21-07-2007, 10:09 مساءً
|
#5 |
| [قلب جديد]
تاريخ التسجيل : Jul 2004 الدولة : السعوديه عدد النقاط : 50
المشاركات: 36
|  Re: حبك اللي من شتاتي لمني للكاتبه اميره الروح18 تجنن موووت رووعه لاتفوتكم
@ الـــــــــــــجــــزء الثــــالـــــث @
<<بيوم العـرس>>
الساعه 3 العصر ببيت ابوفيصل كان فيصل قاعد بغرفته وتدخل عنده نوف
فيصل: هلا فوفو
نوف: مبروك ياعريس
فيصل وهو يضحك: الله يبارك فيك
نوف: كلمت مرتك
فيصل: لا
نوف:ليه؟!
فيصل: تلاقينها الحين مشغوله بالتحضيرات لاتنسين انها العروس
نوف: طيب ياعريس الف مبروك ولاتنسى ان هذا اليوم اللي انتظرته طول العمر واذا اماسي كانت معك قاسيه أو جافه شوي اعذرها لانك المفروض تفهمها اليوم رح تبدء حياه جديده وبأيدك انت تحسن هالحياه هذي
فيصل: مايحتاج توصين يانوف من غير ماتقولين اماسي بعيوني
نوف: تسلم عيونك والحين عن اذنك بروح المشغل
<<بـالصـالـه>>
كانت الكوافيره تحط اخر اللمسات لاماسـي اللي طلعت روعه الا جـنان مع فستانها الابيض النافش ومن فوق حفر وفتحه صغيره عند الصدر والظهر كله طالع وعليه قطعه بيضاء مطرزه خفيفه وكان مكياجها اكثر من خيالي يستاهل هالكم الف اللي اندفعت عليه اما شعرها كانت رافعه نصه فوق ومسويته كيرلي وطالعه تجنن الا تاخذ العقل وكل من شافها ماصدق انها اماسي
الكوافيره: ماشاء الله تجنن
تجي ام سعود ومعاها المبخر وتبخرها واختها دانه تقرأ عليها من العين ويجون بنات عمها ويسلمون
نوف: ماشاء الله تبارك الله تأخذين العقل بيروح فيها فصول اليوم
خافت اماسي وقالت:شكرا
دانه: بنات ترى اختي حيويه وتستحي يعني لا تقولون قدامها فيصل كثير
حصه: يابخت فيصل فيك والله
دانه : عقبالي
رنده: شتبين انتي خليها الليه ليلتها
اماسي نقزها قلبها
دانه: وين العنود وشوي تدخل العنود مع امها وام عبدالله
ويشهقوووون البنات: العنـــوووووووووووووووووووووود
دانه: طالعه حلوه يادبه شمسويه بنفسك
العنود بدلعها المعهود: انا من يومي حلوه
رنده: والله صايره خطيره حسره علي
العنود: حتى انتي طالعه موووت
رنده: بس مو مثلك انتي واماسي
العنود بخجل: يوووه سوري نسيت اسلم على العروس الف مبروك اماسي منه المال ومنك العيال
اماسي: الله يبارك فيك ياعنود عقبالك
ام اماسي تاخذها على جنب وتكلمها بعقل: يمه انتي صرتي مره متزوجه ورح تروحين بيت زوجك لااوصيك على زوجك اهتمي فيه وراضيه وخلي عنك الدلع والعناد اماسي ترى المره السنعه مالها الا بيتها وزوجها
اماسي: يمه ليه تقولين كذا خوفتيني ؟
الام: لايايمه لازم تعرفين هالكلام وهالكلام مافيه خوف ولاتنسين ان سعاده فيصل بيدك
خافت اماسي زياده وحست ان مسؤوليتها كبرت بس ماحبت تبين لامها: ان شاء الله يمه
وسلمت عليها جدتها وامها وقعدوا البنات يسولفون معاها شوي وطلعوا
خلونا نقولكم عن كشخه البنات
دانه: كانت لابسه قصير من قدام لحد الركبه وجزمتها (تكرمون) ربط ومن فوق بدون اكمام بس خيط خفيف وعند ظهرها xوضيق طالع عليها جنان من تشكيله ايلي صعب ومكياجها سموكـي جنااان وشعرها حاطته على جنب ومنزله غره ومسويه كيرلي خفيف وحاطه ورده فوشي بشعرها
رنده/ لابسه كموني روعه طويل وبدون اكمام جاي مخصر على جسمها وقماشه حرير ومكياجها لبناني روعه مطلع نعومتها وجمالها وشعرها فاتحه وحاطته على كتفها جاي كثير وغزير ولافته طالعه جذابه
حصه: لابسه فستان ليموني روعه طويل وفيه قصه عند الظهر صايره روعه وشعرها لافته على فوق ومنزله غره وحاطه خصل مؤقته ليموني بشعرها طالعه تهبل مع مكياجها الدخاني
العنود: لابسه فستان احمر طويل وظهرها كله طالع وقصه عند الصدر وبدون اكمام جاي مايل على كتوفها ومكياجها الخليجي الروعه وشعرها رافعه نصه والباقي ملفوف بشكل عشوائي وحاطه خصل احمر طالعه مووت وكل من شافها قال مين هذي؟
نوف: لابسه فستان سمواي كيوت مطرز تطريزات روعه طويل وجاي مخصر على جسمها وبدون اكمام وطالع خطير وشعرها رافعته مسويه تسريحه روعه رافعه نص شعرها ومنزله النص طالعه نايس
