| | | |
| |||||||
 |
 |  |  |  |
| القصص والروايات المنقولة قصص عربية , قصص أطفال , قصص غراميه , قصه قصيره , قصه طويله , روايات , قصص الانبياء , قصص واقعية , قصص من نسج الخيال , قصص موروثة , حكايات عربيه , قصص طريفه , قصص السيرة , قصص الأغبياء , والكثير |
 |
| | LinkBack | أدوات الموضوع | انواع عرض الموضوع |
04-11-2004, 06:33 AM
| #1 (permalink) |
| [قلب مبتدئ]  تاريخ التسجيل: Jun 2004 الدولة: في القلعه
المشاركات: 58
 |  قصة : من يوم شفتك وخاطري مولع فيك . [ALIGN=CENTER][color=blue][size=5]قصة : من يوم شفتك وخاطري مولع فيك .... [ALIGN=CENTER]البدايه السلاااااااااام عليكم ورحمة الله وبركاته ........ هذه اولى قصصي واتمنى انها تنال اعجابكم ......... واتمنى اني اشوف ردوركم ونقدكم .......وانشاء الله اذا نالت اعجابكم بكملها...................... الجزء الاول ..عائلة سالم الكتبي .. أم مبارك عندها ولدين وبنتين البجر هو مبارك وعمره 24سنه وهو عصبي بس حنون ويدرس في التقنيه ويشتغل عند أبوه في الشركة وعقبه اليازيه وعمرها 22سنه هي وااااايد طيبه وحبوبه وما عليها كلام من حلاتها تدرس في الجامعه وهذي آخر كورس ألها وبتخلص وعقبها غبيشه هي موب في جمال اليازيه إلا أحلى منها لدرجه أنها الطيح الطير من السما وعمرها 18سنه توها داخله الجامعه وعقبها سهيل وعمره 16 سنه وهو صف ثاني ثانوي هو وااااااايد سوالف ويحب ينكت ودومه نقره مع غبيشه ونسينا نقول أن أم مبارك حامل في الشهر الثامن أم مبارك وأبو مبارك يالسين في الصاله وسهيل كان توه داخل عليهم في الصاله وغبيشه كانت يالسه على النت تطقطق عليه لين أيي مبارك عشان يتغدون يميع واليازيه ترتب الأكل في صالة الطعام وفي هاي اللحظه تتصل بنت عمهم تيلفون اسمها شمه وهي قد اليازيه وربيعت اليازيه الروح بالروح ويربع سهيل يشل السماعه : ألوووووووو شمه: هلااااااااا سهيلان سهيل: سهيلان في عينج بلحيتيه تقوليليه سهيلان شمه: ما فيك خير أصغرك سهيل: ماريدج تصغرينيه شمه: برايك وووووووين شيختك سهيل: من شيختيه؟ شمه: اليازيه بنت سالم الكتبي سهيل: تخسي هي شيختيه شمه: ازقرها أباها شيء ضروري سهيل: تعالي تغدي عندنا شمه: انزين أمبونيه بيي أتغدا عندكم بس أباها تتلقالي عند الباب سهيل: أوكيه بس الحبيبه مسكره من قبل ما يرد عليها سهيل: ألووووووو محد يرد والله براويج شمامي تسكرين في ويهي يا الحماره وسار ويلس عند هله ودخلت عليهم اليازيه وغبيشه أبو مبارك: هلا والله ببنتي اليازيه: وأنا موب بنتك أبو مبارك: ههههههههههه غبيشه: لا أنت بنت البطه السوداء سهيل: وأنت بنت منوه غبيشه: أنا بنت أبويه سهيل: لا أنت بنت العنزه اللي في عزبتنا أبو مبارك: غبوش يبتلج شيء غبوش: شووووووووو أبو مبارك: موبايل وبطاقه غبوش وتسير تربع صوب أبوها وتحبه على