وها نحن في فصل الربيع

حيث الهدوء يعم ماادري يخم المكان المهم انه هدوء وبس <-- يلعن ام البلاغة الأدبيه الي تعرفينها

واسرح وامرح بكل ما تحمله البراءة من معني في حوشنا الواسع

وأنقزّ على الحبل << منتي بعاقل يا لولو الصغيرة

ما طولت على ها لحال كثير إلا أنا دوف متسلقطه وسط حفره ..

ومن زود النحاسة وسط قدر بس أشوى مطفين عنه النار ,,

طالعت في الحبل خفت لايكون انقطع بس اشوى مابوه شي

وشوف العالم اللي مجتمعين حولي...

واتضح لي انهم العائلة اللي طحت في بيتهم ..

أم وعجوز وحولها بزارين وعيال شباب وبنات في سن عرس يعني..

حمولة ماهيب صاحية""

كالعادة ابتسمت لهم رغم ان امي تقول لاتضحكين مع الغرباء

بس هالبتسامة من الروعه ماهيب مني ,,

جلسوا يتناقزون ويضحكون الا العجوز تفرك سنها اليتيم اللي طالع كنه

ناب ..

طلعت من القدر وجلست امسح ثيابي نطت الأم بوجهي وقالت حستي علينا الحساء

وابونا على حروة طلعه من الدوام وش اسويبك اذبحك ؟؟؟؟
قلت لاتذبحيني ولا شي أنا توي متروشه امس الله واكبر يابوكم الحين اللي بيعاف طيحتي بالحساء

, وبعدين ليش تعلمينه ,,

قالت لو علي ماقلت له جعله مايحدره بس البلاء من عجوز قريح ماهيب تغبي شي

طالعت فيها قلت الهيتينا بالحساء وش القصة ؟؟

أنا آخر علمي اطامر بحوشنا وش جابني فيذا .. ؟؟

قالت ياربيه ماعرفتينا إنا اخوانكم الارضيين .. ,,

ضحكت ضحكة روعه وقلت بصوت ممزوج بالكبريآء توي اصدق ..

أن الأرض كروية اجل أطامر بحوشنا إلا أنا في بيتكم ..

.. يالله مابي الهيك عن الحساء

طالعت فيني وهي تضحك والعجوز تحد نابها بحصاة والبزارين يدورون حولي مثل الهنود

الحمر ,, والدشير عيالهم يسوون حركات بايخة..

وبناتهم يطالعون وجهي ويقولون طالعي القروية حاطة كحل

قالت تعال من قالك أن الطلوع من الحفره مثل الطيحة فيها ..؟؟

قلت يابنت الحلال وسعي صدرتس الله يخلي لك رجلتس وجعلة مايعرس عليك

قالت ليش شايفتني زلابة الادمي يعرس علي أنا ام عياله لين الله يكتب لنا الخير وندخل الجنة

قلت طيب الله يخلي لك عيالك عدي أنك ماشفتيني

.. قالت أبد أنا شفتك ومافيه مفر

عندك حل من ثنين ياتأكلك العجوز جدتنا ,, وإلا تصيرين شغالة عندنا مدة اسبوع

ثمن ترجعين أهلك وترا الاسبوع عندنا بسنتين عندكم <<لابوها حاسبتها مدة فلبينية

ياربيه طالعت في عجوزهم ماشوف غير نابها يلمع ..

قلت لا أبد اصير شغالة وأمري لله

سألتني تعرفين تطبخين قلت وش دعوى أعرف ازين شاهي بس اهم شي عندكم

براده تصب حار طالعتي فيني قالت والله الظاهر ماعنك ماعن بطن عجوزنا

قلت ابد انتي مير ماينمزح معك أنا مقطوع سري في المطبخ من كثر ماني اجلس فيه

دلوا ينادوني يالسورية ..

قالت اشوى اجل قوه أدلك على مرقدك ,,

مشيت وراها ليمن وصلت لحفره

عليها غطا مثل غطا الزير فتحته قالت هذي غرفتك وتراهي ماهي بعيدة

عن غرفتي وعن غرفة البزران اما عيالنا الكبار غرفتهم متطرفها لاتخافين

ترا أنا عندي بنات ونخاف عليهم ..

المهم الحين نومي وبكرة تقومين قبل الفجر وعلمتني وش اسوي

قبل الفجر طمرت من حفرتي << قصدي غرفتي

ورحت شبيت الضو بالحوش ليمن تجمر وأدخلها البيت وسويت الفطور والحليب

ورحت اصحي البزارين والبنات العيال استحيت ارسلت وحده من خواتهم تقومهم

بسطت هاك السفرة وطلعت العجيّز في المشب علشان تصلّى على النّار

وسويت لها حنيني علها ما تحدّره .. ماش قرصي في ناري وعيني في جاري

قدامها الحنيني وهي تلاحس وتطالع فيني صرت ماعطيها فرصه

أحط لها أكلها وانحاش للمطبخ بعد ما أروح البزران للمدرسه أقوم عمتي

هي وشايبها وافطرهم...

وانتظر لين يروح الشايب للدوام واجلس اولم للغدا ونحاش أنا وعمتي من العجوز

ابد ما يمدي الغدا يزهبّ لا الجيوش جاية من مدارسهم ..

وما يعجبهم شي الوحده شغلها في هالبيت ضايع ,,

.. اللي يقول كل يوم رز

واللي يقول الله يكرم النعمة حاطين لنا بنت المذن ..

