حلال .. حرام .. انا اقول حلال .. وانا قلت حرام ,, وماراح فيها الا احنا يالله المستعان

حلال .. حرام .. انا اقول حلال .. وانا قلت حرام ,, وماراح فيها الا احنا يالله المستعان ; جنة العام [align=center] السلام عليكم ورحمة الله وبركاته مساكم الله بالخير كيفكم إنشاءالله بخيريين وحشتوني يامعفنيين اليوم موضوعي راح يكون مو غير لأنه بصراحه حديث الساعه او بالأصح حديث السنه هالايام حتى المصاريا يتكلمون فيه بقولكم سالوفه ومن خلالها ( حلوه خلالها راح تعرفون الموضوع عن شووو ) هذا الله يسلمكم اخوي قبل كم يوم كان في البنك <<< احسن الي اخوه كاش يقول تخبرون كالعاده سامبا لازم تاخذ رقم وتجلس 3 ساعات الين اليوم ... الين اليوم وانا عندي امل فيهم ... ولا مر يوم ... ولا مر يوم الا في تحريهم الله يرحمك ياذكرى المهم تاخذ رقم وتجلس الين ينادون رقمك ... طبعاً وانت جالس بيجي كم واحد بيجلس بجنبك ,,, الي ريحته تجيب الهم والي بثر يرفع الضغط والي بيجلس يتسمع مقاطع بالجوال ورافع الصوت يعني بالعربي عاهاااااات ... اللهم لك الحمد يارب الحاصل في الامر ان اخوي جلس ينتظر وكان بجنبه مصري متسعود شكله تووه ماخذ الجنسيه ... ليتهم ماسمحوا بالتجنيس المهم المصري مسوي فيها يتكلم سعودي عاد تخيلوا المصري وهو يضخم صوته الله يطول عمرك الله مير يحييك ... يامن شرى له علة من حلاله ويقلب الامثال ويقلب السوالف على كيف كيفك يقول وانا جالس الا يتلفت علي المصري وهم طبعا جالسين يتابعون قناة cnbc العربيه الإقتصادية يقول المصري وده يسولف قال والله ياخوك يا انا نمر بطفرة اسهم والله مانخليها تفوت مثل مامرة الطفره على وقت الملك خالد الله يلعن ابو من سعودك يا البصطرمه يقول اخوي قلت له : اي الله يسهل يبي يصرفه قال لاخوي المصري : وش رايك وش تنصح بالاسهم ,,, المهم دار الحديث بينهم عن الأسهم وما ادرك من الاسهم ياما ناس طلعوا من صالة الاسهم بالإسعاف الله يكفينا الشرر يارب قسم بلله الاسهم عندنا تقول قمار تتطالع حسابك تلاقيك ربح 10000 ريال ومبسووووط وتتطالع مره ثانيه الا مبطبطه الله لايبطبط اسهم من يعز علينا انا عندي عيال اختي الصغار واخوي الصغير العيد الماضي جمعوا عيدياتهم وصار عندهم فائض وكنا نتكلم بالبيت عن الاسهم ,,, الحاصل في الامر قالوا نبي نساهم تخيلوا اخوي الصغير يقول انا اصغر مساهم مضارب بالسعوديه جمعوا عيدياتهم وعطوها اخوي وقالوا اشتري لنا اسهم يميين بلله واحد منهم يقول اشتري لي بسيسكو سامع ان في زيادة براس المال توه عمره 8 سنيين بس يسمعنا نسولف قال ياولد مابدهاش لازم ندخل بعالم الملايين مثل الناس ... الله يرزقه ويرزقنا صار إذا جاء من المدرسه على طول يحط على cnbc ويسأل امي هاه يمه كم اليوم سيسكو اشغلنا كلها سهميين واقلقنا حتى بالليل السوق مقفل يقول حطوا بشوف فلوسي زادت ولا لا وعيال اختي كل واحد طاق له باللجين ومنقهرين من اخوي ما ارتفعت اسهمهم مثل سهم اخوي ياحبيلهم الأسهم وما ادرك من الأسهم اختلطت فلوسنا بالشركات ... وضعنا بين فتاوى المشايخ منهم من يقول هذي الشركه حرام لا تضارب فيها والثاني يقول لا حلال ضارب فيها بس طهر