راسه : حلف .. انزين وينه أبو مبارك: ههههههه كلتيني .. قومي بسير أيبه سهيل واليازيه وأم مبارك: قومي أنت سيري هاتيه غبيشه: بويه حبيبي وينه بسير أيبه كلوني هالثلاثه أبو مبارك: دوج السويج بتحصلينه في السيت الوراني غبيشه شلت السويج من ييد أبوها وسارت في الحوش وشافت مبارك أخوها يتكلم في التيلفون وعنده شمامي بنت عمها وأشرت عليها أنها تيي شمامي: هلا غبوش غبيشه: هلاااااااااا شمامي شو ميلسنج عند مبارك احيدج تتروعين منه شمه: لااااااااا بس كنت يايه وشفته وسلم عليه وبعدين صاح تيلفونه وأنا كنت بدخل أنت طلعتي غبيشه: شمامي بويه اشترالي موبايل شمه: مبرووووووووووووووك مبارك: على شوووو مبروووووووووك غبيشه: أبويه اشترالي تيلفووووووووون مبارك: ولا بتصفقيبه غبيشه: ليش مبارك: ما عندنا بنات ياخذن تيلفونات غبيشه: ويزوي زايده ييد ولا ريل عنا شمه: مبارك ما فيها شيء أنا بعد عندي تيلفون مبارك: يزوي أنا عطنها وأنت شمه ماليه حايه فيج شمه حطت في خاطرها على كلام مبارك: والله هاي مشكلتكم وماليه حايه فيكم غبيشه سارت صوب سيارة أبوها ويابت التيلفون شمه دخلت الصاله : السلام عليكم ووايهت عمها وحرمته الكل: وعليكم السلام سهيل: هااا شمامي حلوه صقعت الشمس شمه معصبه : هيه حلوه والله أنها مردوده عليك سهيل: والله محد قالج سكري في ويهي ويدخل مبارك: السلاااااااااام عليييييييييييييكم الكل: وعليكم السلام مبارك وهو يضحك: أبويه رفجه عليك أنك يوم تتدخل غبوش قلها والله يا بنتي خوج ما طاع تاخذين التيلفون أبو مبارك: حليلها مبارك: رفجه عليك أبويه أبو مبارك: انزين مبارك: أنتوا قولوا حليلها عطها وتتدخل عليهم غبيشه وهي معصبه على مبارك وماسكه التيلفون في يدينها مبارك: وبعد سارت تيبه تراني قلت ولا بتصفقيبه غبيشه: بويه شوف مبارك أبو مبارك: لا يا بنتي دام خوج ما طاع مالج نصيب فيه غبيشه وشوي بتصيح: يا فرحه ما تمت شمه: حراااااااااااام عليك مبارك خلها تاخذه مبارك: شمامي أنت مالج خص شمه على بالها مبارك يتكلم جد وعصبت اليازيه: حراااااااااااااااااااام حليلها جانها فرحانه سهيل: مبارك حليلها ألحين بتصيح خلها تاخذه ولا شورايكم تعطوني أياه غبيشه وطاحن الدموع: والله يشله ومبارك أنت مالك خص دام أن بويه شارلي أياه مبارك ماقدر يتحمل جان ينقع من الضحك:ههههههههههههههه خذيه امزح معاج غبيشه تربع صوب الغسول مال القهوه وتشل فنيان فيه ماي وترش مبارك به: سخيف مبارك وهو يضحك: ههههههههههه براويج ليش ترشينيه أم مبارك وهي تضحك: قوموا تغدو ويقومون كلهم وسارو ا يتغدون وعقب الغدا يلسن البنات يطالعن التلفزون وغبيشه طبعا عند تيلفونها سهيل: والله أنج يا غبوش ما خليتي بنت في الحاره ما كلمتيها شمه: عوذبالله فرحانه بتيلفونها ويدخل مبارك عندهم وشال سفرته في ييده: غبوش قولي حق العوده ( أونها