سلمى وانا والليل

[ALIGN=CENTER]
السلام عليكم ورحمة الله اهديكم هذه القصيده وعسى ان تنال اعجابكم
والمعذره على التاخير او اذا كان بها ش من التقصير ولكم تحياتي

الليل صبحي والعرب ليلهم ليل
اما انا ليلي بسلمى مسايه

انا انتظر صبحي معاها تهاويل
هي منوتي بل غايتي هي سلايه

جفن شكى من شارد النوم والويل
وجفن يناشد زينة الخلق ايه

ان قلت زينه صفوه الحسن والجيل
وان جيت باوصف جاوبتني المرايه

نجمه ويعكس ضوها الجدي وسهيل
والليل يروي من سناها الحكايه

سبحان من صور حلاياه بالحيل
.حتى نثرت بحسنها لي روايه

يسقيك ياوقتن لنا العام بالسيل
شفت الهنوف وسلم القلب رايه

كان القمر من جنها ضو قنديل
لولا الحياء طريت ستر اللوايه

اهديتها في ذالك الليل منديل
كتبت فيه بدم قلبي وصايه

عاشق جمالك عشقة العين للميل
-هذا الامل تكفين خلك معايه

انا طموح بشوفتك والتواصيل
جودي علي ونظرتك لي شفايه

شلت الغلاء في ودكم والمحاصيل
.مهما يصير بحالتي والنهايه [/ALIGN]انا رضيت بقدرة الي على النيل
دور السنة والنيل يعطى هدايه

لو كان حظن لي معاكم غرابيل
فالنفس وما يكتب من الرب جايه

السـلام عليكم .


ويعطيك الف عافية .

اخوي وصح لسانك . (بعد راسي والله ) .

والى الامام دوما .





اخوك عسانى مانحرم منك

هلااا ومليوون غلااا الـــــهـــــرم

يعطيك العافية وصح اللسانك

قصيدة وافية وكامله والكامل وجه الله

اللة لا يهينك


وفي انتظار جديدك

لك كل التقدير والاحترام

اخوك / الغـــــــــ كــــلة ـــــــــلا

صح بدنك اخي عساني مانحرم منك والله لا يهينك على المرور والاطراء

الطيب والله يقدرنا على تقديم ما يحوز على رضاكم وتقبل تحيات

اخوك الــــهــــرم

عزيزي الغلاء كله لاهنت ولاشنت وصحىبدنك واشكرك

كل الشكر للمرور والاطراء الطيب ولك تحيات اخوك الـــهــــرم