@المميـــزه@

{للبنــــــــــات فقــــــــــط}قصيره وواقعيه جدا
قصه قصيره واقعيه
أحداث القصه تدور حول 6بنات وهم:
شهد:24سنه أكبرهم تحب الضحك والمغامره_تحب التصويربالجوال لدرجة الغرابه_
فجر:24 سنه متزوجه شرقاوي وعندها بنت تحب الضحك والمغامره وبايعتها شوي_بس حبوبه_ومرحه
عهود:23سنه هادئه ومتزنه وتخاف من المغامره بس طيبه_وعاقله_
غلأ:22سنه طيبه جدا وحبوبه وتحب الوناسه بس بحدود_قلبها أبيض وكبير وأطول وحده فيهم_
العنود:20سنه عربجيه تصطنع النعومه موسوعه من الإنجليزيه عصلأ وتتمنى تسمن _طيبه_وشاعره وعندها خلفيه عن النت_
ساره:20سنه أصغرهم ودائمامبهذله فيه شوي عربجيه تحب الضحك وإذا ضحكت ماودك تضحك_بس إنها ظفره_وخفيفة نفس_
هذي نبذه مختصره عنهم_
في يوم الأحد1428/8/2قررو
غلأوساره والعنود يروحون للسوق عشأن يتجهزون للجامعه أتفقوا البنات بأن يروحون إلى سوق صحارى بعد مامدحوه صديقاتهم_
&ياليتهم مامدحوه_&
فجر:بنات وشلون بنروح مايكفينا
التاكسي وشرايكم نكلم سواق خاص يجي ويودينا?
البنات:خلاص بس شوفي بكم يودينا
فجر:إتصلت على السواق وقال خلاص ب١٥ريال_وقالت له يجي في سوق قريب من بيتهم بيروحون له على مايجي السواق لأنهم في البديعه وهو في الملز
عهود:يالله بنات تأخرنا الساعه8ونص
راحت ساره والعنود_وغلأوشهد وفجروعهود لحقوهم
{في السوق}
دخلوالبنات محل بلايز
غلأشافت بلوزه بربريز وقالت:بكم هذي البلوزه(بربري)
عنود:هههه بربري وإلاتيس مستعجله على العيد أنتي؟
البنات قعدو يضحكون_
&من بدايتهاخفه_&
شهد:بنات تعالو نشتري بارد للطريق_
&ليه رايحين للبر_&
{في داخل المحمصه}
عهود:أبي عصيرسيزر بس مامعي صرف_
&باين قولي متحسفه بريالين لوإني ماأعرفك_&
عنود من غيرنفس:خلأص خذي على حسابي وثاني مره لاتطلعين إلآومعك صرف_ &ماتسوى عليهاريالين طلعتيهم من عينهاياشين الذل_&
ساره:خذي معي ريالين_&مسويه {كريمه !،مختار،قدام المحاسب _}
عهود:خلاص أباخذ مويه_&مسكينه فهمتها_&
ساره:هذا البسكوت حلو؟
شهد:مادري أناخذت كندرالجديد أبي أجربه حاسبو&_واثقه_& بعدماخذوالعصيروالشبس وطلعو
عهود:يالله بنات عشان يمدينا
على السوق أخاف يسكربدري عشان المدرسه،
طلعوا البنات برا السوق ينتظرون
السواق
عهود:شوفوا هذي الفآن يمكن هو_
&مافيه امل وش جاب لجاب_&
فجر:لأسيارته مافيهامكيف وقديمه_
&فرحانه إحنااللي بناكلها_&
في هذه اللحظات مرت سياره كرسيدا وفيهاشباب أثنين قال واحدمنهم:ياهووووووووووووه
&_كلب هذامو آدمي_&
ردت فجر:من زينك أنت وسيارتك&_بايعتها_&
البنات قعدو يضحكون
&_ماكذبوا خبر_&
ردالولد:بكره أجيك في سياره جديده_&افلقني_&
البنات:ههههههههههههههههههههه
فجر:ألو عبدو وين أنت؟
عبدو:أنا قدام بوابه عندحديقه!