ام سعود: كانت لابسه فستان فستقي كات وحلوو مناسب لسنها
ام فيصل: لابسه جلابيه روعه من اليشمك مناسبه لسنها
ام عبدالله: ~ ~ ~ ~ ~ ~ ~
ام سامي: لابسه جلابيه راقيه وهاديه
وطلعوا من عندها وشوي يجون دلال ومشاعل ومروه
مشاعل: كانت لابسه فستان بيج قصير وضيق بدون اكمام طالعه فيه اموره وشعرها رافعته لفوق ولافته ومكياجها خليجي
مـروه: طالعه تهبل تأخذ العقل شعرها فاتحه وحاطته على جنب مسويه كيرلي وفستانها العنابي الروعه ضيق وقصير وفتحه جريئه عند الصدر مثل هيفاء وهبي بكليب بوس الواو ومكياجها سموكي وجزمتها (تكرمون) كعب عالي جدا
دلال: لابسه فستان اسود طويل ومطرز له فتحه عند الظهر وفتحه صغيره عند الصدر وشعرها مسويه له استشوار صاير سايح ومكياجها الخليجي الثقيل طالعه عاديه واماسي احلا منها بكثير اصلا هي حلوه بس شكلها كانها وحده داخله عزاء
مشاعل بحقد: مبروك يابنت اخوي
اماسي: الله يبارك فيك ياعمه
مروه بدون نفس: مبروط عقبالي
اماسي: امين
مشاعل:عن اذنك وتسحب مروه ويطلعون
بقت دلال واماسي لحالهم دلال ساكته ماقالت شي واماسي تطالع فيها ظلوا على ذا الوضع يمكن خمس دقايق وقطعت الصمت دلال وقال: مافيك زود
اماسي: عفوا مافهمت
دلال: ليش انتي من متى تفهمين؟صادق فصولي يوم قالي ان شكلك للعيال والبيت وبس هههههه وماتفهمين بشي
ماقدرت اماسي تكتم دمعتها ودمعت عينها وفرحت دلال انها قدرت تخرب عليها ولو جزء بسيط من ليلتها
دلال: الحمدلله والشكر طلعتي مريضه نفسيا بعد ويدق جوال دلول وترد: الو هلا قلبي يو الله يعينك فصولي ماخذ بقره مو مره هههههههههههههه وتطلع وتتوالى الدموع بعين اماسي وتبكي وتبكي بدون ماتتكلم
طلعت دلال من غرفتها وهي مستانسه وشافوها مشاعل ومروه
مشاعل: هاه شسويتي
دلال: خربت عليها ليلتها طبعا
مروه تضحك بخبث: الف مبروك وهذي البدايه والحين باقي فيصل عشان تشك صح
دلال: اكيد ياعمري مايبلها كلام بس القهر انها طالعه مووت الخايسه
مشاعل: عادي عروس يعني كلها كلها مكياج
دلال تضحك بخبث: هههههههههه الحين بيروح المكياج مع دموعها وبتطلع على حقيقـتها
مروه: هههههههههه يعني بيخترع فيصل
دلال: اكيييييييييييييد
مشاعل: بنات يلا نروح الصاله ترى تأخرنا على الناس
مروه ودلال: يلا
في الصاله كانوا البنات يرقصون على كل اغنيه وعلى كل شارده ووارده وهم رقص في رقص وشوي يتصل المعرس يقول بيدخل وتروح ام سعود لدانه
ام سعود: دانوووه روحي لاختك استعجليها عشان الزفه بعد شوي
دانه: ان شاء الله..... وتروح دانه لغرفه العروس وتدخل لاماسي وتشوفها قاعده تبكي والظل حقها رايح فيها
دانه بأستغراب:اماسي شفيك
اماسي:...............
دانه: مو تكلمنا بموضوع فيصل مليون مره؟
اماسي: فيصل خاين
دانه: خير فيصل مو خاين هو يحبك ورنده تحلف لي بهالشي
يا اماسي مايعرف غيرك ولافكر بوحده غيرك
اماسي:الا
عصبت دانه: اقول اماسيوه شوفي شكلك بالمرايا خربتي الظل والكوافيره راحت يعني رحت فيها لو يشوفك فيصل كذا يخترع
اماسي: مايهمني
دانه وهي معصبه من اختها وبرودها : اسمعي امي الحين جايه و الحين بيحطون الزفه يعني لازم تقومين ومافي وقت اخذ واعطي معاك كثير لحظه خليني اضبط لك المكياج
اماسي: بس
دانه: بتسكتين والا بسكتك غصب خليني اشوف شغلي وضبطت لها المكياج بالسرعه القصوى
ودقت عليها امها
الام: الو يلا اخذي اختك وتعالي ... وتطلع مع اختها للناس
انطفت كل الانوار بالصاله وبقى نور خفيف يمشي بالمكان اللي اماسي فيه والصاله هدوء مافي الا صوت المطربه
ياناس صلوا عالنبي ذكرى النبي فايده**
اللهم صلي وسلم عليك ياحبيب الله محمد
ياناس شوفوا حسنها النور منها وحولها
لااله الا الله قولوا لااله الا الله
الليل ساكن شعرها والكحل اصل رموشها
لااله الا الله قولوا لااله الا الله
عيونها عيون المها واحلى الورد بخدها
لااله الا الله قـولــــــوا لااله الا الله
اسمر على ابيض لونها سبحان من ربي
شالها لااله الا الله قولوا لا اله الا الله
اللهم صلى وسلم عليك ياحبيب الله محمد
الف الصلاه على النبي لا اله الا الله
