ما شفتم اخر الموضات عند البنات

لاشك في ان البعض او الاغلبيه منا يحب ان يتبع الموضات فمنهم من يتبع الموضات الجسديه كعمليات التجميل اوتغيير ملامح الوجه اوا الاوشام او مالى ذلك

ومنهم من يتبع الموضات الضاهريه (تتغيير اللوك) كلبس ملابس غريبه او تسريحة شعر او تعليق

سلاسل في الرقبه واليد والرجل؟؟؟؟

او يتبع الموضه في اللهجه كالجملة التي انتشرت مؤخرا بين الناس ( يس افكورس مان )

والواحد والله لو تسأله عنها مايدري يفكرها اسم الرز بالبنقالي

والله لواجلس اتكلم من الحين حتى تتزوج جدتي مهره (على فكرة ترا زواجها الاسبوع الجاي في فندق انتر كونتينتيتنيتيتنيتينتينتينيتال )والله جد (الكذب حراااام)

ماخلصت من ذي الموضات وذي الخرابيط

والله اني اقوم الصباح متاخر عن الدوام سنه واجيك مدرعم تقول دينه محمله ثيران جايه من جيزان

والبس الثوب بالمقلوب والشماغ القاه في المطبخ كانت الخدامه تمسح به الصحون والعقال في الحوش يحسبونه العيال دركسون والطاقيه معلقه فوق المروحه (على قولتهم لعبه اللي يرميها وتتعلق فوق المروحه )


؟؟؟؟ وش دخلكم انتم بحياتي صدق اني ابله (الاعلى طاري الابله ماهوصحيح معناها غبي وسبيكه واهبل ؟؟؟ اجل ليش يسمون المدرسه اللي تدرس ابله )

افا وامي تقول بزوجك ابله حصه وانا بغيت انجن من الفرحه (ابله مره واحده ) ماني مصدق

بس ماكذبت ذكرى يوم قالت (وافق شنن طبقه ) الله يرحمها وش جابها هنا


حنا بغينا نروح نعتمر في مكه ورحنا مدائن صالح نتمشى(على فكرة تدرون وينها فيه ؟)

نرجع لموضوعنا الي مادري وش هو .

احس فيه موضه انتشرت بين البنات بشكل فاحش ومقزز ومحزن في نفس الوقت للضحايا مثلي وشرواي (شرواك الطيب )

الا وهي ان الولد يجيك يرقص سامبا على اغنية نسيناكم لراشد الماجد (كيف تجي )

ابقولكم ليه ؟؟؟

ماصدق انه رقّم له وحده وقال احنا الحين بنسير مثل روميو وجوليت (ليتهم رقدوا ذيك الليله ابوك وامك والاقلبوها مطاردة ولا فكروا انهم يجيبونك)


ويجلس يكلم البنت مادري كم شهر ويدس الرقم ويحط لجواله رقم سري عشان ماحد يسرق الرقم (يغار) واذا طلبته الجوال قال اسف فيه حاجات خاصه (لا تشرهون عليه البنت هبلت به )

وبعد شهر يجيك يلعب في جوال خويه وقال فكره خلني ادق على البنت عشان اشوف بترد على رقم غريب ويوم يدق الرقم الاويلقى رقم البنت مخزن عند صديقه ومسميها في الجوال مطعم الفخار

اثاري البنت تكلم عشره شباب وخذ لك من بطاقات السوا (ام ثلاثميه ) الحب اعماهم

عاد تقوم المشكله بينهم وماادري وش يصير (خلاص خلصنا )



والاتجيك البنت تبكي وتصيح وهي تكلم عاد الولد اول مايسمع الصياح تجيه النخوه افا وانا ابوفرنوس


وش فيك ؟عاد هي تدلع لا لا مافيه شي

والله لتقولين وش فيك وبعدين تقول البنت والله اني مستحيه (باين) وماادري وش اقولك لكن امي في المستشفى صار عليها حادث مع السواق وانا ابي اكلمها وماعندي رصيد وابي اشتري لها هديه (تتفاول على امها عشان بطاقه ومسويه نفسها انهم عندهم سواق .اصلا ماعندهم سياره )

عاد هو يبي يسوي نفسه كريم ورجال (الا غبي وابله ) ابشري بعزك

ويرسلها بطاقه سوا و 5000ريال ويقول معليش تراها قليله تدرين ان الصراف مايسحب الا 5000في اليوم الواحد وهو كذاب راح يبيع سيارته (هونداي اكسنت)


وتاخذ البنت الدراهم ووينك ووين الفيصليه تشتري لها ميك اب بـ1500ريال وتلقاه اليوم الثاني في ا

اسواق مكه بـ250ريال ويجيها سكته قلبيه وتموت وتنتهي قصة الحب

المهم يابنات لا تلعبون علينا خلونا نحب (ابي احب )(انقلع حبتك القراده )على فكره وش القراده

امي قالت لي انها الجراده باللهجه المصريه .(من جد)

وخلوكم طماعين شوي مو مره يعني بطاقه في الشهر والولد يشوفك في الشهر مرتين

ماتقولون لي لا بطاقه كل اسبوع وبعد الصيفيه نتقابل واذا انتهت الصيفيه تقولين اسفه انا ماني من اهل الرياض بس كنت اصيف (احد يصيف بالرياض )

والله لواني الراجحي كان امداني في حراج بن قاسم اتقمقم

(عاد انا بسوي مشروع بطايق زي سوا والله خلال سنه وانا اشغل حق مايكرو سفت سواق عندي )



اح اح اح اح اح معليش احس ان الكمبيوتر انحرق يله مع السلامه






شباب وصبايا

انا اسف كل الاسف اذا غلطت على احد ولكن اللي يزعل الله لايهينه يقوم يجيب لي مويه ويدق براسه في اقرب جدار (تخيل الموقف )


انتظر الردوووووووووود

المرسل / ســــــــــــــــــــــــــن تـــــــــــــــــــــــــــوب

ههههههههههههههههههههه

واذا سألت وحده وش اسمك يالغاليه؟


قالت ناني ولا مدري وشهو


مانقول غير علينا يارفعه

هههههههههههههههههههههههههه






ههههههههههههههههههههههه




هههههههههههههههههههههههه





والله انك صدقت



يعني البنات تغيروا فعلا




الله يكفينا شرهن



آمين




تحياتي...



مرتني الدنيا...

هههههههههههههههههههههههههههه يسلموا شباب على الردود بس باقي نبي نسمع البنات وهذا هو الاهم