الخدامه) تكويها غبوش : العوده سارت بيت قم خالتيه عشان تسوي فوله حق الحريم اللي بينهم مبارك: أي حريم غبوش: بيون يخطبون فطامي مبارك: يخسون جان يا خذون فطامي اليازيه: مبارك فديتك ولد عمها يباها ومن كانوا صغار هم لبعض مبارك: أنا قايل أريد فطامي هنيه انصدمت شمه بس خلت عمرها طبيعيه: والله أنها هيه الخسرانه يوم بتخلي مبارك مبارك أصلن مايريد فاطمه بس قال جذيه عشان يشوف شمه شو بتقول : والله ما تاخذ غيريه أنا العصر وين العصر ألحين بسير أكلم خالتيه غبيشه: قسم بالله أنك متفيج بتسير ألحين عشان فطامي فرح مبارك أن غبيشه قالت جذيه: كله يهون عشان فطوووم يعلني ماخلي منها شمه وهي معصبه ويبان عليها : والله أنك وااااايد ذااااااااال عمرك بويه البنت تحب ولد عمها وولد عمها شارنها ويباها مبارك: ههههههههههههههههه اقص عليكم أصلن أنا يوم بعرس باخذ وحده عيونها كبار وخشمها سلة سيف من حلاها وتم يخبرهم مواصفاتها وهو طبعا عيونه في شمه اليازيه: تخسي والله أنك ما تاخذ غير اللي أنا أباها مبارك: ولا حفلتج بويه أنا أموت في ثرا الأرض اللي تمشي عليها وتقوليليه ما بخليك تاخذها شمه: من هي سعيدة الحظ مبارك: مالكم حايه فيها شمه خلاص عصبت: يزوي قومي خلا حجرتج مبارك: وألحين من بيكوي سفرتيه شمه: خل سعيدة الحظ تكويها جان يفر مبارك سفرته صوب شمه : أنت بتكوينها غياظ عليج غبيشه: يا فهيمه فهمي أنج سعيدة الحظ تصنمت شمه: ومن قال أنيه بوافق سهيل: غصبا عنج مبارك تمت هالكلمه في خاطره وشل سفرته من يدين شمه وسار هو وكواها غبيشه وااااايد تحب مبارك لانها هي الوحيدة اللي فاهمه مبارك وهو واااااايد يحبها غبيشه: وليش إن شاء الله ما توافقين على مبارك شمه: .................... غبيشه: قولي ليش , حبيبتي مليوووووون بنت تتمنى مبارك شمه: وأنا موب من هالمليوووووووون ومبارك طبعا يسمع كلامهن ليش تقول جذيه يعني هي ما تحبنيه اليازيه عصبت على شمه: شمامي قومي خلا حجرتيه غبيشه ومعصبه على الآخر وفي خاطرها سيره بلا رده سهيل: شوتتحرى عمرها ملكت جمال مبارك في خاطره والله يشهد أن الزين مأخوذ منها غبيشه: تخسي .... وسارت واتصلت حق ربيعتها مزنه مزنه ربيعت غبيشه الروح بالروح غبيشه: ألووووووو.. مرحبا سلطان خو مزنه: مرحبا الساع .. غبيشه: هنيه مزون سلطان: لحظه بشوفها غبيشه: أوكيه سلطان يزاقر على مزنه: مزووووووووووووووون ...مزووووووووووون تعالي تيلفون مزنه: علوم شو تبى سلطان : تيلفون بنت سالم الكتبي مزنه: قول من أول وسارت وشلت التيلفون حجرتها مزنه: هلااااااااااااااااااا ملاااااااااااااااااااااااايين ما يسدن غبيشه: أهليييييييييييييييييين حبوبه شحالج ربج بخير مزنه: بخير الله يعافيج شحالج أنتي وشو أخبارج غبيشه: الحمد الله مزنه: غبوش شو فيج موب على طبيعتج غبيشه: هاي مضيقتبي مزنه: يزوي فديتها طيبه ما تقول شيء غبيشه: موب يزوي شمامي بنت عمي مزنه: شو سوتلج وخبرت غبيشه السالفه مزنه: يعلها تفداه حظها أن مبارك يلتفت صوبها تحب إيدها من ورى وجدام غبيشه: ههههههههه مزوووون ترى الحيا ودرتيه شو تتدفدين أخويه مزنه:ههههههههههه ما تفديته أقول هي يعلها تفداه غبيشه: تصدقين من أسمع سوالفج ارتاح ..