| | | |
02-01-2005, 10:08 AM
| #1 (permalink) |
| [قلب جديد]   تاريخ التسجيل: Dec 2004
المشاركات: 30
 |  الزواج والمهور . . . في يوم من الايام قمت من النوم وانا حالم في كابوس الله يكفيكم الشر( بنات يلاحقوني وانا انحاش) ونزلت لاميمتي زي العادة وهي متغطية وحاطة الدفاية قدامها... وقلت : ابي اعرس وانا طاق الشرر من عيوني ( الله يقطعك يالولاعة) وجلست امي وهي متكئه وقالت :اية ياولدي اليوم صرت رجال( اجل وش انا عندها اول؟؟؟) خلك تكمل نص دينك مادام ماخذيت النص الاول نضمن لك النص الثاني قالت: كم عندك هالحين؟ قلت : مابين... وتقطع كلامي من كثرها اخلص علي يابيض فقس ( بيل غيتس) قلتلها: عندي 3517 ريال ومليون دينار عراقي ( الله يقطعه واللي نصحني فيه) وخمس اسهم في اتصالات الامارات( وماهيب لي بس مشاركة مع احد هالهوامير واعدني بنسبة) طقطقت اصابعها تحسب وقالت يعني6267ريال نجيب شغالة ونزوجك عليها... منها تخدمنا ونرتاح من حركاتك وطلعتك للسطوح وانت تصلح هالدش قلت: اصوم وافطر على بصلة...طيب وش رايك نجيب لبنانية تطبخ حركات ومنها وجة يفتح النفس قالت : ابوك مابحب ياكل الا من يديني ( الله يقطعك يالشيف رمزي ماعرف الاهو) مالك الا اندونيسية... قلت : اها بس وعيالي يقولون لهم ياعيال الاندونيسية قالت : ازين من عيال اللبنانية وكل يوم مطلعهم من الشرطة مخطوفين وتطقني البتسوه( البكاء) واذكر الماضي & لاتفهمون غلط انا كنت اتلزق في العرابجه بس ماكانوا يعطوني وجه يقول رح الله يستر عليك مايستاهل الواحد يدخل فيك فوال عشان يدخل فيك قسم شرطة& قالت : بنات هالحين يبيلهم فلوس مهر خمسين الف وشبكة ثلاثين الف وبيت باربعين الف قلتلها : لو عندي هالفلوس كان رحت للمغرب ناظرتني نظرة طويلة... وقالت : قم وانا امك جب سيارة السواق من الورشة ورحت انا والسواق وفيه واحد حدني هندي والسواق عصبي قام يتهاوش معه وانا اقوله مافيه مشكل ياسيته( اسمه) ولاسمعني ونزل يتطاق معه... وفي خضم المعركة شفتهم يلملمون بعض وطلعوا زي العادة اخوان... وقام يعرفني علية واتحضنه انا والزيت اللي في راسه ينزل على عيوني ( والله من الصنكة) المهم عزموني وشربوني احلى عصير فلفل في حياتي( لاني ماقد شربت غيرة) المهم حسيت انهم مع السواليف شدوا مع بعض ويعرقون ( انا قلت اكيد من الفلفل) ولكن انا اعرق مع مكان ثاني(وععععععع) المهم مسكني الاخو وقال: يا درب المحبة قلت : نعم قال : انا في كلام فيه قول انتا مافية مشكل وتنهد... سيتة ابوك والعجيز اللي في الهند امك طاقها المرض عشانها فاقدتك ومرسليني ارجعك... ولاتحسب ان اهلك تركوك لشئ ولكن المصاريف ماقدروا عليها وباعوك على العائلة اللي انت عندها دارت فيني الدنيا... تترتررتر ( موسيقى حزينة) ولاحظت شئ غايب عني ان سيتة اذا شافني تطقة الدمعه واذا قلت وشفيك قال شعره في عيني اجل انا هندي واقوم اركض وتصدمني سيارة ( ماودي اطولها واقول نقلوني للمستشفى) لا قمت وقلتله ايس فيه انت مافي شوف نفر انا نزلي بزر( صغير ) قالي هندي ومتسعود وجلدني وانا اصيح اخاف اتطاق معه يفزعون معه السعوديين( ياحبهم للعنصرية) المهم خلص من شغلة معي ... واروح الشميسي ( مو المستشفى ولكن محلات الفيديو) اشتري كل اشرطة اميتاب باتشان علشان اتعلم اللغة... وصرت ماعاد اكل همبرجر علشان البقر بس دريت ان اهلي مسلمين صرت اكله عادي المهم رحت لمعزبتي ( امي سابقا) اودعهم... وهم يصيحون ومعزبي يقول ماودك تجلس على كفالتي ياهنتاب ( طلع اسمي) قلتلة ماما يبغى انا انتا نفر كويس ماما كويس بس ماما يبغى انا ورحت على طيارة الهند وانا افكر وش باشتغل ( الله اكبر من سمعك ماسك وزارة هنا) المهم وانزل الملم اي واحد في المطار وابوس اي بقرة هناك... واشوف امي الهندية ويوم شافتني ماتت من الفرحه ( والله العلة) والزوار يتوافدون على صندقة ابوي الكل فرحان وانا اهزز هالرويس المهم بعد مرور شهر جاني ابوي سيتة قال ياوليدي جاني زوار اليوم طالبين يدك وتطقني الروعة لااكون بنت وانا مادريت... قلت:وشوووووووو قال: عندنا البنت تطلب يد الولد وهي اللي تتكفل بكل شئ واقوم اركض وانا مستحي ويقول لاخوي الحقة شف وش فية جاني اخوي ... قال يامهنتاب الرجال ماله الا بيت مرته ابوي مهوب دايم لنا نزلت راسي وانا مستحي قلت اشوفها اول... وجت تزورنا مع ابوها وانا اطلطل مع الطاقة... وشفتها لابسه هالساري وبطنها طالع ... ودخلت عليها بالعصير وانا رجولي تصكصك في بعض وماقدرت اناظرها( الحياء الله يكفيكم شره) وهي تشوفني وتقول ماشاء الله زين ماجبت ياحج سيتة ويوم راحت... قلت لابوي كم بتعطيني مهر وابي شبكة الماس ( ذهب يفتح الله) والعرس في تاج محل المهم وافقت لاني زين وحرام تفوتني ... والحين  عندنا ثلاث عيال اميتاب ورياض ( علشان تعبت في حملة خلتني اسميه) وسيته الصغيروعايش في بومباي مرتاح... صحيح تصير مشاكل بين اي زوجة وزوج بس هي متفهمة وواعية |
|      |
 |
| مواقع النشر (المفضلة) |
 جديد منتدى الفرح والمرح والفرفشه |
| |
| أدوات الموضوع | |
| انواع عرض الموضوع | |
|
|
العرض العادي