فجر:طيب أحنا جايين
راحو البنات جهة البوابه وقعدو يدورون
فجر:أحس ان السياره تضحك لمانركبها بنضحك عليها غلآ:يمكن هذا
فجر:آلو عبدو أنت وين؟وطالعت في السياره ولقته هو
فجر:يالله بنات هذا هو
البنات بيفتحون الباب ماعرفو وفتحه لهم
ركبوا وقعدو يضحكون على أشكالهم_
&ليه آراجيز_&
وكان فيه ثلاث كراسي وراء جلست عهودبجنبهاساره وبعدين شهد وقدامهم كرسيين جلست فجروغلآ
وبقي عنود جلست في مكان مرتفع وراء السائق مباشره
&مسكين الله يعينه على وجع راسه من قرقتهاإللي ماتخلص_&
ساره:ياالله شكلك يالعنود يضحك تخيلي لو يمسك فرامل بتطيحين عنده قدام_
&ياثقل الدم_&
شهد:أيه أتخيلها تطيح في أحضانه
_&عيب استحي_&
البنات:هههههههههههههههههههه
ولما مشى فتحوا الشبابيك_لأن مافيه مكيف فصار يجي هواء من برا قوي
فجر:بنات شكلنا يضحك مانقصنا إلا الطبول هههههههههه
والله كأنا راكبين كرته
عهود:مانقص إلا المسجل عبدو
شغل مسجل أو fm‏_ياشين &قرقةالبنات وش يسكتهم توهق الرجال_&
شغل لهم المسجل شريط منوع بس مقصرعليه
في هاللحظه رن جوال عهود
عهود:هلأ هاه إحنا في السوق
نواف:اي سوق
عهود:سوق إللي جنبنا_
&لاتكذبين_&
وفي نفس الوقت غلآ تكلم أخوها حمد وهو مع نواف
غلآ:هلا حمد إحنا رايحين لصحارى_
&ماشاءالله ماتكذب على أخوها_&
نواف:أنت تقولين السوق القريب وأخت حمد تقول صحارى_
&شفتي حبل الكذب قصيرياعهيده_&
عهود:هاه إيه رايحين صحارى
نواف:من وداكم
&_له وجه يسأل لوفيك خيروديتهم إنت_&
عهود:سواق خاص في فآن
نواف:جمال
عهود:لا عبدو _جديدهذا_
نواف:خلاص لاتتأخرون 11في البيت
عهود:إنشاالله بآي_مره باين_
خذت كل بنت عصيرها وقعدو يشربون
فتحت ساره شبس وكلت منه وعطت البنات يمررون على بعض
عهود:خذت كندر حق شهد وكلته
كله على اساس انهاماتبيه يوم خلصت مدت كيسته لشهد عشان تحطهافي الكيس
شهد:جعلك السمه وينه
عهود:تبينه!
شهد:أبذوقه ماذقته
عهود:هههههههه بسم الله علي فيه
عهود:بنات أجمعو أكياسكم عشأن ننزلها معنا عشان مايقول عبدو وش هالوسخات بعدين مايجينا مره ثانيه_بس عشان كذا_
فجر:إيه بعدين يفضحناعندعمته
عنود:بنات شوفوا هههههههه
البنات: وش هو
وكانت العنود تناظرجهت الشباك
البنات قعدو يناظرون شافو واحد قاعد يضحك على جلست العنود_
&وفرحانه هالخبله يضحك عليها_&
غلآ:ههههههه قاعد يضحك عليك ياعنود
العنود:من زينه هو وشكله مالت عليه صدق مايرز الفيس إلا التيس_
&بس معه حق من جلستك كنك وحده راكبه بعير_&
البنات_هههههههههههههههههههههه
وقبل مايوصلون السوق
عهود:بنات فيه صحارى اثنين بلازا ومول إيهم الأحسن
شهد:أبكلم نوره وأسالها
شهد:آلو هلآ نوره بغيت أسئلك صحارى أي واحد الأكبر بلأزا أو الثاني
بعدين سكرت وقالت لعبدو
وقف عندصحارى