مزووووون عندج نكته حلوه أريد أضحك مزنه:أممممممممممم ..هيه .. غبيشه: مزوووووون ماقتلج بويه اشترالي موبايل مزنه: حلفي .. كم رقمه غبيشه : الصراحه ما عرفه مزنه:هههههههههههه انزين عقب ما اخبرج النكته بسكر واتصلي منه غبيشه: أوكيه يلا قولي النكته مزنه: واااحد غبي دخل الدكان وطلع من الدكان يضحك سألوه رباعته ليش تضحك قالهم قصيت على راعي الدكان قالوله كيف قالهم عطيته عشر ربيات وما شتريت شيء غبيشه:هههههههههههههههههه قسم بالله أنه غبي مزنه: شفتي عاد غبيشه: من قالج أياها مزنه: سلطوووون غبيشه: واااااااااااااااااااااااااااايد حلووووووووه مزنه: يلا اتصلي بشوف كم رقمج غبيشه: أوووووووكيه وتسكر عنها سهيل: موب شايفه خير غبيشه: جلب ويهك وتتصل من موبايلها لبيت قم مزنه غبيشه: هلوووووووووه سلطان: ألووووووو غبيشه قفط ويها: مرحبا سلطان: هلا غبيشه: هنيه مزون سلطان وهو يضحك : تقولج اتصليبها عقب خمس دقايق العيوز تباها غبيشه: أوكيه .. في بيت قم مزنه.. سلطان: مزووووووووووووون اتصلت ربيعتج قالت هلووووه عبالها أنت مزنه: فديتها قفط ويها سلطان: ألا قفط دخل خشمها على داخل سارت مزنه وشافت في الكاشف رقم موبايل غبوش وخطر في بالها أنها تلعب عليها مزنه: سلطون عطني تيلفونك شوي سلطان : شو تبينه مزنه: أريد ألعب على غبوش سلطان: حليلها حرام عليج مزنه: سلطون أتصل على تيلفونها ولعب عليها ورفجه عليك سلطان عيبته السالفه: أوكيه كم الرقم مزنه وتنقله الرقم سلطان يتصل غبيشه: ألوو سلطان: ألوو غبيشه: مرحبا سلطان : مرحبتين أختي هذا تيلفون للبيع غبيشه: لا خويه سلطان : لا هم قالولي أنه للبيع وأنا خلاص اشتريتها البطاقه غبيشه: بروووووووووووك عن اللعب سلطان يضحك: أختي أنا موب مبارك غبيشه استحت: سمحليه والله أنه هالبطاقه اليوم أبويه يايبلي أياها سلطان مات من الضحك وعطى مزنه التيلفون مزنه:هههههههههههههههههههه غبيشه: سباااااااااااااااااااااااااله مزنه: أحلى مقلب ....ههههههههههههههه غبيشه: مردوووووووده فيج يا مزنوه مزنه تكلم سلطان اللي ناقع من الضحك : سلطون غبيشه: هوووه اللي كلمنيه مزنه وبعدها تضحك: هيه غبيشه معصبه : والله ما كلمج يوميين مزنه: حراااااااااااااااااااااااااااااااام ما أقدر اصبر ما أكلمج غبيشه: مشكلتج وبندت الخط مزنه: سلطوووووون غبوووووووش زعلت سلطان وهو يضحك: أحسن يدتهم (بخيته) : سلطووووووووووووون .. سلطوووووووووون سلطان: لبيه بخيته: قم روح العزبه سلطان: ما فيه خلي محمد يسيربج بخيته: عنبوك زاد يدتك تقوليه ما فيه سلطان: يدووه أنا عازم ارباعتيه بخيته: ربعبهم الين ..