الي مافيه عرق بدوي لا يقرااها مهوب فاهم شي ..




الا يالله عفـوك لا معي بيـجــر ولا جــــوال /// ولا عنـدي وضيـفه والتجـــاره فاشـلٍ فيـها


ولاعندي شهـاداتٍ ولاحــرفه تسـد الحــال /// ولا حــظٍ كبير لا اخـطـت الجــــره يقديها


مخابي الثوب تومي مادخلها من زمان ريال /// بها فاتورة الكهــرب ولا يمـديني اقضيـها


علىذيك العراوي تتعب الحادي مع الجمّال /// ثلاث اشهـور فالورشـه وشهـرينٍ مغطيـها


ابيها لو تجـمّـل يـوم واجلـبـها على الدلاّل /// يجيـها واحـدٍ حـظه مثل حـظي ويشــريها


نصيت العسـكـريّه يوم قالوا للنظـام رجــال /// وقـدّمـت المـلـف وصـورةٍ متشــخـصٍ فيـها


خـذا الاوراق مني واحـدٍ مـا عند ابـوه دلال /// سلوم الناس واهل المعرفه والطيب مخطيها


قراهـا في دقيـقه والتفـت عـجـلٍ علي وقـال /// شهادتك العظيمه يا ولد وين انت مخفـيها


هزّيت الراس ماعندي.. تقول اني من البنقال /// وقمـت احـب خشـمه واطلبـه بالله تمشّـيها


حـذفها من يده شين الطبيـعه والنبا والفـال /// وقـال ازين تعـوّد صـوب نوقاتـك تعشّـيها


تناوشته من الكرسي وعفت الحل والترحال /// وضربته بالبياله عقب ما بيّحت شـاهـيها


خذوني للسجـن لا نيب لا ظـالم ولا محـتال /// مجـرّد واحـدٍ جـا يكـحل عيونه فيعمـيها


ويوم اني خرجت اقفيت لارض الله وسيع الجال /// عـلى بـرٍ هـواه يـداوي العـلّـه ويـبـريـهـا


ادوّر جرّة الجـربوع والظـب الفتي يخـتال /// والارنب يا شفاة الروح ما احلاها وطاريها


بـلا كهــرب ولا بيجــر ولا غـازٍ ولا نقّــال /// قوانين الحضــاره لا تبي شـوفي ولا ابيـها






منقووووووووووووووول

هلا وغلا

عابر القارات

سلمت اناملك على هالنقل الرائع

اختتتياار مووفق

ويعطيك ربي الف عافيه

ودمت بوود

فـهـد

صح الله لسانك ياخوي ياعابر

مابزين من مقابل الذود والربيع والحيا وفلة الحجاج

يالله استر عليه ماعطوه حتى جندي

هلا وغلا فيك آخوي عابر

ياخخخي وش هالقصيده والله هذا مقرود :D

ههههههههههههههههههههه

الله يعينه ويرزقه ان شاء الله :)

الله يعطيك العافيه على النقله

تحيتي لك

آخووك //

ههههههههههههههههه
الا يالله عفـوك لا معي بيـجــر ولا جــــوال /// ولا عنـدي وضيـفه والتجـــاره فاشـلٍ فيـها


ولاعندي شهـاداتٍ ولاحــرفه تسـد الحــال /// ولا حــظٍ كبير لا اخـطـت الجــــره يقديها
شاعر صررررريح خخخخخ
يعطيك العافية اخوي