أسعد الله أوقاتكم بكل خير ...
كالعادة أتصفح مجلة فواصل اخر عدد وأندهش عندما أرى أحد قصائدي منشورة بإسم غيري ولشاعر أسمه
عبدالله الذوبيان ولإثبات حقي وأظاهر الحقيقة قمت بإرسال فاكس لتوضيح السرقة الفادحة وأقول لعبداللـــه
عيب ياخوي ترى وصلنا لمرحلة أكبر من كذا حيل إذا أنت بتسرق قصايد وأنت على ماظن شاعر أجل وشــــ
خليت للعيال الصغار ....


أسف على الإطالة وتقبلوا تحياتي وإليكم القصيدة



وإذاااا ........ باقي ........ من الطلقات ....... طلقة ......... دخيلك حطها بين المحاني !!!



إذا لك شف في شوفي تراني

على شوفتك صحيت الأمــاني

نسيت الناس لكن مانســيــتك

عجزت أنساك حتى لوثـواني

عطيتك شيء ماهو عند غيرك

ولاقصرت ..... لكنك أنــااااني

أناأحبك وإذا ودك تـــأكــــد

شف الله كيف بيدينك هـداني

غيابك صعب والأصعب وجودك

وأنافالحالتين أتعب وأعاني

حبيبي لاتواخذني ولكـــــــن

أبيك تحط نفسك في مكـاني

إذا جيتك وأنامشتاق تقفــي

تجاهلني وكنك مـــاتــرانـي

وإذا صديت عنك وقلت أبرحل

وقف قلبك على الباب ودعاني

أناياابن الحلال أصعب حكاية

كتبني الوقت لكن ماقرانــي

مضى عمري وتقدر تعتبرني

غريب وفي زمن ماهو زماني

زماني راح مع نصفي ونصفي

نسى نفسه مع الوقت ونساني

اسافر حزن والصحبه ثلاثـــــه

انا والصبر وسهيل اليــمـانــي

وإذا مريت فبلاد الــطـفــولــه

فتحت الصدر للحزن وطــواني

هنا دمعة جرت من عين جاهل

هنا لاقيت همي والــتـقانــي

هنا باعتني الديرة وأهلــها

هنا ضحيت لفلان وجـفـانــي

هنا حاولت أصيح وماسمعني

سوى بعض الشوارع والمباني

اناياسيدي دقة ... قديــمــــة

بغيت اخذ من الوقت وخذانـي

على الانقاض واقف دون حيله

اشوفك وجهتي بين المواني

تعال وطف بيدينك حنيـنــــي

تملكني وانااشعل لك حناني

تعال وضمني ياتاج قلبـــي

دخيلك لاتخليني عشـــانــي

ومانيل المطالب بالتمــنـــي

ولكن شوفتك كل الأمــانـي

وقسم بالله لوموتي بيــدك

وأموت ألفين مره مـاكفاني

وإذا باقي من الطلقات طلقه

دخيلك حطهـا بين المـحــاني

صح لسانــك

فيصل كردي

*
*
*

هذي بلوة عظيمة

نعاني منها

لا ادري لم يحب البعض ان يتسلق على اكتاف غيره


لاتسكت عن حقك ..

وتابعه


تحياتي لك

نهر الشوق

فيصل الكردي

اهلا بك واهلا بهذه الحروف

التي تحمل خلف طياتها الغموض الكامل

تثبت القصيده للتحقق من حقوقها الادبيه

ولي عوده

اخوك

نايف الشمري

والله قهر ..

الواحد يبدع وفي النهايه ينسب الابداع والجهد لغيره

لا تحزن يا اخي فمن على شاكلت من ذكرت كثير

لك ودي ..