فجر:هاه عبدو تجينا إذا خلصنا
عبدو: متى خلص_
&شكله يقول في نفسه وش ذاالنشبه_&
فجر:إذا خلصنا بنكلمك
عبدو؛خلاص
نزلوا من السياره ودخلو مع بعض
{في السوق}
البنات صارو يدخلون محل محل ويتفرجون ويطلعون لكن للأسف ماعجبهم شي
بعدين دخلو محل إكسسواريز وقعدو يناظرون الإكسسوارات
عنود عجبتها محفظه عليها صور رسوم وشهد خذت محفظه وبعدين طلعوا من المحل
برا المحل_
&أهم شي طلعوابنتيجه_&
فجروعهود يمشون مع بعض
غلآوعنود مع بعض
شهدوساره مع بعض
فجر:تعالي ندخل هذا المحل{مذركير}
عشأن تشوف حاجه حق بنتها
فجر:شوفي هذا الشرابات كنت ماخذتهم ب35 والحين ب20 عليهم خصم
عهود:شوفي الألوان إللي مب عندها وخذيها
فجر:صح بس محفظتي مع شهد_
&تلمح للخبله ولافهمت_&
طلعو من المحل وقعدو يمشون
عهود: فجر شوفي هذا وش ملحه يجنن
فجر:وين
عهود:هذا اللي في كشك الجوالات الدبدوب
فجر:ياحلوه ولابس ثوب وشماغ يجنن ودي أقبص خدوده_
&اشوى ماتهورتي_&
فجروعهود:هههههههههههههههه
فجر:مليت دقي عليهم يالله عشأن نطلع نتعشا برا
عهود:صادقه أناقايله لأمي بنرجع بدري_
&أمحق_&
عهود:طلعت جوالها ودقت على عنود
عهود:آلوعنود وينكم
عنود:إحنافوق بنأخذ عصيرونجي
عهود:إنتي ومين؟
عنود:أناوغلآ
عهود:طيب بسرعه
وسكرت السماعه ودقت على ساره
عهود:آلوساره وينكم
ساره:إحنا جايين
عهود:بسرعه عشأن نتعشأ برا
ساره:طيب جايين
فجر: آف وش هالسوق ملل
شوي وأجتمعو البنات كلهم
فجر:يالله بأكلم عبدو أشوف إذا هو قريب
فجر:آلو عبدو وين أنت قريب؟
عبدو: لأ أنافي الملز بعد نص ساعه بجي_
&يصرفهم ماعليه عازه مافهموا_&
فجر:يقول بعيدبيجي بعد نص ساعه
عهود:لامافيه وقت بننتظر!قولي له خلاص
فجر:خلاص عبدو أنا يروح ليموزين_الله يسهل عليكم_
ساره:اي بس ليموزين واحد مانفترق
البنات خلاص بس وين نتعشآ
فجر:وش رايكم نروح مطعم هندي حلو
البنات أوكي نجرب الهندي
طلعو البنات عند البوابه بعد ماتفقو يتعشون في عالم البهارات
وعند البوابه كان فيه سياره فورد واقفه عند الباب فلما طلعو البنات مرت سياره فيهاشباب أثنين قال واحدمنهم:كل هالكشخه وفورد
فجر:أجل لويدري إنا بنركب ليموزين وش بيقول وقعدو يضحكون
جأ تاكسي ووقف
جت عنود وسألته:لوسمحت عالم البهارات كم تودي؟
التاكسي:ب15
البنات لاعشره زينه
التاكسي:خلاص أركبو
ركبو البنات وكانت السياره صغيره وكانت جلستهم كالتالي':
ركبت غلآ وبعدين شهد وعلى رجلينهاعنود وبعدين فجر وبعدين عهود وعلى رجلينها ساره
شهد:لوسمحت محمد قدم المرتبه
التاكسي:أنا أسمي فهدمومحمد
عهود:خير الأسما ماحمدوعبد
شهد:لك الشرف أسميك محمد
التاكسي: إذاضيق عندكم وحده تجي قدام عادي
عهود:مابعد أنهبلنا
التاكسي:والله يسوونها بنات العليا الحين يركبون قدام عادي_&بس إحناغير_&