عليك سعيد ومبارك والفرح منك تبارك
لااله الا الله قولـوا لا الله الا الله
عريسنا وعروسنا كملوا نور السنه
ولااله الا الله عريسنا زين الرجال
وعروسنا كل الدلال ولا اله الا الله
لااله الاالله ولا اله الا الله
الله الله الله كملوا نص دينهم
سبحان من جمع شملهم لا اله الا الله
دعيتك ربي العالمين يصونهم من الحاسدين
لااله الا الله ولا اله الا اللـــــه
عليك الصلاه والسلاه ياحبيب الله محمد
كلوووووووووووووووووش
واخيرا جلست على الكوشه وهي ميته من الخوف من نظرات الناس لها جاوا اهلها يباركون لها وشوي الا غنت المطربه وقاموا يرقصون وبين احدى طاولات كبار الشخصيات كانت قاعده دلال تطالعها وودها تقوم وتطقها من القهر
مشاعل: يلا نقوم نسلم على العروس
دلال: سملت عالزفت
مروه وهي تضحك: ههه شعوله احنا بنسلم لما يدخل فيصل احسن وشوي يدخل المعرس فيصل بكامل اناقته ووسامته طلع غير ودخل معه ابوه واعمامه واخوانها وزفوه لين وصل الكوشه وهو عيونه متعلقه في اماسي وبعد ماوقفوا الشباب رقص
ابوسعود: لا اوصيك يافيصل على اماسي تراها غاليه
فيصل: بدون ماتوصي ياعمي اماسي بعيوني ويطالع فيها وهو شكله هيمان وميت عليها واماسي وجهها رايح من الحيا
ام سعود: فيصل هذي اماسي مااوصيك عليها
فيصل : افااا ياخالتي لاتوصين هذي انتي قاعده توصين على قلبي ومايحتاج توصين
رنـده بمرح: اثقل شوف البنت صارت طماطه من نظراتك لها
انقهرت اماسي وماتكلمت
رنده: اماسي لااوصيك على فصول عذبيه جننيه لا تسمعين كلامه ورح يحبك ويموت فيك
ابتسمت اماسي وقرب فيصل منها وقال: فديت هالابتسامه الحلوه نقزها قلبها وحست ان الموضوع جد وخافت وشوي يجي ابو محمد: مبروك يابنيتي ولا اوصيك على فيصل
انقهرت اماسي لانها رح ترد على عمها وقالت: بنبره مبحوحه لاتوصي حريص ياعمي
في زاويه من زوايا العرس كانت حصه قاعده تكلم اخوها محمد وماتسمعه عدل عشان صوت المطربه اللي كان عالي جدا وقررت تروح عند المغاسل وقعدت تكلمه : الو هلا محمد
محمد: اسمعي قولي للحين اننا مارح نطول هنا الحين بنمشي
حصه: بس خواتي ماودهم يطلعون
محمد: مب على كيفهم انا ماشي الحين وانتظركم اللي بيجي اوكي واللي مو جاي بكيفه
حصه: انا بجي معاك ودي انام لي ساعه قبل مااروح الدوام يلا باي وتلفت تبي تطلع ماتشوف الا ذاك اللي واقف ويطالع فيها خافت حصه واستحت من نفسها لانه شافها وهي مو حاطه شال ومشت بسرعه وصدمت فيه ذيك الصدمه اللي خلتها تطيح من طولها وقامت تركض بسرعه لين مادخلت الصاله
الولد: اوووف وش هالجمال ماشاء الله
وبالصاله وتحديدا بالكوشه
تجيهم ام فيصل وهي تبكي : مبروك ياوليدي ماصدقت يجي هاليوم اللي افرح فيك
فيصل: يمه ليه هالدموع؟
ام فيصل: دموع الفرح يايمه اماسي لااوصيك على فيصل تراه بكري وعزوتي بهالدنيا لاتزعلينه واسمعي كلامه
تتدخل نوف: يمه وصيه هو على اماسي مايحتاج توصيه عليها
ام فيصل: اوصيكم اثنينكم على بعض وشدوا حيلكم نبي نشوف اعيالكم
استانس فيصل: اميييين ان شاء الله مانكمل سنه الا واعيالنا عندنا
ام فيصل: اميين
انحرجت اماسي وضاعت علومها وقالت بخاطرها(شقاعد يقول هذا)
وبعد التبريكات والتوصيات طلعوا الرجاجيل وراحوا الحريم ومايلمحون الا ذيك البنت الطويله اللي جايه عندهم بدون عبايه ولاشي ولابسه اسود وحاطه الطرحه على راسها وكانها جايه عزاء ومعاها ثنتين حلوات
مشاعل: مبروك ياولد اخوي
فيصل: الله يبارك فيك ياعمتي وراحت
مروه: مبروك يافيصل واماسي(تقولها بدون نفس كان احد محفضها اياها)
وشوي وتجيه دلال وعيونها وشوي وتدمع لكنها تماسكت واماسي ميته من القهر لانها كاشفه عنده مادرت ان فيصل ماتمليه الا شوفه عيونها وبس
دلال: مبروك ياودلد العم
فيصل: الله يبارك فيك
دلال: اتمنى تكون احسنت اختيارك ومايطلع غلط
عصب فيصل من كلامها وناظرها: انا مقتنع بزوجتي كامل الاقتناع واحبها واكيد احسنت اختياري
كبر فيصل بعيون اماسي وانقهرت منه دلال : الله يوفقك بحياتك وراحت وهي معصبه وتقول في خاطرها الله ياخذك يااماسي وانتهى الفرح بدموع الفرح والوداع وراحوا الكل بيوتهم
