قصة سنة القارورة .

درب المحبة10.00

[align=justify]في ساعة متـأخرة من صباح بعد ظهر في مساء هذا اليوم رجعت للبيت ولقيت الوالد والوالده حفظهم الله قاعدين عند التلفزيون ويتابعون لهم فيلم لعل يجي فيه لقطه تهيظهم ، دخلت عليهم وسلمت ولا رد احد سفهتهم واندمجت مع الفلم قام ابوي ومسك جواله وخذ الريموت وحط التلفزيون على قناة روتانا وقعد يكتب بالجوال رساله وشوي الا اقرأ في الشريط اللي تحت حق الرسايل ، قلبي انت يا لابس الاحمر نروح ننوم ، شوي الا امي ماخده جوالها وكاتبه يا لابس العلاق وشورت الاوميك ياللي ما يطلع في صدره شعر يا بومحمد يا بعد قلبي اصبر شوي الين يروح يرقد هالثور اللي جنبي ، قام ابوي وكتب طيب افرضي انه ما نام الا الفجر بنقعد نساهره ما بقي الا ربع ساعه ويروح مفعول الحبه ، اخذت جوالها وتوها بتكتب ، قلت هاااااااااااااااه انتي واياه 200 مليون عربي دروا عنكم ، قم رح انت واياها فضحتونا الله يفضح عدوكم ، قام ابوي وناظرني وقال تراني ابيك بعد 17 دقيقه لا تروح ، قلت خير ان شاء الله وش تبي ، قال ابد نبي نروح لاقرب مكتب سفر علشان نسفر الشغاله ، قلت افاااااااااا ليه يعني لماذا ، قال لان فيه واحد غبي وثور كاتب على قميصها اهداف المصيبح ، عرفت ليه والا اشرح اكثر والتفت على امي وقال وانتي بعد قومي لعن الله ابو هالكشره معجبك هالفشار مررررررررره << كانت امي تناظر فديو كليب اليسا وذاك الرجال اللي معها وتشوف الرجال وتنهد .

قاموا من عندي وشوي الا ابوي راجع لي لانهم تطاقوا بعد ما اكتشفوا انه ماخذ حبه بنادول على انها فياجرا ، قال قم ودني قلت وين نروح كل مكاتب السفر مقفله ، قال قم ودني للصيدلية ، رحنا للصيدلية وقال على فكره ترى الشغاله نايمه عند اختك يعني لا تتعب نفيستك ، ابيك الحين تنزل يا الثور انا استحي من هالمصري وتقول له يقول ابوي عطنا اللي انت خابر ، قلت هين اوريك اجل الشغاله عند اختي ، دخلت على الصيدلي وقلت له لو سمحت الوالد معه امساك من كم يوم وعطنا اقوى شي عندك يحل بطنه ، عطاني حبوب ويوم ركبت وطفت لمبه السقف قلت لابوي يقول الصيدلي ياخذها الحين ، لفها ابو الشباب وقال عطني عطر ان كان معك ولف بي شوي ، قلت يقول الصيدلي هذه مفعولها على طول ، قال اجل رح للبيت وانا ابوك ، نزلته ورحت لغرفتي ويوم صحيت الساعه ثلاث العصر ونزلت والقى البيت هدوء ، وامي عند التلفزيون قافلة معها وحاطته على دبي الرياضيه من العناد ، قلت مساء الخير ياحلى ام وين الغداء ، قالت وشو غداه هو في هالبيت رجاجيل علشان اصلح لهم غداء ، وعلى فكره انا العب ريجيم هاليومين وما زينت غداء ، شوي الا صوت واحد يون والتفت والقى ابوي متوسد له مخده وراسه برى الحمام وباقي جسمه في الحمام ويقول يا شعرة قلبي رح العن والدين هالمصري لانه من يوم نزلتني البارح وانا هنا ، الظاهر انه عطاك حبوب خكاريه .

بعد كم يوم تشافى الشايب ولا ارتاح الا يوم سفرنا الشغالة بعدها جاء يفاتحني في موضوع زواجي قال كنديشن انت لازم تعرس ، وش رايك في بنت عمك شيخه قلت شيخه قصدك (تيقانا) ، قبل امس تدري انها لاعبه معنا ظهير ايمن في مباراة وعلى فكره انا افضل انام معك طال عمرك ولا انام معها ، قام ابوي وقال لامي تفاهمي معه ولا اجي الا انتم لاقين له حرمه ، قلت وين يابوي تدور يوزر انت ، انا مابي اغلط نفس غلطتك ، يعني لازم ادور لي وحده حلوه لو حتى علشان انتاجي ، ناظرني وقال وشو انتاجه يا نجدي فون اخلص علينا بس ، راح يتمتم ويقول اجل ظهير ايمن الله يرجك يا الثور خخخخخخخخخخخ .