من الارباح والثالث يقول يجوز تضارب بس ما تأخذ ارباح والرابع يقول حلال كلها وحلال ارباحهاااا وما ضاع الا حنا يالمواطنيين ماندري من نتبع !!!!! واخرهااااا شركة ينساب مثل ما انتم شايفيين هاليوميين الشيخ المطلق يقول حلال العصيمي حرام الشبيلي حلال الفوزان حرام ........... الخ ضعنا ياناس والله يعني يوم الجمعه كان الشيخ الفوزان بقناة المجد يقول حرام والشببيلي على السي ان بي سي العربيه ويقول حلال مع إخراج نسبة الإيرادات المحرمة فيها، أما الأرباح الناتجة من بيع السهم فلا يلزم التخلص من شيءٍ منها. بصراحه شيء غريب .... وين دور الدوله هنا ؟؟؟ صح انهم علماء ومن اجتهد فيهم واصاب كان له اجرين ومن اخطاء كان له اجر بس برضوا المفروض الحكومة تتدخل وتحسم الامر الي اشوفه انا واراه والرأي لي المفروض ان الدولة مثل مافي دار الأفتاء تنشأ مجمع للعلماء مختص بالمعاملات البنكية والشركات ودراسة القوائم المالية ويتكون هذا المجمع بما لايقل عن 25 عالم من العلماء المتخصصيين بالمعاملات البنكية مثل ابن منيع .. والمصلح .. والقري .. والفوزان .. والشبيلي .. والعصيمي .. والمطلق ............. الخ اللهم لك الحمد يارب عندنا من العلماء الثقات كثررر الله يزيدهم يارب وفي الامور الي مثل الاكتتابات ... القروض ... التورق ... الخ يتجتمعون وتصدر فتوى واحده باسم المجمع الفقهي وبختم العلماء حسب إجماعهم والاكثريه يؤخذ برايهم وخلاص تنحل المشكله مو كل ماطلع شيخ بقناة قال حلال ولا حرام وضاعوا الناس بينهم خلاص تصدر فتوى وإذا سأل اي شيخ بالتلفزيون او بالجريده يقول فتوى المجمع الفقهي مايقول حسب مايرى هو بكذا تنحل المشكله هذه المعاملات يعتمد عليها إقتصاد بلد كامل وظائف جديدة بتنشأ ... نهضة بلد وشلون تترك الدعوه سايبه كذا والجرائد بكل صفحه فتوى حلال والصفحه الثانيه حرام بصراحه المفروض يتتدخل مجلس الإقتصاد الأعلى ويحط ضوابط على الفتاوى ماتترك عايمه كذا ... خلاصة الموضوع <<< اخيراً خلص ارى والرأي لي وكل واحد حر برايه ارى انه يجب وضع حد للوضع هذا ,,, وخصوصا انه في عام 2006 فيه 60 شركة جديدة سوف يتم الاكتتاب عليها يعني لو استمر الوضع كذا بنشوف لايقل عن 150 فتوى بين حلال وحرام ومختلط الوضع صعب ... صعب .. صعب وحنا اللهم لك الحمد شعب مسلم نخاف على انفسنا ولا احد يبي الحرام ولا احد يبي الربا لو نبي الربا كان حطينا فلوسنا من زمااااااااااااااااان بالودائع الله يحمينا يارب ويرزقنا بحلاله عن حرامه الى هنا انا فضفضت وقلت مافي جعبتي هلموا الي بما في جعبكم عسى جعبكم الفقع إنشاءالله ويلله فتكم بعافيه [/align] [align=right] ملاحظه : الموضوع سبق وكتبته قبل كم يوم ,,, اول نسخه منه كانت خاصه لمنتدى قلبي بس لاسباب الحذف اللا مقصود صار مدري وش صار بس ترى الموضوع مكتوب بمنتديين اخرين واحد بنفس النك والاخر بنك تسوونامي ولذلك جرى التنويه [/align]

منتديات قلبي > .•:*¨`*:•. ][ المنتديات العامة][.•:*¨`*:•. > جنة العام حلال .. حرام .. انا اقول حلال .. وانا قلت حرام ,, وماراح فيها الا احنا يالله المستعان

الاسم حفظ ؟ كلمة المرور

الصفحة 1 من 2 1 2 >