العنود:وجع إنشاالله وش يبي هذا
شهد:بنت ههههههه والله شكله بنت
وكانت سياره لكزس بجنبهم فيها
أثنين واحد لابس ثوب والثاني بدله وشعره طويل ونحيف كأنه بنت وقاعدين يأشرون لهم ويكلمونهم
فجر:وع من زينهم وأشكالهم
ساره:هههههههه يقولي تعالي أركبي معنا وراء_
&مبسوطه تراه راحم شكلك وإنتي مرتزه في الدورالثاني_&
عهودضربتها على ظهرها
عهود:وجع غطي شعرك طالع
خلاص لاتناظرونهم وبيروحون
في هالحظه الشباب أشرو للبنات يفتحون الشباك يبون يكلمونهم
التاكسي:تبون أفتح الشباك عشان تشوفون وش يبون وفتحها_
&قليل الخاتمه مايرضاها لأخواته_&
عهود:خيرإنشاالله وسكرتها بسرعه_
&حرمه_&
وقامو الشباب يأشرون بجوالاتهم يبون يرسلون بلوتوث
فجر:ههههههه شوفو أشكالهم تضحك كل واحد اشين من الثاني_
&استغفري خلق الله_&
عهود:قفلو البيبان لايفتحونها
التاكسي:يخسون يلمسونكم وأنا أخوك_&مسوي فيها_بدري وأناأختك_&
غلآ:تصدقون كبر في عيني الحين أرتحت_
&شدعوه إللي كنتي خايفه_ زينتك ساكته_&
وبعد محاولات يائسه راحو الشباب قصدي النشبات_&يئأسو نعجبكم موكل طيرينوكل لحمه &
غلآ:تصدقون خاطري في مطعم صيني أوياباني شي غريب
عنود:خلاص بكره بنتغداء في مطعم {بكين الصيني} قريب عندنا
& _حليتيهاعلى طول_&
في هاللحظه دق جوال التاكسي ورد
التاكسي:ألو هلا الحمدلله هاه مانمت
البنات سكتو يحسبونه يتكلم مع رجال _
&مسويات أخلاق _ولماشافوه قعد يسولف مع وحده_على طول قلبها_&
فجر:شكلها خويته صح_
&أعوذ بالله منك محديسلم من لسانك_&
ساره:خلأص خلونا نضحك ونقهرها_
&نذله خرابةبيوت لهاسوابق هاها_&
البنات قعدو يضحكون ويسولفون استنتجو إنهاخويته لانه في البدايه كان يكلمها على إنها رجال
التاكسي:قفل الخط وقال:كله منكم زعلت
فجر:خويتك_&بايعتها_&
التاكسي:لأزوجتي
فجر:والله شكلهاخويتك شكلك صغير
التاكسي:متزوج من أربع سنين ودايم هذي حالتها لماتعرف إن معي بنات تزعل! قولولي وش أسوي_خذهامعك في التكسي_
شهد:عطها لحم خنزير هههههه
البنات هههههههههههههههههههه
فجر:أجل مثل حالتي متزوج
تصدقون بنات أشتقت له
&_نصابه_&
عنود:القطو يحب خناقه_جايز_
البنات هههههههههههههههههههه
التاكسي:بس خساره خربتو علي مشاريع الليله_
&وش دخلهم استح عيب موكلهم متزوجين_&
ويدق عليها مقفله الجوال_&حماره قصدي حرمه امحق_&
فجر:صدقتوه والله خويته كذاب
عنود:شوفو بنات الله ياحظهم كانوا شباب معهم دبابات
واقفين عندالإشاره
عنود:ياليته يسوي غزاله
ولما أنفتحت الإشاره مشى وسوا غزاله_وش عرفهاأكيدقد شافت ناس مثلهم_
عهود:هههههههه درا عنك
التاكسي:هاه بنات وش أسوي وهقتوني المشكله إنها بنت عمي وتوصل الكلام لعمي وأبوي_
&وش خصنامشكلتك_&
وصلو عند المطعم(عالم البهارات في شارع التحليه)_
