* لحظات غريبه بين اثنين خلقت الحب في قلبين *

[align=center]


بســـم الله الرحمــن الرحيــم ..

الســلاام عليكم ورحمــة الله وبركــاته ..!!

مســـاء الخير والاحساس والطيبـــــــــه
مســــــاء مايليق الا بأحبابــي :)...

اليووم بقـــدم لكم قصـــه اتعب اقول فيها روعـــــــــه
جد من اوول حلقــــــه فيها شدتني لهـــــــــا ..

وماحطيتهــــــا بهالوقت الا وانا ابيكم تتابعونهـــا معاي ..
مع اني ماكمـــــلت قصتي القديمـــه ..

بسس جد ماراح تخسرون لوقرأتوهــــا معاي بالعكس راح
تخســـــرون لو ماقرأتوهــــــــــا ..

واسم المبدعــــه اللي كتبت هالقصـــــه ..

!!*!!.. الضيــــــــاع انا ..!!*!!

وجد جد جد بزعـــــــــــل لو مافي تفااعل .. ولو ماتفاعلتوا مابكملهــا < تههدد بعـــــــد :D
لان هالقصه من الرواائع اللي تستاهل الكل يقرأها ..

لانها تجمع بين الماضي والحاضر والمستقبل .. وتبين لنا شلوون الصدف
تلعــــــت دوور بحياتنــــا .. :) و و و اشيااء كثيـــــــر ..

واتمنىى من الجميع متابعتهــــــا وصدقووني ماراح تخسرون ..
من متىى سهووده تحط لكم قصه مو شي ..؟!! :)

مــلاحظــــه : بنزل كل يومين حلقـــــــه ..

تحيااتـــــــي لكم ..

*.. سهــــــــاد ..*



[/align]

[align=center]
!!*!!.. لحظــات غريبـــه بين اثنين .. خلقــت الحــب في قلبيــن ..!!*!!

!!*!!.. الحلقـــة الاولىى ..!!*!!

ـــ يلا يا بنتي نروح بيت خالج ...
دانة ـ يمه ما أبي ..خالد كله يطقني ..
أم نايف ــ يلا يا بنتي ..هذا ولد خالج .. يمون عليج ..
دانة ـــ يمه يعورني ..
ام نايف ــ يلا يلعب وياج يالخبول ..يلا البسي نفنوفج وتعالي لغرفتي احط لج جحال وديرم ..
دانة ــ يمه ..الناس مايحطون ديرم يحطون حمره بس ,,
ام نايف ــ تعالي يالخبله تعالي ..


(( دانة الفرد رقم 6في عايلة بو نايف .. بينها وبين امها ثلاث وأربعين سنة ..الكل يحمد الله ان دانة ما اطلعت منغوليه ..لان امها يابتها في عمر كبير ..كل اخوانها وخواتها كبار ...وهي تو عمرها ثمن سنوات ))
اخوانها نايف وناصر وثامر وسعود ونوير...
**************
ام خالد ــ تعالي يالعنود سوي جاي ابوج بيجي الحين مع عمتج .
العنود ــ يا ربي ..متى أتزوج وأرتاح ..مليت ..الجاي على عبير ..أنا سويته آخر وحده ..
ام خالد ــ نادي عبير ..
العنود ـــ يمه انتي ناديها لانها بتصرخ علي ..
ام خالد ــ عبييييييييييييييييييييييييييير ..
عبير ــ نعم يمه ..
ام خالد ــ سوي جاي ...
عبير ــ زين ..
خالد ــ من بيجي اليوم؟؟
ام خالد ــ عمتك وبنتها الدانة وبنتها نوير ..
خالد ــ يهالدانة اللي باطة جبدي ..دلوعه ..
ام خالد ــ شتبي من بنت عمتك ؟؟ شسوت لك كله حاط دوبك دوبها ؟؟
خالد ــ تلوع جبدي من أشوفها ..ما أطيق شوفتها ..
ام خالد ــ جوف لاتفشلني جدام عمتك .. مالك شغل فيها ..
خالد حاس بوزه ..وفي قلبه نية سوده للدانة ..

