[align=center]]{جابر ابونا من عمر عرفناه…}
من طلعت على هالدنيا وهالويه السمح جدامي
19 سنه من عمري ماعرفت الكويت الا فيه،
بس بابا جابر طوول عمره كان ابو الكل ماكان لي بروحي،،
كانو كل البنات بالمدرسه ايسمونه بابا جابر وحتى اهالينا الكبار،،
من جذي ومن وانا صغيره عرفت ان ابو الكويتين ولما كبرت فهمت ان ابو الكل 0
حب بابا جابر كان يكبر بقلبي مو بس انا كل الكويتين كلما كبرنا كبر حبه بقلوبنا
ماكنت اقدر اتخيل ان في احد مايحب بابا جابر بس ابوي الله يرحمه كان يقولي:
على كثر مانحبه في ناس اتغار منه مجرمين حاولوا يغتالونه،
كرهتهم اناا،
بس بعدين عرفت من ابوي ان اللي يسوي خير ويخاف الله الناس اتحبه والله يحفظه،
وقالي ان بفضل الله نجا شيخنا وطلع بالتلفزيون واثار التفجير بويهه بس كان قوي ولاهزه شي طمن قلوب اهل الكويت، والكويتين بكل مكان ذبحو الذبايح على سلامته…
و مرت اسنين وصار الغزو… كان ابوي يذكر الغزو واحس القهر بعيونه،
يماعلمني ان اغلى ماعند الانسان ارضه اللي لازم يفديها بروحه ويحافظ عليه كان يقول
" والله ان الواحد مايسوى شي بدون ديرته بالغزو يابنيتي سمعنا حجي يعور القلب ومذلة حسبنا العالم كله ضدنا لين وقف الشيخ العود في هيئة الامم قال كلمته ودموعه تهطل وحنا معاه مثل مايبجي نبجي مثلنا مثله ، وقف العالم كله معانا وردت ديرتنا بفضله من بعد الله وفضل اخوانا،، ورد الشيخ جابر وسجد لله اول مانزل من الطياره ……."
كل هذا انا ماحسيت فيه كنت صغيره بس شفته بعيون ابوي الله يرحمه شفت الفخر بعيون ابوي كل ماكان يتكلم عن شيخنا عن عزتنا عن جابر الاحمد الصباح..
وارد اتذكر ابوي واهو يقولي ان مافي حاكم مثل الشيخ جابر
وشلون اهو رد حق ديرته بعد التحرير معزز بحب شعبه له ،،،
وقتها كانت ديرتنا مدمره ابارها شابه المباني مهدمه بس كلها 3 سنين وردها جابر الاحمد مثل قبل واحلى ،،
وكان دايما يقول ان بعد التحرير تعلمنا الوفا من شيخنا .. وفا جابر الاحمد بس حق اللي يستاهلون واللي مايستاهلونه بحقهم جريمه
هذا اهو شيخنا اللي رد لنا كرامتنا بعد ما رفض يستقبل اللي وقفو ضدنا عقب ماساعدناهم اهم وشعوبهم ويو ابساطه بعد التحرير يقابلونه ،
بابا جابر رفض لان شعبه عنده قبل كل شي ،،،
لاكلمة معظم ولاصورة على العمله ولاسلام اميري كان يهمه همه اهو هم الكويت واهلها 0
حجي ابوي هذا كان دايما ابالي عمري مانسيته
كان دايما ابقلبي كان اهو سبب فخري اني كويتيه
وولدت بحياة ابوي جابر الاحمد الجابر الصباح اللي عمري ماراح انساه ،،،
موبس انا كلنا احنا يالكويتين نشوف انفسنا غير جنه على روسنا ريشه، أي نعم على روسنا ريشه، على روسنا بابا جابر ، محد عنده شيخ مثله شيخ يحبنا ونحبه000
يوم الاحد 15\1\2006 لما ياه امر الله مالنا الاقولة الله يرحمك ويحللك ،
يوم صعب طويل بس مالنا الا الصبر والدعاء له
يوم تغيرت فيه ملامحنا صارت قلوبنا مطارات للحزن …..
آآآه ياصعب الحياه لما تحس باليتم مرتين … أي مرتين انا عشته مرتين
صباح يوم الاحد 15\1 كان صباح طويل حزين كئيب على الكويت واهلهاا وانا لللحين احس اني اسيرة ذاك الصباح اللي حرمنا من اطيب واحن قلب بالعالم……
اللهم ارحمه [/align]

مشكورره على الكلام الحلو و عضك الله اجرج واجر كل الكويتين

يسلمووو محمد عالرررد
واجرنا واجرك ياارب

[align=center]أختى

عسـوولة الكويــت

عظم الله أجركم في فقيــد الأمة

هلا فيك سـامر
ويسلموووو عالمشااركه

"عظم الله أجركم في فقيــد الأمة "
>>>>>>> اجرنا واجرك يارب

"والله يرحمـه برحمـته ويسكـنه فسيح جنـاته "
>>>>>>> اللهم آآميـــن


تحياتي
عسوله