ولاجا العصر ولمت قهوة العجوز وصديقاتها الجمعة عندها علشان ما تقدر تطلع

وبعد المغرب قهوة الرجال والشاهي للبنات ...

وأنا ضايع شبابي افتر في ها لبيت هذا اشيل جزمته وهذا اكوي شماغه

عشر مرات بيروح بعد المغرب مشوار خاص << ههههههههه


وهذا يقول تعالي حلي واجب التعبير اجل شغالة وتحل الواجب ..

وكله كوم وعيالهم الدشير كوم << مالوم الشغالات يروحن قبل المده

وعلم عليهم أمهم وتقول اها بس,, عيالي متربين روحي شوفي شغلك بس

عشت بينهم مثل المكينه لا أكلّ ولا أمل ولا اشكي << واضح

وكل يوم مثل اللي قبله .. إلا ذاك اليوم مسوين جريش قالت عمتي

انكبي شوي في الحافظه نبي نروح لأم سليمان اخبرها تحبه

قلت سبحان الله حتى انتم تروحون ...

قالت انجزي وأنتي ساكته لا مايعرف شي إلا انتم

نكبت الجريش ولبست الجلال وركض لبيت أم سليمان في نص الطريق

إلا رجلّ يشبه عبسي بس على رأسة تاج وحولة مجموعة خوال ,, أنا فقعت

ضحك وقلت بصوت عالي منت بعاقل يا عبسي اجل لابس تاج

الخويا تغيرت وجيهم ,, وجلسوا يغمزون لي بعيونهم يعني اسكتي

وأنا صرت مثل الخبل اللي ماقدر ينسئ سالفته << جاز لها غمز الخويا

المهم نادى واحد منهم قال أشوف اسحب السلقه هذي هنا

إلا كلهم ركض لمي وكل واحد يسحبني من جهة..

نفخت عليهم قلت وخر أنت وياه هناك لاتكبون الجريش

وبعدين هو قال لواحد ماقال لكم كلكم

مامداني اكمل السالفة ..

إلا انا جالسة قدامه قال قبل شوي وش قلتي ؟؟؟؟؟

أنا حسيت أني قايلة شي غلط قلت ابد سلامتك اقول يازين التاج عليك ياعبسي

رفسني برجلة وقال لا بعد تعيدينها ,,

لايكون على بالكم مادريت عن فلم كرتون

اللي مسوينه وتذبون فيه علي ..

اجل أنا عبسي ياوجة النعامة ؟؟

بس لايغركم أنا لي عشرين سنه احشد الجيوش علشان اربيكم

وتعرفون منهو الملك نعمان اللي تذبون علية

ضحكة غصب علي قلت مارد من ذا الا ذا قال وش قلتي قلت ابد

لايكون انت النعمان بن منذر ماغيره خوي المتنبي >> قلبت التاريخ والادب خخخ

قال مايخسى الاهو أنا ملك الجن العظيم <<

قلت مايخالف مصدقتك بس خلني اروح اودي

ام سليمان الجريش مطرفة الباب اخاف ان طولت دخلت القطاوه عليها

ولا اني فاضيه اجلس اطاردها ""

قال ماعندي مانع بس اذوق الجريش قلت معصي عمتي تقول وديها ام سليمان

ماقالت الملك نعمان ..

ضحك الملك وضحكوا الخوال من بعده ,,

قال أنا ارتحت لك وانتي فتاة أمينة بسرعة ودي الجريش وأرجعي لبيتكم

وعلمي اهلك يولمون القهوة العصر ..

رجعت للبيت وعلمت عمتي القصة قالت احمدي ربك الظهر آخر

وقت لك معنا ويمديك تنحاشين قبل يجي يخطبك الملك,,

قلت بس أنا ماعندي مانع أخذ الملك ..

قالت شوفي ان خذيتي الملك ماعاد تشوفين اهلك ترهم يقفلون على

المرأه ماعندهم بروح اهلي وبأ جي من عند اختي ,,

فكرت شوي ذكرت امي واخواني وابوي حنيت لهم

وذكرت الملك والعز والجاه وزفرت بصوت عالي

وقلت : (أبي العرس وأبي اهلي) وطالعت في عمتي وقلت لها العذر والسموحة عن

القصور وعطتني قطعة قماش وخاتم وقالت عطيها امك وسلميلي عليهاااااااا

وهذي قصتي

ما يستفاد من القصه

1- لا تطالعون أفلام كرتون..

2- واضح أن الكاتبة ابان كتابت الموضوع رايحه فيها يعني (لاتشرهون)

3-أبي العرس وأبي اهلي مثل داج

4-لاتطامرون في الحوش وتغنون ....

ههههههههههههههههههههههههههههههههههه
ههههههههههههههههههههههههههههههه
هههههههههههههههههههههههههه
ههههههههههههههههه
هههههههههه


الله يرجك

هع هع هع هع هع هع هع هع

هلا وغلا



هههههههههههههههههههههههههه
ععععععععععععععععععععععععع
خخخخخخخخخخخخخخخخخخخخخخ


هههههههههههههههههههههههههه
ععععععععععععععععععععععععع
خخخخخخخخخخخخخخخخخخخخخخ

عهووود


ههههههههههههههههههههه
ههههههههههههههههههههه
ههههههههههههههههههههه
ههههههههههههههههههه
ههههههههههههههههههههههه
هههههههههههههههههههههه
ههههههههههههههههههههه
ههههههههههههههههههههه



الله يرووجك بـــــــس