&فكه منه_&
التاكسي:يالله أنزلوا الله يسترعليكم ويعيني_باين_
{في المطعم}
غلآ:الله وش هالأجواء الرومنسيه يصلح لمعاريس
ساره:ياحلو الإضاءه والهدوء
دخلو البنات وجلسو على طاوله كبيره ولهاست كراسي وكانت جلستهم كالتالي:
فجروقبالها غلآ_وبجنب فجر عهود وقبالها شهد وبجنب شهد عنود وقبالها ساره
فجر:أكسيوزمي قيف مي منيو بليز_
&توك داخله بسم الله_
مسويه نفسها فاهمه_&
جاء الهندي وعطا كل وحده منيو
البنات قعدو يتصفحونها وهم مايدرون وش السالفه
عهود:فجر خلاص أطلبي لناعلى ذوقك أحنامانعرف شي
غلآ:أنا ابي مشاوي إذافيه أخاف مايعجبني أكلهم
شهد:أناأبي المشروب عصيرليمون
عهود:وأنابعد
ساره:وأناأبي ليمون_
&ياشين الغياره_&
عنود:أناأبي ليمون بالنعناع
فجر:أناأبي كولا
غلا:وأنابعد
نادوا الهندي وطلبوا:ماسالا سبايسي وعادي ودجاج بصلصة الثوم ومشاوي وشوربه مشروم
عهود:ابروح اغسل يديني قبل يجي العشاء
ساره وعنود:خذينامعك
راحت عهودودخلت دورةالمياه وغسلت ووراها ساره وعنود
وعهودراجعه في الطريق صادفت واحدقاعديطلب وهي ماشيه للكبينه عندالبنات تعثرت رجلها_
&أحسن وشوله اللقافه _وبغت تطيح بس ربي ستر دخلت الكبينه وهي فاطسه من الضحك على نفسهاوقالت بنات فاتكم كنت بزلق عندالباب
شهد:ياحلوإللي واقف يطلب ماشاءالله عشان كذابغيتي تطيحين مالومك أشوى ماطحتي وفشلتينا
رجعواساره والعنود وبعدهاجاب الهندي الشوربه حطهاقدام فجرإللي قعدت تشرب وتقلب عيونهاوتقول بنات لايفوتكم طعمهاجنان
& والبنات ماكذبوا خبرذاقوا الشوربه ومدحوها&
شهد:ماتوقعت شغلهم حلو كذا فجر:لسى ماشفتي شي بس شكلي شبعت والعشاءتأخر_&كثريلي منهاشبعت &_
ساره:اضغطوا الجرس_قطرة سعابيلهامن الريحه_
غلا:أيه تكفون متنا جوع
ساره ضغطته شوي وجاءالهندي ومعه المشاوي والعصيرات وبقية الطلبات قال: أكسيوزمي
العنود:لحظه وجع ابتغطى
البنات:يصرخون عليهابسرعه تغطي فاضين لك ذبحناالجوع ادخل ادخل
دخل وحط العشى وراح
البنات طبوا في العشى_شهدعطول مسكت الجوال تصور العشى _وتعليقات وضحك_ماننلام عقب غداناماكلنا_
العنود:بنات شوفوا كيف حاطين الليمونه في المزاز حركه _ياشين القراوى _
عهود:خذوا هذا الخبزأحسن من إللي عندكم اليابس
العنود:هذاالدجاج بالثوم !مافيه طعم ثوم _شوي ويرن جوال عهود_عهود:وين جوالي بنات
فجر:محنالمك لاتكلمينالين نخلص اكل_وبعدبحث دام دقيقتين لقته طايح تحت الطاوله في المحفظه_شفتوا الجوع وش يسوي لدرجةالواحد ينسى نفسه ولايخلص عنه الأكل_المهم ردت :ألو
نواف:هلاوينكم __عهود: قاعدين نتعشى شوي وجايين