<<بسياره العرسـان>>
فيصل واماسي كانوا ساكتين طول الطريق ولاحد فيهم تكلم او حاول يتكلم وكان فيصل مركز على حركه اصابع اماسي اللي كان باين عليها انها متوتره
<<<ببيت ابومحمد>>>>
جاوا مروه ومشاعل ودلال وام محمد مع ابو محمد اللي راح بسرعه لغرفته ونام وكانوا هم اخر الواصلين بعكس ام عبدالله وحصه اللي طلعوا مع محمد وقعدت ام محمد وبناتها مع مشاعل بالصاله يحشون بخلق الله (ياسبحان الله تجمع الشر على بعضه)
مروه: انا ماقهرني الا ذيك المايعه اللي يقولون اسمها العنود شفتوا شلون الحريم قعدوا يتكلمون عنها وكانها احلا مني (مروه والعنود ملكات جمال بس مروه الكل تعود على جمالها لانها دايم تتكشخ وتتمكيج وبكل مناسبه رازه وجهها واما العنود فكانت اول مره تتمكيج وسحرت الجميع)
مشاعل: تخسى الا هي هالفقيره
دلال:خلينا من هالفقيره الخايسه الا شفتوا اماسيوه الكلبه طالعه حلوه الله ياخذها المفروض انا مكانها
مروه: المفروض تفهمينها من الاول يعني الولد خطب اماسي مليون مره ورفضته وهو متمسك فيها يعني ياغبيه كان فهمتيها
ام محمد بصراخ: مررررووووه وبعدين اختك فيها اللي كافيها
دلال: الله ياخذها الحيوانيه الحين تتهني بفصولي وانا قاعده هنا
مشاعل بضحكه خبيثه: ههههههههههه ليش انتي خليتها تتهنى الحين تلاقينها هالخبله قالبتها منااااحه
مروه وهي فاطسه ضحك: هههههه والمشكله انها بتصيح وبيطلع وجهها على حقيقته من غير المكياج
مشاعل: وبقول وع وش هالوجه واللي كلمتني بالعرس توا احلا منها
دلال وهي مستانسه: يعني اضحك ماابكي
ام محمد: وليه تبكين الا المفروض تخططين كيف ترجعين فيصل
مروه وتقول بخاطرها: ( ماطير الرجال الا خططك الفاشله ) طيب مامي انا جوعانه وماتعشيت خلونا نطلب من المطعم
مشاعل: أي مطعم اللي فاتح لك السـاعـه 4 الفـجـر؟
دلال: روحي قومي الطباخه والا اقولك هذي طباخها مو حلو قومي هالعانس خلينا تسوي لنا عشان
مروه: وليه ماتقومين انتي؟
ام محمد: مروه اسمعي كلام اختك الكبيره وقومي
مروه بزمره : اووووف حاضـــر
وتروح مروه لغرفه حصه وتدخل بدون استئذان وبدون حتى ما تطق الباب وتدخل تشوف اختها تصلي وتصيح
مروه بزمره: هااااي انتي شفيـك تصـيحين
حصه: ولاشـي
مروه: بالطقاق اصلا انتي من قالك ان صياحك يهمني اكيد الحين تدعين ربك يجيب لك معرس من تحت الارض
حصه: تكلمي بـأدب ولاتنسـين اني اختك الكبيره
مروه : اقول تلايطي وروحي المطبخ بكرامتك لا اناديلك امي توديك المطبخ بكف محترم وسوي لنا عشاء حلوو فاهمه وبسرعه وتطالعها من فوق لتحت وتروح
حصه: الله يسامحك يايمه.... بس حصه ماهمتها حركه مروه لانها متعوده عليها انها تسب الجميع حصه كان همها الكبير ان الله يسامحها لانها كشفت على واحد من اعيال عمها صحيح ماكانت قاصده وهو كان يقز فيها بس هالشي مايخليها من مسؤوليه الاثم اللي اكستبته وراحت المطبخ تسوي لهم عشاء
<<<بـــالــــفـــنــــدق>>>>
دخلوا فيصل واماسي سويتهم واماسي كانت واقفه وترتجف وخايفه وماهي بعارفه شتسوي او شتقول وفيصل وكان مبلم ويتأملها قطع فيصل الصمت وقال : انا رح اطلع برء عشان تاخذين راحتك باللبس وطلع
خافت اماسي وماعرفت شتسوي وتوهقت وراحت عند شنطه ملابسها واخذت قميص النوم اللي حست انه اكثر حشمه من غيره ولبسته وكان قميص ابيض وشفاف ومحتشم الا انه كان حفر بس مطلع جمالها وانوثتها وشوي ويدخل فيصل وابتسم يوم شافها قاعده وقالها عن اذنك شوي وراح يبدل ملابسه واتصل بالهوم سيرفس يطلب لهم عشاء وقعد جمبها بنفس الصوفا وهي ماحاولت تتكلم ولاكلمه ومنزله عيونها للارض
فيصل وهو مبلم ويطالعها قطع فيصل الصمت وقال:ابي اعرف وش اللي موجود بالارض ومو موجود فيني؟
اماسي:...............
فيصل حط يده عند دقنها ورفع راسها وقال: شفيك يالغاليه؟
اماسي:.....................
فيصل: اماسي حبيبتي تكلمي ليش ساكته ودي اسمع صوتك
دمعت عيون اماسي وانقهر فيصل : افااااااااا ليه هالدمعه يااماسي ليه؟
اماسي: ...................