(( خالد الولد الوحيد بين اربع بنات ..عمره خمس طعش سنه .. ))


*********

نوير ــ تهقين ولد خالي بيكون موجود يالدانة؟؟
الدانه ــ من؟؟ الخايس خالد؟
نوير ــ لا تقولين عنه خايس ...والله انه حبوب ..أبي أسولف معاه ..أبي أجرجره بالحجي عن عامر ولد خالتي مريم .
الدانه ــ والله انه خايس ..أنا أقولج عن عامر ..تراه يشرب سجاير ..شفته هذيك المره مع عبود الخايس ..ورى الميلس يدخنون ..
نوير ــ لايكون علمتي حد؟
الدانه ــ ماعلمت إلا بسمه رفيجتي ..
نوير ــ لاتقولين لحد ..ياويلج ..
(نوير عمرها 18سنه وتركت المدرسه من كانت في صف رابع )
الدانه ــ شلبس اليوم؟
نوير ــ حيالله دراعه ..رايحين بيت خالي ..ومافي حد غريب ..
الدانه ــ امي قالت لي البس نفنوف .وكانت تبي تحط لي جحل وديرم بس شردت وقلت لها اني بحط حمره مالتج ..
نوير ــ عيب ..توج صغيره على الحمره ..ماأحط لج ..وأمي دامها قالت لج البسي جي ..في طلعه ثانية ..
**************

خالد ــ دانه تعالي ..
دانه ــ يمه لا تخلينه يطقني ..
ام نايف ــ روحي ..لا تخافين مابيطقج ..
راحت الدانه غصب عنها ..
خذاها خالد للميلس وكانوا ربعه مناحي وفهد هناك ..
خالد ــ يلا يادانه ..السؤال المعتاد ..من أحلى
؟؟ أنا ولا نايف أخوج .؟
دانه ــ نايف أحلى ..
مناحي ــ اتركها يا معود ملينا من هالفلم اللي تسوونه كل مره ..
خالد ــ نايف أحلى ؟
ومسك يد دانه عورها ..صرخت دانه ..
دانه ــ يالخايس اتركني ..
خالد ــ مابترك يدج لين تقولين من الخايس؟؟
دانه ــ انت الخايس ..
خالد ـــ مين ؟؟
وشد على يدها بقوة ...
دانه ــ أنا خايسه عورتني آآآآآآآي ..
خالد ــ والحين من أحلى ؟؟ أنا وولا نايف أخوج؟
دانه ــ .....................
خالد ــ وليش منطمه؟؟ ماتردين؟؟
دانه ــ انت خااااااااااايس .,..ما أحبك أكرهك ..تخرع ..
خالد ــ أحلى ..يعني لازم مثل كل مره ..عاد ..ترحمي على نفسك ..
مناحي ــ اتركها حرام عليك ..
فهد ــ خل يأدبها أحسن ..
دانه ــ انت جب ..
مناحي ــ ويييييييييييييييييييي ..تستاهل فهد ..محد قال لك تحرش .
فهد ــ هالبنت ماتستحي خليني أطقها ..
خالد ــ لا ..حشى .,.,محد بيمد يده عليها غيري ..حفرتي قبرج بيدج يالدانه ...تشهدي ..
دانه ـــ يماااااااااااااااااااااااااااااااااااااااااااااااا اااااااااااااااااااااااا


***************

بعد 10 سنوات ....

___________


تنهدت وماقدرت تمسح دموعها ..
نايف ــ امسحيها في ويههي يالدانه ..منيره ماتقصد ..
(منيرة زوجه نايف وام بناته بدر البدور وقمر الزمان )

الدانه ــ خلاص أخوي ..أنا بروح بيت أخوي ناصر ..
نايف ــ ناسيه انج ثانويه .. وأنج تداومين مع بناتي في نفس المدرسه؟؟ وين رايحه لبيت ناصر , بيته بعيد ..
الدانه ــ هانت ..كلها شهر ...وأخلص الامتحانات ..وبروح بيت
ناصر..
نايف ــ لا ...بناتي تربوا معاج ..وأنتوا بتخلصون مع بعض ..الثانوية .. وبتظلين معاهم لين يجي نصيبج ..
الدانه ــ ما أقدر ناصر ...ما أقدر ...تعبت ..منور من سكنت هنا من سنتين وهي نازله تجريح فيني ...
نايف ــ البيت بيتي ..
الدانه ــ بس هي صاحبة البيت ..وهي حامل الحين وأكيد تبي الغرفه للبيبي اليديد ..
نايف ــ لا ,,تدبرنا هالمسألة .. بدر وقمر بيصيرون في غرفة وحده ..
الدانه ــ لا ...لا ..حرام عليك ..هم صج توم ..بس مايشبهون بعض ...انطر شهر ..بس شهر خلها تتحملني شهر واحد ..

(( من ماتت ام نايف ..والدانة متشحططة بين بيوت اخوانها ..بعد ماوزعوا الورث ..)
****

ــ كل عام وانت بخير ..

خالد ــ وانتي بخير يا حياتي ..تدرين انتي الوحيده اللي جبرت بخاطري ودقت تهنيني بيوم ميلادي ..

