عمركم شفتوا وااحد يخرع زوجته بقرعته باول يوم زواج؟!!!!
واحد طلب يد اخت صديقه ولما جا يبي يشوفها قاله صديقه خلاص انا بقولها تجيب لي كاس موية وانت تعال غرفتي انخش وشوفها لان البنت خجولة. ويوم جا الموعد وجا الرجال, ونادى اخته وجات اخته وهي تفحط(ماسكة الصينية على شكل دركسون وهي ماخذه سياره وتفحط). ويوم تزوجها قالها زوجها القصة وكانت بتذبح اخوها من القهر.



2. وحده بعد عرسها بيومين جاب زوجها تمر وجلس ياكل معها, وهي استحت من زوجها انها تطلع النوى قدامه قامت تبلعه اليين جاها مغص وودوها المستشفى.



3. وحده جا خطيبها يشوفها وطبعا هي بتموت من الحيا. دخلت عليه وابوها كان موجود والا شوي دخل اخوها وبعده عمها وشوي خالها وكلهم عيونهم عليها. هي من الخجل بغى يغمى عليها ويوم قامت تبي تطلع والا الباب مقفل مقفلته امها علشان ما تطلع. مع الخجل خاصة وان الكل كانوا يكتمون ضحكاتهم على شكلها والا انتبهت للباب الثاني وراحت تركض والا هوب وطاحت. قامت وهي ميته من الفشيله وطلعت وهي تسمع ضحكهم عليها.



4. وحده جات بتخطب صديقتها لاخوها . عزمتها في بيتهم وقالت لاخوها طل
عليها من النافذه وشفها اذا عجبتك نخطبها لك . وافق الولد ولما جات البنت
قدمت الاخت لصديقتها شكولاته . والبنت معيا تاخذ وذيك تلزم عليها. والبنت
مصره ماتاخذ . ولما طلعت علشان تسأل اخوها عن رايها في البنت . الاخو
شاف البنت وهي تاخذ من الشكولاته وتخش في شنطتها ولما سألته
اخته عن رايه قال موافق على طول . وتم الزواج
وفي ليلة العرس يسأل الزوج البنت : وين الشكولاته اللي خذيتيها
من بيتنا؟؟



5. واحد في ليلة عرسه جالس في زاويه وزوجته في زاويه , يكلمها مستحيه وتطالع الأرض .. يذب نكته يستهبل عليها ماش البنت تطالع في الأرض ومشكلته ولا كأن فيه أحد جالس جنبها ..
الرجال من كثر مايكلم نفسه وبنت الناس ساكته قال خلني بسكت وأشوف وش تاليتها معها .. يعني ثنيناتهم سكتوا ..
شوي يوم جو أخويا الزوج وقالوا بنستهبل عليه .. المهم ويقوم واحد منهم ويآخذ حصاة ويرجمها في النافذة .. عاد تخيلوا سكوووون وصوت صقعه فجأه .. البنت يوم سمعت الصوت طمرت وضمت زوجها من الخوف .. الرجال اعجبته الحركه .. ترك حرمته على جنب وطلع من النافذة وصاح لأخوياه " ثانيه شباب ثانيه.



6. هذا واحد أخوياه ماينلعب معهم .. يوم عرسه مروه ربعه وقالوا يالله مشينا الحلاق نسمكر وجهك .. يوم ودوه للحلاق ( وكانوا متفقين مع الحلاق من قبل ) وينقز واحد منهم ويتل راسه ويقول للحلاق يالله أدهر وأبو الشباب ماعاقت معه وجز راس المعرس .. مووووووووووس ..
المهم أنهم حلقوه موس والمعرس قفلت معه ولا قدر يسوي شي .. يوم جا العرس طق الطاقيه والغتره ومشى كل شي سليم ..
عاد يوم جا في البيت لازم يشيل الغتره موب على طول بتبتل كذا .. يوم فصخ الغتره وطلعت الصلعه البنت قالت ذا مهبول ولا فيه بلا .. ولا أحد يحلق مووس يوم زواجه ..
اللي زاد الطين بله أن المعرس شاف البنت خايفه وفاهمه غلط قال خلني بطينها وقعد يخوفها ويقرب راسه يمها كنه بينطحها ويسوي حركات كنه مهبول .. يوم طلعت الشمس قالت البنت : ودني لأهلي .. (قالت في نفسها أبوي ذابني على واحدن مامنه رجا!!) عاد المعرس دق على أبوها وقال له تعال يوم جا فهمه أن أخوياه سوو كذا وكذا وأنه شافها خايفه قال خلني أستهبل عليها .. والأبو فهم البنت وعدى هاك اليوم على خير.



7. ثنين توهم متزوجين .. أول ما رجعوا لبيتهم الا زوجها مجهز لهم عشاء .. أختنا في الله الدنيا مسودّة قدامها من الجوع .. ما ذاقت الاكل من أصبحت من زود ماهي مشتطة .. ورجلها يناديها يبيها تاكل .. البنت مستحية وما تبي تاكل قدام رجلها .. بس انها جوعاااااانة .. قالت له لا تسلم أنا شبعانة .. يقول لها يا بنت الحلال تعالي كلي لتس لقمة ولا لقمتين .. والبنت تقول أبدا الله مير ينعم به ماله محل .. ويحاول فيها من هنا من هناك وهي ميبسة دمجتها .. مع انها كانت تتعبر مع كل لقمة يبلعها وتقول في نفسها اخلص عاد يبو الشباب علينا تراك مصختها ..
خلص زوجها من العشا وقال لها يلا ننام ترانا ورانا قومة بدري بكرة ( الضيفة عند أهله ) .. قالت لها خلاص انت رح نام أنا بضف الأكل أول .. الرجل ابتسم ابتسامة صفرا وقال على راحتك .. ما صدقت المرة رجلها يدخل الحجرة الا طيرااااااااان على الأكل .. لقمة في فمها ولقمة في يدها وعينها على الثالثة .. وهي في قمة الانسجام ما درت الا ذا الي يمد لها كاس الموية يقول لها سمي خليه ينزل الاكل في بطنك وهي الي تتروع


منقول

هههههههههه
روعة بس هذة السادسة تموووت ضحك 000
تقبلي تحياتي رناااا

يسلموووووووووووو
اختي دمعه
عن جد
رووووووووووووووووعه
عساك على القوه ياحلووووووووه
تسلم الايادي يارب على النقله الحلوووووووووووووووه

والى الامام

اختك ديننننا

حلوة رغم اني عندي اعتراض على بعض الاشياء
زي مثلا

اممممممممممممممممممممممم

مدري بس بتفلسف وماني عارف:D:D

بس حلوة يادمعة الانين:D;)

شكرا لأحبابي و احلى اعضاء بالمنتدى اهدي لكم قلب عايش لأجل بسمتكم :D