فيصل بمرح: اخاف بس عمي قص علي وعطاني بنته طرماء
اماسي بدون شعور: لا والله
راح فيها فيصل: واخيرااا تكلمتي وسمعتني صوتك
انحرجت اماسي
فيصل: اوعدك يالغاليه ماتنزلين دمعتك مره ثانيه ابدا الا اذا كانت دموع فرح
كبر فيصل بعيون اماسي اكثر واكثر لدرجه انها نست دلال وكلامها وقالت: مشكور يافيصل
فيصل: العفو ياعيون فيصل وتجرأ ومسك يدها وقال: كلميني عن نفسك
اماسي: امممم مااعرف انت اسألني وانا اجاوب
وشوي الا ويدقون الهوم سيرفس عصب فيصل وتمنى انه مااتصل عليهم وقال لها: عن اذنك يالغاليه ودخل العشاء وقال لها : وش رايك نكمل الكلام وحنا نتعشى
انحرجت اماسي لانها رح تتعشى وهو يطالعها وقالت: لا ماله داعي انا مو جوعااانه((كذاااابــه))
فيصـل: طيب انا جوعان ومارح اكل الا لما تاكلين وياي وتأكليني بعد يرضيـك تجوعيني
اماسي قالت بخاطرها((شفيه هذا مره جرئ)) وقالت له : طيب الحين بجي
وقعدوا يتعشون لين شبعوا وبعدها ناموا ^_^
<<<اليوم التالي ببيت ابو سعود>>>
كانت دانه قايمه من الصبح وفاقده اختها وقعدت بغرفتها تتأمل اغراضها وتطالع غرفتها شوي وتصيح ويجيها سلطان
سلطان:هلا دندون
دانه: هلا سليطن
سلطان وحس ان اخته متضايقه من فراق اماسي: دانه شرايك تنزلين تحت الكل متجمع لان اماسي رح تجي بعد شوي
دانه وتغيرت ملامحها: اماسي يلا وش تستنى قدام
ونزلوا وبالصاله
بو سعود: دام زواج اماسي والحمدلله الحين جاء دورك عشان نخطب لك بنت عمك
سعود: أي بنت عم
بوسعود: حصه بنت عمك صالح شفيك ليكون هونت
سعود: ماهونت بس
ام سعود: خل الولد على راحته ياعبدالله
ابوسعود: لا والله يختار البنت ويبيها وبعدها يقول لا خير ان شاء الله بنت عمه مو لعبه عنده
سعود: انا ماقلت كذا يبه بس
وتتدخل دانه (يقال لها بتلطف الجو): لا بس ولاشي ياسعود حصه تراها جنان انت ماشفتها امس مع فستانها الليموني طالعه جناان
ويقول بخاطره(هي اكيد اللي امس)) ويغمز لدانه: كانت كاشخه
دانه: أي كاشخه
بو سعود وهو معصب من برود ولده: وش الكلام ذا تبيها والا لا
سعود: أي يبه ابيها مو عيال عبدالله بن صقر اللي يردون بكلمتهم كلم عمي يايبه وتوكل على الله
بوسعود: ونعم الراي ياولدي
سلطان ومسوي زعلان: وانا ليه ماتخطبون لي؟
ام سعود:اذا راكان اللي اكبر منك ماقال شي تجي انت وتقول ابي اتزوج
سلطان: لا موشرط هذي اماسي تزوجت قبل سعود مع انها اصغر منه
بوسعود بحزم: اماسي بنت وجاها نصيبها ولاتنسى ان بوسعود كان متزوج قبل يعني هو قبلها وبعدين المسأله مو مسأله قبل وبعد انا نويت ازوجكم وماتاخذون الا من بنات عمكم
سلطان : شمعنى يبه وليه ماناخذ من برى
بوسعود: أي عشان الغريب يلعب بحلال بنات عمكم ماتاخذون الا بنات عمكم وبس
وتتدخل ام سعود: بس يابو سعـ
بوسعود: لابس ولاشي سكتت لك اول مره وخربتي على هالمسكين حياته وضيع سنين من عمره مع وحده تافهه وسطحيه والحين بعد تبين تخربين على الباقي مالهم الا بنات عمهم وبس وحتى دانه مارح تاخذ الا واحد من اعيال عمها
الكل تفاجأ من رد ابو سعود وسكتهم وخلاهم مذهولين ويطالعون فيه لانه ولاول مره يعاند مرته ام سعود بس الظاهر من جد طفح الكيل واللي تضايق اكثر شي هو راكان لانه مايحب يتزوج بالطريقه هذي بس اللي ماتعرفونه عن راكان هو انه هادي بس رومنسي حيل ويتمنى انه يتزوج وحده يحبها وتحبه
<<<ببيت ابو فيـصـل >>>>
كانوا رنده ونوف قاعدين بالمطبخ يسون حلا عشان جيه فيصل اللي ينتطرونها
نوف: اوكي خلاص الحين بحطها بالفرن وبجي
رنده: والله انك طباخه ممتازه بس تتوقعين انها تطلع حلوه
نوف: انتي شرايك؟
رنده: بصراحه بتطلع حلوه لانها منك ولانك ولامره سويتي لنا كيكه بايخه....ويدخل نايف
نايف: مرحبا بنات
البنات: مرحبتين
نايف: وش هالريحه الحلوه
رنده:هذي نوف مسويه كيكه
نايف: شعندها
رنده:عشان جيه فيصل
نايف: ليه مادريتوا
نوف:عن شنو؟
نايف: فيصل مارح يجي عالغدا ابوي رح يسوي له عشاءبالاستراحه
رنده: يووووه بس هو ماقال ان فيصل بيتغدى عندنا
