تعبااان انا بالحيل تعبااان...

مرتني الدنيا · 24-12-2005, 08:22 PM

هذا الموضوع برعاية "مريتو- بخاخ الربو الفعال"
شركة مرتني الدنيا وأولاده وأحفاده المحدودة

السلام عليكم ورحمة الله وبركاته..

مراااااااااااااااااااااااااااااااااااحب

دخول:

حبيتك تنسيت النوم ياخوف تنساني
حابسني براة النوم وتاركني سهرانة

صدقتي يافيروز

ياحبي للنوم يامن عين النوم بس ..

خلاص بطلت اصير ذيب مليت يعني عشان ذيب مانام..

لا والشايب ماشالله عليه كل ماشافني نايم قال خخخخخ لا

مرتني راعي نوم لا وكله كوم ولاجا يقومني يطب عليه الشعر

النوم للبيض والراحة...ومادري ايش{ 21}

يعني عشان اتمرجل مانام وبالله من بينفعني

بكرة لاجاني شي والا اغمي علي بتنفعني المراجل..

يازين النوم ...

انا اتحدث اليكم الان وانا لي اربع ايام مانمت الا 10ساعة فقط{34}

ذيب فل كامل خخخخخخخخخخخخخخخخخ

ياحظك ياثابت بس ماشاء الله عليك

مستودع نوم ياحظه يهب ياوجهه

فقاش وراعي نوم خخخخخخخخخخخخخخخخخ

للي مايعرف فقاش هذي معناتها الشخص اللي تعدى الكذب بمراحل

وفقاش مأخوذة من الفقش يعني القطع يقال :

فقش الرجل الجحة اي قطعها

والفقاش الكذاب المحترف هو من يقطع ويجزم بالامر

قايلن لاهلي ابي ادخل لغة عربية ماطاوعوني:mo13:

ماعلينا نرجع للفقاش سبحان الله لامل من النوم قام يفقش ولامل من الفقش نام

يعني يجيك واحنا مجتمعين ويشوف الجو رايق للفقش ويجيك بوحدتن

مال امها مطار يجيك تشوف شكله تقول بس الصدق كله عنده

مثلا مرة قاعدين ويجينا يقول تصدقون ياشباب

امس من كنا معزومين عنده !؟ عند وزير مثلا والا عند مسئول

والادهى والامر فقشتن ماهي يم درب

ذاك اليوم يقولي تشوف جنوط سيارتي توقع من شراهم لي قلت من ؟:kthermnha

وحدة خويتي <<< هذي ماتنرقع ابدا

والا كنت مسافر انا وامير للشرقية وطفر الامير وسلفته <<< خياله واسع

ماشاء الله عليه.

بس بصراحة بالسفر ممتاز ونييييييييييييييييييييس بس راعي نوم

يعني سافرت انا وياه مرة الصباح وانا كنت مواصل وانا اللي اسوق

وهو كان نايم ليله كله ويوم مشينا كم كيلو وهو اللي يسدح المرتبة

ويقولي عن اذنك عبدالرحمن ابتلين شوي قلت اوكي

وانا اللي اطفش واقعد اغني طبعا بما ان صوتي حلوووو

وهو اللي ينام له ابو ساعة كذا

ويصحى قلت عسى مازعجتك وانا اغني قال هو انت كنت تغني!؟

خخخخخخخخخخخخخخخخخخخخخخخ

اثاري الرجال ماسكن خط ومسكرن الدرايش

المهم ويوم وصلنا قبل الظهر بشوي قلت بانام لي شوي

ونصلي الظهر والعصر جميع

وهو اللي يجي عند راسي ومافيه نوم وخذ ياازعاج وفقش

انا طار النوم قلت خلنا نتغدا يمكن بعد الغداء يجيني نوم وتغدينا وصلينا بس

برضو ماجاني نوم قلت وش رايك نروح لخوينا ونتمشى قال طيب ونروح

ومانجي الا في الليل وخوينا ذبحه النوم قلنا نرجع عشان ننام ونرجع وهو

اللي يحط راسه ماشالله تقول النوم في مخباته وانا اتقلب يالله و بالله

وانا اللي انام خمس ساعات وبالمنة بعد

واصحى قبل الفجر واحاول بخويي الرجال حاط رجله وماصحى الا

قبيل الظهر ونفس برنامجنا اليوم اللي قبله وانا ابي انام مثل الخلق والعالم

المهم عزمنا على العودة لديارنا قلت وش رايك تسوق انت يقالي ابي انام

قال طيب ابي اقلده واسدح المرتبة واحط راسي ولاماش

حاولت اقلد اباءي واجدادي وافتح عين واغمض عين عجزت طلعت اجيد منهم

خخخخخخخخخخخخخخخخ

المهم وخوينا مامدانا نمشي 20 كيلو يوم دنوخ قال وش رايك تسوق انت

قلت اقول وخر هناك بس واتولى الطارة وهو يحط راسه وينام

المهم وصلنا ودخلت على اهلي وطالعوا بي شوي وقالوا لي من انت!؟

عيوني غايصة على بالهم ماهي فيه..:k:

