامعه لانه متخصص طب
راحت فطوم السياره تنتظر اخوها والا تشوف طلال يطلع سيارته من الكراج طارت من الوناسه فطوم
فطوم : فديته ياربي
ماحست باخوها يوم وصل السياره وفتح الباب ومره وحده تسمع : منو الي فديته ياربج ؟؟
فطوم : اعوذ بالله انت بعد في غيرك تهبل اذا انا اختك اقول عنك جذي عيل غيري شيقولون
محمد : اصلا ادري اني اهبل من غير لاتقولين (( طبعا محمد يدري انها تحب طلال ))
بس طلال مو داري عن هوا داره يسمع خواته يتكلمون عنها بس مايعرفه ولا يشوفها الا من بعيد
ومشى محمد شوي ووقف بالسياره عند سياره طلال عشان يسلم عليه
محمد : قوه طلول
فطوم تطالعه وشوي وتكفخه لانه قاله طلول البنت ماترضى عليه
طلال : هلا والله الله يقويك شخبارك؟
فطوم في خاطرها فديت هالصوت
محمد :الحمدلله بخير وانت شخبارك؟
طلال : والله ماشي الحال
هني تكلمت فطوم بصوت واطي تكلم اخوها : بسرعه لانتاخر على عوش حرقت تلفوني ووهي تتصل
فز قلب طلال من سمع صوت ناعم وفيه نبرة دلاعه شوي
والتفت داخل السياره يبي يشوف راعيه الصوت ومن شافها استخف الولد وهي اكيد ماخذه جمالها من اخوها محمد لانها تقريبا نسخه منه ومحمد تراه اقرب الناس لفطوم
محمد يكلم فطوم وهو مستخف لانه يايبه طاري عوش : هاه انزين هو يلتفت على طلال اوكي طلول ما اطول عليك نشوفك بالليل انشالله باي
طلال : بايات



ومشو عن طلال وراو بيت عمهم سعد عشان ياخذون عووش وياهم
نزلت فطوم عشان تنادي عوش ولقت عمها ومرت عمها في الصاله وسلمت عليهم وراحت نادت عوش وراحو السياره
عووش : السلام عليكم
محمد وهو طاير من الوناسه وهو يطالعها من المنظره : وعليكم السلام هلا والله شخبارج؟
عوش : الحمدلله تمام وبصوت واطي بشوفتك فديتك بس محد سمعها
الا هالصوت الي مخرب عليهم الجو
فطوم : لي متى
ويطالعها محمد بنظره : يالله مشينا





في الشركه
طبعا كلهم وصلو (( احمد وولده خالد , سعد وولده فؤاد , واخوهم حسن لان ولده علي مايشتغل بالشركه يشتغل مع محمد بنفس الدوام))
السكرتيره تدق باب مكتب بوخالد : السلام عليكم تفضل طال عمرك هذي الملفات والي طلبتها وهذي البريد
بوخالد : مشكوره في احد اتصل
السكرتيره : اي واحد اسمه خالد ال........ من شركه معروفه في السعوديه
بوخالد : اوكي اتصلي فيه وحوليه علي
السكرتيره: حاضر تامرني بشي ثاني طال عمرك
بوخالد : سلانتج وسكري الباب وراج
وطلعت السكرتيره


وظهرو فؤاد و خالد يكملون اشغالهم الي برا الشركه بسرعه لان عندهم اجتماع ع الساعه عشر




نرجع حق روميو وجوليت عرفتوهم ؟؟
مافي غيرهم محمد وعوش
بعد ماوصلهم الجامعه وطبعا عطاهم تحذيرات ونصايح كل يوم
اتصل بولد عمه علي
محمد : الووووووووو محمد ال..... يتكلم
علي : ههههههههههههههه الله يقطع سوالفك حمود من الصبح عاد صج لك بارض
محمد : السلام عليكم
وفي هالوقت كانت امينه مع اخوها من سمعت طاري محمد ماتت من الوناسه <<مسكينه الاخت تحب محمد وماتدري ان محمد وعوش يحبون بعض من زمان
علي : وعليكم السلام
محمد : هاه وين انت ؟
علي : بوصل امينه اختي الجامعه
محمد: اوكي انا الحين بوصل الدوام واذا انت وصلت تعالي مكتبي ابيك في ساله
علي : انشالله انت تامر جم محمد عندنه
محمد : تسلم ولد عمي يعلي ماخلى منك اوكي اترياك انا هناك مع السلامه
علي : الله يسلمك وسكرو الخط
وبعد دقايق في سياره علي عم الهدوء والا بصوت مسج
فتح المسج علي وطار من الفرحه











وهذا اول جزء من القصه
ظنكم شيبي محمد في علي ؟؟
وعوش وفطوم شنو بيصير لهم في الجامعه؟؟
وشنو سالفت الاجتماع ؟؟
وشنو سالفت خوله انها للحين ماتزوجت ؟؟
وشنو سالفت المسج الي وصل علي ومن منو ؟؟
ولاتحرموني من ردودكم وانا اذا شفت الردود الي ترد الروح انشالله راح اكملها اما اذا مافي ردوم اسمحولي راح اوقف ومابكتب جزء غيره
وابي ارائكم

هلاااااااااااااااااااااااا

القصة كم جزء؟؟؟

أنا أحب أنزل الأجزااااااااااء كلها وأقرااااااااهاااااااا

بانتظار اكتمال القصة ...

مشكوووره اختي علىى مرورج لقصتي
والقصه للحين مو مكتمله وانشالله انزل بالجزء تقريبا كل يوم
ومشكوره على المرور مره ثانيه

مشكوووووووووووووووووورة اختي على هالقصة الروعة وبليييييييز لاطولين علينا بالتكملة

انشالله يالغاليه راح انزل الجزء باجر ومابطول عليكم
ومشكوره على مرورج لقصتي