| | | |
| |||||||
 |
 |  |  |  |
| الخواطر المنقوله منتدى خواطر . خواطر روايات |
 |
| | LinkBack | أدوات الموضوع | انواع عرض الموضوع |
25-10-2002, 01:06 PM
| #1 (permalink) |
| [قلب جديد]  تاريخ التسجيل: Oct 2002
المشاركات: 13
 |  قال بدو ت قالت بدو ......صدت وقالتها بقرف .....بنت الأكابر والترف ... متكبرة متعالية ...يعني بدوي يقعد طرف ... والمعنى دون المستوى ماحنا وياها سوى ... حنا بنظرها من نكون ...ريشه يطيرها الهوى بمفهومها حنا: عدد ...رقم ولا اكثر بعد ...يعني مجرد تكمله ... وإلا اهي اصل البلد ... قالت : بدو ... تعني صفر على الشمال ... هذا على احسن احتمال ... تصدر حكم ما تلتفت ...تحكم ولا تترك مجال قالت بدو ...متصور تني استحي ...واترك مكاني وانتحي ....تفا جئت .. تغيرت .. تلعثمت ... ما تدري إني ابفتخر ... لي الفخر ...حنا بدو ... حنا عمى عين العدو ...حنا البداوة طبعنا ...أهل الوفا هم ربعنا ... حنا نتفاخر بأصلنا ...يا بنت هذا طبعنا ...ما هي بداوة تليفزيون ... وإلا مسلسل أردني ...بس بدوي بالميكرفون ...ولا هد سيفه ينثني ولا بدو بيت السدو ...حنا البدو ....حنا بداوتنا الأصل ...بالقمة حنا مو اقل ...حنا بداوتنا تراث ...من جيل إلى جيل انتقل حنا معاني ساميه نروي السيوف الضاميه نرد المنايا ما نهاب لو هي سعاير حاميه حنا بدو حنا البداوة عيدنا ماناكل الى صيدنا مانعيش عالة مجتمع نموت مانمد ايدنا حنا بدو حنا البداوه بدمنا مانسمي احد عمنا حتى ولو منهو يكون لو هو زعل ماهمنا حنا البدو حنا البداوة عمرنا محداً بيصبر صبرنا لانها مصنع للرجال نمشي وتمشي بامرنا حنا البدو حنا البداوة اصلنا وحنا البداوة فصلنا حنا بدو متماسكين وهذي نتيجه وصلنا يابنت يالي تضحكين قلتي بدوي تستهزئين غرك لباسك الاجنبي المشكله ماتعرفين ان البدو اصل العرب تبغين هالكلمه طرب صارت نشب ياانسة .. ياعانسة .. ياضايعه ومستانسة ياتارسه وجهك صبغ ياتارسه عينك شدو حنا البدو ولو كان قلتيها بقرف لنا الشرف انا بدو حنا البدو حنا بداوتنا شيم دين وقيم طيب وظفر معنى كبير ما اظن مثلك يعرفه لو تدعين المعرفه شيء عسير ما اظن مثلك ياصله صعبه ولاهي حاصله كلمه بدو تعني التمسك بالجذور ماهو التخلف والجهل ولا بعد حب الظهور ولا التنكر للاهل كلمه بدو تعني الشمم فعل وكرم مبدى حضارات الامم حنا القمم نار على راس العلم يشهد لنا سيف وقلم وان كان ماعندك خبر لنا الفخر لو عشنا ببيوت شعر عيشت الم عيشت فقر عيشه تعلمنا الصبر مانقترض لاجل السفر ونحسب ايام الشهر مانفترض ونعيش واقعنا بحذر وبالضيق نرخص بالعمر نشرب من الماي الهماج ونكحل نواظرنا بعجاج وغسيلنا حفنه رمل اهي الدواء واهي العلاج عيشت رضى ماهي نكد مافيها تعقيد ابد ساعات مافيها ذرى يكفي نتلحف بالنجوم وفراشنا رمل الثرى وسراجنا نور القمر لامن ظهر ونام من عقب العشاء ونصحى قبل وقت الفجر نؤمن بقضانا والقدر ماهو كسل ولا نعيش