الجماهير النصراويه الغاضبه تهشم وتكسر سيارة مشجع هلالي بالكامل

وافي بزمن خاين. · 21-12-2005, 10:55 PM

مساء الخير

قامت جماهير نصراويه غاضبه بتكسير وتهشيم سيارة مشجع هلالي بالكامل

حصلت المشكله عندما قام مشجع هلالي برفع علم الهلال فرحاً عقب مباراة النصر الوحدات اللتي انتهت بالتعادل 1/1
ولقد كانت رد جمهور العالمي قويه حيث هشمو وكسرو السياره بالكامل وهي من نوع كامري 2005
المشجع الهلالي أستغرب الموقف وفر هارباً الى رجال الامن الذين لم يستطيعو فعل شي أمام الكم الهائل من الجماهير النصراويه الغاضبه الذين لم يبتعدو عن سيارة المشجع الهلالي الا بعد ان اطلقو رجال الامن عدة طلقات بالجو

على فكره الخبر لم أنقله ولا شي الخبر والقصه صارت قدامي
بصراحه هذا المشجع يستاهل حقه وماجاه
ومثل مايقولون على نفسها جنت براقش

تحياتي لكم
وافي

ابوشيخه · 21-12-2005, 11:07 PM

مساء النور اخوي وافي

بلاده وغباء واخلاق في النازل من جمهور النصر
والجماهير السعوديه عموما ً

بصراحه الوضع حاليا ً اصبح قبيح ومخجل

يعني انت هلالي وانا نصراوي وهذاك اتحادي واللي قبله اهلاوي

وبعدين ؟؟؟ راس مالها كوره

برايك هل تستحق انها تجلب عداوه وحقد وبغضاء

تاصل لحد تكسير ممتلكات الغير ؟؟

والى كرههم ...وتمنى السوء لهم ؟؟

يظل رفع علم فريقه المفضل والتلويح فيه حق مشروع له ولغيره من المشجعين

سواء كان المشجع الهلالي هذا ( قليل حيا وعديم الاخلاق ) او كان قمه في الاخلاق !!

التفاخر بفريقه حق مشروع له ..

حتى لو كانت المباره ليس لها علاقه بفريقه ؟؟

برايك ما ذا لو كانت جماهير النصر اكثر تعقلا ً وتركته وكانها لم تراه ؟؟؟

اقل شي سيحصل ...ان المشجع هذا يستحي على وجه ...ويترك الحركات الصبيانيه هذه ..

وبكذا نحل مشكله التعصب بأسهل الطرق ؟؟؟

يا ناس الى متى وشبابنا لهالدرجه هذي من التخلف

كوره يا ناس راس مالها كوره ...

بقولك شي اخوي ..صحيح اني حاليا ما اهتم للكوره ابدا ً

لكني سابق متابع كبير .. وتحديدا ً الى كأس العالم 98 وبعدها توقف حرصي على الكوره

يعني عاشرت جماهير كثير

لكن بمثل الحاصل الان

من غباء وبلاده في التفكير ما عمري شفت ؟؟

تحياتي لك واسف وانا اخوك على الحماس في الرد

لكني مقهور نوعا ما خخخخخخخخخ

وافي بزمن خاين. · 21-12-2005, 11:16 PM

^
^
^
هلاااا وغلاااا
ابو شيخه
شاكر لك مروورك
وردك المنطقي

ولكن النصر في مهمه وطنيه
مب شرط تشجعه لان كلاً يشجع اللي يبي ولكن ان ترفع علم غريمهم التقليدي الهلال قدامهم وقدام جماهير متحمسه وغاضبه وهذا بحد ذاته غباء وتخلف من مشجع الهلال وبصراحه ردة جمهور النصر طبيعيه ومعقوله 100%
وأعتقد لو فعلها احد من جمهور النصر امام الهلال سيكون رد جماهير الهلال مثل رد الجمهور النصراوي
وهذا حال جماهير الديربي في كل مكان بالعالم

كل اللي اقدر اقوله
ان المشجع الهلالي يستاهل الضرب لانه تعدا حدوده
وكفوووووووووو ياجماهير العالمي
وهذا يمكن يكون درس قاسي للجماهير السعوديه (( وجه مبتسم ))

تحياتي لك
وافي

‏عــــــــابر الخاطر · 21-12-2005, 11:24 PM

يعطيك العافية وافي على سرعه تنزيلك للصور
والاخ بصراحة يستاهل ماجاه
وش حادة جاي بين الجماهير النصراوية ويطلع العلم
اوكية روح رياضية البعض يتقبلها والبعض بيحط الحرة فيه ههههه

يعطيك العافية اخوي

وافي بزمن خاين. · 21-12-2005, 11:32 PM

اقتباس:

المشاركة الأصلية كتبت بواسطة عابر نت

يعطيك العافية وافي على سرعه تنزيلك للصور
والاخ بصراحة يستاهل ماجاه
وش حادة جاي بين الجماهير النصراوية ويطلع العلم
اوكية روح رياضية البعض يتقبلها والبعض بيحط الحرة فيه ههههه

يعطيك العافية اخوي

^
^
^
والله يا عابر انا من الناس اللي كنت ناوي احط الحره فيه
بس يوم شفت أمة محمد تجمعوا عليه أبعدت وجلست أناظر وأضحك :D

مشكور على مروورك
وافي

عاطل عن العمل · 21-12-2005, 11:40 PM

ياخوي لو انهم تحفظو عليه وخلوه رهينه عندهم او اسير حرب كان احسن 00

بصراحه والله الجمهور معذور 00 مقهورين من مستوى النصر ومن النتيجه ويجي المتخلف هذا ويرفع علم هلاله وسط الجمهور 00

بخصوص المباراه انا اقترح يقشوووو جميع الاعبين ماعدا الحارثي 00

والله شكل الجنوبي ماراح يترك النصر الا اذا جاني جلطه 00

تشكر111ت

عاشق نواف · 21-12-2005, 11:41 PM

والشكر . . . :)