نواف:وين تتعشون عهود:هاه قريب _نواف:مين موديكم عهود:سواق خاص _نواف:جمال_(جمال هذاسواق خاص متعاملين معه)عهود:لاعبدوبسياره فان _نواف:خلاص بس لاتتأخرون شوفواالساعه كم _عهود:إنشاءالله _سكت السماعه عهود:بسرعه بنات مانبي نتأخر اليوم أول يوم والناس مدارس أخاف مايخلونانطلع مره ثانيه_ وقعدوا يكملون العشى_شدعوه إللي سمعوك بس مهيب الظنه دامهم ياكلون تشتغل عيونهم وأثاميهم والأذان عطلانه_خلصوا من عشاهم_ظلمتهم نص العشى قاعدسعوديات ماعليهم شره يتنافضون عليه وفي النهايه مايخلصون ربعه_فجر:اكسيوزمي _الهندي:يس _فجر:قيف مي ذابيل_الهندي يسأل إذا تبون مناديل معطره وأعوادأسنان_إنجليزي طبعا_فجر:نونوثانكيو_افلقوني إذا فاهمه شي _البنات جلسوا يضحكون عليها_عهود:أحلى والله فهمتي كلامه _شهد:حتى ماكمل كلامه على طول فهمتي_ فجروهي تضحك:إيه يسأل إذانبي مناديل وأعواد أسنان_أكيدتفهم كلامه موهي إللي دالتكم على المطعم _عنود:أحلى عندك خلفيه هههه
ساره:ياله جيب فاتوره_هذا إللي هامها_
الهندي اعطاهاالفاتوره وهي إللي تفطس من الضحك_البنات:خيرخيروش يضحكك_عهود:كم الحساب؟هاتي_بنات الحقو الحساب:233ريال فجر:حلوطبعاقطه وكل وحده تقط عهود:طيب بقسمهاعلى6_طلع الناتج 36ريال لكل وحده جمعت عهودالقطه ودفعوا اتصلت فجرعلى عبدوعشان يرجعهم البيت بس مادل المكان وطلبوا من الهندي يوصف له _وجلسوايسولفون ووزعوا المناديل كل وحده خذت واحدوقالوا نحتفظ فيه ذكرى _شهد:والله اليوم طلعتنا وناسه _غلا:إيه والله فله وساعةصدر_ساره:إنشاءالله بكره بعد_فجر:ألوعبدو وينك؟ عبدو:أناعندباب _فجر:ياله بنات عندالباب العنود:اباخذجيكت المويه ماأخليهالهم_وهم طالعين الهندي :ولكم ثانكيوو
عنود:ثانكيو فور سيرفس_شهد:ضف وجهك بس البنات:ههههههههههههههه غلا:هذا جزاه _بس مادفع من جيبه شي_ طلعوا ركبوا السياره _ركبت عهود فجرفي الكرسين القدام وركبت ساره وغلاوشهدورى والعنودفي نفس مكانهاوراالسواق عهود:ياويلنا تأخرنا شهد:ماعليه مره في العمر_غلا:بنات تصدقون طلعتنا اليوم تجنن ولازم نكتبها قصه_عهود:خلاص أنابكتبها وكل وحده تختارلهاأسم _طبعا الأسماءفي القصه مستعاره _ فجر:أناخاطري في ملك شيك من هرفي عهود:أخاف الوقت متأخروأهلي يعصبون علينا شهد:عادي يعصبون شوي ويرضون زي العاده_فجر:عبدو وقف عندهرفي طلبيةسياره عبدو:طيب_في هالحظات رن جوال عهودعهود:ألوهلاهاذانا جايين والله قريب عندالجافل طيب إنشاءالله مع السلامه عهود:بنات امي متصله معصبه تقول عبدالعزيزمعصب وينتظرناحتى حمدأخوغلامعصب_ فجر:خلاص بناخذالملك شيك ونمشي _وقفواعندهرفي وكان قدامهم سيارتين _شهدرن جوالهاشهد:ألوهلانواف وش نسوي مسكت مع فجرتبي ملك شيك وطلبنامعهاشوي وجايين سلام_غلارن جوالهاغلا:ألوهلا أحناعندالمطعم هرفي لاتجي إحناجايين سكرت الخط وقالت: حمديقول بجي آخذك_عهود:قولي له يجي عندالبيت مارح نطول _غلأ:هلاحمدلاتجي انتظرني عندالبيت طيب طيب_وأخيرا" تحركت السياره إللي قدامهم ومشوا_فجر:عنوداطلبي ثلاث ملك شيك شوكولاو2فراوله_ شهدوعهودوساره شوكولا فجروغلافراوله عنود:مالي خاطر_عنودتطلب 3ملك شيك شوكولاو2فراوله البنت ماأحدعطاهاوجه وصارت ترفع صوتهاشوي:هيه صقه ترى ورانا
