قصة اتمنى تعجبكم

الاحساس · 23-01-2005, 06:16 PM

هذي قصة واحد من الشباب يحكيها علي وحبيت انقلها لكم
واتمنى تعجبكم القصة .....

كان في يوم من الايام جالس ناصر وسالم يسلفون ويضحكون في الدوام
ويعرفون لا يخلو الجوى من طاري البطات والبنات
وهذي تعرفت عليها وهذي شفتها في المكان الفلاني وهذي وهذي
وكلام لا يعد ولا يحصى
المهم طلبنا من الهندي حق المكتب مختار شاهي وجاب لنا 3 كاسات شاهي
اخذت انا وناصر بكاساتنا وطلعنا برى نشم شويت هواء ونشوف الناس اللي تمر وتروح وتجي
وكنت احس ان ناصر عنده شيء واشوف وجهه قلب وحنا بالمكتب
عرفت ان ناصر بصدره شيء يبي يقوله وطلب الشاهي من مختار
طلعنا قلت ناصر قال سم قلت سم الله عدوك
انت صديقي الروح بالروح اختصر وقلي وش فيك على بلاطه
قال ما فيني شيء قلت لا تلف وتدور تكلم
قال والله عارف انك حاس فيني بس الموضوع يطول شرحه
قلت كم باقي على نهايه الدوام قال 10 دقائق
قلت حلو تعرف كوفي شوب الفلاني في المكان الفلاني
قال اعرفه قلت بعد نص ساعه من نهايه الدوام تكون فيه
قال خلاص تم وافترقنا في نهاية الدوام
انا بروح للبيت ابنزل اغراض شاريها من السوق وارجع له
وهو بيخلص شغله له بسيطه وبيروح للموقع اللي تواعدنا فيه
طبعن احنا هالايام في 20 رمضان السنة اللي فاتت 1424ه
المهم تقابلنا انا وناصر وجلسنا على ذيك الطاوله البعيده بعيد عن صوت المسجل والموسيقى
وعن الباب والناس اللي داخله طالعه وجلسنا نتكلم
وندردش قلت تفضل قل كل اللي عندك ولا تخلي شيء
قال السالفه فيها .. بنت .. قالت تفضل طال عمرك تكلم هات ما عندك
قال امي عندها مشغل نسائي في البيت وهذي البنت تدرس مع اخواتي في المدرسه
وتجينا المشغل لان المشغل مستقطع جزء له من البيت وامي تديره
هي وبعض العاملات اللي على كفالتها ويجيها زبائن وهي من ظمن الزبائن
وفي يوم من الايام ارسلتني امي لغرض معين اجيبه من السوق قلت اوكي
ورحت وجبته وطبعن طقيت الاب على باب المشغل وفتحت لي امي وبدون قصد طاح نظري عليها
ما القيت لها بالي وقلت الله يستر عليها مع العلم ان ناصر متزوج وله بنت في عمر السنه وشويه
المهم بعد يومين ناصر كان جالس لحاله في شقته وكان مودي اهله عند خالته زيارة
وكان طفشان وجالس يقلب بالريموت وعلى نياته عين فيها النوم وعين صاحيه
المهم ويدق جواله .... رقم غريب .... ومن المنطقة اللي هو فيها من الشرقيه
ناصر : هلا
البنت : السلام عليكم
ناصر : وعليكم السلام
البنت : كيفك
ناصر :

ناصر : من معي لو سمحتي
البنت : وحده معجبك فيك
ناصر : ؟؟؟؟؟؟؟
ناصر : والمعجبه من وين عرفتني وش قصتك
البنت : شفتك في مكان واعجبتني
ناصر : ممكن اعرف وين
البنت : مشغل ...... حق امك
ناصر : تتكلمين جد ترى ماني رايق لك
البنت : ناصر والله العظيم محتاجه لك .. وصدقني انت اول شخص اكلمه
ناصر : وش قالوا لك انا مخلفك وناسيك
البنت : ناصر وش فيك علي هذا وانته لسه ما تعرفت علي
ناصر : تسمحين لي بكلمه ولا تاكليني بقشوري
البنت : تفضل بس لا تقول قفلي
ناصر : انا انسان متزوج وعندي بنت وزوجتي من سني وبعمري
البنت : انت ناصر وزوجتك فلانه وبنت فلانه وامك فلانه واخواتك فلانه وفلانه
ناصر : من انتي الله يرحم والديك احرقتي اعصابي
البنت : فلانه وادرس مع اختك فلانه بالمدرسة
ناصر : من وين جبتي رقمي
البنت : بعد ما طاحت عيني بعينك وشفتك بالمشغل كان معي جوال اختك فلانه
وكنت اقلب بالرسائل وبعدين دخلت على الاسماء واحصلت اسمك واخذت الرقم
ناصر : احد يدري بالموضوع او كلمتي احد عني
البنت : لا والله ما احد يدري
ناصر : خلاص قفلي الحين وكلميني بعدين لاني الحين بطلع بجيب اهلي
البنت : ناصر والله محتاجه لك واسفه على ازعاجك
ناصر : انشاء الله يصير خير بس قفلي وارتاحي
البنت : تسلم وانتظرك ..... بااااااااي

