وراء كل ابتسامه ساحره .. تفشيله باهره..!!؟

عربجيـــــــــه · 11-08-2005, 02:49 AM

[align=center]
{ 15}

في يووووم ليس كجميع الايام.... يوم غريب اشرقت فيه الشمس متغير لونها للبرتقالي!!... يعني مريضه
(احلفي اذا مريضه برتقالي... طيب اذا هي عاادي وش يصير لونها؟؟)المهم قالت لي امي تجهزي يابنيتي الغاليه اللي مالي غناة عنها ابد(إيه يصير خير) بنرووح عند ناس نتحمد لبنتهم السلامة..توها والده ...واكشحي زين (العبارة الاخيره هذي داايم تنقال للبنات في الحالات التالية اذا أهل العزيمة كاش وعندهم عيال أو إذا البنت كبرت وقاعدة على قلبهم للحين ماعرست أو إذا بنات البيت وااجد فيبوون يفتكون الأهل من الدرزن اللي عندهم بأسرع وقت و بأي طريقه :qowyah:).. عااد أنا من الطفش ما صدقت خبر وطرت لغرفتي (صاير لي قرن ماطلعت من بيتنا)...يااربي شلبس وطلعت أحلى ماعندي وكشخت فيه واخذ من هالمكياج :qlbe23:واعبي وجهي لين
يووم خلصت ماعرفت من أنا؟؟{#!}{#!}...المهم والعدساات والكعب والتنوره القصيرة (والاخيره ضرورية لإبراز المفاتن والإغراءات ):baaa2:المهم وبعد التكشخ والتفسخ قالت أمي يالله أخوك عند الباب ينتظر..طبعا انا خاالصه مابقى إلا العباايه والشنطه ام لمعه (لزوم الكشخه)ولبست عبايتي حقت المهمات الصعبة اقصد الطلعات الغير شكل طبعا انوااع التخصر والألوان ويوم ركبنا السيارة تناهى إلى مسامعي (حركات أنا وتناهى ذي ........!!)صوت اخوي :confidentيمه وش ذا العبايه اللي لابستها أختي ..خليها تغيرها...فستان ذي ولا عبايه ؟؟! رديت انا :معليش اخوي هذي عباية الكشخه يعني وين بنروح الحين من بيت لسيارة لبيت ...!! قال:معصي والله .. تطلعين وأنتي لابستها تفشل متشوفين أنتي... روحي فيها عند الناس واقعدي فيها تلقينها اصرف من اللي أنتي لا بسته:qowyah: انزلي بس غيريها ..أخيرا تدخلت أمي :أقول خلصنا متأخرين بعدين هذي أخر مره تلبسها .. قلت : أيه صدقني هذي آخر مره البسها (إيه هين دافعه ألف وزود عليها ما البسها قال):qlbe7:..المهم مشى اخوي من ورى خشمه ووصلنا لبيت الناس وعقب ما خلصنا واستعرضنا دقت أمي على اخوي إلا اخوي يقول لها انه السيارة خربت عليه وانه مايقدر يمر... دبروا أعماركم ارجعوا مع خالتي قالت أمي طيب .. ويوم جينا نمشي خلاص ..قالت أمي يالله بنرجع مع خالتك ...قلت: يمه بس خالتي بتروح للسوق أول..قالت أمي:ادري بس شنسوي مالنا الاهي ماعندنا احد يرجعنا..أخوك وسيارته خربت.. ويوم ركبنا السيارة ودريت أن رايحين السوق رايحين..لامفر.. وأنا بديت تحلطم ووجع راس ... {4 }{4 }يمه وشو نروح السوق خلينا نرجع البيت أنا لا بسه كعب وما راح اعرف امشي ولا ياسلام مكياج عالا خير وربي الناس بتفطس علي ضحك بيقولون هذي ناويه تروح عرس بس غلطت بالنمرة.... يمه تكفين !!.. خاله تكفين خلينا نرجع...!! بس ماش لا حياة لمن تنادي.... ويوم وصلنا السوق ...فاتحتها وبدايتها خير من أول مانزلت إلا بذيك الموجه من الهوا مابقت شي فيني ماطيرته وطارت العبايه ......وبانت السيقان ......وما بقى هندي عند الباب ماطير عيونه فيهن (الظاهر ذكرتهم بسيقانهم)
وأنا ماامسك طرف إلا طار الطرف الثاني:blushing:... ويوم دخلت من عند البوابة مسكت بنت خالتي وقعدت اسب الله ياخذ اليوم اللي طلعت فيه ...الخ ..ألا والمح ابتسامه ماكرة :Dعلى وجه السيكوريتي وأناظر بوجهه ودي بس اتوطى ببطنه :mad:إلا أن الوقت لم يسعفني (أيه قلتي الوقت ...)وأكملنا المشوار الكل ماشي إلا إنا في آخر السرب ويمشون وامشي ورآهم ودي أناديهم بس يكفي شكلي النووكته بعد اعلي صوتي واصارخ تكمل والله ....وكلن يناظر فيني كني جايه من كوكب ثاني:ops:{#!}..وتجي بنت خالتي ..وتصاارخ ..يالله اخلصي أنتي وها لمشيه وش رايك تسرعين أمي وخالتي بعدو عجلي...قلت لها مادوك تنطمين تشوفين التنوره قصيرة وضيقه ... :