ابلا امل نملك طموح علم وامل ونرعى الابل ونرعى الغنم ونعزف من الونه نغم ونتابع اخبار المطر وندور الروض الخضر ونسرى ورى برق سرى ولا نتراجع للوراى نبحث عن المرعى العشيب ومن شعيب الى شعيب مانستقر عنوانا كل الديار تجوالنا ليل ونهار نعيش عيشه هاديه وهذي حياة الباديه سنه الربيع سنه الدهر ورغم الفقر نخاف من قوله افا ونتعب على قول نعم ونعيش عالين الهمم من فضل ربي مانخون نرعى الذمم ونركض ونتعب ما نمل محنا مثلك لا شغل ولا عمل ماغير بس اكل ونوم ومن الشحم ضاقت عباتك والهدوم يااسمن انواع الحريم ياعايشه على الرجيم ياانسة .. ياعانسة .. ياضايعة ومستانسة ياتارسه وجهك صبغ ياتارسه عينك شدو حنا البدو يالي تقولين بدوي انا بدوي ولي الفخر اني بدوي عزمي قوي مااخون ماابوق الخوي يبدا نهاري بالصلاه واصارع امواج الحياه ماضاقت الدنيا ابد ولاني من اصحاب الحسد ارفع ايديني للسماء واطلب من الله واستخير ماقول يمكن ربما ولا يصير ولا مايصير محافظ على الخمس الفروض واضح ولا احب الغموض ولا اتلون والتوي لاني بدوي متمسك باصالتي ولا اغير لهجتي انا بدوي في فزعتي وفي قومتي وبقعدتي وفي مشيتي وبجلستي وفي كلمتي وبنخوتي حتى عقالي ولبستي ولو قلتي عني فوضوي ما ضرني بالحيل يابنت بدوي ويسرني اعرف من انتي .. ومن انا والفرق واضح بيننا تدرين وادري من اكون ويكفينا نعرف بعضنا انتي مثل عمر الزهور ومالك عمر مالك سنين شهرين ويجيك الجفاف وتذبلين وتصبح الوانك باهته وانا جذوري ثابته ماخذ من الصحراء الهدوء وان كان هذا يسعدك حطي على راسك يدك هالمره لاقلتي بدو ياتارسه وجهك صبغ ياتارسه عينك شدو ... حنا البدو .... للشاعر الكبير طلال السعيد أتمنى تحوز على إعجابكم وحبيت أنقلها إليكم لجمالها وعذوبة أسلوبها ورقته باااااااااااااااااااااااااااااااي |
|      |
|
25-10-2002, 04:16 PM
| #3 (permalink) |
| [قلب فعّال]  تاريخ التسجيل: Oct 2002 الدولة: .&. قلب امن.&. السن: 10
المشاركات: 2,401
|  السلام عليكم ورحمه الله وبركاته مساااااااااكم بنور والسرور : حنا عمى عين العدو--حنا البداوه طبعا--اهل الوفاء هم ربعنا يعطي ايدين الي كتبها الف الف عافيه ونشوف منك اكثر ان شاء الله وقصيده في روعه الجنون اخوك: {#!} {#!} {10 } ابــــ ساره ــــو{#!} {#!} {10 } |
|
| |
|
25-10-2002, 06:52 PM
| #5 (permalink) |
| [قلب مشارك]  تاريخ التسجيل: Oct 2002 الدولة: المملكة العربيه السعودية السن: 28
المشاركات: 952
| [ALIGN=CENTER]السلام عليكم ورحمة الله وبركاته [/ALIGN] هلاا والله بادلال والخفه ام خلودي حبيبت قلبي انا مشكوووووووره عيوني والله ما تقصري ابد الله يعطيكي العافيه ولا يحرمني مكن يارب بايو حياتي [ALIGN=CENTER]مدير سجن الغرام الجنــرال عســـول[/ALIGN] |
|
| |
|
| مواقع النشر (المفضلة) |
 جديد منتدى الخواطر المنقوله |
| |
| أدوات الموضوع | |
| انواع عرض الموضوع | |
|
|
العرض العادي