نايف: واماسي قالت لاهلها انها بتتغدى عندهم وابوي قال مره وحده نسوي العشا بالاستراحه عشان الكل يجي
نوف: الكل مين لاتقول بنات عمي صالح بيجون؟
نايف بزمره: شرايك يعني اذا مارح يجون انا اللي بجيبهم
نوف وهي متوهقه: زين لاتعصب
نايف وهو معصب: لا مارح اعصب بس لاتعودينها ويطلع
رنده: الله يعيننا على مقابل الرباعي المرح
نوف: هههههه منهو الرباعي المرح؟
رنده: ام محمد ودلال ومروه وانضمت لهم عمتي مشاعل
نوف: هههههههه لاعيب لاتقولين كذا
رنده: الا والله امس ماشفتيهم شلون قاعدين وهات ياحش بالرايح والجاي
نوف: حتى لو عيب هذي عمتك ومرت عمك وبنات عمك
رنده: أي مو هذي المشكله
<<<بالفندق>>>
صحت اماسي من بدري وقعدت وخذت شور وغيرت ملابسها وبعدين قعدت تتأمل فيصل اللي رايح فيها من النوم وصحته لكنه ماطاع وراحت تطلب لهم فطور من الروم سيرفس ورجعت لفيصل
اماسي: فيصل فيصل يلا قووم قوم افطر فيصل طيب قوم صلي الظهر ثبل لاتفوتك
واخيرا قام فيصل : صباح الحب والجمال
اماسي: فيصل
فيصل: عيووونه وقلـــبــه
حمر وجه اماسي: ممكن تقوم؟
فيصل: ممكن ونص ياعيـون فيصل
راحت فيها اماسي: طيب عن الكلام الحلو وقوم
فيصل: الحلو للحلو ويغمز لها ويقوم ياخذ شور سريع ويصلي الظهر ويطلع لها وشافها لابسه فستان هادي لحد الركبه وكات من فوق وشعرها مسيحته وملفوف على تحت تخبل على شكلها
فيصل: وش هالجمال يااماسي
اماسي وهي منحرجه: من ذوقك
فيصل ويجلس جمبها بنفس الصوفا: بس من ذوقي
توهقت اماسي وقامت جابت الاكل وقالت : عمي اتصل اليوم وقالي بالليل رح يسوي لنا عشا بالاستراحه
فيصل: خلنا من عمك وقولي يادلوعتي وش اخبارك؟
اماسي وجهها مولع: فيصل
فيصل: عيــووونه تصدقين اول مره اعرف ان اسمي حلو كذا يا عمري والله قولي لي فيصل مره ثانيه
اماسي رايحه فيها: فيصل ممكن تفطر..؟
فيصل: ممكن ياعمر فيصل بس اذا اكلتيني بيدك
اماسي: وليه ماتاكل بيدك انت
فيصل: الاكل من ايدك له طعم ثااااني
اماسي: طيب
فيصل: طيب اكليني
اماسي: فيصل
فيصل: ياروح فيصل
اماسي: اعقل
فيصل: لا انا ماابي فطور
اماسي: لا تعال الحين بفطرك
استانس فيصل انه قدر يغير رايها وقعد ياكل معاها او بالاحرى ياكلها وتاكله وشوي يدق جواله
فيصل: الو هلا يبه انا بالفندق ايه قالت لي اماسي على العشا ان شاء الله لاعشاننا بنسافربكره اوكي ان شاء الله باي
اماسي: نسافر وين بنروح
فيصل: شهر العسـل ياعسل انتي
اماسي: اوكي
فيصل: طيب ماسألتيني وين
اماسي: مو مهم المهم نكون مع بعض
استانس فيصل اول مره تقوله كلام حلو: اماسي
اماسي: نعم
فيصل: احبك
حمر وجه اماسي وضاعت علومه: شكرا
فيصل: بس شكرا
اماسي:...........
فيصل: يابخيله
اماسي رايحه فيها واما فيصل القلب سلم لك امره في حالتي انت ادرى يللي حنانك وطيبك تنحط ع الجرح يبرى
اماسي: يوووه كلمات هالاغنيه حلوه حيل
فيصل: بس كلماتها الاشرايك بصوتي حلو والا نشاز
اماسي: حلو
فيصل: بس صوتي
اماسي: فيصل شرايك نروح الاستراحه
فيصل: الحين الساعه12 لاحقين نروح الاستراحه
اماسي: بس فشله خلينا نروح من الحين
فيصل: اماسي انت حلمي من اكثر من عشر سنين وياما وياما تمنيت هاللحظه اني اكون معاك وتبين الحين يوم تحققت امينتي وصرتي مرتي اوديك واجيبك انا لو يحصلي احطك بقفص بس عشان محد يشوفك غيري
اماسي وتقول بخاطرها( اكثر من عشر سنين ودلال؟) : ويهون عليك تحبسني
فيصل: لا مايهون بس شرايك احبسك بقلبي
حمر وجه اماسي وطبعا فيصل استغل الفرصه وزاد بالكلام الحلو^_^
<<<ببيت ابو محمد>>>>
كانت مروه بغرفتها وجاتها دلال
دلال: عندي لك خبر بمليون ريال
مروه: خير ياام الاخبار
دلال وتسحب المنديل اللي بيد مروه: خير شنو هذا؟
ومروه وتاخذه منها: جيبه
دلال: طيب شنو هذا
مروه: منديل
دلال: عارفه بس شنو عليه ياام كلثوم؟
مروه: هههه بايخه وعن الطناز منديلي فيه اسم فهد مطرز عليه
دلال: منو سواه
مروه: انا
دلال وهي ماسكه نفسها من الضحكه: عاشت الخياطه