انفردت بامي وقلت حبيبة قلبي ابلعب عليها وابخوفها اني حالم البارح بحلم مهوب زين في العرس وابخليها تقنع ابوي بعدم زواجي ، قلت يمه البارح شفت حلم مهوب زين قالت ( يادلب امه ) يحلمون بعد وا ملحه وحلمه < < وهي ماسكه وجهي بديها الثنتين ، من جد خقيت وحسيت اني ولد نوال الكويتيه ، قالت امي ايوه وش انتس حالمه فيه < < القراوى اذا جو يدلعون الولد يكلمونه على انه بنت ، قلت يمه البارح رأيت حنكفيس قالت امي بسم الله على وليدي ، قلت نعم رأيت حنكفيس في الصحراء ، قالت امي كنديشن وش معنى صحراء ، قلت يعني فاهمه حنكفيس يوم انك تسألين عن الصحراء ، شكلك بتتعبيني ياميمتي تدرين دوّري لي حرمه ، قالت ياربيه هو صدق ( البي البي وتوها بتطيح ) وامسكها قلت يمه قلبي قلبي مهيب تقال في هالمواقف ناظرتني وغمزت وقالت طيب وش مواصفاتك << وطقت كتفي وحطت شيلتها في فمها وضحت ضحكة عجز ، قلت يمه شكلك فاهمة العرس غلط ، اهم شي يمه ابيها عصلا ، قالت ياحبكم للعصلان وانا امك وش تبي بالجلد دور اللحيمات والشحيمات شف عند ام دحيم بنت تسنها
( رخيله ) < < الرخيله صغيرة الشاة وتطلق على البنت المربربه ، قلت يمه انا ابي اعرس مابي اضحي ، وكنت منبطحا وتزينت واستطردت قائلا انا ابي وحدة طويله وشعرها ناعم واسوووووووود وطويل وابيها اذا ضحكت يكون فيها جفيرات < < غمازات ، وابي فيها بعد فلجه في اسنانها واهم شي تكون محموسه بدمها يعني لا بيضاء ولا سمراء ، ودايم شعرها مفلول واذا نزلت غرتها على وجهها تدخل يدها اليسرى وترفعها على ورى يعني لو تلقين وحده تدخل يدها اليمنى ما ابيها وقبل هذا كله تشجع محمد عبده ، قالت امي لو القى وحده بالمواصفات هذه اعرست عليها انا ، يا ولدي ديرتنا كلها فيها بنت ام صالح فيها وحده من مواصفاتك اللي هي الفلجه ، ولا بعد سببها منطلق عليها غطاء قدر الضغط وردع خشتها ، تسانك صادق فانت بتبطي ما اعرست الا كانك بتروح للرياض فانت بتلقى ، بس تراهم يقولون ان بنات الرياض هاليومين يشربون تتن ، قلت ياويل قلبي اذا قلت عطيني الولاعه وعطتني زقارتها اولع منها يالبى قلب الاستجمار ، والتفت على امي ولقيتها ورطانه لان الموقف موقف دشاره وهي مالها في هالشغله فصارت تفك لفعتها وتعود تزينها اربع مرات وقالت كنديشن الحين وش تشتغل لو سألوني عنك الناس قلت انا يمه موظف على المرتبه السابعه وظيفتي محاسب قالت ترى الشغل مو عيب وانا امك << يالبى قلبتس ياميمتي عندها كم هائل من المعلومات بس ما تدري متى تستخدمها .

طلعت عند الباب وانا اتخيل زوجتي وهي تطلع الدخان من فتحه وحده من خشمها لانها مزكومه << حتى تخيلك مثل وجهك ، والقى الشباب واقفين عند البقالة واروح يمهم وانا امشي مثل مشي البزر اللي مع ذكرى الله يرحمها يعني اطامر يوم وصلت لهم والقى دحيم معهم ، ومعه قارورة ببسي فاضيه يتفل فيها وبعدين يحاول يشربها ، والله ويفككها معي ، قلت دحيم تراك حومت تسبدي بسعابيلك ، استحى وراح وحط القاروره في صندوق القوارير الفاضيه ، بس الشباب الملاعين دارين انه قوي ومخفه قالوا يؤ يؤ وش تقصد ياويلك منه وصدق هالثور وعلى طول نصاني ، وقال الحين كل هالشباب متلايطين على تراب الا انت ، ومادريت الا هو زامني ملعون الخيّر حتى ما امداني اقول العن امه ، ورفعني فوق وابعد عني ، انا يوم حسيت اني في الهواء ارخيت جسمي علشان تصير الطيحه خفيفه على الجسم المشكله اني طحت على صندوق القوارير الفاضيه الا قارورته اللي مسعبل فيها داخلتن في مكان ما من جسمي ، واقمط لكني تأخرت في التقميطه واحاول اسحبها وعجزت وانا لازلت على الصندوق ، المهم ودي اقول آي بس خايف يقولون وش فيك قلت شباب حاولوا تمسكون قوارير الببسي اللي في الصندوق كلها وانا ابقوم علشان ما تتكسر وينشبنا راعي البقاله ، قالوا قم بس وش هالعذر ، قلت اجل ياشباب فيه وحده من القوارير دخلت فيني ، عيال الكلب طاحوا ضحك ، قلت ياعيال طلعوها انا لو اتغر الحين قلت الجميح ، قال واحد منهم ارخ ياكنديشن وبنحاول نسحبها ، قلت والله اني مرتخي على الاخر بس تكفون يا عيال اسحبوها ، حاولوا ولا قدروا قالوا اكيد انها شافطه هواء يعني لازم المستشفى قلت ابتحمل الالم وحطوا رجليكم في ظهري واسحبوها ، قالوا بسرعه بس لاتروح كلها ، رحنا للمستشفى مشي طبعا لاني ما اقدر اركب .