والعبايه أضيق شلون امشي بسررعه بالله !!؟؟...قالت :كيفك ترى برووح وأخليك ..فانقلبت اللهجة :k:فجأة: لا منور واللي يرحم والديك خليك معي يكفي هالبقر اللي بس يبحلقون فيني... قالت من ورى خشمها :طيب بس حاولي تسرعين:still_dre..وأنا ببطئ عشانك...المهم مرينا بممر ضيق ...حسيت بعيون تناظر فيني وتتابعني بقوه التفت:qlbe13::what: ...لقيت ذاك الشاب اللي مطير عيونه علي ..ويوم التفت أعطاني ذيك :Dالابتسامة اللي تطيح الخروف من السماء(وش جاب الخروف للسما؟؟!!)ويوم شفته وتلاقت نظراتنا :inlove:قمت اغني وبكل رومانسيه:confused: ...حبيبي ارب بص وبص بص ..وبعد بص خذ راحتك داامي كاشخه...وفجأة...

طراااااااااااااااااااااااااااااااخ

:after_boo
وشوووووووووو؟؟

وش سادحني بالأرض ..اخ ليش رااسي يوجعني..؟؟:after_boo

وين الناس...مااشوف احد؟؟
:ops:
ويوم قمت مالقيت حوولي إلا فلبيني المحل يقول لي وهو ميت ضحك .:qlbe5:..انتا مسكين مافي شووف ..هذا قزاز نظيف مررره ...
ايش ؟؟ صدمت بباب المحل علبالي مفتووح؟؟.....{#!}{#!}{#!}
لاااااااااااااا....تفشيله محترمه..واسمع صووت ضحك من بعيد طلع أمي وخالتي وبناتها متبرين وراايحين ابعد شي و فاطسين ضحك علي..:baaa2:
خلااااااااااااااص....ماابي اشووف احد... خاصة الشاب المملوح أبو ابتسامه ساحره.. وعقبها قمت ولملمت أجزاء وأشلاء وجهي المتناثرة بعد التفشيله المحترمة وما رفعت رااسي ابد...لين وصلت السيارة...
ومن هذا نستفيد أن وراء كل ابتسامه ساحره تفشيله باهرة ...
ودمتم سالمين[/align]

عاشقة فن · 11-08-2005, 03:23 AM

هههههههههههههههههههههههههههههه
هههههههههههههههههههههه
ههههههههههههههه
هههههههههه

>>>>>>>>>>>>>>> ماتت من الضحك

عربجيه
مشكووووووووووووووره على الحدث الروعه خخخخخخخخخ

تعيشين وتاخذين غيرها

عاشقة فن

عربجيـــــــــه · 11-08-2005, 03:26 AM

^

^

^
شوووكرااا على المرور اختي عشووقه

شلال مشاعر · 11-08-2005, 10:46 AM

[align=center]عربجيه ... اخ عليك بس فكرتك صغننه وصاحبة افكار ايدلوجيه ..{6 }

أثاريك حقت كعوب عاليه ...:)[/align]

&وهــــم& · 11-08-2005, 11:15 AM

هههههههههههههههههههههههههههه
وأأأأفشلتاه..بس عادي تكبرين وتنسين*ههههههههههههههههههههههههههههههههههه تعيشين وتأخذين غيرها*
مشكوره
وهوم...

أجرح البنت تحبك · 11-08-2005, 11:46 AM

لووووووووووووووووووو على نكك قلت الحين بتقول رحت للجيران وانا رابطه العبايه على الكتر وووووووووووووووووول

مو انتي عربجيه

كوووووووووووووووووول مشاركه تجنن وكثر من كذا مواضيع

أجرح البنت تحبك

أثر منسي · 12-08-2005, 12:41 AM

ووووووووووووووووووويه الفشله بس صدق عربجيه

تسلمين قلبي