بسم الله الرحمن الرحيم

السلام عليك ورحمة الله وبركاته ::

اليوم شباب وبنات وهاذي اول مره فيها انزل موضوع غير الشعر المهم جايب لكم اليوم موضوع للنقاش وهو::

((((المغازل او الترقيم ))))

بدون مقدمات و مقبلات نخش في الموضوع على طول الحين اللي احنا نشوفه في مجتمعنا من بعض الشباب

والبنات هداهم الله قله الحياء يعني ما عاد احد يستحي فيهم بعض البنات اذا جت بتروح للسوق طقة هل مكياج

وطلعت هلعيون اللي كناها براميل بويه



المهم وطلعت من البيت يمكن يكون غرضها شريف وبعض الشباب بعد اذا جاء بيطلع لطخ شعره من ذا الجل الين

يصير شعر راسه كنه طرف مكنسه محترقه وطاقتها الشمس الين قالت بس


المهم وتعال شف اذا تجمعو مثلا في سوق وشاف له وحده ويقعد يترزز قدامها وتضيع علومه ما عاد يردي وش

يسوي يروح كل تفكيره في ورقه يكتب فيها الرقم المسكين

>>>> ترى جواله عنيد ما فيه بلوتوث قديم ورقه واكتب عليها الرقم

وحتى بعض البنات مهوب الشباب بس فيه بعد بعض البنات يدورن الترقيم والغزل تعال شفهم اذا تجمعو في عند

وحده في البيت وطبعا لا ننسى وجود 5 كيلو حب وكل وحده تصقع بها العلك ((( تجتر )))



المهم تقعد كل وحده تتكشخ بحبيبها مثلا الاولى تقول

((( والله انا حبيبي ما فيه منه مملوح معه سياره كشخه طبعا كابرس موديل 2006 Ss )))

>>>>>>> اجل ددسن


والثانيه تقول :::

(((( والله انا حبيبي معطيني رقم سوى مميز وكل 3 ايام يعطيني شحن ))))))

>>>>>>>> البنات وسوى العشق الابدي

والثالثه تقول :::

(((((( والله انا حبيبي ما بعد طلبت شي وقال لي لا اصلا من يوم ما اشر اشاره بس جابه لي وانا ما بعد قلت شي )))

ويله وسجل عندك من المدح واخر شي يتهاوشن ويتمعطن ذا الكشش وتقعد كل وحده مصره انا حبيبها احلى واحد

بعد لاننسى الشباب ايييه الشباب وما ادراك ما الشباب تعال شفهم اذا طلعو على اي شارع (((( الدائري ))))

اول شي تلقى الشيشه مرتزه و4 ببسي العائله وورقه بلوت ويله واسمع من ذا السوالف

الاول :::

(((( والله انا حبيبتي عليها صوت لو تسمعه يا شيخ تصير قوطي صلصه منطول في الشارع ومدعوس )))

الثاني ::

(((( لا انا لو تشوف شعرها اذا هبت عليه نسمة هوى وطار يا شيخ ان تحقد على شعرك وتروح لااقرب حلاق وعلى طول مووووووس ))))

الثالث :::

((( اما انا عيونها لو تشوفها بس تصير كفر متقطع وبدون جنط بعد ))))



والحين انا ابي اسئلكم سوال وخلونا نتناقش فيه اللي هو :::

من هو المسؤل في فن الترقيم او المغازل الشباب او البنات ؟؟؟؟


ملاحظه :::

((((( اتمنى ما احد يزعل من الكلام اللي انا قلت بس كل القصد المزح وتبين الصوره فقط لا غير ))))

هييييه محروم الرياض


الحين باللله تقدر تعيش بدون خويه


حبيبي حط براسك شي واحد


الزمن هذا زمن مصالح ونادرا من تلقى اثنين يحبون بعض


انت تاخذ من البنتاللي ببالي بالك

وهي تاخذ بطاقه او غيرها


والمثل المنتشر بين البنات الحين


الدفع قبل الرفع هههههههههههه



يسلموووا محروم الرياض

وعليكم السلام ورحمه الله وبركاته ,,


^
^

اخوي محرووم الرياض منور القسم العام بهالطله ,,


^^

من هو المسؤل في فن الترقيم او المغازل الشباب او البنات ؟؟؟؟




الاثنين مسئولين عن فن الترقيم او المغازل ..!!


مانقدر نلقي باللوم فقط على البنات وعلى طريقة لبسهم ومكياجهم ,


ولا نلقي اللوم على الشباب وحركاتهم في اللبس والشعر واستعراض السيارات والتليفونات وغيره ..


كله يعتمد على التربيه وعلى الاخلاق .. يعني انا اجوف شباب يمرون عليهم بنات شبه عريانيين ومع هذا ولا يحركون فيهم شعره ولايحطون عينهم بعيون هالبنات ,,, .. وفي العكس ... شباب يمرون عليهم بنات محترمات ومحتشمات ويتحرشوون فيهم ولايتركونهم في حالهم ..!!


وطبعا هذي غير ان في بنات اهما بانفسهم يتحرشون بالشباب ,, صحيح النسبه قليله ولكن ماننكر وجودها ..!!


^
^

الله يهدي الجميع يارب ,,


وكل عام وانت بخير ,,


^^


تحيووووتي:)

يعطيك العافيه اخوي سن توب 007 على ردك يالغالي

..



مستحيل الشاب ياخذ من البنت شي الا بالقدر اللي هي تسمح فيه ..



والبنت المحتشمة في لبسها وربي ما احد يقدر يرقمها ولا يآذيها ..



لكن هي كلمة اقولها ..




وربي ما الوووووم الشباب .. كل اللووووم يقع على حثالة من البنات ..



اسأل الله ان يهديهم او يزيلهم..



محروم الرياض..


اشكرك لجرأة الموضوع وروعة الطرح ..

دمت بخير ..