قوا آمييييييين سلطان: يدوه محمد في حجرته من شوي قاليه بيروح العزبه سيري عنده بخيته: مزنووووه سيري قوليله مزنه: ماطلبتي يدوه وسارت وقالت حق محمد يودي يدته العزبه وهو وافق أما في بيت سالم الكتبي سهيل: غبوش غبيشه: علوم سهيل: لاااااااا رياضيات غبيشه: هههههههه ضحكتنيه شو تبى سهيل: العصر بسير بيت يدي بتسيرين غبيشه: أكييييييييييييييد وفي نفس الوقت أذن العصر وقام سهيل وتمسح ويلس في الصاله عشان يتريا أبوه وياخذ سويج الكلوزرعنه عشان يروح بيت يده أبو مبارك: هاااا سهيل أشوفك ما سرت المسيد سهيل: لااااااااا بس كنت أريد سويج الكلوزر بروح أنا وغبوش بيت يدي والله أني متوله على الشواب وسولفهم أبو مبارك ويطلع السويج من مخباه: عاد شوي شوي سهيل: ولا يهمك وساروا المسيد وعقب ما ردوا سهيل لقى غبوش متلبسه وجاهزه سهيل: هااااااا غبوش بتسيرين غبيشه: عيل متكشخه عشانكم سهيل: والله عيل ما عندي إلا سويج الكلوزر غبيشه: لاااااااااااااااااااااااااااااااا سهيل: ههههههههههههه هذا اللي عندي غبيشه:سبااااااااااااااااااال أنت بالعاني سهيل: بترووووووحين ولااااااااااااااا غبيشه: بروووووووووح حره على قلبك سهيل: يلاااااااااا عيل أم مبارك تطلع : وين رايحين غبيشه: رايحين بيت يدوووووووووووووه سهيل: بيت يدج موب يدتج غبيشه: كله واااااااااااااااااحد أم مبارك: سهيل شوي شوي سهيل: إن شاااااااااااء الله ماي مذر.. يلا ماي سستر غبيشه عبالها سستر يعني النيرس : سستر في عينك أنا دكتوره سهيل: أمايه شوفوا هالثووووووووره ,... مادري كيف وصلت الجامعه غبيشه استوعبت زين ونقعت من الضحك سهيل: أمايه سوي حق مستشفى توااااااام وحجزي جناح قسم الميانين لأن بنتج ينت أم مبارك:ههههههههههههههههههههه غبيشه: والله المينون أنت موب أنا سهيل يريد يذل غبيشه : ترااااااااااني ما بوديج ..... لحظه .. لحظه .. غبيشه: شووووووووووووووو سهيل: الصرااااااااااااحه أخاف على الشوااااااب غبيشه: لييييييييييييييييييييش سهيل: شو هالكشه وأقول الكهربه بندت علينا ثرها بقت في كشتج غبيشه:ههههههههههههههههههههه ودخلن اليازيه وشمامي شمه: أنا أريد أعرف أنت من ووووووووين تيب هالرمسه سهيل كان لين ألحين ناقمنها على اللي سوته في مبارك: غبوش يلا بس تحجبي لا يتشاردون الشواب اليازيه: بتسيرووون عند يدووووووووه غبيشه: هيييييييييييه اليازيه: أريييييييييييييد أرووووووووح غبيشه: وييييييييييين بنركبج بنسير في الكلوزر اليازيه: عادي يسد سهيل: يلا تلبسي عباتج وخلا شمه: وأناااااااااا أريد أروح سهيل: أوكيه سارن اليازيه وشمه يتلبسن عبايه سهيل: غبووووووووش ركبي السياره والله لقفطهن غبيشه: ههههههههه يلا وراحوا سهيل وغبيشه لبيت يدهم ويوم طلعن اليازيه وشمه ما حصلن حد تمت اليازيه معصبه وشمه بعد دخل عليهن مبارك اللي كان في الميلس عند ربعه مبارك: وين شمه: هالسباااااااااااااال قالنا سيرن تلبسن عبيكن وبنسير بيت يدوووووه والشيخ روح هو والمدام غبيشه اليازيه: سبااااااااااااااااال مبارك ابتسم وراح عنهن ...