اهلا وسهلا فيكم معي اليوم بأكلة جديدة...


للعلم,
هيدي طريئتي البيتوتية.. يعني متل ما بساويها بالزبط...


المقادير:
3 بصلات متوسطة الحجم
3 حبات طماطم متوسطة الحجم
كوب ونص رز
ورق عنب..
ضمتين بقدونس
ضمة نعناع
ملح
ليمون
زيت زيتون
بطاطا وبندورة شرحات..


الطريقة,

1- يغسل الأرز وينقنع في ماء دافي.
2-يفرم البصل فرم ناعم .
3-تقطع الطماطم لقطع صغيرة جدا
4- يفرم البقدونس والنعنع فرما ناعما طبعا بعد الغسل جيدا.
5-توضع الخلطة في وعاء وتتبل بالملح وشوية فلفل اسود.ونعنع ناشف.ويضاف شوية زيت زيتون.
6- يلف الورق عنب صغير بعد ان يحشي بالخلطة.لا تكترو رز بالحشوة لانو الرز بينفش وبخرب الورقة!
7-يدهن القدر بزيت الزيتون ويوضع في أسفل القدر شرائح بطاطس وشرحات البندورة ومن الأطراف حتى لايحترق ورق العنب .. ثم يبدأ رص الورق العنب الملفوف.
8-تضاف كمية من الماء كافية لتغطية الورق وتزيد عليهم بشي تنين سانتي.ويطبخ على النارلمدة ساعة ونص لساعتين .
9-بعد ساعة ونص قم باضافة فنجان اهوة زيت زيتون وعصير ليمونة او تنتين..حسب الرغبة بالحموضة!
وما تنسو تملحو الطبخه..

**ممكن كتير تستعملو ملح الليمون..بدل الليمون.