(إهداء) للنصراويين (فقط)

ســــــواح · 18-07-2005, 12:09 AM

من منّا لايذكر الأربعه ؟!
.
صحيح إني ما أذكرها ولاعشت أيامها بس تابعتها بالشرطه وفي المجالس الرياضيه والحوارات اللي بين الجمهور النصراوي والهلالي إلين ماحسيت إني حاضر المباراه وجالس بالمدرجات :D
.
.
بغيت أقول لكم سالفه رااااايقه لواحد نصراوي :

في قديم الزمان وفي سالف العصر والاوان .. كان في أرنب قاعد يلعب عفواً كان في واحد ينادونه أبو هندي المهم أبو هندي هاذا انسان نصراوي صمييييييييييييييييييم ومافي مباراه للنصر بالرياض الا ويحضرها والمباريات المهمه برى الرياض يحضرها لو بلندن .. المهم دخل الولد للحرس الوطني وكانت دورته قبل المباراه باسبوع حاول منّيه ولامنّاااااااك عشان يحضر المباراه ماقدر قعد يدوّر له واسطه برضو ماالله كتب له واسطه .. دخل الدوره الولد وقعد اسبوع كامل وقبل المباراه بيومين ولا هو قاعد يفكر يفكر يفكر شلون يطلع ويحضر المباراه توصل لحل واحد إنه يهرّب وبمساعدة اثنين من أخوياه وقرروا الهروب في يوم المباراه .. وضبطّوا كل شي وجهزوا العدّه والعتاد للنحشه ,, مادروا الا البتاع حقهم مدري وش اسمه (المسعول) وقال لهم بما إنو المباراه اليوم وكلكم متحمسين لها ونصكّم نصراويين ونصكم هلاليين لكم اليوم اجازه وترجعون بكره المغرب .. يقول أبو هندي يوم سمعت الخبر انصرعت إلا شوي ,, طلعوا من هنا وراح لبيته أبو هندي من هناااك .. راح للملعب وهو مستانس وطاير من الفرحه طاير يقول يوم سمعت التشكيله وانا ماسك قلبي ,, يقول جابوا الهدف الأول والثاني والثالث بعدها طلعت من الملعب وأنا تعبان نفسياَ ومعنوياَ ولو أشوف أي آدمي قدامي جلدته <<--أخص يالقوي يقول يوم وصلت الحاره مادخلت البيت (متكّي) بالدكّه وقاعدن يبكي من القهر <<-مغبون .. يقول وأنا بنص (البكوه) وقاعدن أشاهق مادريت إلا وأسمع تفحيط .. يقول وأغمض وأفتح وأفرك عيوني ولا قدامي أبو برجس راعي الجلنت يقول (وقلبي تزداد نبضاته) وحسبت النصر فاز (أبو برجس مثله بس على صميييم) يقول الحين أنا بحالة صدمه كهربائيه مادري وش السالفه ! يقول وقّفت أبو برجس وقلت له بشّر بشّر قال تعادل اربعه اربعه يقول اغمى عليّ من الفرحه <<--أظن إنه تسذوب يقول وش لون وش مالون ماصدقت إلين ما شفتها بأخبار الساعه اثنعش .
.
وانتهت الحدوته

وهذي اهداف النصر بالمباراه التاريخيه

[لا يسمح للزوار بمشاهدة الروابط. اضغط هنـا للتسجيل...]

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،

منقوووول

من منتدى العالمي كلوب والكاتب مجنون الحلوي

اتمنى تكون الهديه عجبتكم بس

سواح

ملاك الوفا · 18-07-2005, 12:17 AM

يعطيك الف عاافيه سواح
على القصه لحلووو ه
علىى الربط

توتوتي ..

واحد رآيق · 18-07-2005, 12:23 AM

يعطيك الف عافيه
الر11111111111111111111يق

‏عــــــــابر الخاطر · 18-07-2005, 03:03 AM

سوااااااااااح
يعطيك الف الف الف الف...الخ .....عافية
على ها الرابط
تحياتي العطرة
عابرنت

ســــــواح · 18-07-2005, 05:00 AM

اختي توتي الاموره

اخواني واحد رايق & عابر نت

تسلمووون والله على المرووور والرد مشكورين

> جريح الروح < · 18-07-2005, 06:34 AM

ههههههههههههههههههههههههههههههههه
والله القصة روعة

ويا رب يرجع العالمي

للمجد

انواع الجفاف · 18-07-2005, 10:47 AM

ااااااااااااااااااااااااااااااااااااالله يا سواح يعز ذيك الايام اللي ما يدقم الهلااااليين الا النصر

لكن حسيبي الله على اللي كان السبب

الف شكر على هالهدية

الا اقولك وش رايلك في مبارة الهلال والنصر عام 1415 ه ( كباريات السلومي ) خخخخخخخخخخخخخ

تحياااااااااااااااااااتي

انواع الجفاف