كشته وتخيم وصرقعة بنات

بنت ksa · 25-12-2005, 02:17 PM

سلاااااااامز
مرحبا الف ترحيبة كنها هيييييييل <<وش عندها روبي

والله وحشتوني كثر ما عسوووول يحب العسل

والله العظيم اني قررت

<<شوي شوي لا يطق عرق فيك

نطلع كشته انا والبنات يا يعيني بس كشتتتتتته ولا على على الكيف

على قوولتهم على الباب يا بنات <<يالنصابه على الباب ياشباب

المهم طرتلي فكرت اني ارووح اناوبنات قلبي اوريهم معالم بلادي

والله من زمان عن الكشتات قلت وانا بنت ابووووي

وام الفزعات لازم نطلع للبر جيزنا جيز هالعيال

كل ماهذا قالوا احنا بالبر

نبي نخلي البر هذا للعوائل عشان مايرحوله غثونا <<تسمع بالنذاله

ويالله نبدا اتصلات مع البنات واشوى كلهم وافقوا

وكلنا تجمعنا في مكان وتاعدنا فيه

ايه نسيت قبل مامشينا دقيت على اخوي

عطني الهايلكس حقك مو راضي <<ناويه تسووق هي وخشتها

راحت امالي واندثرت كنت بسووق واطعس هناك ربي ما كتبه
قلت يالله وش اسوي واعدت البنات

المهم احنا بالطريق

يالله يابنات الدوسريه انتي تراك بتصيدين ضبان مافيه نقاش

الدوسريه :اقول ممكن تغيري الطلب

لا مافيه هع هع هع

ويا بشاير تعالي تراك انتي اللي بتطبخين وانا راح اساعدك اذا قدرت اساعدك
بشاير : والله من عنوني

وانتي ياترانيم انا قايلتلك جيبي البيبسي معك جبتيه
ترانيم : افا عليك انا ما انسى جايبته

ايه اشوى والله انك كذا

ومصفقه وش رايك تساعدين الدوسريه ايه تكفين صيدي ضبان معها

وانا رعيستكم قصدي رئيستكم بقشم فص فص واناظر واي وحده اشووف مانفذت الطلبات بنرسلها للبيت <<ارووح تهديد من يرسلس انتي

ويالله وصلنا للمكان المناسب واعجبني يعني بين طعسين قلنا عن الهوا اذا جى بالليل

وادفى << خبره 5سنوات

وبدت رحلتنا

لوووووووووووووول

شوفوا من شفنا معلي على المسجل على آخر شي ومن معه

كل البنات صارت خششهم ملتزقه بالقزازة السياره

((الله يعين من بينظف قزاز السياره ))
كل البنات خخخخخخخخخ

ياهووووووووووو
وش ذا السياره

توقعوا مين طلع
الهديب ولا جنبه تسوونامي
ولا جايبين معهم سمك بالشنطة
يعني لا تفوتكم ريحة السياره

والهديب فرحان بالسياره

محد يدري انها مستأجره وجايبها لزووم التكشيخ

وشوفو وش صار معنا بالبر

حطينا رحالنا وبوارقنا وقدورنا

والكل راح يتأمل في الطبيعه

وتفرقنى

وش تتوقعون هذا

مهووب فقع الا فقع هذا اللي يقولون عنه

ومادرينا الا الدوسريه جايه تركض معها ضب
والله شكله فله
الدوسريه:ابشركم شوفوا لقينا صيده

جى دور السنافيه بشاير يالله طلعي الابداع
بشاير يالله بسلخه لكم <<ياقوو قلبها

سوت كبسه على كيف كيفك والله انها راعيتها

محد كل منها الا بشاير كلت شوي وما اعجبها والباقي

كل وحدة طلعت من شنطتها سنكرز وكت كات وقعدو ياكلونة

فقالوا البنات مادام الثنائي المرح الهديب وتسوونامي طالعين للبر ورى مانرسله لهم

ارسلناه مع السواق ورجع بالقدر حتى الحكاكه مانشوفها

صدق من قال اكلتهم المفضله تف تف مشالله لا يقولون انظلونا

مادرينا الا وتمطر علينا <<مطر بعز الحر

وانواع السيول

شوفوا وشلون صار البر خساره ولا كملنا الكشته

طبعا الخيمه رحنا وخليناها
لان محد يبي يجيبها

كل واحد خايف على زبيريته <<اولهم انتي

-----------------------------------------

مقاطع صارت في القصة

مصفقه: كانت تصيح عشانها نست واقي الشمس حقها

بشاير والدوسريه :تخبرونا مشغلين المسجل وهز ياوز و جلسوا يتابعون اخبار الرياضة من بعيد لبعيد
حتى رصيد جوالاتهم خلص من كثر ما يدقدقون

تراينم: ماسكة كتاب وجالسة تقرا قصة حنا في بر يا حلوة مو تمسكين كتاب

انا : مسويه لي بسطة فص فص وحب وشاهي

ولا تحركت ولا شي ماغير اعزمهم يجلسون معي

والحمد الله على سلامتكم بغينا نرووح بخرايطها

<<<ناويه ترووح مره ثانيه

غـــــــــدو · 26-12-2005, 08:51 PM

ههههههههههههههههههههه

والله انك فله

خربتيها مره وحده انتي وياهم

طيب الطلعه الثانيه متى انشاء الله

عشان أخربها واروح معاكم

ههههههههههههههه

مشكوره أختي بنت على هالموضوع الرهيب

ونتمنى منك المزيد

أختك
غدو

!.. بَرًجَسْ ..! · 26-12-2005, 09:37 PM

هههههههههههههههههههههههههههههههههههههه

ههههههههههههههههههههههههههههههههههههه

خبال درجه اولى

:mo13:

اقول

ماجبت معكم طيران وعلوم كان خليتم السهره صباحي

ههههههههههههههه

اذا بغيتم تطلعون مره ثانيه

ازهمي علي يمكن يصير لكم بنشر بالطريق

ولاتعرفون تصلحونه

اكون موجود ماعليك ابتحفش وافك الكفر

<<<<<<< كذاب لامن بنشر ياخذ لموزين ويخلي السيارة

ههههههههههههههههههههههههههههه

مشكوره بنت بلادي

دمدم

H I T H A M · 27-12-2005, 02:33 AM

[align=center]لا مووووضع قوي وربي

لي باااك ان شاء الله عشان افصله تفصيل
:)[/align]

آهات عاشق · 27-12-2005, 02:41 AM


	نبي نخلي البر هذا للعوائل عشان مايرحوله غثونا

والله مو ناقص إلا ذا ههههههههههههههههههه

بسم الله الرحمن الرحيم وش ذا ....

يالله ماتكرهون شيء انتم يالبنات بالعافيه ههههههههههه

العن ابو الإغراء اللي بعد ذا {25 }

بنت السعوديه وربي موضوعك فري فري كووول.

سي يوووو

آهاات

بنت ksa · 27-12-2005, 04:51 PM

هلا والله غدو انشالله الطلعه الثانيه راح اعطيك مس كول عشان تجين معنا لان والله رصيدي مخلص

اهلين دمي الريم والله اقترحت عليهم هالاقتراح بس الدوسريه قالت امي ماطاعت تقوم الصبح تسخنهالي ايه على قولتك لازم معنا رجال عشان يطبخ لنا كبسة ضبان

امير الاحلام منور باي وقت يالغالي

اهات عاشق عليك صور ماادري وش تبي(نعم للعوائل لاللشباب هذا شعار طلعتنا

مشكورين حبايبي على مشاركاتكم