[ALIGN=CENTER][TABLE="width:70%;"][CELL="filter:;"][ALIGN=center]السلام عليكم ورحمة الله وبركاته

أسعد الله مساؤكم بكل خير

صفحة من مذكرات النسيان..قصة حب فيها من التجارب والقسوة والحرمان الشيء الكثير..

اتمنى للجميع قراءة مابين سطورها..

سأترككم معها.. تبحر بكم بدون مجاديف ..

القصة ..من الواقع المر..الواقع القاسي..الواقع المؤلم..الواقع الحزيـــن..هي عنوان للحب الحقيقي البريء

وكل ماستقرأونه بها حقيقه حقيقه حقيقه - ماعدا الأسماء - وانا عشت هذه القصة عن قررررب

وسأنشرها في المنتدى ..على حلقات شيقة متتابعه اسبوعيه..ارويها لكم من فم بطل القصة لأذني مباشرة..

ابطال هذه القصة هم..نايف..ومشاعل..

نايف كان ومازال بالنسبة لي اكثر من اخ..اكثر من صديق..اكثر..اكثر..اكثر..

كنت صفحات اسراره وبئر حبه وعشقه

تعرفت عليه ايام المتوسطة ومن تلك الايام ونحن كاالجسد الواحد..لانفترق ابدا..لم نتخاصم ابدا..

من شدة تعلقنا في بعض طلب من اهله انهم يسكنون قريب من بيتنا..كان ابوه يدور سكن جديد وقتها..

بحثوا عن منزل قريب ..ووجدوه ..كنا ايامها ندرس في ثاني ثانوي..

....

مشاعل ...كانت احدى بنات الجيران...كنت اعتبرها اخت لي..

اذكرها من كان عمرها سبع سنوات ..كنت اكبر منها بسنة..

وهي بنفس الوقت اخت صديقي خالد.. وخالد كان من اعز الاصدقاء بالنسبة لي..

اذكر اني كنت دائما ياعنده في البيت ياهو عندي بالبيت..قبل مايبدون الحريم يتغطون عنا..

لنايف بطل قصتنا اخت تدرس مع مشاعل - اخت خالد - في نفس السنة ونفس الفصل..

كان نايف هو المسؤول عن توصيل اخته للمدرسه والعوده بها..

كل ماجاء ياخذها بنهاية الدوام للبيت حصلها تنتظر مع مشاعل...هي تنتظر نايف ومشاعل تنتظر اخوها خالد..

لم يكن اي في الامر اي شيء الى الان ...لا من نايف ...ولا من مشاعل..تجاه بعضهما

**********

كانت اخت نايف من النوع اللي تحب تسولف عن زميلاتها وصديقاتها عند اخوها نايف

مرة من المرات كانت تسولف لنايف عن مدرستها وهم راجعين

وان الاستاذة عاقبتها هي ومشاعل لانهن كانن يتبادلون رسايل والابلة تشرح ..

وفجأة ..قطعت السالفة قائلة ....

..

..

الا على فكرة يانايف...تدري مين كنا نتكلم عنه في الرسايل انا ومشاعل ؟؟

نايف : عن مين ؟

ردت : عنك...

نايف: عني انا !

ايه عنك انت ..ازعجتني وهي بس تسأل ؟!...

نايف : وش كانت تسأل عنه؟؟؟.....

اخته: عن كل شيء..ظنيتك مسوي جريمة ( ضحكة طووويلة)...

مر ذاك اليوم..ونايف كله استفهامات وهواجيس ؟؟؟؟

كان متعجب انه ماعمره ناظرها او حاول جذب انتباهها له..

من بكره ..

**********

وعند وقت خروج البنات من المدرسة

كان نايف ينتظر اخته - واول مرة يجي ياخذها بدري -..وكالعادة اقبلت اخته عليه مع مشاعل

يقول نايف لاول مرة ارفع بصري وعيني بعينها.. واشوفها....وياليتني ماشفتها..

شفت العيون اللي احلى من عيون المها..- وما احلى العيون اذا صافحت بعض اول مرة -

ركبت معه اخته ونايف باله مع ذيك العيون..

كان يدندن بينه وبين نفسه..

...من نظرة عيونه تعلمت الغرام...خليتني تايه في احلى عيون.

.شككتني هو الحب محتاج لكلام..ولا النظر كافي..لاصار بجنون..

اول مارجعوا للبيت..سالها: وين الورقة اللي كنتم تحشون فيني فيها...

اخته : شقيتها ورميتها بعد الحصة...

يقول نايف.. اني شهقت ذيك الشهقة وقلت لها من غير شعور ...

الله يشق راسك..!!!

- اخته انهبلت من ردة فعله.. يعني نايف ابدا ماعمره تكلم معاها بهذا الاسلوب وبتلك الكلمات -

اما نايف.. فمستغرب كل الغرابة كيف طلعت هالكلمة منه...؟

.

..

...
مرت الايام..وهو بس يفكر في مشاعل ليل نهار..

كان يصافح عيونها بعيونه بنظرات بريئة كل يوم بعد المدرسة

ما اسرع ان تختبي من الطرفين ..اما في الارض..او في المارة ..

..

وفي احد الايام ونايف راجع بأخته من المدرسة بالسيارة

وتفكيره هايم بالخيال ( المشمشي )

قطعت اخته حبل افكاره..

قائلة:..ياليت يانايف تمر قرطاسية .. ابي اخذ صحيفه ..مطلوبة علي بكره..

نايف: المغرب انشاء الله بعد ما اصحى من النوم وأصلي ..الحين مافيه احد فاتح..

اخته: بس انا محتاجتها العصر..بتجي مشاعل نكتبها سوى...

.

.

نايف بــــغـــــى يغمــــى عليه..

رد باستعباط وبمنتهى السرعه!!

مين مشــــاعـــل؟؟

يقول نايف.....:اختي عطتني نظره وكانها تقول ..

مو علينا الحركات يالكيـــع..

يقول نايف ...الدنيـــــا ماكانت توسعني من الفرحة... حتى اني اول مرة ما انام العصر..

طلعت بسرعة البرق اجيب الصحيفة لهم وانا بس هواجيس.. وتفكير يوديني وتفكير يجيبني

رجــــعت للبيت..

وقلت لاهلي بيجيني واحد الحين... اذا دق جرس الباب علموني...

لااحد يطلع يفتح له...

..

هو ماكان بيجيه احد..

بس يبي يفتح لمشاعل الباب اذا جت..اشتاق لذيك العيون

يقول نايف .. اني مسكت اخوي الصغير وحطيته قدام عيوني عشان مايطير يفتح الباب قبلي..

اخووه الصغينون ماشاء الله عليه سنترال البيت..

وعلى الموعد.......................



يدق الجرس...





هنـــــــــــــــــــــــــــــا...

اتوقـــــــــف ..راجيا منكم انتظار الجزء الثاني قريــــبا..

ارجو منكم المتابعه..مع بالغ تحياتي واحترامي

:)[/ALIGN][/CELL][/TABLE][/ALIGN]

واحنا في الانتظار

يسلموو على هالقصه الحلوة

[ALIGN=CENTER]
يسلمووو د.قلبي على القصة الروعة

واحنا في انتضار الجزء الثاني

تحياتي وحبي[/ALIGN]

يسلموا د/ قلبي على هالقصة الروووووووووووووعة
وان شاء الله التكملة قريب

يسلمووووووووو على القصة واحنا بالانتظار بس لاتبطي علينا :)