أهل ينتظرونا أخرتونا_وماتدري إلآوذا الصوت :نعم وشوطلب والبنات ضحكوا عليهامسكينه اخترعت بسم الله عليها_شهد: بنات عبدالتصل وش نقول أحسن مارح أرد_وشوي يتصل نواف على شهد_شهد:ألو أهلين نواف ننتظرالطلب شوي خلاص سلام_وأخذناالطلب ووصلنا البيت والأيدين فاضيه لاأكياس ولاشي إلآ الملك شيك إللي حصلوبسببه تهزيأه ومبسوطين بعد_بس شهدكان معهاكيس صغيرفرحانه فيه يحوي محفظتان _وحمدكان عندالباب ينتظرغلاركبت غلا ولمادخلوا البيت أمهم تنتظرهم معصبه: كان ماجيتواالحين تونا وعبدالعزيز جالس منتفخ يعني معصب ولمادخلوا غرفتهم راحت فجرعندجدتها وخالها(فجروساره)بنات أخت عهودوشهدوعنود_دخلت فجر: السلام عليكم _عبدالعزيز:وعليكم السلام ليه متأخرين فجر:السوق بعيد_عبدالعزيز: أي سوق رايحين_ فجر:صحارى عبدالعزيز:وش وداكم له بعيد فجر:صديقات ساره وغلا يمدحونه _عبدالعزيز:بس المره الثانيه ترجعون قبل 12_فجر: إنشاءالله _عهود:هلاغلاوش صارعليك _غلا:هلاحبيبتي لاعادي بس حمدمعصب قاعد يكلم أمي لاماصارشي عادي_ وعهودجت للبنات في الغرفه الثانيه _شهدوعنود_قالت بنات اسمع صوت حمديصرخ على غلا _البنات صدقوا_اتصلت شهد على غلا_هلا:غلا _غلا الحقوني ذبحني من الطق ههه امزح هلا حبيبتي _شهد:صدقت يامجنونه وش صارعليك_ غلا: لاعادي قلت ودني لأختي انام عندهم قال بشرط عطيني فلوس وعلى طول رضا_شهدسكرتهاوكملت على العنودالسالفه وعرفت إنهاتمزح وبعدين أتفقوا البنات على طلعه ثانيه والله يستر_المهم بدون تأخير_________/وهذي أبيات ابدعتهاشهد _أمحق إبداع_ في طلعتهم السابقه:
في يوم الأثنين من إحدى الأيام
اتفقنانتمشى إحنايالبنات من الشله
اتصلناعلى السواق راعي الفان
جانابسياره بدون مكيفات وصارت عله
موقف عشناه ولافي الأحلام
ركبنانضحك على أشكالنابس فله
طول الطريق ضحك لين وصلناالمكان
سوق صحارى وبضاعته من سوق الحله
رجعناماشريناشي يد _ورى ويد_قدام
ولاحتى ملينا السله
الين ماوقت العشى عليناحان
ورحنالمطعم هندي طلبنااللي عندهم كله
حطوالناالأكل في الأبلام
وتعشيناوخليناالهندي يكلم السواق يدله
رجعنالأهلنا والمخفي بان
سألونا وين الأغراض ماشافو شي و مسكو علينا زله
وش نقول/ ماعجبناشي/ ضاع الكلام
صارت أمي مننا زعله
الساعه١٢وقتهاكان
بس ماتسوى علينا الفشله....
__انتهت القصه__
مابي أكلف عليكم بس ياريت تكتبون لي : احسن و أهضم شخصيه وأطرف موقف ,, واكون شاكره لكم..