مروه: لاتتطنزين وبعدين انا اعرف اطرز بس اسم فهد لان برستيجي مايسمح لي اطرزشي ثاني
دلال: ياعيني على الحب مطرزه اسمه على منديلك ولابسه سلس فيه حرفfوالله انك فاضحه عمرك
مروه: وانتي شيخصك
دلال:بالطقاق لايروح عليك بس انتبهي له
مروه وتقول بخاطرها(ليه غبيه مثلك): المهم وشوا الخبر اللي عندك؟
دلال: عمي بوفيصل مسوي عزيمه للعيله كلها بالاستراحه ورح يجي فيصل
مروه وتنقز لها: وفهد بيجي؟
دلال: اكييييييييييييييييييييييييييد
مروه: اجل خليني اطلع احلا ماعندي من لبس
<<<<بــــالاســـتراحـــهـ >>>>
كانت ام محمد وبناتها اول الواصلين بعد بوفيصل واعياله والكل كاهي لاهي بالمطبخ مع الخدم واللي بحضر القهوه واللي يكلم بالجوال(مشاعل) كلن يغني على ليلاه الكل مستانس الامشاعل اللي جايه غصب وراحت مروه عند رنده تتلصق وتسألها عن حبيب القلب
مروه: هلا رنود
رنده ونقزها قلبها منها: هلا مروه
مروه: شلونك ؟ شخبارك؟
رنده:تمام الحمدلله
مروه: الا رنوده ليه ماتسلمين ..؟
رنده: لاني كنت شوي مشغوله سوري
مروه: لاياقلبوو انا مااعاتبك الا لاني احبك
رنده وقاعده على اعصابها: أي صح
مروه: اخبار الاهل؟
رنده: الحمدلله
مروه: واخبار...
رنده: مين؟
توهقت مروه وقالت: اخونك ودراستك بشكل عام
رنده: ايه صح نسيت اقولك نجحتي بنسبه 94,45 %
مروه ومسويه فرحانه: والله بس شدراك؟
رنده: اخوي فهد شاف لنا نتايجنا من فتره؟
مروه: فـهـد
رنده: أي فهد
مروه: وشلون شافها لنا
رنده: معارفه
مروه وتقول بخاطرها( ياقلبي يافهودي): ليه هو عنده معارف؟
ووتتدخل دانه : هااي بنات ويسلموون عليها وانقهرت مروه
دانه: مروه
مروه: هلا
دانه: وين سرحتي
مروه: معاكم
دانه: مبروك النجاح
مروه: الله يبارك فيك عن اذنكم بروح وتروح
دانه: اخبارك ياعسل ازايك؟
رنده: كويسه والحمدلله انتي ازيك
دانه: منيحه الا وين عنودي
رنده وهي مقهوره: ماجات
دانه : ليه
رنده: نسيتي ان العشا عائلي
دانه: أي صح ياشين لـ قالوا عائلي
وبالمطبخ كانت ام عبدالله واقفه على راس الخدم عشان تحب تشرف على كل شي بنفسها ومعاها نوف وحصه
حصه: خلاص ياجدتي انتي روحي وحنا بنكمل
ام عبدالله: لا ماابي اتعبكم
نوف : افاااا ياجدتي تعبك راحه احنا كم ام عبدالله عندنا
حصه: وحده وتتدلع علينا بعد ههههههههه
ام عبدالله:هههههههههههه الله يخليكم لي يايمه انا بروح اصلي العصر وبرجع لكم بعد شوي
نوف: اوكي يمه ولو ان حنا نفضل راحتك
ام عبدالله: راحتي وياكم يابناتي وتروح
حصه: الا نوف متى بيجون فيصل واماسي
نوف: والله ماادري علمي علمك
حصه: تخيلي يسحبون علينا ومايجوون
نوف: هههههههه يحق لهم عرسان بس مايسونها
حصه: ادري انهم مايسونها بس قاعده احتمل احتمال فاشل هههههههههههههه
نوف: حصه شفيك امس رحتي بدري
حصه وتغيرت ملامح وجهها: محمد كان يبي يرجعنا بدري
نوف: خساره والله فقدتك امس
حصه: ماتفقدين غالي يانوفا هذاني عندك
نوف: ههههههههه جعله دوووم
<<<بمجلس الرجال>>>
كان الكل يسولف ويضحك الا فهد اللي احواله وعلومه متغيره بس قاعد يفكر وسرحان سرحان فيها رغم انه ماشافها بس سمع صوتها ومعقوله فيه حب بهالطريقه والا انا قاعد اتوهم وشلون اكون حبيتها وانا ماسمعت الا صوتها يمكن يكون مجرد اعجاب بس شلون ياالله احس ان راسي بينبط من كثر التفكير فيها ..... وماحس الا بضربه على كتفه قطعت عليه افكاره ومخيالته
محمد: هلا والله بولد العم
فهد: هلا محمد شلونك؟ وينك ووين دنياك
محمد: موجود ولي ساعه داخل بس اللي ماادري وين سرحان
فهد: لابس شردت شوي
محمد: احنا من الصبح نتكلم وانت اللي ماادري وينك بعالم ثاني ليكون تحب(ويغمز له)
فهد: ومين فينا مايحب يامحمد
محمد: هاه بشر منهي تعيسه الحظ
فهد: لا والله قول منهي اللي داعيه لها امها
محمد: الا داعيه عليها
فهد: جزاك الله خير
محمد وهو يضحك:هههههههههههه وراك زعلت ياولد العم
فهد: ياسلام تقتل القتيل وتمشي بجنازته
محمد: لا شدعوه فهد تزعل مني انا رفيق عمرك