وصلنا للمستشفى ويجي الدكتور قال ( مالو الخول ده مالك يا احه انت مش راقل يله ، مش تبطلون حركات القنان دي ، دا الواحد منكم مخه مئفول ) ، قال واحد من العيال مئفول وطعميه وماتوا ضحك وعلى بالهم كل واحد يطق كف الثاني ، رايقين الملاعين بلى والله مافيهم قوارير ، قلت ياعيال فهموه لايحسبني خلود ، دكتور ترى زوجتي تشرب تتن يعني عربجي شعر وذقن لو سمحت ، قال يعني مش انت اللي عاملها قلت دكتور انا اتوضى بملعقة اسمنت من خوفي عليها وبعدين يوم انا صغير التحميله ادقها والهمها فما بالك يقاروره ، قال مسدئك يابني بس يالله يا حلو ساعدني علشان نطلعها خذ الفوطه دي وعض عليها و ( زوء ) قلت وخر القارورة وابشر والله من (بيزوء) ، قال الدكتور زوء يابني وبلاش غلبه ، زئيت زئيت وماش مو راضيه تطلع ، قال الدكتور حظروا غرفة العمليات ما ينفعش الكلام ده حنحاول نديه طلق صناعي ، يوم درى دحيم ان الدعوه فيها طلق جاه احساس بالابوه ابن الكلب وجاء مسرع للمستشفى ودخل للمستشفى وهم يدفوني بالسرير لغرفة العمليات ، مسك كفي وقال شد حيلك انا اتمنى انك تجيب قارور بس ان جبت قارورة ما يخالف ، قلت دحيم ابعد عني فيك ريحه << متوحم بريحته ، وعطوني طلق صناعي وانا ازاعق واقول كله من الاميص الاحمر ابو ريش ههههههههههههههه ، وامي كانت جنبي وتقول حبيبي كثر من الدعاء لان دعاء اللي تطلق مستجاب ، قلت يمه اضيفي لمواصفات البنت اللي ابتزوجها انها تعرف تطلع القارورة ، ومع الوقت دوت دندنة اول ولادة قارورة في التاريخ وخذوها وحطوها في حضانة القوارير لان نموها ما هو كامل وانا اصيح اقول جبوها لي لازم ارضعها من صدري وبعدين اهم شي من تشبه له {5 } {5 } {5 }

بعد العملية وبعد ما راح اثار البنج صحيت وعرفت اني رجل وعلشان اثبت لكم باني بكامل قواي العقليه طلبت تقرير من الدكتور ، قال نكتب فيه ايه ، قلت اكتب ان ما حصل لفض بكارتي كان جراء مضاربة ولم يكن جراء شيء ثاني قال انت حتطلع والا ............. ، طلعنا من المستشفى وابوي يقول لي شف ياولدي هالديره مالك مكان فيها بعد اليوم لان الربع ارخوا هالسنه بسنة القارورة فشف لك ديره ثانيه. {8 } {8 } {8 }

رحت للرياض ونقلت وظيفتي هناك واستأجرت لي شقة وعشت وبعد كم شهر لحقوني اهلي لانهم صاروا يعيرونهم بالقارورة ، المفروض انهم ينسون وانتم بعد انسوا وخلونا نفتح قارورة جديده << قاعدين على البست الربع ، قصدي صفحه جديده .

في بداية الموضوع كنت مرحب بالعزاب وفي نهاية الموضوع بس ارحب بالمغاتير لان العزاب خطر علي ، وااااااي انتم .[/align]

{ 18} { 17} { 17} { 17} { 18}

نوافـــــــــي

الله يرجك ياشيخ

والله قصة مهوية ورجة اخطر شي قاعدين على البست خخخخخخخخخخخخخخخخ


درب المحبة كثر منها الله يعافيك

وتابع فيقسم الفرفشة عشان الشلة والربع يشوفون التهوية والرجة على اصولها

نواف

بايوووووووو
ماريوووووووو[b]