جساس وكليب ومواجهه عند كورنيش جده

كليب كان ماشي في برحة مرة كبيرة ومافي ناس ولا في احد جنبو . والواد جساس بصراحة خلبوص شويه استغل وجود الحونشي

كليب لوحدو..

المهم عمنا كليب ماشي بامان الله وقاعد يشم شوية هوا بعيد عن رجةالبزورة والبيت ومشاكل عيال عمو وقلق الناس الي عندو...

المهم جا الواد جساس وقلّو: انت يا كليب ... طبعا كليب ادالو اشكل مارد عليه ولا ادالو وجه

قال جساس: انت يا كليب رد اشبك انا قاعد اهرجك ياهووه …وداك مديه اشكل وربي ولا هو معبرو

قال جساس: شوف ياكليب..انتا كسرت الماصورة حقتنا ولا خليتنا نشرب مويه لا نحنا ولا غنماتنا ولاجملا تـنا ... وكل هادا ونحنا

ساكتين وقلنا عيب مو مشكلة دا برضو ولد عمنا ومن لحمنا ودمنا... وكبير العيلة لكن انك تفرد عضلاتك علي الجمله حقت

خالتي (البسبوسة) وتقتلها كمان؟ لا حبيبي دا مو كلام رجال وأللّي انتا سويتو غلط في غلط

مو عشان سكتنالك تحسبنا خايفين منك..نحنا احترمنا صلة القرابةالي بيننا وقلنا هذا( بو رحم )ومننا و فينا بس انتا بالمرة خبصت

أم الشغلة. ومع كل دا الكلام والحونشي عمنا كليب مديلو اشكل بقوة ، ولا كأنو في احد بالمرة.

قام جساس صرخ بصوت عالي مرة وقال انت يا كلـــــــــــــــيب ياخي رد عليّا ايشبك ،اتبكمت والا ايش؟ انا عارف انو ما تطالع

وراك الا ازا كان فيه بشكة اقل شي اربعين راجل... كليب طبعا رد وهو لاوي بوزو ، ويعني اٍنو قوي مرة.. وقال:لا يا بويا غلطان

أنا ما ارد إلا لمن تكون البشكة 50 راجل.أقل شي ... ساعتها الواد جساس جسمو تكهرب شويه بس سوى فيها انو ولا همو .

وداك عمنا طنش وكمّل مشيو مع الحصان حقو المهم الواد جساس طرطع وقفلت معاه وركبو 100 عفريت.. وفي لحظة غضب

الواد جساس طلّع الرمح حقو.. ورماه علي عمنا كليب وغرزو في ظهرو .. قام الحونشي كليب يتألم ويتبكبك وقعد يصرخ بصوت

عالي كأنو بعبع

الواد جساس قال: ياواد ما يبغالهاالا افرك لا يجي احد دحين والا يجي الزير ويسويلنا قلق .. محنا فاضيلو دحينا، وهاتك يا فكيك دق

سلف بالحصان حقو ونمر لها.. اما عمنا كليب حالتو صارت حاله ، قام يزحف علي بطنو شوية لمن وقف علي رجولو ويمشي

والرمح معلق بظهرو ، لمن التقى بواحد بدوي حق غنمات ... لمن شافو البدوي انفجع وقلّو: مو انتا عمّنا كليب ،اشبك كدا؟ ... ايش

صار فيك ياعمنا .. رد عمنا كليب على البدوي وقلّو: روقنا ياخي ، مو وقتو ، ما تشوفني مغرق بالدم وانتا لسه تسال؟ ياخي جيب

لي شوية مويه ابغى اشرب ياواد ... البدوي صاحبنا جبلو مويه وشرّبو ... قال كليب: اسمع ياواد انا غدر بي الواد جساس واكلني

الرمح حقو بظهري من ورى ... والي خلق امك لو انو كان من قدامي كان عرفت اتصرف معاه ... لكن هو رمه وجبان وخيخة

لكن مو مشكلة انا اعرف اجيب حقي ...حتي وانا ميت ورايا رجال ما تترك حقي يابويا. وبعيدن قال كليب للبدوي: حكتب لك وصية

تخليها حلقه بودنك وحكتبها علي الجدار دا بدمي لا نو ما معايه قلم ولاورقة نسيتها في البيت .. ولازم اخوي سالم الداشر يقراها



وبعدين الله يخليك تسوي معايا معروف .. أبغاك تقتلني بعد ما اغلق من القصيدة ... قبل ما يعفن ظهري وتصيبني الغرغرينة
( سلام وقول من رب رحيم …( قلّو البدوي طيب . وبدا ابو الشباب يكتب الوصية:

اول بيت يقول فيه: استغفر الله اله العرش لا يعبد سواه ...

وتاني بيت يقول فيه: الملك لله رفع السماء وبسط الارض ...

وتالت بيت يقول فيه: لاتنسى اليتاما وتخون العهد يادب ...

ورابع بيت يقول فيه : الله اكبر علي الظالم المفتري الغدار اصحك تسيبو او تسامحو

وخامس بيت يقول فيه: جساس خمني وغدربي وطالع على الجرح بظهري وتعرف ...

وسادس بيت يقول فيه: الزير اخويا اعرفك قوي وشديد تمرمط العدوين وتشلفطهم شلفطه...

وسابع بيت يقول فيه: يا سلومي يا ابو السلا لم خليك راجل وبطل من حركات البزورة

والبيت الثامن يقول فيه: شوف ياسالم لا تخلي ولا احد منهم لاراجل ولا حرمه ولا شيخ ولا عجوزة .. اقتلهم كل واحد ومرتو حتى

البزورة لا تسيبهم المهم فقّع ابوهم كلهم.

وتاسع بيت يقول فيه: لا تصالح اي واحد منهم وربي لو تصالح احد حأشتكيك لربي

وعاشر بيت يقول فيه: لو ما سمعت كلامي دا ولا سويت الي وصيتك عليه نتقابل عند قاضي القضاة رب السموات والارض.


ـــ منقول ـــ

[align=center]

عاشقــــة القمــر

وي وي وي وي

ايــش هادا كلووا يا بنتي :cool:

و اللهي موضوعك بالمررره رووعــه :)

بس ليـــه اللهجه كـــده جداوويـــة :D

هع هع هع

و بصنـــاااحه يا عشووقــه بداية طيبه لتس :)

<~~ قلبت :)

واصلي معنا ومعا كليــــــب :p

سط سط[/align]

هلااااااااا والله وغلااااااااااااا

بــ مدام مسطوله

كيفك عيوني انشالله بخير ؟؟؟؟؟؟؟؟

الحمد لله أخيييير أحد شرف على موضوعي ورد عليه

يسلموووووووو حبيبتي لاعدمناك

اممممممممممممممممممممممممممممممممممممم

موضوعك روعه ويموت من الضحك

الف شكر لكي اختي عاشقة على الموضوع الروعه بصراحة الى يدخل هادا القسم يموت من الضحك

يعطيكى العافية

تحياتى