فـُـله
.قطة ناصعة البياض عمرها ثلاثة اشهر دلوووووووووعه ونعووووووووومه اذا جاعـت تجي عندي بلطف ووتقول بشويييييييييييش مياااااااااااااااااو" وهي تتمسح في ايديني وتغمض عيونها وتفتحها واذا حطيت لها الاكل تطالعني بنعومه وحب يعني مشكوووووره وتشم الاكل نص ساعه وتلف حولين الصحن عدة مرات قبل تبدا تاكل بادب بالغ ودماثة خلق ولا ديانا وهي تاكل واذا خلصت اكل تجيني تتمسح في ايديني وبعدين تنط على الكنبه وتقعد تحلس وجهها وتنظفه وتنام
يااااااااااااااعمري على فُـلـه



************

. شخبوط.
بس الجيران منقط بلونين بني واسود جلللللللللللللللف وعرببببببببببببجي عمره سته شهور اذا جاع لابارك الله فيه قام يصارخ في البيت باعلى صوته معيااااااااااااااااااااااو قوموا اكلوني يا تبون يا بشر ماله فايده الحين تحبسوني ببيتكم وتجوعوني والله لو اني بــره كان وريتكم الصيد والمغامرات وقبل تتحرك جارتنا من مكانها الا وهو ناقز قدامها على المطبخ وهو يصارخ وصاج البيت بصياحه وهي تطلع الاكل وهو يناقز ويتنطط كانه يقول يلا خلصينا ساعه تغرفين والله لو انك تغرفين من مفطح وهي تنثني علشان تحط صحنه على الارض يكون قد لهف نص الصحن وياكل الحمار ويلحس الصحن ولو ماهو بلاستيك كان اكله معاه


عاد شخبوط اذا اكل وشبع قام يتميلح بشباك بيتهم يدور فلـُه وفـُله بنت حموله مطنشه اهله ومعطيته اشكل ولا كانه موجود واذا يعني بالغلط كانت جالسه تتشمس قدام الشباك وظهر شخبوط طالعته بكبرياء ولفت وجهها وقامت تلحس فروها الناعم بلا مبالاة .... === >احلى يا بلا مبالاة


وتمر الشهور ويكبر شخبوط ويصج بيتهم بصياحه وهو يقول طلعوووووووووووني الله ياخذكم ابي اعرس انتم ما تفهمون يا حمير انا كبرت وصرت رجال وما اطيق الحبسه بالبيت طلعوني ابي امارس حياتي الطبيعيه مثل باقي المخلوقات ابي اغازل واتعرف واسهر والعب بلوت المهم اصحاب البيت زهقوا منه ومن صجته وصياحه وانواع النجاسه اللي مارسها بستائر وابواب البيت فتحوا له الباب ورموه الى مكانه الصحيح .... الشارع :


الوصخ تسلط على مين علينا الله لايبارك فيه ... مرابطه تحت شبابيك بيتنا ميعييييييييييييييياو معياااااااااااااو نعونعونعو ناعااااااااااو يناديها ابن الــ ..... ==== > محذوف من الرقابه. وفله توها صغيره وتمر في مرحلة مراهقه ما تعرف الاعيب الشباب اقوم انا وافتح الشباك وباقرب جزمة على ام راسه === انقلع الله ياخذك يا و...... === > محذوف. او ارسل عليه سواقنا وبالحجار يراشقه لين ينقلع ومافي ساعه الا وهو راجع الله ياخذه


.

؟المهم اشتغلنا شهر على هالحال يا طالع على الشجر وهو يصيح معياو معياو " يسالونيييييي لييييييه احبـــــك " معيـــــاو معيـــــاو" مشكلني حبك يا فــل الفــل مشكلني " يا واقف على سورنا يتمخطر قـدامها رايح جاي وهو مشخص ورافع ذيله والبنيه " فــُله " قامت تحن وتقول في نفسها اكيد يحبني والا ما يعرض نفسه لكل هالمخاطر بسبتي وصارت ترابط عند الشباك بالساعات تنتظره واذا مر قامت تسلهم له بعيونها الزرقاء وهو يطيح على وجهه ويغني معييييييييييييييييياوات نعااااو نعااااو "كثـــــــر ما اقول انا احبك كثـــــــر ما اقول اناااااااااا اهواك"





.انا طبعا ناديت الشغالات واجتماع قمه طارئ شددت الرقابه على البيت اللي يطلع يتاكد انه سكر الباب لا تخلوا الشبابيك مفتوحه لااسمع انها ردت على التلفون والا الانتكوم اذبحكم ترى والله احوسكم حوس

وتمــر الايام وارجع يومها من كليتي ادور فله وين فله مافي دوروها تحت السرر في غرف اخواني في المجالس في السطح مافي اختفت ولا لها اثر باي مكان طبعا نكبت عفش الشغالات بس بعد ايش راحت فله هربت مع هالـ ..... ==== > محذوف . وانواع النكد بالبيت والبكا والدموع


ومرت ايام عصيبه عليّ ... لا لي نفس آكل ولا اطلع ولا اكلم احد اطالع صورها في حزن والم ومراره واتخيلها وهي تلعب بكورتها الاسفنج الصغيرونه وهي تمشي وراي وهي نايمه على فراشي آآآآآآآآآآآآآآآآآه يا فله كيف هانت عليكِ العشره والايام وجحدتي التربيه وسهر الليالي




عشره ايام كأنها عشر سنين وذاك اليوم وانا طالعه الصباح للكليه وهذي اللي واقفه قدام الباب .. الله لايوريكم ويييييييين فله والله ماعرفتها الشعر الابيض صارفتايل بكل الوان الطيف غالب عليها اللون البني المحروق وانواع الضربات في الراس والايدين والتعب واضح عليها ابن الـ........مدري ايش مسوي فيها ==== > اقول ترى ماصارت نص المقال حاذفينه


واقوم واشيلها وادخل البيت وارمي عباتي واطلع بها على الحمام اروشها واشسورها واعطرها وااكلها كانت الساعه صارت تسعه واروح فيها على الدكتور تشك اب كامل ابر وادويه وبخاخات وفيتامينات ورجعنا للبيت . . . مافي شهر الا والبطن منتفخ افىىىىىىىىى وارسل سواقنا اقول دوره جيبه من تحت الارض ... كم ساعه وهم ملقين عليه القبض


دخل الســ ....... === > محذوف رافع راسه ولا كانه مسوي شي موعااااااااااااااو " ايش تبغون ؟ " واجيب فله وتقوم هذيك المعركه بينهم عرفت انهم مستحيل يعيشوا مع بعض وطبعا حضرته انكر علاقته باللي ببطنها وقام يتنطط قدام باب البيت طلعوني مابي اقعد ببيتكم ولا ابي اشوفها اصلا هي اللي جتني والا انا انواع البنات عندي ... فتحنا له الباب وطلع وسترنا عليها وبعد الولاده زورنا لها شهادات ميلاد لعيالها باسم بس جارتنا وليام



م
ل
ط
و
ش

:D:D

انين

فله شكلها غبيه مره ها ها ها