وفي الكلوزر... سهيل: والله لأخليها تندم على اللي قالته عن مبارك غبيشه: قسم بالله أن حظها يوم مبارك دازلها ويه والله أنها ماتسوى شعره من شعر راسه سهيل: والله لين ألحين أنا معصب عليها غبيشه: طبها خلها تولي وهم داخلين في بيت يدهم شافوا سياره واقفه غبيشه: سهيل من مالته هالسياره سعيد ولد عمهم وهو كبر مبارك وأخو شمه وبعد عندهم أخو وهو هزاع وهو كبر غبيشه سهيل: أووووووووووه سعيد رجع من لبنان غبيشه: سيارة سعيد هاذي سهيل: هيييييييييه ونزل من السياره وغبوش وراه غبيشه: عجيبه هالسياره سهيل: أنا بخلي أبويه يشتريليه مثلها غبيشه: أحلام سعيده ودخلوا الصاله سهيل: هووووووووووووود يهل البيت أم سالم (اليده) : هدا فديتك سهيل يدخل ويوايه يده وسعيد قام عشان يوايهه ووايه يدته وحبها على راسها غبيشه تتدخل وراه : السلاااااااااااااااااام عليييييييييييكم الكل : وعليييييييييكم السلاااااااااااااااااااام وسارت ووايهت يدها ويدتها وسلمت عليهم غبيشه: شحالكم ربكم إلا بخير اليده: بخير دامنا شفناج سعيد: شحالج غبيشه غبيشه: بخير يعلك الخير وأنت شحالك سعيد: بخير الحمد الله غبيشه: حمدالله على السلامه سعيد: الله يسلمج غبيشه: والله يا سعيد أن سيارتك فنانه سعيد: ركبي بحوتج فيها غبيشه وطالع سهيل : أسير سهيل لان عنده فري: ماسكنج أنا سعيد: يلا عيل سهيل: أتريا عزيمه...هههههههههههههه سعيد وغبيشه:هههههههههه سعيد: ركب حد قابضنك وسارا وركبو السياره بعد ما سلموا على يدودتهم وقالولهم أنهم يردون عليهم ... .... نهاية الجزء الاول .......... شو يلي بستوي لغبيشه وسعيد ومبارك وشمة وكل هذا بنعرفه في الجزء الثاني من قصه من يوم شفتك وخاطري مولع فيك تحياتي لكم ........... *عبسي*[/ALIGN] |
|      |
|
06-11-2004, 04:29 PM
| #3 (permalink) |
| ツ يذوقني بـذوقـي ツ تاريخ التسجيل: Aug 2003 الدولة: لوحدي الجنس: أنثى عدد النقاط: 5865
المشاركات: 3,551
 |  [ALIGN=CENTER] هــــــــلاا & غـــــــلاا .. * عبســــــي * منــورنــاا اخووي بالقسسسم ,, وتشكــر علىى القصــه الرووعــــه .. وجد انصح الكل انه يقرأها لانهــــــاا حلووه ,, بس على مااظن ان الكــاتبه اتوقفت عن كتابتهاا ..!! :eek: المهـــم ننتظر البااقـــــي منك اخوووي ,, لا تتأخرر .. تحيــــــــااتي .. :) *.. سهـــــــــــاد ..*[/ALIGN] |
|
| |
|
| مواقع النشر (المفضلة) |
 جديد منتدى القصص والروايات المنقولة |
| |
| أدوات الموضوع | |
| انواع عرض الموضوع | |
|
|
العرض العادي
