| | | |
| |||||||
 |
 |  |  |  |
| القصص والروايات المنقولة قصص عربية , قصص أطفال , قصص غراميه , قصه قصيره , قصه طويله , روايات , قصص الانبياء , قصص واقعية , قصص من نسج الخيال , قصص موروثة , حكايات عربيه , قصص طريفه , قصص السيرة , قصص الأغبياء , والكثير |
 |
| | LinkBack | أدوات الموضوع | انواع عرض الموضوع |
18-12-2005, 01:58 PM
| #1 (permalink) |
| قلب فعّال  تاريخ التسجيل: Feb 2005 الدولة: البحرين وسط العين
المشاركات: 1,042
 |  غلطة عمري (قصة بحرينيه). قصة قرأتها في منتدى ديرتي اللي انا ساكنه فيها القصة فيها قدر كبير من الاحداث الواقعيه.. و بتكون على اجزاء.. و انشالله اذا شفت تفاعل مع القصة راح اكملهه و وانزل باقي الاجزاء.. انشالله تعجبكم و اجوف التشجيع.. يلا نبدأ بسم الله.. ملاحظة :القصة منقووووولة, اذا شفت اقبال عليها بكملها واذا لا ما راح اكملها -------------------------------------- الجزء الأول جواهر.. بنت طيبه و سنعة و اخلاقها ما فوقهه فوق.. و من عيلة عريقة في البحرين.. و هي في اول سنتهه الجامعية و تدرس علوم كمبيوتر في الامارات العربية المتحدة.. نوف اخت جواهر الاصغر منهه و هي الحين في سنتها الاخيره في المدرسه و كذلك اخوهه التوأم عبدالرحمن .. فارس: اخو جواهر العود.. يدرس في سنته الاخيره في الجامعة و يستعد للعمل في شركة ابوه.. و امووووووووونه الشيطوونه اللي تارسه البيت فرح بشطانتهه و سوالفهه اللي ما تنمل منهه.. و من هني تبتدي احداث القصة: - تتجمع العايله في بيت بو فارس و بالتحديد في الصاله و يتعالى صوت الضحك و السوالف و طبعا حمان اللي كان يستعرض انواع الاستهبال و ينكت عشان يسوي جو حلو في الصاله.. بوفارس: الله يقطع بليسك يا حمان ما تيوز عن سوالفك.. كل ذي يطلع من وراك و انه مادري هههههه ام فارس: اي ولله عاد حاسب يا وليدي تره المدرسه مو حق لعبه شد حيلك عشان تييب مجموع عالي و نفرح فيك يا يمه.. عبدالرحمن: لااااااااا يمه من صوب الدراسه لا تشيلين هم تراني شاد حيلي من اول السنه عشان افرحكم و ارفع راس ابوي.. ام فارس: عسى الله يخليك لي انشالله.. عبدالرحمن: و عسى الله لا يحرمني منج يا احلى ام في الدنيا كلها.. # و يروح كل واحد لحجرته عشان ينامون لأنه اليوم الثاني عندهم قعده من الصبح الا فارس اللي تم سهران طول الليل.. ----------------------------------------------------- و في ثاني يوم الصبح كان فارس قاعد في الصاله شارد التفكير و طبعا كان يفكر في السالفة اللي ماخلته يرقد الليل "مريـــم بنت عمه" ام فارس: وه شفيك يا وليدي قاعد من صباح الله خير!!! فارس: تعبااان يا يمه مب قادر ارقد الليل.. تم فارس: عسى مااااشر يا وليدي شفيك؟ فارس: احبهه يا يمه و خلاص ابي اخطبهه ام فارس: شنوووووووو؟؟ اصصصص قصر صوتك لا يسمعك ابوك و يذبحك.. ينيت انت؟ نسيت اللي سوا فينه عمك؟؟؟ كبر عقلك يا فارس و فكر بعقلك مو بقلبك فارس: و شذنبي انه و مريم ننظلم عشان مشاكل عائليه اساسها الفلوس و اصلا الخير موجود و انه ماتهمني الفلوس كثر ماتهمني مريم.. الله يهداكم بس ام فارس: اسمعني زين يا فارس.. محد يقدر يكسر كلمة ابوك في هالبيت و مانبي مشاكل ثانية.. مو ناقصينك احنه.. و لاااا عاد تفتح هالسيره مره ثانية.. ترى مابي السكري يرتفع على ابوك.. يكفيه اللي فيه.. فارس ( و عينه في الارض): انشالله يمه ام فارس (و هي ميودة كتف ولدها): انساها يا فارس و انه مستعده اخطب لك احسن بنت في الديرة.. بس انساهه! فارس: ...................... # و يروح فارس حجرته و تروح الام المطبخ عشان تجهز الريوق حق عيالهه و تقول حق الخدامة تصحي حمان و امونه و نوفه من النوم --------------------------------------------------- في الغرفة يدور هالحوار بين بو فارس و ام فارس.. بو فارس: خير يا ام فارس شكلج مو على بعضج.. ام فارس: خير بويهك.. لا مافيني شي بو فارس: 20 سنه من عمري قضيتهه معاج و تقولين لي مافيج شي؟ و تراني سمعت الحجي اللي بينج و بين فارس.. ام فارس: صـــــج؟! اااااااخ منك يا فروس.. بس لا تضايق روحك يا بو فارس.. ترا راس مالنه في هالدنيا انت و هالعيال.. بو فارس: لا ليش اضايق روحي.. فروس توه شباب و مايفهم في سوالف اكبر منه.. بس طليتج يا ام فارس.. قوليله ينساها خييييييييير شررر و ترا ليرجع على سالفة طير يلي!! هاااااااااذي حواجز من سنين و لا اهوه و لا غيره بيقدر يكسرها.. ( و النرفزة بدت تظهر على ملامح بو فارس).. ام فارس: بس بس يا بو فارس.. انسى و اعتبره تركها من هاللحظة.. بو فارس: ايه و قوليله اذا ماشال عينه عليهه اني لي معاه حجي ثاني ذيج الحزة.. ام فارس: خلااااااص يا بو فارس هونهه و تهوووون.. # بو فارس يرش عطره على الثوب و البشت و بروح لشركة و ام فارس حاطه يدها على راسهه و تفكر حال ولدها و البلوة اللي ابتلت فيها... ------------------------------------------- ام فارس تقول حق روحها.. مايندرى شخبار جواهر حبيبة قلبي.. خلني اتصل فيهه.. و تشيل التلفون و تتصل في بنتها.. جواهر:الوووو ام فارس: هلااا حبيبتي شلوووووونج يمه.. صباح الخير.. جواهر: صباااح النوووووور.. عاش من سمع صوووت القمر.. وحشتييني موت يا يمه.. ام فارس: و انتي اكثر والله بين بقلوبنة مكانج.. ابوج كل يوم يسألني متى بترد جواهر.. البيت خالي بدونج.. جواهر: ههههه تسلمين لي يمه.. الله لا يحرمني منكم يارب.. ام فارس: يلا اخليج انه عيل.. حطي بالج على دراستج زين.. جواهر: انشالله يمه.. انتي تامرين امر.. ام فارس: يله عيل امنتج الله.. جواهر: مع السلامه يالغالية.. ------------------------------------------- الاحداث عند جواهر في الامارات: يرن تلفون جواهر النقال.. جواهر: الووو محمد: هلااااااا والله.. يا الف هلا و غلا.. عااااااش من سمع هالصوت.. جواهر: منو؟؟؟ محمد؟ محمد: اييييه يا روح محمد.. جواهر: انه جم مره قلت لك لا تتصل فيني؟ انت ماتفهم؟ محمد: والله يا عمري ماقدر.. ياااما حاولت و حاولت بس ماقدر جواهر: محمد.. تره العابك ماتمشي علي.. انساني قبل مايصير شي اكبر من اللي تتوقعه.. و تره العلاقة اللي بينه علاقة زماله في الصف و مستحيييييييييييل تصير شي ثاني محمد: انه العب عليييج؟ حشى! و اذا تبين اخلي امي من اليوم تروح تخطبج من اهلج في البحرين بس ريحي بالي.. ابي الراحة و راحتي بدونج يا جواهر مستحيلة!! جواهر: اسمعني زين يا محمد.. و خل كلامي دايم في بالك.. انهه مابي اخون ثقة اهلي فيني و ابي اكمل دراستي على خير.. و اللي تبيه تأكد انه ماراح يصير.. عندك كلام ثاني؟ محمد: ايه بس انه مب قصدي ازعجج او اضايقج و الله يعلم اني مابي غير سعادتج جواهر: و بعدين يا محمد؟ لازم اصك التلفون في ويهك عشان تستحي؟ محمد: اوكي اوكي حبيبتي بس هدي اعصابج.. جواهر: حبيبتك؟! ينيت انت؟ حبتــك القــرادة.. ( و تصك التلفون في ويهه) # و يظل محمد في حجرته و يفكر و يقول حق نفسه: هاذي اللي لازم اكسر راسهه و اخليهه لعبة في يدي.. صبري علي يا جواهر الا اخليج خاتم بصبعي.. ------------------------------------------------------- في غرفة جواهر: مرام: جوجو شفيج شكلج مو على بعضج؟ جواهر: هالخسيس حمووود اللي مايستحي كل يوم يتصل.. صج ماعنده سالفة.. اااااافففف ودي ادوس في جبده من القهر مرام: اوهووووووو.. شفيه ذي.. صج مايستحي على ويهه.. لازم نييب احد يأدبه و يسنعه.. جواهر: اي وانتي الصاجة.. تصدقين يا ميمي.. صبيان هالايام صارو بدون حيا.. خصوصا اللي في الجامعة.. كل يوم سالفة يديدة مع نذل يديد.. خلااااااااااص تمللت انه ابي ارجع البحريـــن ماقدر اواصل يا ميمي ماقدر.. و تنزل دمعتين من عين جواهر لأنهه تذكرت الاشاعات اللي طلعت عليهه في الجامعة.. مرام: ( تحضن صديقتها جواهر): تعوذي من بليس يا جواهر.. تعوذي من بليس و خلي هالنذل يولي.. جواهر: اعوذ بالله من الشيطان الرجيم.. مرام: خلاص راح افرش على الارض و ارقد في غرفتج الليله.. جواهر: ولله انج اعز صديقة,, ماعرف شلون برد لج كل اللي قاعده تسوينه.. مرام: افاا يا جواهر.. اذا ضاقت عليج الدنيا ترى عيني وسيعة.. جواهر ( و ترسم ابتسامه ): ولله حيرتيني بطيبتج مو عارفة شاقول.. مرام: لا تقولين شي.. بس احين انتي رقدي لانه وراج دوام باجر الصبح.. و انه بعد بارقد.. # رقدت مرام و جواهر كانت تحاول ترقد لكن التفكير بمحمد شغلها و خصوصا انه اهم شي عندها هو شرفها و سمعتها الطيبة و طاعة ربها و انهه ماااتخون ثقة اهلها بها في الغربة.. و عقب تفكير طويل و سهر طول الليل نامت جواهر و في عينهه دمعتين من البلاوي اللي حلت عليهه --------------------------------- صحت مرام من النوم و جافت جواهر راقده و ماحبت تقعدها لأنها تعرف ان قلب جواهر رهيف و ما يتحمل وايد مشاكل فقالت تخليهه نايمه و تروح هي الجامعة.. و عقب... صحت جواهر و قررت انها تشبك عالنت و كانت تحاجي نوفه اختها بالمايك الى ان راحت نوفه تنام العصر فقعدت جواهر بروحهه... و فجأة في لحظة سرحت جواهر تفكر في محمد مره ثانيه و مصايبه.. طااااااااااااااااااااااااااااخ طااااااااااااااااااااااااااخ ( صوت الباب ) جواهر: بسم الله الرحمن الرحيم.. مييييمي؟ الله يغربــــل بليسج!!! خرعتيني!! جم مره اقولج لا تبطلين الباب بهالطريقة!!!!! ميمي: ههههههه شفيج جوجو عصبتي.. عبالي انج ليلحين نايمة و محد في غرفة الكمبيوتر.. و فجأه يقطع صوت مرام رنة تلفون جواهر و كان رقم غريب.. جواهر: الوووو المتكلم: يا حلاة هالصوت جواهر: انت؟؟ نعم؟ محمد: بس سؤال واحد و انه بصك التلفون جواهر: شعندك؟ محمد: ليش ماحضرتي الدوام اليوم؟ والله خليتيني احاتيج.. مايخصك انه حضرت ولا ماحضرت.. اي استفسار ثاني؟ محمد: انزين متى بتنامين؟ جواهر: الحييييييين.. (وتصك التلفون في ويه محمد) # و محمد يقول بداخله: ااااااااخ لكن وين بتروحين مني. ----------------------------------------------- و راحت جواهر عالنت مره ثانيه.. و كانت اون لاين في المسنجر.. و بينما هي تحاجي صديقاتها اللي كانو معاها في الثانوي لقت بنت ضايفتها.. طبعا جواهر قبلت الاضافة لأنها تحب تتعرف على بنات.. كان اسم البنت مها.. و مع الايام تطورت علاقة جواهر بها و اخذت تقولها كل شي يصير لها و لكن بعيدا عن الاشياء الشخصية جدا.. مثلا ماكانت تقول لها رقم تلفونها او اسم عيلتها او تطرش لها صورتها رغم الالحاح من مها.. لكن خوف جواهر كان اكبر من الحاح ندى و خصوصا ان الهاكرز زادو في الفترة الاخيرة.. في البحرين.. المقع: بيت بو فارس.. نوف: يمـــــــــــــه لحقي.. ام فارس: اللهم اجعله خيرا.. شفيج نوفه؟ نوف: يممممممممه جفت فروس اخوي مع مريووم بنت عمي في المطعم.. ام فارس: شنو؟؟؟؟ مستحيل.. هههه اصلا فارس منزمان نسى مريووم.. نوف: يممممممه جفتهم بعيني الثنتين.. والله العظيم! و متأكدة.. ام فارس: شنوو!! (و تقول بعصبية): و اهمه الحين في المطعم؟ نوف: مادري يمه انه طلعت من المطعم خفت فروس يجوفني و يعرف اني موصله لج الحجي.. ام فارس: يلا تعالي معاي نوف: ويييين يمه؟ ام فارس: المطعم بعد وين نوف: لالاااا يمه بس انسي السالفة أم فارس: انطمي انتي و تعالي يللا ------- هاا وش رايكم اشوف ردودكم واكملها واشوفكم في الجزء الثاني اذا شفت عليها اقبال تحياتي الحاره مطلع شمس |
|      |
|
21-12-2005, 01:52 PM
| #5 (permalink) |
| قلب فعّال تاريخ التسجيل: Feb 2005 الدولة: البحرين وسط العين
المشاركات: 1,042
|  غلطة عمري قصة بحرينيه (الجزء الثاني) وهذا هو الجزء الثاني لعيونج ++++++++++++++++++ الجزء الثاني # و تروح ام فارس المطعم و تجوف بعينهه فارس مع مريم على طاوله وحده يتبادلون الضحكات بس اهمه ما لاحظو و طلعت الام من المطعم و اتصلت في فارس و قالت له يرجع البيت بسرعة لأنها تبيه في سالفة ضروريه.. --------------------------------------- الموقع: بيت بو فارس: ام فارس: فرووووس.. خلاص من اليوم و رايح لاتكلمني.. فارس: شفيج يمه؟؟ شقاعده تقولين!! ام فارس: عقب اللي سويته اليوم.. اكتشفت اني مالي مكان في قلبك فارس: لا يمه لا تقولين هالحجي انتي تاجر راسي و ماعاش من يزعلج ام فارس ( و الدموع ماليه عينهه): لو صج كان لي غلا جان ماسويت اللي سويته اليوم.. # فارس نزل راسه في الارض و راح يستسمح من امهه و حب راسهه.. ام فارس: يا فارس يا ولدي تدري اني مالي احد في هالدنيا غيركم و مابي ابوك يعرف السالفة.. خلنا عايشين براحة احسن.. بس ماهقيتك تسوي هالشي من وراي و انه اللي امدح فيك جدام الكل فارس: بس يا يمه اللي س.... ام فارس: لتكمل.. يا ولدي لازم تختار.. يا احنه.. يا مريم.. و بكيفك! بس تأكد انك اذا تزوجتهه مالك مكان بينه و انسانا.. فارس: .......... --------------------------------------------- #رجع بو فارس البيت و حاولت ام فارس قد ما تقدر انها تبين له انها طبيعيه و مو متضايقة من شي و مر اليوم على خير و استعد كل واحد للنوم.. ----------------------------------------------- و في منتصف الليل.. الموقع: غرفة فارس: #كان فارس يكلم مريم في التلفون.. فارس: خلاص يا مريم بجن مو عارف شاسوي.. مريم: معليه يا فارس.. اصبر.. الصبر زين و ماتعرف الايام اليايه شنو تخش لك! فارس: ماقدر يا مريم ماقدر.. المشاكل تزيد يوم عقب بوم.. مريم: و الحل يعني؟ فارس: نطلع برع الديره و نتزوج و نكون انفسنا هناك و نرتاح من مشاكل الاهل اللي مالها اول ولا تالي.. مريم: لاااااا يا فارس.. اهلك هاذلين اللي ربوك و ضيعو 20 سنه من عمرهم عشانك.. مستحيل ارضى بهالشي.. و انسى هالفكره يا فارس.. و خلاص من اليوم و رايح ماراح اكلمك و اح انتظر الى ان الله يفرجهه و نكون حق بعض برضا الاهل مو بمعارضتهم.. مهما صار ما بنخيب ظن اهالينا فينا.. يله يا فارس قوم صل لك ركعتين و تعوذ من بليس.. و انسى رقمي و لا عاد تتصل مره ثانيه.. فارس: بـــس انه احــبــج يا مريم و مستعد افدي بالغالي و الرخيص عشانج.. مريم: و انه بعد آحـ......، اعوذ بالله من الشيطان الرجيم.. اكو اذن الصبح.. بروح اصلي. و تذكر ان مهما صار راح تبقى ولد عمي و عزيز على قلبي.. في امان الله.. فارس: مريــ--- و فجأه ينقطع الخط.. # تروح مريم تصلي الصبح و تدعي حق ربها ان يكتب لها فارس كزوج.. لكن فارس ضل يفكر و يفكر في مريم و الطريقة اللي توصله لها برضى اهله و اهلها و مالقى حل فقرر انه ينساها و يشغل روحه بأشياء ثانيه و يملئ وقت فراغه عشان يقلل من التفكير فيها.. ------------------------------------------ في صباح اليوم الثاني:- فارس: يبه.. بغيت منك طلب.. بو فارس: خير يا وليدي؟ فارس: بغيتك تشغلني في الشركه.. بو فارس ( و تظهر عليه علامات الاستغراب): الشركه؟ ليش؟ لا يكون رسبت في الجامعه و مو ناوي تقولي؟ فارس: لااا الله لا يقول.. بس عندي وقت فراغ طويل و حبيت اشتغل في الشركه عشان امليه و عشان اتعود على اجواء الشغل مره وحده.. بو فارس ( و تظهر ابتسامه عريضة على شفايفه): هاي الحجي السنع.. كفو يا ولدي.. و النعم فيك.. فارس: الله ينعم بحالك يبه.. متى الشغل؟ بو فارس: من الحين اذا تبي فارس: هههههههه.. لا يبه شدعوة خلني ارتاح اليوم عاد و باجر راح اداوم انشالله.. بو فارس: على راحتك.. ايه عاد الحين اقدر افتخر فيك جدام الناس فارس ( يحاول ينسى حزنه و يرسم ابتسامه للمجامله) # و يروح بو فارس للشركه و يرجع فارس حق حجرته و ينام.. ---------------------------- الموقع: شقه جواهر: ظلت جواهر تقضي الساعات في المسنجر و هي تكلم مها و كانت الوحيده اللي ماتتملل منها و بعد ماتقربت من مها و في يوم من الايام.. مها: هههههه يا حلوج يا جواهر.. عسى الله لا يحرمني منج جواهر: و انتي بعد مها: جواهر بصراحه انه ابي اقولج شي منزمان بس مب عارفه شلون ابتدي.. جواهر: افا يا مها.. يعني تستحين مني صرتي و لا شنو؟ مها: لا الله يعلم انج مثل اختي بالضبط و يمكن اكثر جواهر: تسلمين يا مها مها: جواهر.. اوووه مب عارفه شلون ابتدي جواهر: شفيج مها؟ اول مره اجوفج بهالحال!! يله هاتي من الاخر! مها: جواهر انه احب!!!!! جواهر: شنووووووو؟! ( و علامات الاستغراب باينه على ويهها).. شلون و من و ليش ماقلتيلي؟ ماهقيت اني بدون قيمه عندج.. و اصلا توقعتج اكبر من هالخرابيط يا مها!! طحتي من عيني! مها: لحظة لحظةخليني اشرح لج.. لاتفهميني غلط.. جواهر: شنو اللي تبين تفسرينه يا مها؟ مها: لتخافين علي يا جواهر.. علاقتي معاه ماتتعدى حدود المسنجر.. و انه عارفه شلون اتحكم بروحي معاه.. و هو يحبني و انه احبه و الاهم من هذا كله انه علاقتنه ما تتعدى حدود الله جواهر: ماقدر اقول غير الله يهنيكم مع بعض.. مها: من طيب اصلج والله.. و اتمنى اني ماكون طحت من عينج.. جواهر( دمعت عينهه في هاللحضة شفقه على حال صديقة عزيزه عليهه و قالت حق روحهه: ياربي.. مافي احد من البنات محافظة على روحها.. مادري شلون يروحون يكلمون هالشباب.. يله الله يهديهم انشالله و ينور دربهم) مها: جواهر؟؟ مهما: جواهر وينج؟؟ جواهر: انه موجوده هني مها: عيل ليش سكتي؟ جواهر: لا مافيني شي.. بس مها بغيت اسألج سؤال.. مها: شنو؟ جواهر: انتي واثقه من اللي تسوينه زين؟ مها: مادري يا جواهر مادري.. صرت ماعرف الصح من الغلط جواهر: شنو ماتعرفين!! صاحيه انتي؟ فكري في اللي تسوينه زين قبل ما تندمين.. مها: والله يا جواهر قصدنه شريف و لايروح بالج بعيد جواهر: اهوه ناوي يخطبج؟ مها: والله مادري و اهوه ليلحين ماياب سيره الموضوع.. لكن اكيد.. جواهر: تأكدي منه يا مها.. تراني مو قصدي اتدخل في علاقتكم بس خايفة عليج لأنج عزيزه و غاليه. مها: تسلمين با جواهر.. لا تخافين و لا توصين حريص.. جواهر: الله يسلمج.. انا رايحه انام.. توصين على شي؟ مها: لا سلامتج.. بس اتمنى انه ماتكونين شايله في خاطرج علي جواهر: لا والله عادي.. حياتج و انتي حره فيها.. مع السلامه.. مها: الله يسلمج # ظلت جواهر تفكر في حال هالدنيا و الناس و اللي قاعد يصير.. و فجأه قطع تفكيرهه تلفونهه اللي رن! جواهر: الووو نوف: هلا والله بأختي و حبيبتي جواهر: نووفه.. شلوووونج؟ وينج منزمان ما اتصلتي! افااا.. خلاص نسيتيني!! نوف: شسوي بعد هههه مشاغل الحياه.. جواهر: اللـــه!! هاذي و انتي ياهل و عندج مشاغل عيل لي كبرتي شبيصير عندج!! نوف: هههههههه انزين خلينه من خرابيطج و برزي روحج.. تراني يايتج في الويكند.. جواهر: هاااااا؟؟ صـــــج؟؟؟ نوف: ليش لا يكون ماتبيني؟ جواهر: لا لاااااااا ابركهه من ساعه.. يلا تعالي بسرعة مو قادره اصبر نوف: يه كل هاذي حب! جواهر: هههههههه بس عيل لا تيين نوف: لالا مو كيفج بايي.. جواهر.. يلا ناطرتج انه عيل.. بروح عندي جامعه نوف: اوكي يله تحملي بروحج.. جواهر: انتي بعد.. و سلمي على الاهل كلهم.. نوف: الله يسلمج جواهر: باااي.. # و ردت الروح حق جواهر من عقب الحالات النفسيه السيئه اللي مرت فيها.. ----------------------------------------------- و عقب شهرين.. في البحريم.. و الموقع بيت بو فارس في الصاله: بو فارس: السلام عليكم.. العائله كلها: عليكم السلام.. بو فارس عندي لكم هديه النجاح.. عيال بو فارس و هم يحيطون بأبوهم: شنووو يبه.. بو فارس: اول هديه حق فارس لأنه تخرج من الجامعه بأمتياز و الله يعلم شقد رفع راسي و شقد انه مفتخر فيه.. فارس: لااا يبه انه مابي هدايا كفايه فرحتكم بو فارس: لااا عااد هذي هديه غير فارس: ههههه و شنو اهيه؟ # بو فارس طلع صندوق صغير من مخباه و عطاه ولده و فارس راح و فتح الصندوق و لقى.. فارس: يـــبـــــــــه؟؟ مفتااح سياارة من هاذي؟ بو فارس: سيارتك يا ولدي؟؟ فارس: شنووو؟ انا في حلم ولا علم؟؟؟؟؟؟؟؟؟ بو فارس: و تستاهل اكثر يا ولدي.. فارس.. االلــــــه.. عاد السياره اللي كنت احلم فيهه طول عمري مره وحده!!! مشكوووووووووووووووور يبه و مااااتقصر..! # و راح فارس و حب راس ابوه و طلع يجوف السياره.. امونه و نوف و عبد الرحمن: و احنه يبه؟ انجوف نسيتنه!! بو فارس: هههه لا شلون انساكم.. انتو هديتكم سفره حق لندن و ايطاليا.. و ساااد البيت كله فرحه عامره و لكن فجأه.. نووف: و جواهر يبه؟ بو فارس: انه كلمت جواهر و قالت انها ماراح تقدر تيي لأنها راح تاخذ كورس صيفي.. نوف: اوووه خساره بو فارس: يلا بعد شنسوي.. احسن لها.. ----------------------------------------- الموقع: شقة جواهر: # تطورت علاقة جواهر بمها و صارت مايمر يوم الا و كلمتها عالمسنجر فيه.. و قررو انهم يتلاقون في مطعم الساعة 4 العصر.. و عند الموعد...... # جواهر تدخل المطعم و اول واحد تلاقيه محمد و تشهــق.. و تطلع برع المطعم و تحاول تتصل بمها و لكن كانت واتشيله.. و رجعت جواهر الشقة و هي تحاتي مها لأنها تخاف انها راحت المطعم و قعدت بروحها.. و رن تلفون جواهر و مكان رقم محمد.. جواهر: الو نعم؟ محمد: ههههه جذي الواحد يرد عالتلفون؟ بدالة انتي؟ جواهر: يا ثقلك!!! محمد: اش هالصدفة الحلوه اليوم؟ جواهر: ( تصك التلفون في ويهه كالعادة) # و تروح جواهر عالمسنجر و تلقى مها محد.. و تقعد تسمع اغاني و فجأه وصلها مسج من مها يقول.. سوري جواهر ماقدرت ايي اليوم لأنه امي تعبت شوي و كان لازم اوديهه المستشفى.. مره ثانيه انشالله.. باي.. ----------------------------------------------- و اليوم الثاني الليل شبكت جواهر عالنت و كانت مها اون لاين.. مها: يا هلا و غلا.. جواهر: هلا فيج حبيبتي.. شخبار خالتي اليوم؟ انشالله احسن؟ مها: اي الحمدلله جواهر: الحمدلله.. مها: ابي اقولج شي يا جواهر.. جواهر: امري.. مها: ارجوج لا تزعلين او تاخذين الموضوع بحساسة.. فهمي الموضوع بقلبج قبل ما تفهمينه بعقلج.. جواهر: يلا قولي يا مها.. مها: خلا ببدأ من الآخر.. جواهر.. يلا مها: جواهر تذكرين لما قلتلج من فتره اني احب؟ جواهر: اي.. مها: احبج انتي يا جواهر.. انتي و بس! جواهر: مهاااااا؟؟؟؟؟؟؟؟؟؟؟؟!!!!!! شفييييييج؟؟؟؟!!! شقااااعده تقوووووووليــن؟؟؟؟؟ مها: انه مو مها.. انه محمد.. جواهر: محمد؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اي محمد!!!؟؟؟ محمد: محمد اللي ميت فيج من سنين..! جواهر: .................... # من الصدمه جواهر ماعرفت شتقول لأنها كانت صدمة واااااااايد قوية لها و بسرعة حظرت مها او بالأحرى (محمد) و حذفته من قائمة الاعضاء على المسنجر و ظلت تصيـــــــح على سريرها طول الليل و تفكر بالمـشــاكل اللي راح تصير لها من ورا محمد.. فما كان منها الا انها تفتح دفتر اشعارها و تكتب: آآه آآه يا دنيا غريبه.. تاخذ الهم و تجيبـه.. و تزرعه وسط قلبي.. و حتى شينـك ما تعيبه.. آآه، آآه يا عالم أناني.. تبددت كــل الأماني.. كل هذا الكون ضدي.. وين أروح أنا بزماني؟.. وهذي وردة لكل قارئ متميز ومتواصل انتظروا الجزء القادم وتراني انتظر ردودكم تحياتي الحاره مطلع شمس |
|
| |
|
21-12-2005, 06:33 PM
| #6 (permalink) |
| ..๑][سوآر الياسميـنے][
تاريخ التسجيل: Jun 2003 الدولة: مصـر ،، أم الدنيـا السن: 18 الجنس: أنثى عدد النقاط: 14475
المشاركات: 4,501
 | [align=center] الـ،،،ـلآمـ عليكمـ .. عزيزتي مطلـ ع الشمــ س .. حبوبهـ يا ريت الاجزاء الجديدة تنزل على شكل ردود جديدهـ .. عشان ما يصير زحمة بالقسم .. و اللي يقرا القصة يقراها كاملة على بعضها .. فراح ادمج الجزئين .. روزي[/align] |
|
| |
|
| مواقع النشر (المفضلة) |
 جديد منتدى القصص والروايات المنقولة |
| |
| أدوات الموضوع | |
| انواع عرض الموضوع | |
|
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| قصهـ قصيره & تموت ضحكـ | selen | القصص والروايات المنقولة | 6 | 08-11-2007 02:11 AM |
| يكفـيني أحساسي.. قصهـ, من كتاباتي ... | صـ م ـت المشاعر | القصص والروايات المنقولة | 87 | 06-08-2007 12:37 PM |
| كيــــف تكتــب قصهـ!!! | ..البرنـــس.. | القصص والروايات المنقولة | 9 | 21-12-2006 12:22 PM |
| ^^ طـــوولـــتـ الغيبــــة ياشمــس عمـــري ^^ | مروق البال | درج الياسمين | 21 | 28-07-2005 11:45 AM |
| @ ليت عمـــري فـــدوة لعــــيونها @ | اغراب | خفقات روح | 4 | 16-12-2002 11:20 PM |
العرض العادي
