[ALIGN=CENTER][TABLE="width:100%;background-color:transparent;background-image:url(backgrounds/17.gif);border:10 ridge black;"][CELL="filter:;"][ALIGN=center]

هذه القصيده قد أحزنتي لما فيها ألم أسرى إخواننا الكويتيين نسأل الله عز وجل أن يفك أسرهم ويرجعهم إلى أهلهم سالمين يارب العالمين آمين

أملك غرفه وسجان وألم ودموع تكويني
وعشر سنين سميها يمه عيشة الأحزان

يمه صوتك الغالي بكل ليله يناجيني
يشفقني يشوقني يزيد بوحدتي أشجان

يمه لو تجين شوي وبحضنك تضميني
وأبوسك يا حضن دافي وأشكي لك وأنا تعبان

ما باقي كثر ما راح في أسري من سنيني
من التعذيب يا يمه نسيت إني أنا إنسان

يمه الله يخليكِ تعالي اليوم شوفيني
قبل ما أموت في سجني وحيد وما القى دفان

في زنزانتي يمه كتبت إللي يواسيني
ذكرى للأبد تبقى (( أنا كويتي )) على الحيطان

يمه حبها لكويت يمشي في شرايني
ما أنسى لو نسيت إسمي بلادي أجمل البلدان

يمه ديني وصبري وأحلامي تهديني
لين الله يفرجها علي الواحد الحنان

عندي يوم يتوقف وعشره ما تعديني
يموت الوقت بأيامي وأنا في غبة النسيان
يمه وضعي الحالي طول هو يعنيني
منه يبكي الكافر ولو قلبه حجر صوان

أعطش والشقا يمه هماج الملح يسقيني
أشكي والصدى يصرخ صوت ما لقى آذآن

أمشي سكة المجهول وأيامي توديني
بلا بكره ولا خوه ولا صحبه ولا خلان

تخيلت الفرح مره لقيته كا الأمل فيني
سراب وخارج العالم ودعني بلا عنوان

شفت الظلم والقسوة بأبشع صورة بعيني
مسافة مالها آخر وغربه مالها أوطان

كم مرة يمر العيد وأنا بالأسرناسيني
يموت العيد في قلبي لا لافي ولا ضيفان

يمه لو طلعت اليوم يمكن ما تعرفيني
كبرت وشبت يا يمه وأنا توي صغير الآن

ماني ولدك الأول مثل أول تحسبيني
خايف لو طلعت اليوم بابقى داخل الجدران

متى دنياي تذكرني ؟ مدري وينها ويني
خايف ينتهي عمري وأنا لي غرفة وسجان


[/ALIGN][/CELL][/TABLE][/ALIGN]