فهد: مازعلت بس انت صاير تقهر هاليومين
محمد: والله انا مثل ماانا ماتغيرت بس انت اللي متغير يمكن من الحب
فهد: حموووود وبعدين
محمد: هههههههههه خلاص سحبناها
وشوي الا بوسعود يتكلم بصوت عالي خلا الكل يطالع فيه
بوسعود: وبهالمناسبه السعيده احب اطلب يد حصه لولدي سعود هاه وشقلت يابومحمد؟
بومحمد: مااقول الا الشور شورك والراي رايك والبنت هي بنتك
سعود: بس انا حاب اسمع رايها ياعمي
بومحمد: واحنا من متى نسمع راي الحريم الراي رايي وهو الاهم
بوسعود: ونعم الراي يابو محمد عداك العيب
بوفيصل: الله يتمم بخير بس انا حاب اقولكم ان بوخالد خاطب يد بنتي نوف وانا ابعطي الرجال كلمه بأسرع وقت
بوسعود: افاااااااااا تعطي بنتك الغريب واعيالنا موجودين
بوفيصل: والله محد طلبها ولاتكلم عليها
بوسعود: انا اخطب بنتك نوف لواحد من اعيالي
توهقوا سلطان وراكان الكل يطالع فيهم وموقفهم محرج راكان عصب لانه على الارجح رح يقولون راكان ياخذها لانه الاكبر العيال ساكتن وعصب ابوهم لكنه صرفها وقال: انا رح ابلغ ام سعود لانها كانت حاجزه نوف لواحد من اعيالها ......... وهدت السالفه شوي وشوي يجون فيصل واماسي رحبوا الرجال بفيصل اما اماسي فراحت عند الحريم
بوفيصل: هلا والله بولدي وينك ماتنشاف ولا ترد على جوالك
بوسعود: ماينلام نايم بالعسل
بومحمد:ههههه الف مبروك يا وليدي ياشدوا حيلكم نبي نشوف عيالكم
فيصل: لاياعمي توا الناس على العيال
بو محمد: وليه توا الناس شللي يمنع
بوفيصل: نبي نتمتع بحياتنا
بوسعود: وش ذا الكلام وراء ماتتمتع بحياتك انت ومرتك وعيالك
قام نايف ويتدخل لانهم مسخوا السالفه: يعني يافيصل تنصحنا بالزواج
فيصل: أي والله انصحكم واسعجلكم بالزواج بعد
نايف: والله حمستني للزواج
بوفيصل: يلا انت اختار لك وحده من بنات عمك وانا اعطيك اياها
نايف وحس انه تورط: خير ان شاء الله
سعود ( يقال له بيلطف الجو) : بس الزواج مسؤوليه
بومحمد: زواجك الاولي فشل لانك ماخذت من بنات عمك لكن ان شاء الله زواجك الجاي رح ينجح
تدخل محمد وقال: طيب ماخليتنوا نبارك لفيصل
<<<< عند الحريم >>>
ام سعود: الف مبروك يابنتي
اماسي : الله يبارك فيك يمه
دانه: ماقلتي لي متى بتسافرون؟
اماسي: اليوم الفجر
ام عبدالله: لسه يابنتي توا الناس مالحقنا نشبع منكم
رنده: ماينلام فيصل اليوم حرقت تلفونه ومايرد اثره نايم بالعسل
ام محمد بقهر: كذا كل الرجاجيل بس اول اسبوعين وبعدين يطلعون على حقيقتهم
نوف وتبي تقهرها: لاياعمتي فيصل غير كل الرجاجيل واماسي حلمه من زمان وحقيقته هي حب اماسي
مروه بقهر: ليه غير كل الرجاجيل على راسه ريشه؟
مشاعل : يمكن هههههههههه ويطقون ايدهم ببعض
رنده: فيصل يحب اماسي واهم شي انهم مع بعض وكلام العذال مايهم
مروه: منو تقصدين بالعذال ترى اخوك مايهمني
رنده: بس يهم غيرك وماعطاهم وجه
طاح وجه دلال وانقهرت وقالت ام محمد : افااا ياام فيصل يرضيك ان بنتك تهين بناتي
توهقت ام فيصل وقبل ماتتكلم قالت اماسي: ياجماعه فيصل زوجي بالاول والاخير وماارضى انكم تتكلمون عليه وتقوم دلال
دانه: تغارين
اماسي: اكيد اغار هذا زوجي وحبيبي ويرن جوالها
< ملك روحي> القـلـب سلم لك امره في حالتي انت ادرى
رنده: ردي ليروح اخوي فيها
وترد اماسي: الو هلا فصولي
راح فيصل فيها: هلا ياروح فيصل
اماسي: فيصل بغيت شي
فيصل: ايه
اماسي: شنو
فيصل: بغيت مرتي
اماسي:طيب انا اكلمك الحين
فيصل :لا ابيك بالمطبخ تعالي
اماسي: أي بس مااقدر
فيصل: عشاني
اماسي: طيب بحاول لحظه
فيصل: انتظرك
عصبت من كلامهم داخل وعصبت لانها ماقدرت تسوي شي وراحت للمطبخ عشان تاكل لان من طبعها اذا عصبت تروح تاكل دخلت المطبخ وعلى طووول توجهت للثلاجه
لمح فيصل وحده دخلت وقال لها: حبيبتي ماتأخرتي على
الا على جيته اماسي اللي كانت تتسمع
دلال( الصوت مو غريب علي كأنه صوته التفت وقالت بدلع): فيــــــــــــــصـــــل
##انتــــهى الجـــــزء الثــــالث##
|
|  |