حلم مشجع يعشق الكره

وادي الحب · 12-07-2005, 01:32 AM

هذا الموضوع كتبته في أحد المنتديات بأسمي الحقيقي وأتمنى يعجبكم

السلام عليكم ورحمة الله وبركاته :

في يوم من الأيام كنت نايم وحلمت بأنني في إستاد الملك فهد حامل علم بلادي وأصرخ وتفأجات أنني الجمهور

الوحيد فأذا بي أرى اللاعبين يلعبون بدون نفس سألتهم ليش وشفيكم قالو ليش نلعب الكورة وصار كل واحد

يناظر في وجه الثاني يسألون نفس السؤال نزلت لهم الملعب وقلت لهم تلعبون عشانكم تعشقون الكوره

فسألني أحد اللاعبين قال وش معنى كلمة العشق إلي قلتها , قلت ماتعرف يعني وش معنى كلمة عشق الكوره

ياخي الكوره هذي حب الطفل يوم يولد ياخي الكوره حب كل الأعمار والأجناس الكوره فيها ترتبط جميع

الشعوب , قاطعني واحد من اللاعبين وقال : كيف تربط بين الشعوب وإحنا مانحبها ،؟؟؟؟

صعقت يوم قالي هالكلمه قلت كيف ماتحبها قال أنا يوم كنت صغير كان يقول أبوي ماأعطيك المصروف

إلين تلعب الكوره وتشوت أخوك بالكوره ؟؟؟

قلت له ليش طيب قال يقول عشان إذا كنت تحب الكوره حبها عشان تضر أخوك ؟؟؟؟

قلت طيب والناس والجماهير وش بيكون رأيها فيك وخاصة إنك لاعب مشهور , رد علي قال ماعاد فيه

جماهير تحضر أنا أخر مره شفت جماهير كانت يوم عمري 7 سنين , سألته ليش طيب وين راحو

ياخي الدوري حقنا من أقوى دوريات العرب والعالم قعد يضحك هههههههاي ؟؟؟؟

طبعاً قلت وش معنى هالضحكه قال كانو يقولون لي وأنا عمري عشر سنوات إن الدوري حقنا كان حلو

وأنا أضحك عليهم , طيب ليش تضحك ممكن تفهمني , قال ترتيبنا على العالم آخر عشر مراكز يتنافس

عليها منتخبنا ومنتخبات الخليج ههههههههههاي ؟؟؟

قلت من جدك تتكلم إنت وين راح المجد المونديالي وين راحت بطولات الخليج , قال بطولات الخليج

نسويها كل شهر لأننا فاضين ماعندنا مشاركات ونلعب بعض الأحيان في صالات مغلقه قلت ليش طيب

قال أبوي حكالي قصة قبل مايموت يقول كانت منتخباتنا دايم تشرفنا ولكن في يوم من الأيام دخل شخص

الرياضه وصار هالشخص كل شي يبيه يشتريه حتى لو بيشتري كأس العالم يبيعونه له قال هالشخص

كان منبوذ في بدايته من النادي حقه وبعدين صار يجيب لهم صفقات وصار يجيب ويجيب إلين في الأخير

خلوه إداري وإستمر على الصفقات وعلى دعمه بالفلوس إلين رشحوه نائب وبعدها صار رئيس النادي

وبدى هالشخص يجيب كل اللاعبين عنده أي لاعب يعرف يشوت كوره يجيبه عنده وصار يفوز بكل

البطولات المحليه والخليجيه وبعدها بوقت ترشح يكون في الأتحاد السعودي بمنصب إستشاري ومع الأيام

صار رئيس الرعاية والشباب وكان كل المنتخب من فريقه لأنه كان يأخذ كل اللاعبين ولكن الله ماوفقه

مع المنتخب لأنه من بعدها والمنتخب طايح وطايح وطايح وطبعاً بالفلوس قدر يكون رئيس الإتحاد الخليجي

وصار يحط الأنظمه ومن الأنظمه إلي حطها إذا لبست الشعار الذي يريده فأنت ستفوز وسرعان ماغيرت

الأنديه شعاراته لأجله إلا نادي واحد أبى جمهوره أن يتغير شعار فريقها ،

يقول اللاعب الذي كنت أكلمه إنه يتذكر أباه قال هو النادي الذي يرونه في السماء في الليل وبعد وقت

إلغي النادي بقرار هذا الوحش الكروي ومن بعد هذاك الوقت لم يبقى جمهور في المدرجات,

ومن ثم قاطعته وقلت : هل أصبحتو أنتم مثلهم قال نحن نلعب الكره لأننا شاهدنا شريط قديم وجده أحد

زملائنا اللاعبين في أحد البيوت المهجوره وشاهدنا لاعبين لم نتوقع أنهم سعودين أو خليجين كان

شريط يحكي عن لاعب يطلقون عليه الذئب ولاعب أخر يطلق عليه راؤل العرب ولاعب يطلق عليه

القناص ,,,,,,,

وبعدها قمت من الحلم وقالي أخوي قوم شف فيه مباراة تبينا نحضر هههههههههههههههاي قلت لا .

آسف على الأطاله لكن هذا الحلم إلي تحلمته

كان معكم بندر الحارثي عضو في ديوانية الأزرق

وعضو في موقع الزعيم.

وشكراً

x كلاسيك x · 12-07-2005, 12:39 PM

هههههههههههههههههههههههههههههههههههههههههههههههههه ههه

تسلم على الموضوع يابندر , ولا تحرمنا جديدك ولا تحرمنا احلامك ههههههههههههه

سي يو

wanted4what · 12-07-2005, 12:45 PM

[align=center]ياخي خليتني اندمج قل للاعب اذا حلمت فيه مرة ثانية يقول للغبي الي يبي يرأس الاتحاد السعودي يروح للقارة الافريقة ويرأس اتحادها وشكرا اخوي [/align]

أبو نـــواف · 12-07-2005, 12:50 PM

هلا والله وسهلا اخوي بندر
وحياك الله في بيتك الثاني
ولك جزيل الشكر لتلبيتك الدعوه

وادي الحب · 13-07-2005, 04:41 AM

تسلمون على المرور

وتسلم أخوي فصولي على الدعوه إلي أتشرف بها .

ســــــواح · 13-07-2005, 05:58 AM

اهلاااااااااااااااااااااااااا وسهلاااااااااااااااااااااااااااا

اخوي وادي الحب

على تسجيلك بالمنتدى ونووور القسم الرياااضي بتواجدك فيه

الموضووووع جميل والاسلووووووب بصراحه هو الاجمل

ولو اني اختلف في مضموون الحلم لكن عاجبني الاسلووب والانتقاااد الحلوووو منك اخوي

يعطييك العااافيه ولاتحرمنا من مواضيعك

مشكوور مشرفنا فصووولي

اخوي وانتد

ليه تتهجم على شخصيه كبيره مثل ابو ثامر بكلامك ذا ؟؟؟؟؟؟ غريب

تراه سعودي اصل وفصل

وشكرا

وادي الحب · 13-07-2005, 06:50 AM

يعطيك العافيه على المرور أخوي سواح ومشكور على المرور .