تهيء تهيء ليش انا مايجيني نوم وربي معاناة

يمكن الفقش له دور بالنوم !؟

يعني يمكن تتعب من الفقش وتجدد نشاطك عشان فقش جديد

احتمال..

**تصدقون امس نمت شوي وتحلمت ان مدير شركتنا يشتغل عامل ببقالة
<<< اي هذ ي الحلوم اللي عليها السنع:36_11_6:

على فكرة ماكان لي خلق اكتب اي موضوع

بس يوم شفت ذكريات بكرة موجود وانا اللي تنفرج اساريري

له كم يوم غايب كنت باعلن الحداد ثلاث ايام عليه خخخخخخخخ

هو وموضوعه اللي فشلنا فيه صيدلية الناس تطيح على شي اكبر

دكتورة مديرة بنك سيدة اعمال ...

ذكرني بايام المراهقة خخخخخخخخخخخخخ

وهذي سوالف واحدن مانام يعني لاحد يدقق كثير

تحياتي...

مطنـــــش؟؟ · 24-12-2005, 08:33 PM

والله انك مهجول
انصحك بانك تناااااااااااام ست ايام للراحه بس
خخخخخخخخ

بعدين وش معنى مانفتحت نفسك الا لذكريات بكره

وحنا مالنا رب خخخخخخخخخخ

تحياتي لك خخخخخخخخخخخخخخخخخ

دلوعة نفسي · 24-12-2005, 08:55 PM

والله ياولد عمي موضوعك ذا مدري وش يبي
بس انا وكعادتي المصونه الله يحفظها ويرعاها لازم ارز فيسي في مواضيعك

نجوووووووووووله · 24-12-2005, 09:05 PM

هههههههههه
ما فهمت ولا شي من إللي قلتة
عالعموم مشكور عالموضوع المخربط خخخخخخخخخخخ

نجوووووووله

H I T H A M · 24-12-2005, 09:43 PM

[align=center]هههههههههههههههههههه

مرتني الدنيا بصراحه ما قريت الموضوع كامل
بس

لفتت نظري الجمله

ذاك اليوم يقولي تشوف جنوط سيارتي توقع من شراهم لي قلت من ؟

وحدة خويتي <<< هذي ماتنرقع ابدا

ههههههههههههههههههههههههههههه

طيب عرفوني عليهااا ههههههه

يالله حبيب قلبي ثبتلك الموضوع

وراجع بعد شويه افرفر فيه واتفحصه واردلك عليه
:D[/align]

مرتني الدنيا · 24-12-2005, 09:49 PM

اقتباس:

المشاركة الأصلية كتبت بواسطة مطنش؟؟

والله انك مهجول
انصحك بانك تناااااااااااام ست ايام للراحه بس
خخخخخخخخ

بعدين وش معنى مانفتحت نفسك الا لذكريات بكره

وحنا مالنا رب خخخخخخخخخخ

تحياتي لك خخخخخخخخخخخخخخخخخ

هلا مطنش وش دعوى الا لك رب

بس ذكريات متسلفن مني فلوس وخفت انه راح وجحدني

والا اذا عليه هو اي هين الا يسد النفس

الله لايحدك تصحى الصبح وهو بوجهك

والله ان يجون عيالك محرولين

يسلمو مطنش على تشريفك الحلووووو

تحياتي...

مرتني الدنيا · 24-12-2005, 09:54 PM

اقتباس:

المشاركة الأصلية كتبت بواسطة دلوعه نفسي

والله ياولد عمي موضوعك ذا مدري وش يبي
بس انا وكعادتي المصونه الله يحفظها ويرعاها لازم ارز فيسي في مواضيعك

يبي القرب خخخخخخخخخخخ

والله يابنت عمي لاتدققين كثير مثل ماقلت لكم

يعني خرابيط واحد نعسااااان من قبل امس

الله يسلمك يابنت العم على التشريف الحلوووووو

تحياتي...