وبعد ما قفلت ياسالم جننتني هالبنت وشس فيها شنو مشكلتها وش سالفتها
رحت لجوال اختي واقلب بالارقام واحصل اسمها ورقمها وطلعت صادقه طيب وش العمل
البنت حتى لو ارفض اكلمها تعرف رقم البيت والبيت وامي والشله والظاهر راعي البقاله
جنب بيتنا تعرفه ياسالم جننتني هالبنت .... سالم : وبعدين وش صار عليكم
تطورت العلاقه بيننا في كل مكالمه لين طلبت اني اشوفها بدون تردد وافقة
وكنت ابي اشوفها عند باب بيتهم بس لا اكثر بحكم ان البنت عمرها 16 سنة حرام والله
قالت ياناصر خلاص اليوم الفلاني تجيني طبعن كانت هالايام ايام امتحانات اخر السنة
وموعدها وقت تسليم النتائج وحضرت طبعن بغير سيارتي ووقفت بالمكان اللي طلبته
وفجئه انفتح الباب وتركب ذيك البنت الحلاء والوزين والدلع كله بنت ملاك مثل اللؤلؤ
في مقتبل العمر سلام عليكم كيفك ناصر .... هلا والله .... خلاص ناصر طلعنا من هنا
اوكي تامرين امر ... ويدور بذهني احد شافني وهي تركب والله حاله
الفرق اللي بني وبينها هي 16 سنة وانا 26 سنة والله حاله
المهم وندور فتره معينه وبعدين وديتها لمكان كوفي شوب عوائل اعرفه
وجلسنا وكلمتين مني لها اخبارك وشلونك وردت عليهم والبنت ترتجف
وقسم بالله تقول بالعه صطل ثلج قلت وش فيك هدي عسى ما شر
والبنت تقعد تبكي تبكي وبقوه يابنت وش فيك ماصار شيء
انا والله خفت على نفسي وقلت لا يصير فيها شيء ابلش بعمري قبل اتورط فيها
المهم قالت لي انا او مره اطلع من البيت لاي مكان عام بدون اهلي اول مره اطلع لحالي
اطالع فيها عيونها حمراء ودموع يلعن ام الحاله وش السوات
والله قمت ارتجف من الصدمة لا يصير فيها شيء واتورط
قلت خلاص بنركب السيارة وارجعك المدرسة زمان السواق وصل الحين
وركبا السيارة وتمشيت فيها شويه ومريت على محل عطورات وشريت لها هدية النجاح
وارتاحت ونزلتها عن المدرسة وبعد شويه السواق واصل وركبت وتاكدت انها بخير ورجعت للبيت
وصارت بيننا مكالمات واتصالات وتطورت العلاقة لحبيبين بقوة
وصرت اخاف عليها وودي اسمع صوتها كل يوم واشتاق لها

تابع الجزء الثاني

اخوكم

الاحساااااااااااااااااااااااااس

.. *!Rosal!nda!* .. · 23-01-2005, 07:00 PM

[align=center]ال،،،لام، عليكo،

أخي[/align]

[align=center].،. الإحساس .،.[/align]

[align=center]مشكووور على القصة و سلمت يمينك

و بليز نريد الجزء الثاني بسرعة

لأن القصة على قد ما جزأها بسيط .. بس تشد الواحد لها

و نتمنى تكملها بسرعة

تحيا11تي[/align]

[align=center] .*. روزي .*.[/align]

الاحساس · 24-01-2005, 01:20 PM

مشكووررره اختى على الرد اسرع وانشله تعجبكم

اخوكم """"""""""""""""" الاحساس"""""""""""""""""""""