ــ وأنا أقوى أنساك ..وين بنتقابل الليلة؟
خالد ــ وين ماتبين ...بس ها يبي معاج الواجبات ...لان اليوم مارحت الكلية مثل منتي خابره ..
ــ من عيوني ...

خالد ــ تسلم عيونج ..يلا باي اشوفج الليلة في مكانا المعتاد؟

ــ وحنا عندنا مكان غيره؟
*****************


الدانة ــ انتي للحينج ماخلصتي من سلفة الاسم؟
بدر البدور ـ أكيد ما ارتاح ..قمر مرتاحه بسمها لان لو نادوها بالاسم الاول بس بيكون عادي ..بس انا ..اللي مايناديني بسمي كامل يناديني ببدر بس ...مليت يا عمتي ..
الدانة ــ اسمج حلو ..
بدر البدور ـــ مدري شطرى على ابوي علشان يسميني هالاسم التعبان ..
الدانه ــ والله انج بطرانه ...احمدي ربج ..أنا رايحه لغرفة قمور ..
بدر ــ كالعادة ماتعجبج سوالفي فترورحين لقمر ..والله اني ما احب انطق اسمها عن لاتحسب اني امدحها ..
الدانة ــ ردينا لموال قبل؟؟
بدر ــ اييه ..وانتي بعد لاتنادينها قمر ناديها قهر ..
الدانة ــ جب يا بدر ..

قمر ــ هلا عمتي تعالي ..
دانة ــ اتصلت فيني عبير ..تقول خلينا نمرها نسوي كيك معاها لحفلة اخوها اللي بيرد من السفر بعد يومين ..
قمر ــ خالد؟؟
دانة ــ ياني أكرهه ..أتذكر أيام قبل كله كان يطقني صج حمااااااار ..

**************************

شيماء ــ راح أشتاق لك ..
خالد ـــ أنا بسافر بكره الصبح ..مايمديني اوصل بسرعه للبيت .أبي أفاجأهم ..ولا ياحياتي كان بقيت معاج ..
شيماء ــ اقول لك رح اشتاق لك تقول لي قصة حياتك؟
خالد ــ لا تتبجحين ..تذكريني ببنت عمتي ..أكرهها ...والله اكرهها ..وما أطيق أشوف ويهها ..
شيماء ــ صحيح انك قليل ذوق ..انا وين وانت وين ..قول لي راح أشتاق لج بعد ..شتخسر ..
خالد ــ شيماء ..من تعرفت عليج ..قلت لج ..علاقتنا بتنتهي في اليوم اللي بسافر فيه لهلي ...وأنا خلصت الجامعه ..وتخرجت من شهر ونص ..بس نطرت اضبط اموري . اليوم آخر يوم بيني وبينج ..تقولين لي راح اشتاق لك؟؟
شيماء ــ فكرت ..يمكن تكون وزنت الامور وانك تحبني ..
خالد ــ اليوم عيد ميلادي وين هديتي؟
شيماء ــ مثل عادتك ..كالعادة ...تغير الموضوع ..أنا بروح وانت هاذي هديتك ..باي.

تقــدرون تقولون هذي الحلقــة بداية للقصه فقط وتعرف عنها ..
والاحدااث بتبدأ من الحلقــة الثانيه .. :)

انتظرر ردودكــم وارائكم ..
ولا بزعـــــــل .. :(

تحيااتـــــــــي ..

*.. سهــــــــاد ..*[/align]

[align=center]هلا والله سهوودة

القصة رووعة من البداية واسلوب سلس جذاب .. مشكورة على القصة

بس نبي التكملة باسرع وقت :D[/align]

[align=center]و أنا ما أقدر على زعل حبيبتي أنا[/align]

[align=center].،. سهوودة .،.[/align]

[align=center]سلمت أناملك حبووبة على القصة

بدايتها حلوة جدا و تشجع الواحد يكملها

بس ممكن سؤال صغيييييير مرة

ديرم << ما تعرف خليجي

يعني فاونديشن و بلاشر و لا آي شادو و لا شي ثاني

عشان ما فهمتها عدل هالكلمة ..

---

و بليز حبوبة .. ننتظر الجزء الثاني بأسرع وقت

تشاو[/align]

[align=center].*. روزي.*.[/align]

[align=center]

هــلاا & غــلاا ..
خلووودي ...

يسلموو علىى مرورك والله وردكـ ..
والحمـــد لله انها ناالت علىى اعجــــابكم مثل مااعجبتنــي
والتكمـــله بعــد يومين ان شااء الله .. :)

تحيااتـــي لك ..

*.. سهــــــاد ..*

[/align]